Category Archives: Paisa News

Paisa News – News about Business and Finance

Paisa News

தொழிலாளர் வருங்கால வைப்பு நிதிக்கான வட்டி- 8.55 % ஆக குறைப்பு

Leave a comment

தொழிலாளர்  வருங்கால  வைப்பு நிதிக்கான வட்டி விகிதம் – 8.55 % ஆக குறைப்பு

 

EPF Interest rate cuts to 8.55 % for 2017-18

தொழிலாளர் வருங்கால வைப்பு நிதி அமைப்பு (Employees’ provident fund organisation) தனது 220 வது மத்திய குழு கூட்டத்தை கடந்த புதன் கிழமை (21.02.2018) நடத்தியது. இந்த கூட்டத்தில் தொழிலாளருக்கான அமைச்சர் திரு. சந்தோஷ் குமார் கங்கவார் கலந்து கொண்டார். கூட்டத்தில் வருங்கால வைப்பு நிதிக்கான வட்டி விகிதத்தில் மாற்றம் செய்யும் விஷயங்கள் அறிவிக்கப்பட்டது.

 

தொழிலாளர் வருங்கால வைப்பு நிதிக்கான வட்டி விகிதத்தை 2017-2018 நிதியாண்டுக்கு 8.55 % ஆக நிர்ணயித்தது. இந்த நிதியாண்டு அடுத்த மாதம் மார்ச்சில் முடிவடைகிறது. கடந்த நிதியாண்டை ஒப்பிடுகையில் தற்போது அறிவிக்கப்பட்ட வட்டி விகித மாற்றம் 0.10 % (10 basis points) குறைவு.

 

கடந்த 2016-17 நிதியாண்டின் வட்டி விகிதம் 8.65 % ஆகவும், 2015-16 ல் இது 8.8 % வட்டியாகவும் இருந்தது குறிப்பிடத்தக்கது. இந்த வட்டி விகித குறைப்பு சுமார் 6 கோடி பி.எப். சந்தாதாரர்களை பாதிக்கும் எனவும், கடந்த 8.65 % (2016-17) வட்டி மூலம் 695 கோடி ரூபாய் உபரியாகவும்(Surplus) இருந்ததாக கூறப்பட்டுள்ளது. ஆனால் இந்த நிதியாண்டின் 8.55 % வட்டி தாக்கத்தால் 586 கோடி ரூபாய்  எதிர்பார்க்கப்படும் உபரியாக இருக்கும் என சொல்லப்பட்டுள்ளது.

 

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

 

 

மேலும் அமைச்சர் சந்தோஷ் குமார் கங்கவார் கூறும் போது, “ இந்த அமைப்பு (EPFO) கடந்த இரு மாதங்களில் (January and February) பங்குச்சந்தையில் ரூ. 3700 கோடி மதிப்பிலான பங்குகளை விற்றதாகவும், அதன் மூலம் ரூ.1010 கோடி வருவாய் கிடைத்திருப்பதாகவும் “ கூறினார்.

 

பொது வருங்கால வைப்பு நிதி (Public Providend Fund -PPF)  வட்டியை காட்டிலும் தொழிலாளருக்கான வருங்கால வைப்பு நிதி வட்டி விகிதம் அதிகம் இருப்பதையும் மேற்கோள் காட்டியுள்ளது. தற்போதைய PPF வட்டி விகிதம் –  7.6 %  ஆகும்.

 

நிறுவனங்கள்  செலுத்தும் நிர்வாக செலவினங்களை (Administrative Expenses by Employers)  0.65 % லிருந்து 0.5 % ஆக குறைக்க முடிவு செய்துள்ளது. EPFO அமைப்பு ஏற்கனவே பங்குச்சந்தையில் முதலீடு செய்யப்படும் நிதி வரம்பையும் அதிகரித்துள்ளது. முன்பு 20 பேர் கொண்ட நிறுவனங்கள் மட்டுமே வருங்கால வைப்பு நிதிக்கு விண்ணப்பிக்கும் நிலை மாறி, தற்போது 10 பேர் கொண்ட நிறுவனமாக இருந்தால் போதும் என்ற விலக்கும் EPFO ல் உள்ளது.

 

பட்ஜெட் 2018 லும் வருங்கால வைப்பு நிதியில் பெண்கள் (Women’s Contribution) தாங்கள் வேலைக்கு சேர்ந்த முதல் 3 வருடங்கள், தங்களது வருமானத்தில் 8 சதவிகிதம் மட்டும் செலுத்தினால் போதும் என அறிவிக்கப்பட்டுள்ளது. இதற்கு முன்பு அனைத்து தரப்பினருக்கும் இருந்த 12 % பங்களிப்பு (PF Contribution) பெண்களுக்கும் இருந்தது குறிப்பிடத்தக்கது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

மொத்த விலை பணவீக்கம் (WPI) – 2.84 % – ஜனவரி 2018

Leave a comment

மொத்த விலை  பணவீக்கம் (WPI) – 2.84 % – ஜனவரி 2018

Wholesale Price Index (WPI) Inflation eases at 2.84 % – January 2018

 

  • நாட்டின் மொத்த விலை  பணவீக்கம் ஜனவரி (Jan, 2018) மாதத்தில் 2.84 % ஆக குறைந்துள்ளது.

 

  • இந்த  குறைவு  கடந்த  ஆறு மாதங்களில்  இல்லாத  சரிவாகும். உணவு பொருட்கள் மற்றும் எரிபொருள் ஆகியவற்றின் விலை குறைவால் இந்த 2.84 % அளவு ஏற்பட்டுள்ளது. கடந்த டிசம்பர் 2017 ல் நாட்டின் மொத்த விலை பணவீக்கம் 3.58 %  ஆக  இருந்தது குறிப்பிடத்தக்கது.

 

  • சமீபத்திய குறைவாக, கடந்த ஜூலை 2017 ல் 1.88 % ஆக இருந்தது. கடந்த டிசம்பர் 2017 –  ஜனவரி 2018 ஒப்பிடுகையில், ஜனவரி மாதத்தில் காய்கறிகளின் விலை குறைந்தும், வெங்காயத்தின் விலை சற்று அதிகரித்தும் காணப்பட்டது. கோதுமை, முட்டை, மீன் மற்றும் மாமிசத்தின் விலை குறைவாகவும், பழங்களின் விலை அதிகமாகவும் இருந்திருக்கிறது.

 

  • ஜனவரி 2018 மாதத்துக்கான சில்லரை பணவீக்கம் (Consumer Price Index – CPI) – 5.07 % ஆகும். இதன் அடிப்படையில் தான் பாரத ரிசர்வ் வங்கி (RBI) வங்கிகளுக்கான  ரெப்போ (REPO) விகிதத்தை அறிவிக்கிறது. நமது நாட்டில் பணவீக்க அளவீடை கண்டறிய, WPI மற்றும் CPI என இரு வகையான முறை கடைபிடிக்கப்பட்டு வருகிறது.

 

  • இதனிடையே நாட்டின் மொத்த உள்நாட்டு உற்பத்தி (GDP), தொழில்துறை உற்பத்தி குறியீடு (IIP), மற்றும் சில்லரை பணவீக்கம் (CPI) ஆகியவற்றின் அடிப்படை காலத்தை மாற்றியமைக்க மத்திய அரசு திட்டமிட்டுள்ளது.

