Category Archives: Taxes

தனிநபர் வருமான வரி தாக்கலுக்கான காலக்கெடு நீட்டிப்பு – 10, ஜனவரி, 2021

தனிநபர் வருமான வரி தாக்கலுக்கான காலக்கெடு நீட்டிப்பு – 10, ஜனவரி, 2021

Income Tax Returns Filing for Individuals extended to 10, January 2021

2019-20ம் நிதியாண்டுக்கான வருமானத்திற்கு நடப்பு மதிப்பீட்டு (AY 2020-21) வருடத்தில் வருமான வரி தாக்கல் செய்ய வேண்டும். கொரோனா பெருந்தொற்று காரணமாக ஏற்பட்ட சிரமத்தால் வரி தாக்கல் செய்ய வேண்டிய காலக்கெடு சில மாதங்களுக்கு முன்பு நீட்டிக்கப்பட்டிருந்தது. இதன் படி தனிநபர் வருமான வரி தாக்கல் செய்பவர்களுக்கான காலக்கெடு இன்றுடன் (31-12-2020) முடிவடையும் நிலையில், மீண்டும் ஒரு முறை இதனை நீட்டித்துள்ளது நிதி அமைச்சகம்.

தனிநபர் வருமான வரி தாக்கலில் ஆண்டு வருவாய் (ஒட்டுமொத்த வருவாய்) ஒரு நிதியாண்டில் ரூ.2.5 லட்சத்தை கடந்தால், ஒருவருக்கு வரிப்பிடித்தம் இல்லையென்றாலும், வருமான வரி தாக்கல் செய்வது அவசியம்.

நேற்று (30-12-2020) மத்திய நிதி அமைச்சகத்தால் வெளியிடப்பட்ட ஒரு அறிக்கையில் மதிப்பீட்டு ஆண்டு 2020-21க்கு வருமான வரி தாக்கல் செய்பவர்களில் தணிக்கை செய்யப்பட்ட கணக்குதாரர்களுக்கு(Accounts audited) முன்னர் இருந்த 31, ஜனவரி 2021 என்ற காலக்கெடு தற்போது 15, பிப்ரவரி 2021 என சொல்லப்பட்டுள்ளது.

இது போல சர்வேதச மற்றும் குறிப்பிட்ட உள்நாட்டு பரிவர்த்தனைகளை மேற்கொண்டவர்களுக்கு முன்னர் இருந்த 31,ஜனவரி 2021 என்ற கடைசி தேதி, இப்போது 2021ம் ஆண்டின் பிப்ரவரி 15ம் தேதியாக அறிவிக்கப்பட்டுள்ளது.

மற்ற வரிதாரர்களுக்கு (தனிநபர் உட்பட) ஏற்கனவே சொல்லப்பட்ட டிசம்பர் 31, 2020 என்ற காலக்கெடு, தற்போது 2021 ஜனவரி மாதம் 10ம் தேதியாக நீட்டிக்கப்பட்டுள்ளது.

விவாத்(Vivad Se Vishwas Scheme) திட்டத்திற்கு 31, ஜனவரி 2021 மற்றும் நேரடி வரி மற்றும் பினாமி சட்டத்தின் கீழ் செல்லும் அறிவிப்பிற்கு 31, மார்ச் 2021 எனவும் காலக்கெடு மாற்றப்பட்டுள்ளது குறிப்பிடத்தக்கது. மத்திய பொருட்கள் மற்றும் சேவை வரி(CGST) 2017 சட்டம், பிரிவு 44ன் கீழ் ஆண்டு வருவாயை சமர்பிப்பதற்கான தேதி 28, பிப்ரவரி 2021 ஆக சொல்லப்பட்டுள்ளது.

வாழ்க வளமுடன்,

நன்றி, வர்த்தக மதுரை 

www.varthagamadurai.com

வீட்டு வாடகை படி – வருமான வரி தாக்கல் – பாடம் 10

வீட்டு வாடகை படி – வருமான வரி தாக்கல் – பாடம் 10

House Rent Allowance(HRA)  – Income Tax Returns – Lesson 10

 

வருமான வரி வரம்பில் உள்ளவர்கள் அல்லது வருமான வரி செலுத்துபவர்கள் பெரும்பாலோருக்கு குழப்பம் ஏற்படுவதே இந்த வீட்டு வாடகை படி கணக்கில் தான். ஒரு நிறுவனத்தில் வேலை பார்த்து கொண்டு, அந்த நிறுவனத்திடம் வாடகை படியை மாதாமாதம் சம்பளத்தில் பெற்று வந்தாலும், வருமான வரி தாக்கலின் போது எவ்வளவு தொகைக்கு வீட்டு வாடகைப்படியில் வரி சலுகை பெற வேண்டும் என்பதில் தனிநபருக்கு ஐயம் ஏற்படுவது இயல்பு.
//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

மாத சம்பளம் வாங்கும் தனிநபர் ஒருவர் வாடகை வீட்டில் தங்கியிருக்கும் பட்சத்தில், வருமான வரி தாக்கலின் போது, அதற்கான வரி சலுகையை பெறலாம். இதன் மூலம் ஒருவரின் வரி செலுத்தும் தொகையையும் குறைத்து(Save Tax) கொள்ளலாம். வருமான வரி சட்டப்படி, வீட்டு வாடகை படியை தனது வருமானத்தில் கழித்து கொள்ள பின்வரும் மூன்று நிபந்தனைகள் உதவுகின்றன.

 

  • வேலை பார்க்கும் நிறுவனத்திடம் இருந்து பெற்ற வீட்டு வாடகைப்படி(HRA)

 

  • அடிப்படை சம்பளம் மற்றும் அகவிலைப்படி சேர்த்து வரும் தொகையில் 50 சதவீதம். (50 % of Basic Salary + DA)

 

  • வீட்டு வாடகையாக செலுத்திய தொகை(Actual Rent Paid) – அடிப்படை சம்பளம் மற்றும் அகவிலைப்படி சேர்த்து வரும் தொகையில் 10 சதவீதம் (10% of Basic Salary + DA).

 

மேலே சொன்னவற்றில் எவை குறைந்த தொகையாக வருகின்றனவோ அவற்றை தனிநபர் ஒருவர் தனது வருமானத்திலிருந்து கழித்து கொள்ளலாம். இதனை ஒரு உதாரணத்தின் மூலம் நாம் காண்போம்.

 

குமார் என்பவர் சென்னையில் உள்ள ஒரு தனியார் நிறுவனத்தில் (அரசு நிறுவனமாக இருந்தாலும்) பணிபுரிகிறார். இவருடைய மாத அடிப்படை சம்பளம் – ரூ. 30,000/- மற்றும் மாத அகவிலைப்படி(Dearness Allowance) ரூ. 3,000/-. அவர் நிறுவனத்திடம் இருந்து மாதாமாதம் சம்பளத்தில் பெறும் வீட்டு வாடகைப்படி ரூ. 10,000/-. குமார் சென்னையில் உள்ள நுங்கம்பாக்கத்தில் மாதம் ரூ.12,000/- கொடுத்து வாடகை வீட்டில் வசித்து வருகிறார். இனி இவருக்கான வீட்டு வாடகைப்படி சலுகையை கணக்கிடுவோம்.

 

  • நிறுவனத்திடம் இருந்து பெற்ற வீட்டு வாடகைப்படி(HRA) ஆண்டுக்கு – ரூ. 1,20,000/- ( 10,000 X 12 மாதங