 

  • இதன் படி, மொத்த உள்நாட்டு உற்பத்தி மற்றும் தொழில்துறை உற்பத்தி குறியீடு இந்த நிதி ஆண்டு ( 2017-18) அடிப்படையிலும், சில்லரை பணவீக்கம் முன்னிருந்த 2012 லிருந்து இந்த ஆண்டு 2018 முதல் அடிப்படை ஆண்டு என கணக்கிடவும் திட்டமிட்டுள்ளது.

 

  • தக்காளி, வெங்காயம் மற்றும் உருளைக்கிழங்கு (TOP) ஆகியவற்றின் விலை ஏற்ற – இறக்கத்தை சரி செய்ய, ஒரு நிலையான மாதிரியை உருவாக்க திட்டமிட்டுள்ளது என கடந்த பட்ஜெட் 2018 ல் தெரிவிக்கப்பட்டது.

WPI India Jan 2018

(Data courtesy: Trading Economics)

 

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

Paisa News

பட்ஜெட் 2018 க்கு பிறகு பங்குச்சந்தை முதலீடு எப்படி ?

1 Comment

பட்ஜெட் 2018 க்கு பிறகு  பங்குச்சந்தை  முதலீடு  எப்படி ?

 

Share Market after impact of Budget 2018 ?

 

சமீபத்தில் (09.02.2018)  மதுரை பார்ச்சூன் பாண்டியன் ஹோட்டலில்(Fortune Pandiyan Hotel)  நடைபெற்ற முதலீட்டாளர்களுக்கான கூட்டம் – தேசிய பங்குச்சந்தையின் கூட்டுடன் கோயம்புத்தூர் கேப்பிடல் நிறுவனம் (Coimbatore Capital) சார்பில் நடைபெற்றது.

 

 

முதலீட்டாளர் கூட்டத்தில் பட்ஜெட் 2018 க்கு பிறகான பங்குச்சந்தை தாக்கம் குறித்து  அலசப்பட்ட சில விஷயங்கள்:

 

 

நிறுவனர்  திரு. D. பாலசுந்தரம் (Coimbatore Capital, Founder and Director of Coimbatore Stock Exchange Limited ) பேசுகையில்…

 

  • பொதுவாக  பட்ஜெட்டின்  தாக்கம் 10 வருடங்களுக்கு  பிறகு தான்  ஏற்படும், உடனடியாக  அதன்  தாக்கம்  நடைபெறாது. உதாரணத்திற்கு மத்திய அரசின் 100 நாள் வேலை திட்டமும் பல வருடங்களுக்கு பிறகு தான் வெற்றியடைந்துள்ளது. அது போல, பட்ஜெட்டில் அரசு அறிவிக்கும் விஷயங்கள் மெதுவாக வளரலாம் என்றார்.

 

  • நடப்பு கணக்கு பற்றாக்குறை (Fiscal Deficit) – வங்கி வட்டி விகிதத்திலும், பணவீக்கத்திலும் தாக்கம் ஏற்படுத்தலாம்.

 

  • வட்டி விகிதம் உயர்ந்தால், முதலீட்டாளர்கள் பத்திர சந்தை (Bond Market) நோக்கி செல்வார்கள். அதே நேரத்தில் வட்டி விகித உயர்ந்தால், நிறுவனத்தின் லாபம் குறையலாம்; அதன் பாதிப்பு பங்குச்சந்தையில் வெளிப்படும். எனவே குறைந்த வட்டி விகிதம் கடன் பெறுபவர்களுக்கு வளர்ச்சியை கொடுக்கும்.

 

  • கொள்முதல் மேலாளர் குறியீடு (Purchasing Manager’ Index – PMI) என்பது ஒரு உற்பத்தி துறையின் பொருளாதாரத்திற்கு ஆரோக்கியம் மற்றும் அவசியமான அடையாளம். இந்த குறியீடு தற்போது நன்றாக உள்ளது. இது சந்தைக்கும் நல்ல விஷயம்.

 

  • பங்குச்சந்தையில் தாக்கத்தை ஏற்படுத்தாத துறைகள் – பாதுகாப்பு (Defence), அரசு ஊழியர்களின் சம்பள விகிதம்.

 

  • வங்கிகளில் வைப்பு நிதிக்கான வட்டி விகிதம் குறைந்து வரும் நிலையில், வங்கி முதலீட்டை கடன் சந்தையில் (Bond / Debt Market) செய்யலாம்.

 

  • பொருள் சந்தையும் (Commodity Market), பங்குச்சந்தையும் இணைக்கப்படலாம். இதன் நிகழ்வு இந்த வருடத்தின் கடைசியில் நடைபெறலாம்.

 

  • வரி செலுத்துவோரின் எண்ணிக்கை அதிகரிக்கும் போது, வரி விகிதங்கள் குறைக்கப்படலாம் என கூறினார் (If Tax Payers will increase, tax rate may decrease).

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

 

 

 

தேசிய பங்குச்சந்தை சார்பில் துணை மேலாளர் திரு. சங்கமேஸ்வரன் பேசுகையில்,

 

  • கடன்  வாங்கி, பங்குச்சந்தையில்  ஈடுபட  வேண்டாம் (Don’t borrow and invest).

 

  • பங்குச்சந்தையை பற்றி  புரியாதவர்கள் பங்குச்சந்தையில்  முதலீடு  செய்ய  வேண்டாம். அவர்களுக்காக  வங்கி  மற்றும் அஞ்சலக  திட்டங்கள்  உள்ளன. பரஸ்பர  நிதியிலும் (Mutual Funds) முதலீடு  செய்யலாம் (Don’t invest, if you are not aware of Share market).

 

  • உங்களுக்கான  தேவைகள்  மற்றும்  நிதி  இலக்குகளை  சார்ந்து  சந்தையில்  முதலீடு  செய்யுங்கள் (Stick to Financial goals).

 

  • Asset Allocation  ஐ புரிந்து சரியாக முதலீடு செய்யுங்கள்.

 

  • பங்குச்சந்தையில் உங்கள் பரிவர்த்தனையை சரி பாருங்கள் மற்றும் உங்களுக்கான ஒப்பந்த சீட்டு (Digital Contract Note) தகவல்களை முழுவதுமாய் படித்து பாருங்கள்.

 

  • பங்குச்சந்தை தரகரிடம் நீங்கள் செலுத்திய பணம் மற்றும் பண பாக்கி சரியாக உள்ளதா என பார்த்து கொள்ளுங்கள் என்றார்(Verify settlement of funds and securities).

 

இறுதியாக, SEBI பதிவு பெற்ற ஆராய்ச்சி ஆய்வாளர் டாக்டர்  கார்த்திகேயன் ( SEBI Regd. Research Analyst) அவர்கள் பேசும் போது,

 

  • ஒரு  முதலீட்டாளரின்  ரிஸ்க்  என்பது  பணம்  மற்றும்  வாய்ப்பில் (Money and Opportunity)  தான்  உள்ளது. அதனால்  பணத்தை  கொண்டு  சரியான  வாய்ப்பை  நோக்குங்கள். இரண்டையும்  இழந்து  விட  கூடாது.

 

  • ஒரு  நீண்ட  கால  முதலீட்டாளர் மூன்று  நிலைகளை (Low Return, Zero Return, Negative Return)  கடந்து  தான்  செல்வத்தை  பெருக்க  முடியும். அதனால் சந்தையில்  பொறுமை  அவசியம்.

 

  • LTCG Tax  இருந்தாலும், சந்தையில்  கிடைக்கும்  வருமானம்  பணவீக்கத்தை விட  அதிகம்  தான்.

 

  • பட்ஜெட்  2018 க்கு  பின், சந்தை  இறக்கம் ஒரு  தற்காலிகமே; தொழில்துறை  முன்னேறுவதற்கான  காலங்கள்  அடுத்த  5 – 10 வருடங்கள். அதனால்  சந்தை நன்றாக  தான்  இருக்கும்.

 

  • வெளிநாட்டு  முதலீட்டாளர்கள்  தங்கள்  முதலீட்டை சந்தையிலிருந்து  முதன்மை சந்தைக்கு எடுத்து போயுள்ளனர். அதே போல அவர்கள் கடன் சந்தையிலும் முதலீடு செய்கின்றனர். அதன் தாக்கமே கடந்த சில நாட்களாக உள்ளதாக தெரிவித்தார். அமெரிக்க வட்டி விகித மாற்றம் வரலாம் என்ற எதிர்பார்ப்பும் சந்தையை இறக்கின.

 

  • மொத்தத்தில், சந்தை நீண்ட காலத்தில் நன்றாக இருக்கும் எனவும், பட்ஜெட் 2018 ல் கூறியுள்ள அம்சங்கள் அமலாகும் போது சந்தை மற்றும் தொழில் முன்னேறும் எனவும் அவர் கூறினார்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

ரிசர்வ் வங்கி நிதி கொள்கை -RBI- Feb 2018

Leave a comment

ரிசர்வ் வங்கி நிதி கொள்கை -RBI- Feb 2018

  • மத்திய ரிசர்வ் வங்கி (Reserve Bank of India – RBI) தனது 2018 க்கான  நிதி கொள்கை குழுவில், வங்கிகளுக்கான வட்டி விகித தகவலை இன்று (07.02.2018) வெளியிட்டது.

 

  • சென்ற நிதி கொள்கையில் வெளியிட்ட  குறுகிய கால கடனுக்கான ரெப்போ (Repo Rate) விகிதத்தையே, இம்முறையும் அறிவித்தது. வங்கிகளுக்கு வழங்கும் குறுகிய கால கடனுக்கான ரெப்போ விகிதத்தை 6 % ஆக தொடரும் எனவும், அதில் மாற்றமில்லை என வெளியிட்டுள்ளது.

 

            What is a Repo Rate ? ( வங்கிகளின் வட்டி விகிதங்களை அறிவோம் )

 

  • பணவீக்க மதிப்பீட்டையும் ஜனவரி – மார்ச் (Jan – Mar, 2018) காலத்திற்கு 5.1 % ஆக இருக்கும் என திட்டமிட்டுள்ளது. இதற்கு முன்னர், 2018 ம் நிதியாண்டின் இரண்டாம் பாதியில் பணவீக்க மதிப்பு 4.2 – 4.6 % இருக்கலாம் என மதிப்பிட்டுள்ளது குறிப்பிடத்தக்கது.

 

  • ரிவர்ஸ் ரெப்போ (Repo Rate) விகிதத்திலும் மாற்றமில்லை. ஏற்கனவே  உள்ள 5.75 % தொடரும்.

 

  • ரிசர்வ் வங்கி கவர்னர் உர்ஜித் பட்டேல் அவர்கள் கூறும் போது, ‘ கச்சா எண்ணெய் விலையேற்றம் மற்றும் பட்ஜெட் 2018 ல் விவசாயிகளுக்கான குறைந்த பட்ச ஆதார விலை (Minimum Selling Price – MSP) போன்ற தகவலை அடுத்து குறுகிய காலத்தில் பணவீக்கம் உயரும் ‘ என்றார்.

 

  • 2018 ம் நிதி ஆண்டுக்கான  பொருளாதார வளர்ச்சியையும் குறைத்து 6.6 % ஆக மதிப்பிட்டுள்ளது. அடுத்த நிதி ஆண்டில் 7.2 % ஆக இருக்கும் என மதிப்பீட்டு முறையில் கூறியுள்ளது.

 

  • உலகளாவிய நிதிச்சந்தையில் ஏற்பட்டிருக்கும் ஏற்ற தாழ்வும், அமெரிக்க மத்திய வங்கி (US Federal)  நாணய கொள்கையின் இயல்பு நிச்சயமற்றதாக உள்ளதாக குறிப்பிட்டுள்ளது.

 

வாழ்க வளமுடன்,

நன்றி, வர்த்தக மதுரை

www.varthagamadurai.com

 

Paisa News

நீண்ட கால மூலதன ஆதாய வரி – ஏப்ரல் 1, 2018 முதல் கணக்கீடு

Leave a comment

நீண்ட கால மூலதன ஆதாய வரி – ஏப்ரல் 1, 2018 முதல் கணக்கீடு

Long Term Capital Gains Tax(LTCG) – Effect from April 1, 2018

 

  • நீண்ட கால மூலதன ஆதாய வரி(LTCG) கணக்கீடு ஜனவரி 31, 2018 க்கு பிறகான பங்கு விற்பனைக்கு என பொது பட்ஜெட் 2018 ல் அறிவிக்கப்பட்டது. தற்போது இவற்றில் மத்திய அரசின் நிதி அமைச்சகம் மாற்றத்தை ஏற்படுத்தி, விளக்கமளிக்கப்பட்டுள்ளது. அதாவது, வரும் ஏப்ரல் 1, 2018 (Effect from April 1, 2018) பிறகான பங்கு விற்பனைக்கு தான் என அறிவிக்கப்பட்டுள்ளது.

 

  • நீண்ட கால மூலதன ஆதாய வரி (10 % Tax) ஏப்ரல் 1, 2018 முதல் பங்கு மற்றும் பங்கு சார்ந்த பரஸ்பர நிதிகளுக்கான பரிவர்த்தனைகளுக்கு பொருந்தும்.

 

  • ஜனவரி 31, 2018 க்கு முன்பு வாங்கியிருந்த பங்குகளுக்கு, அன்றைய தேதியில் (January 31 ) இருந்த பங்கின் அதிகபட்ச விலையை கொண்டு நீண்ட கால மூலதன ஆதாய வரி கணக்கிடப்படும் எனவும், பிப்ரவரி 1 முதல் மார்ச் 31 வரையிலான பரிவர்த்தனைகளுக்கு மற்றும் அதன் லாபத்திற்கு வருமான வரிச்சட்டம் – Exemption on Section 10 (38) of Income Tax Act  கீழ் விலக்கு அளிக்கப்படும் எனவும் விளக்கமளிக்கப்பட்டுள்ளது.

 

  • பரஸ்பர நிதிக்கும் ஜனவரி 31, 2018 ல் அதன் நிகர சொத்து மதிப்பு (Net asset value -NAV) அடிப்படையில் கணக்கிடப்படும்.

 

  • ஜனவரி 31, 2018 வரையிலான பங்கு மற்றும் பங்கு சார்ந்த பரஸ்பர நிதிகளுக்கு நீண்ட கால மூலதன ஆதாய வரி இல்லை. மார்ச் 1, 2018 பிறகான பங்கு லாபத்திலும் ரூ. 1 லட்சம் வரை விலக்கு உள்ளது.

 

  • பிப்ரவரி 1 முதல் மார்ச் 31 வரையிலான நீண்ட கால  மூலதன  நஷ்டத்திற்கு  விலக்கு பெற  முடியாது. ஆனால் ஏப்ரல் 1 முதலான  பரிவர்த்தனைகளுக்கு விலக்கு அனுமதிக்கப்படும்.

 

வாழ்க  வளமுடன்,

 

நன்றி, வர்த்தக  மதுரை

 

www.varthagamadurai.com

 

Paisa News

நீண்ட கால மூலதன ஆதாய வரி – விளக்கம் – பொது பட்ஜெட் 2018

Leave a comment

நீண்ட கால மூலதன ஆதாய வரி – விளக்கம் – பொது பட்ஜெட் 2018

Long Term Capital Gains Tax (LTCG)- Explained – Budget India 2018

 

மத்திய அரசின் பொது பட்ஜெட்  2018 கடந்த பிப்ரவரி 1 ம் தேதி நிதி அமைச்சர் அருண் ஜெட்லீ அவர்களால் தாக்கல் செய்யப்பட்டது. அருண் ஜெட்லீயின் தொடர்ச்சியான ஐந்தாவது பட்ஜெட்டாகவும் 2018 பட்ஜெட் இருந்தது குறிப்பிடத்தக்கது. பட்ஜெட்டில் பல விஷயங்கள் வைக்கப்பட்டாலும், அன்றைய தின பங்குச்சந்தையை ஒரே ஒரு விஷயம் மட்டும் மிகுந்த தாக்கத்தை ஏற்படுத்தியது.

 

பங்குச்சந்தை பங்குகள் (Stocks /Equity) மற்றும் பங்குகள் சார்ந்த பரஸ்பர நிதிகளில் (Equity oriented mutual funds) நீண்ட கால மூலதன ஆதாயத்துக்கு 10 % வரி என்பது அன்றைய சந்தையை இறக்கத்திற்கு நகர்த்தியது. பட்ஜெட் அறிவிப்புக்கு அடுத்த நாள் மும்பை பங்குச்சந்தை சென்செக்ஸ் 840 புள்ளிகளும், தேசிய பங்குச்சந்தை நிப்டி 256 புள்ளிகளும் இறங்கின. (Sensex – 839.91 (-2.34 %), Nifty – 256.30 ( -2.33 %) as on Feb 2nd, 2018 ).

 

முன்னாள் நிதி அமைச்சர் சிதம்பரம்(P. Chidambaram) அவர்களால் தாக்கல் செய்யப்பட்ட 2004-05 பட்ஜெட்டில் தான் நீண்ட கால மூலதன ஆதாயத்திற்கு வரி இல்லை என அறிவிக்கப்பட்டது. அதற்கு முன்னர் வரி விதிப்பு இருந்துள்ளது குறிப்பிடத்தக்கது. 2004-05 பட்ஜெட்டுக்கு பின்னர் தற்போது அருண் ஜெட்லீயின் பட்ஜெட்டில் வரி விதிப்பு அறிவிக்கப்பட்டுள்ளது.

 

இந்த 10 % நீண்ட கால மூலதன ஆதாய வரி விதிப்பு ஒரு பக்கம் எதிர்மறையாக இருப்பினும், சிறு முதலீட்டாளர்கள் மற்றும் நடுத்தர வர்க்கத்தை பெரிதும் பாதிக்காது எனலாம். 10 % வரி விதிப்பு இருந்தாலும் பங்குச்சந்தையின் வருமானம் பொதுவாக பணவீக்கத்தை தாண்டியே உள்ளது. அந்த வகையில் வங்கி வருமானத்தை காட்டிலும் பங்குச்சந்தை வருமானம் வரிக்கு பின்னரும் அதிகமாக தான் இருக்கும். இதனால் நீண்ட கால முதலீட்டாளர்கள், SIP (Systematic Investment Plan) முறையில் முதலீடு மேற்கொள்பவர்கள் கவலை கொள்ளாமல் தொடர்ந்து முதலீடு செய்யவும். வரி விகிதங்கள் எதிர்காலத்தில் மாற்றப்படலாம். நமது நிதி இலக்குகளுக்கான முதலீடே நமக்கு முக்கியம்.

 

Long Term Capital Gains (LTCG) Tax :  10 %

 

  • பங்குகள்  மற்றும்  பங்குச்சந்தை  சார்ந்த பரஸ்பர நிதிக்கு 10 % நீண்ட கால  மூலதன  ஆதாய  வரி விதிப்பு  என்பது கடந்த 2004-05 நிதியாண்டிலிருந்து இல்லை. பங்குகளுக்கு நீண்ட  மூலதன  ஆதாயம்  என்பது ஒரு வருடத்திற்கு (365 Days) மேற்பட்ட முதலீட்டிற்கே பொருந்தும். நீங்கள்  வாங்கிய  பங்குகளை, வாங்கிய  தேதியிலிருந்து ஒரு வருடத்திற்கு விற்றால் அதற்கு, குறுகிய கால மூலதன ஆதாயம்(Short Term Capital Gains – STCG) என பெயர். இந்த குறுகிய கால ஆதாயத்திற்கு வரி விதிப்பு 15 % ஆக இருக்கும். வருமான வரி  உயர் விகிதத்தில் உள்ளோர் அதற்கான வரியை செலுத்த வேண்டும்.

 

  • இந்த பட்ஜெட் 2018 அறிவிப்பின் படி நீங்கள் வாங்கிய (அ) வாங்கும் பங்கினை ஒரு வருடத்திற்கு பின் விற்றால் நீண்ட கால மூலதன ஆதாய வரியாக 10 % (பணவீக்கம்  சாராமல் – Without Indexation) செலுத்த வேண்டும். வரி விதிப்பு சில விதிமுறை உட்பட்டும் உள்ளது. அதாவது,

 

a) நீங்கள் வாங்கிய பங்கு ஜனவரி 31 ம் தேதிக்கு மற்றும் அதற்கு முன்னதாக இருந்தால், வரிச்சட்ட விலக்கு(Grandfathered Capital Gains Tax free) உண்டு. வரிச்சட்ட விலக்கு போக, நீங்கள் ஈட்டிய லாபத்தில் ரூ. 1 லட்சம் வரை விலக்கும் (upto 1 lakh exemption) உண்டு. அதற்கு போக உள்ள லாபத்திற்கு தான் நீங்கள் 10 % நீண்ட கால மூலதன ஆதாய வரி செலுத்த வேண்டும்.

b)  நீங்கள் வாங்கிய பங்கு ஜனவரி 31, 2018 ம் தேதிக்கு பின்னர் எனில், உங்களுக்கு

Grandfathered (Capital Gains) Tax free விலக்கு அளிக்கப்படாது. நீங்கள் ஒரு வருடத்திற்கு

பிறகு விற்கும் பங்கிற்கு ஈட்டிய லாபத்தில் ரூ. 1 லட்சம் விலக்கு போக,

மீதத்திற்கு 10 % வரி செலுத்த வேண்டும்.

(Updated on changes – 05/02/2018:  நீண்ட கால மூலதன ஆதாய வரி – ஏப்ரல் 1, 2018 முதல் கணக்கீடு. தற்போது இவற்றில் மத்திய அரசின் நிதி அமைச்சகம் மாற்றத்தை ஏற்படுத்தி, விளக்கமளிக்கப்பட்டுள்ளது. அதாவது, வரும் ஏப்ரல் 1, 2018 (Effect from April 1, 2018) பிறகான பங்கு விற்பனைக்கு தான் என அறிவிக்கப்பட்டுள்ளது. )

 Long Term Capital Gains Tax(LTCG) – Effect from April 1, 2018

இதனை சில உதாரணங்கள் மூலம் விளக்கம் அறிவோம். அட்டவணையை பார்க்க:

 

LTCG tax equity

 

Illustration 1:

 

நீங்கள் ஜூன் 10, 2017 அன்று 10 ரூ. மதிப்புள்ள 10,000 பங்குகளையோ (அல்லது) NAV -10 மதிப்புள்ள 10,000 யூனிட்களையோ வாங்கியிருக்கிறீர்கள்.

 

31, ஜனவரி 2018 அன்று அதன் விலை – ரூ. 20 / Share or unit

 

நீங்கள் வாங்கிய ஒரு வருடத்திற்குள்  விற்றால் குறுகிய கால  மூலதன  ஆதாய  வரி  ( 15 %) செலுத்த  வேண்டும். மாறாக நீங்கள் வாங்கிய  தேதியிலிருந்து  ஒரு வருடத்திற்கு  பின் விற்றால் ( விற்கும் அன்று விலை – ரூ. 35 per share or unit ),

 

உங்கள் முதலீடு  – ரூ. 1,00,000 /- ( 10,000 X 10)

 

விற்ற பின் – ரூ. 3,50,000 /- ( 10,000 X 35)

 

லாபம் =  3,50,000 – 1,00,000  = ரூ. 2,50,000 /-

 

Grandfathered Capital Gains Tax  விலக்கு:

 

ஜனவரி 31, 2018 அன்று – ரூ. 2,00,000 (10,000 X 20). ஜனவரி 31 ம் தேதி வரை உள்ள லாபத்திற்கு விலக்கு அளிக்கப்படுகிறது. எனவே முந்தைய லாபத்திற்கு வரி எதுவும் இல்லை.  (3,50,000 – 2,00,000 = 1,50,000 /- )

 

பட்ஜெட் 2018 ன் படி மூலதன ஆதாய விலக்கு(Capital Gains exemption) – ரூ. 1,00,000 /-  எனவே,

(1,50,000 – 1,00,000 = 50,000 /-)

 

மீதம் ரூ. 50,000 க்கு 10 % வரி –  ரூ. 5000 /-

 

நீங்கள் செலுத்த வேண்டிய வரி – ரூ. 5000 /-

 

Illustration 2:

 

நீங்கள் செப்டம்பர்  25, 2017 அன்று 10 ரூ. மதிப்புள்ள 10,000 பங்குகளையோ (அல்லது) NAV -10 மதிப்புள்ள 10,000 யூனிட்களையோ வாங்கியிருக்கிறீர்கள்.

 

31, ஜனவரி 2018 அன்று  அதன்  விலை  – ரூ. 25 per share or unit

 

குறுகிய  கால  மூலதன  ஆதாய  வரி  – 15 %

 

ஒரு வருடத்திற்கு பிறகு விற்றால் (விற்கும்  அன்று  விலை – ரூ. 22 per share or unit)

 

உங்கள்  முதலீடு – ரூ. 1,00,000 /- (10,000 X 10)

 

விற்ற பின் – ரூ. 2,20,000 ( 10,000 X 22)

 

லாபம் = ( 2,20,000 – 1,00,000 ) = ரூ. 1,20,000 /-

 

Grandfathered Capital Gains Tax விலக்கு:

 

ஜனவரி 31, 2018 அன்று – ரூ. 2,50,000 (10,000 X 25). ஜனவரி 31 ம் தேதி வரை உள்ள லாபத்திற்கு விலக்கு அளிக்கப்படுகிறது. எனவே முந்தைய லாபத்திற்கு வரி எதுவும் இல்லை. ( 2,50,000 – 1,00,000 = 1,50,000)

 

இங்கே, ஜனவரி  31, 2018 அன்றைய  விலையை விட, நாம் விற்ற தேதியின் விலை குறைவு ( 25 – 22 = 3). அதனால் நாம் வரி எதுவும் செலுத்த தேவையில்லை.

 

IF Grandfathered Capital Gains > Actual Capital Gains on Sell, then LTCG Tax will be Zero. So, No need to pay tax.

 

Illustration 3:

 

நீங்கள் செப்டம்பர்  25, 2017 அன்று 100 ரூ. மதிப்புள்ள 10,000 பங்குகளையோ (அல்லது) NAV -100 மதிப்புள்ள 10,000 யூனிட்களையோ வாங்கியிருக்கிறீர்கள்.

 

31, ஜனவரி 2018 அன்று  அதன்  விலை  – ரூ. 80  per share or unit

 

குறுகிய  கால  மூலதன  ஆதாய  வரி  – 15 %

 

ஒரு வருடத்திற்கு பிறகு விற்றால் (விற்கும்  அன்று  விலை – ரூ. 110 per share or unit )

 

உங்கள்  முதலீடு – ரூ. 10,00,000 /- (10,000 X 100)

 

விற்ற பின் – ரூ. 11,00,000 ( 10,000 X 110)

 

லாபம் = ( 11,00,000 – 10,00,000 ) = ரூ. 1,00,000 /-

 

Grandfathered Capital Gains Tax விலக்கு:

 

ஜனவரி 31, 2018 அன்று – ரூ. 8,00,000 (10,000 X 80). ஜனவரி 31 ம் தேதி வரை உள்ள லாபத்திற்கு விலக்கு அளிக்கப்படுகிறது. எனவே முந்தைய லாபத்திற்கு வரி எதுவும் இல்லை. ( 8,00,000 – 10,00,000 )=  [ – 2,00,000 ]  ரூ. 2 லட்சம் நஷ்டம்.

 

உண்மையான லாபம் – ( 11,00,000 – 10,00,000) = ரூ. 1,00,000 /-

 

Grandfathered Capital Gains விலக்கு = ( 8,00,000 – 10,00,000 )=  [ – 2,00,000 ]  ரூ. 2 லட்சம் நஷ்டம்.

 

மூலதன ஆதாய வரி – ( 10,00,000 – நஷ்டம் (or) பூஜ்யம் )  = 10,00,000 /-

 

எனவே உங்களுக்கு மூலதன ஆதாய வரி இல்லை. பட்ஜெட் 2018 ன் படி மூலதன ஆதாய விலக்கு(Capital Gains exemption) – ரூ. 1,00,000  இருப்பதையும்  நினைவில் கொள்ளவும்.

illustration 4:

 

நீங்கள் ஏப்ரல் 15, 2018 அன்று 100 ரூ. மதிப்புள்ள 10,000 பங்குகளையோ (அல்லது) NAV -100 மதிப்புள்ள 10,000 யூனிட்களையோ வாங்கியிருக்கிறீர்கள்.

 

உங்களுக்கு Grandfathered Capital Gains Tax விலக்கு இல்லை.

 

குறுகிய  கால  மூலதன  ஆதாய  வரி  – 15 %

 

ஒரு வருடத்திற்கு பிறகு விற்றால், உங்கள் லாபம் ரூ. 1 லட்சம் போக மீதம் உள்ள தொகைக்கு நீண்ட கால மூலதன ஆதாய வரி – 10 % செலுத்த வேண்டும்.

 

மேலே விளக்கப்பட்ட 4 உதாரணத்திலிருந்து உங்களுக்கு புரிதல் ஏற்பட்டிருக்கும்.

 

இந்த கட்டுரை சம்மந்தமான, உங்களுடைய  கருத்துக்கள் மற்றும் தகவல்களை இங்கே பகிரலாம்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

பொது பட்ஜெட் 2018 – Budget India 2018 Highlights

Leave a comment

பொது பட்ஜெட் 2018 – Budget India 2018 Highlights

 

பொது பட்ஜெட் 2018, பாரத பிரதமர் நரேந்திர மோடி (Narendra Modi)ஆட்சியின் கடைசி பட்ஜெட் இன்று (01.02.2018)  நிதி அமைச்சர் அருண் ஜெட்லீ (Arun Jaitley) அவர்களால் தாக்கல் செய்யப்பட்டது. இந்த பட்ஜெட் அருண் ஜெட்லீ அவர்களின் தொடர்ச்சியான 5வது பட்ஜெட் ஆகும். இந்த பட்ஜெட்டின் முக்கிய நோக்கம் விவசாயம், தொழில் மற்றும் சுகாதாரம் – மருத்துவம் சார்ந்ததாக அறிவிக்கப்பட்டுள்ளது.

 

 

பொது பட்ஜெட்டின் சில துளிகள் (Budget 2018 Highlights):

 

  • விவசாயம் மற்றும் விவசாயிகளின் வளர்ச்சிக்காக (Agriculture and Farmers),  உற்பத்தி மற்றும் விற்பனையை அதிகரிக்கவும், இடைத்தரகர்களை நீக்கவும் வழிவகை செய்யப்பட்டுள்ளதாக அறிவிக்கப்பட்டுள்ளது.

 

  • வேளாண் சந்தைகள் அமைப்பதற்கு ரூ. 2000 கோடி மற்றும் விவசாய உள்கட்டமைப்பிற்கு ரூ.22,000 கோடி நிதி ஒதுக்கீடு செய்துள்ளது.

 

  • விவசாய பயிர் கடன் இலக்காக ரூ. 11 லட்சம் கோடி நிர்ணயிக்கப்பட்டுள்ளது.

 

  • விவசாய  கழிவுகள் எரிக்கப்படாமல் பயன்படுத்த புதிய திட்டம் அமைக்கப்படும்.

 

  • வேளாண் உற்பத்தி நிறுவனங்களுக்கு 5 ஆண்டுகள் 100 சதவிகித வரி விலக்கு அளிக்கப்பட்டுள்ளது.

 

  • தனி நபர் வருமான வரம்பில் மாற்றம் ஏதுமில்லை(Income Tax exemption). அது சம்மந்தமான சலுகைகள் இல்லை. தனி நபர் வருமான வரி வருவாயும் அதிகரித்துள்ளதாக கூறப்பட்டுள்ளது.

 

  • தனி நபர் வருமானத்தில்(மாத வருமானம்) உள்ளவர்கள் அவர்களின் போக்குவரத்து மற்றும் மருத்துவ செலவுகளுக்காக ரூ.40,000 /- வரை வருமான வரிச்சலுகை பெறலாம். அதுவே  மூத்த  குடிமக்களுக்கு  ரூ. 50,000 /- வரை சலுகை  அளிக்கப்பட்டுள்ளது.

 

  • மூத்த குடிமக்களுக்கு:  வங்கி வைப்புத்தொகை மூலம் கிடைக்கும் வட்டி வருமானத்திற்கு வரி விலக்கு ரூ. 50,000 /- ஆக உயர்த்தப்பட்டுள்ளது. காப்பீடு திட்டத்தின் கீழ் வரும் ஓய்வூதிய திட்டத்திலும் வட்டி வருமானத்திற்கு சலுகை அளிக்கப்பட்டுள்ளது.

 

  • பங்குச்சந்தையில் முதலீடு செய்யப்படும் பரஸ்பர நிதி வருவாய்க்கு 10 % வரி விதிக்கப்பட்டுள்ளது. பங்குகளில் நீண்ட கால மூலதன ஆதாயத்திற்கு (ரூ. 1 லட்சத்திற்கு மேல்) 10 % ஆதாய வரி விதிக்கப்பட்டுள்ளது. (Long term Capital Gains – Tax @ 10%)

 

  • நேரடி வரி விகித வளர்ச்சி –  ஜனவரி 15, 2018 வரை  18.7 % ஆக உள்ளது.

 

  • ரயில்வே துறைக்கு ரூ. 1.48 லட்சம் கோடி ஒதுக்கப்பட்டுள்ளது. வதோதராவில் ரயில்வே பல்கலைக்கழகம் அமைத்தல் மற்றும் தண்டவாளங்களை பாதுகாப்பதில் கவனம் செலுத்தப்படும்.

 

  • ஜவுளி  துறைக்கு  ரூ. 7,148 கோடி நிதி ஒதுக்கப்பட்டுள்ளது. இது இந்த துறைக்கு மேலும் வளர்ச்சியை ஊக்குவிக்கும்.

 

  • 51 லட்சம் புதிய வீடுகள், அனைவருக்கும் வீடு திட்டத்தின் கீழ் அறிவிக்கப்பட்டுள்ளது.  தேசிய சுகாதார பாதுகாப்பு திட்டத்தின் மூலம் 10 கோடி ஏழை குடும்பங்களுக்கு இலவச மருத்துவ காப்பீடு மற்றும் ஆண்டுக்கு ரூ. 5 லட்சம் வரையில் மருத்துவ செலவு வழங்கப்படும்.

 

  • தூய்மை இந்தியா திட்டத்தின் கீழ் 2 கோடி கழிப்பறைகள் இன்னும் ஒரு வருடத்தில் கட்டப்படும்.

 

  • 5 லட்சம் மருத்துவ மையங்கள் மற்றும் 24 மருத்துவ கல்லூரிகள் நாடு முழுவதும் அமைக்கப்படும்.

 

  • மகளிர் சுய உதவி குழுக்களுக்கு  ரூ.75,000 கோடி வரை கடன் வழங்க இலக்கு அறிவிக்கப்பட்டுள்ளது.

 

  • மேலும் 8 கோடி ஏழை பெண்களுக்கு சமையல் எரிவாயு மற்றும் 4 கோடி கிராமப்புற வீடுகளுக்கு கட்டணமில்லா மின்சார இணைப்பு அளிக்கப்படும்.

 

  • “Operation Green “ என்ற புதிய திட்டத்தின் மூலம் வேலை வாய்ப்புகள் அதிகமாக உருவாக்கப்படும். முத்ரா யோஜனா திட்டத்தின் கீழ் ரூ. 3 லட்சம் கோடி கடனுதவி வழங்கப்பட்டுள்ளது. ஏற்கனவே சிறுதொழில் மற்றும் மகளிர் மேம்பாட்டுக்காக தொழில் கடனுதவி திட்டங்கள் அமலில் உள்ளன.

 

  • வருங்கால வைப்பு நிதிக்கு பெண்கள் வேலைக்கு சேர்ந்த முதல் 3 ஆண்டுகள், தங்களின் வருமானத்தில் 8 சதவிகிதம் மட்டும் செலுத்தினால் போதும் என கூறப்பட்டுள்ளது.

 

  • கார்ப்பரேட் நிறுவனங்களுக்கு கார்ப்பரேட் வரி 25 சதவிகிதம் குறைக்கப்படும்.

 

  • நேர்மையாக வரி செலுத்தும் நபர்களுக்கு விருதும், பரிசும் வழங்கப்படுவதாக அறிவிக்கப்பட்டுள்ளது.

 

  • நடப்பு நிதி பற்றாக்குறை (Fiscal Deficit) GDP ல் 3.5 % ஆக உள்ளது.

 

 

பட்ஜெட் 2018 சம்மந்தமான உங்கள் கருத்துக்கள் மற்றும் தகவல்களை பகிரலாம்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

Paisa News

பொருளாதார ஆய்வறிக்கை 2018 – பொது பட்ஜெட்

Leave a comment

 

பொருளாதார ஆய்வறிக்கை 2018 – பொது பட்ஜெட்

Economic Survey 2018 for the Budget India

 

 

2018-2019 க்கான  பொது பட்ஜெட்டை முன்னெடுத்து, நாடாளுமன்றத்தில் இன்று (29-01-2018) பொருளாதார ஆய்வறிக்கை 2018 தாக்கல் செய்யப்பட்டது. குடியரசு தலைவர் திரு. ராம் நாத் கோவிந்த் (Ramnath Kovind) அமர்வில் நிதி அமைச்சர் அருண் ஜெட்லீ (Arun Jaitley) பொருளாதார ஆய்வறிக்கையை சமர்ப்பித்தார்.

 

2018-2019 பொது பட்ஜெட் வரும் பிப்ரவரி 1 ம் தேதி தாக்கல் செய்யப்பட உள்ளது. இந்த பட்ஜெட்டில் வரி சம்மந்தமான சலுகைகள் இருக்கலாம் என பரவலாக எதிர்பார்க்கப்படுகிறது.

 

பொருளாதார ஆய்வறிக்கையில் விவரிக்கப்பட்ட சில துளிகள் பின்வருமாறு:

 

  • நாட்டின் மொத்த உள்நாட்டு உற்பத்தி (GDP Growth) வளர்ச்சி 2017-18 ல் 6.75 % ஆகவும், 2018-19 ல் 7  –  7.5 % ஆகவும் எதிர்பார்ப்பதாக தெரிவிக்கப்பட்டுள்ளது.

 

  • நாட்டின் நிதி பற்றாக்குறை (Fiscal Deficit) 2017-18 ல் 3.2 % எனவும், சில்லறை பணவீக்கம் (2017-18) – 3.3 % எனவும் கூறப்பட்டுள்ளது.

 

  • அன்னிய செலவாணி கையிருப்பு (2017-2018) – 40,900 கோடி அமெரிக்க டாலராகவும் உள்ளது.

 

  • தொழில் துறை வளர்ச்சி விகிதம் 2017-18 ல் 3.2 % ஆகவும், நாட்டின் ஏற்றுமதி வளர்ச்சி விகிதம்(2017-18) ல் 12.1 % எனவும் தகவல் தரப்பட்டுள்ளது.

 

  • வரி செலுத்துவோரின் எண்ணிக்கை 50 % உயர்ந்துள்ளதாகவும், பண மதிப்பிழப்பு (Demonetisation) நிகழ்வு இதற்கு மிகவும் துணைபுரிந்துள்ளதாக இருக்கிறது.

 

  • கச்சா எண்ணெய் தட்டுப்பாடு மற்றும் விலை மாற்றத்தால், எண்ணெய் (Oil Prices) விலையின் தாக்கம் அதிகம் உள்ளதாகவும், இது முக்கிய பிரச்சனையாக உள்ளதாக தெரிவிக்கப்பட்டுள்ளது.

 

  • பணவியல் கொள்கை (Monetary Policy) சீராக இருக்கிறது. ஏற்றுமதிக்கான புதிய கொள்கையால், ஏற்றுமதி துறை வளர்ச்சி ஊக்குவிக்கப்பட்டுள்ளது.

 

  • வீட்டு மனை துறையில் புதிய விதிமுறையால் மாற்றம் ஏற்பட்டு, நுகர்வோருக்கு பயனளிக்க கூடிய வகையில் அமையும்.

 

  • தனியார் முதலீடு மீட்டெடுத்தலில் பெரும்பங்காற்ற தயாராக உள்ளது. ஜி.எஸ்.டி (GST) பதிவு அதிகரித்துள்ளதாகவும், தொழிலுக்கு அது சாதகமாக இருப்பதாக கூறப்பட்டுள்ளது.

 

  • விவசாயம், கல்வி மற்றும் வேலைவாய்ப்பில் நடுத்தர காலத்தில் இருப்பதாகவும், அவற்றில் கவனம் செலுத்தப்படுவதாகவும் உள்ளது.

 

  • புதிய திவால் சட்டம் (Insolvency and Bankruptcy code -IBC) மெருகேற்றப்பட்டு, பொது துறை வங்கிகளுக்கு சாதமாக உள்ளது மற்றும் பொது துறை வங்கிகளின் வாரா கடனும் குறைந்துள்ளதாக தெரிவிக்கப்பட்டுள்ளது.

 

  • விவசாயத்துறையில் பெண்களின் பங்கு முக்கியமானதாகவும், விவசாயிகளின் வருமானத்தை வரும் 2025 க்குள் இரட்டிப்பாக்குவதாக உறுதி செய்யப்பட்டுள்ளது.

 

உங்களுடைய கருத்துக்கள்  மற்றும்  தகவலை  இங்கே பகிரலாம்.

 

வாழ்க வளமுடன்,

 

நன்றி, வர்த்தக மதுரை

 

Paisa News

ஒரு தொழிலை தொடங்குவதற்கு முன் செய்ய வேண்டிய 7 வடிப்பான்கள்

Leave a comment

ஒரு தொழிலை தொடங்குவதற்கு முன் செய்ய வேண்டிய 7 வடிப்பான்கள்

 

7 Filters before starting your business

நேற்று (21.01.2018) விகடன்(Vikatan) குழுமம் சார்பாக சென்னை அண்ணாசாலையில் உள்ள ராணி சீதை ஹாலில் நடைபெற்ற, “தொழில் தொடங்கலாம் வாங்க” நிகழ்ச்சியில் புதிய தொழில்முனைவோர்க்கான வழிகாட்டுதல்கள், சிந்தனைகள்(Business startup) பல பகிரப்பட்டன. சிறப்பு விருந்தினர்களாக Cavinkare நிறுவனத்தின் தலைவர் திரு. C.K . ரங்கநாதன், Naturals(India’s No.1 Hair Salon) நிறுவனத்தின் இணை நிறுவனர் திரு. குமரவேல் மற்றும் CADD காரையடி செல்வன், Wassup பாலச்சந்தர், ஆடிட்டர் சத்யா குமார் ஆகியோர் பங்கேற்றனர்.

 

தொழில்முனைவோர்களுக்கான (Entrepreneurs Ideas) புதிய யுக்திகளையும், தொழில் உரிமைகளை (Franchise Global Business) பயன்படுத்துவதையும் மற்றும் பிற தொழில் செய்ய ஊக்கமூட்டும் விஷயங்களை அவர்கள் பகிர்ந்தனர்.

 

தொழில் முனைவோர் சிந்தனையின் விளைவாக 800 க்கும் அதிகமானோர் அரங்கத்தில் பங்கேற்றனர். நிகழ்ச்சியின் முக்கிய தாக்கமாக திரு. C.K. ரங்கநாதன் அவர்களின், “ தொழிலை தொடங்குவதற்கு முன் செய்ய வேண்டியவை” கவனிக்கப்பட்டன.

 

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

 

 

ஒரு தொழிலை தொடங்குவதற்கு முன் செய்ய வேண்டிய 7 வடிப்பான்கள் ( 7 Filters before starting a business ) by Cavinkare C.K, Ranganathan

 

 

 

  • பெரும்பாலும், உங்களது முயற்சியை (Effort based) சார்ந்த தொழிலாக அமைய வேண்டும்.

 

  • குறைந்த முதலீட்டை (Low Capital / investment) கொண்டு தொழில் ஆரம்பிக்க வேண்டும்.

 

  • தொழிலில் புதுமையை புகுத்துமாறு (Innovative but useful for consumers) அமைய வேண்டும், அதே நேரத்தில் அது மக்களுக்கு, நுகர்வோருக்கு பயனளிக்குமா என்பதையும் கவனிக்க வேண்டும்.

 

  • தொழிலை பெரிதாக்க, விரிவுபடுத்தக்கூடிய(Scalable Business) சாத்தியங்கள் வேண்டும்.

 

  • தொழிலின் ஆரம்பத்தில் கிடைக்கும் லாப விகிதம் அதிகமாக (High Profit Margin) இருக்க வேண்டும். அப்போது தான் நாம் தொழில் ஆரம்பத்தில் தவறுகள் செய்தாலும் நம்மால் தொழிலில் நிலைக்க துணை புரியும்.  

 

  • தொழிலின் உயர் மதிப்பை (Value Creation) உருவாக்குதல். நமது தொழிலை ஏதேனும் சமயத்தில் நாம் மற்றவர்க்கு விற்க வேண்டிய நிலையிருந்தால், நமது தொழிலின் மதிப்பு நாம் உருவாக்கியதை விட உயர்ந்ததாக இருக்க வேண்டும்.

 

  • தகவல் தொழில்நுட்ப புரட்சியால் (Effect of Online Business) பிற்காலத்தில் நம் தொழில் பாதிக்கப்படுமா என்பதையும் ஆராய வேண்டும்.

 

மேலே உள்ள 7 வடிப்பான்கள், ஒவ்வொரு தொழில் முனைவோருக்கும், புதிதாக தொழில் செய்ய ஆர்வமுள்ளோருக்கும் பயனாக அமையும்.

 

இந்த கட்டுரை சம்மந்தமான உங்கள் பார்வை / கருத்துக்களை இங்கே பதிவிடலாம்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

டிசம்பர் மாத சில்லறை பணவீக்கம் 5.2 % ஆக உயர்ந்தது

Leave a comment

டிசம்பர் மாத சில்லறை பணவீக்கம் 5.2 % ஆக உயர்ந்தது

Retail Inflation rises to 5.2 % –  December 2017

 

மத்திய புள்ளியியல் அலுவலகம் (Central Statistical office -CSO)  சமீபத்தில் வெளியிட்ட பணவீக்கம் பற்றிய தகவல்கள்:

 

india inflation cpi

(image and data courtesy: tradingeconomics.com )

 

  • நாட்டின், டிசம்பர் (2017) மாதத்திற்கான சில்லறை (Retail Inflation) பணவீக்கம் 5.2 % ஆக உயர்ந்துள்ளது. இது கடந்த நவம்பர் மாதம் 4.88 சதவிகிதமாகவும், அக்டோபர் 2017 ல் 3.58 % ஆகவும் இருந்தது.

 

  • இந்த சில்லறை பணவீக்கம் நுகர்வோர் விலை குறியீட்டு அடிப்படையில்(Consumer price index – CPI)  வெளியிடப்படுகிறது. டிசம்பர் மாத பணவீக்கம் கடந்த 17 மாதங்களில் இல்லாத அதிகரிப்பாக உள்ளது. இதற்கு முன் கடந்த 2016 ஜூலை – ஆகஸ்ட் மாதத்தில் தான் இந்த பணவீக்க விகிதம் இருந்தது குறிப்பிடத்தக்கது.

 

  • உணவு பணவீக்கம் – 4.85 % ஆகவும், ஆடைகள் மற்றும் காலணிகள் பணவீக்கம் – 4.8 %  ஆகவும், வீட்டு வசதி – 8.25 %, எரிபொருள் மற்றும்  ஒளி – 7.90 % ம் உள்ளது.

 

  • பாரத ரிசர்வ் வங்கி (4.3 – 4.7 %) எதிர்பார்த்த அளவினை விட, டிசம்பர் மாத பணவீக்கம் அதிகரித்ததால் வரும் நிதிக்கொள்கையில் வட்டி விகித மாற்றத்தை ஏற்படுத்தலாம். அதே நேரத்தில் பாரத ஸ்டேட் வங்கி(SBI), இது தாங்கள் எதிர்பார்த்த விகிதம் தான் என கூறியுள்ளது.

 

  • பாரத ரிசர்வ் வங்கி தனது அடுத்த நிதிக்கொள்கையை வரும் பிப்ரவரி 7 ம் தேதி அறிவிக்க உள்ளது.

 

  • கடந்த 5.2 % பணவீக்க அதிகரிப்பு – உணவு பொருட்களின் விலை தாக்கம் மற்றும் மத்திய அரசு ஊழியர்களின் ஊதிய மாற்றம் தான் காரணங்கள் என சந்தை நிபுணர்கள் கூறுகின்றனர்.

 

வாழ்த்துக்கள், வாழ்க வளமுடன் !

 

www.varthagamadurai.com

 

நன்றி, வர்த்தக மதுரை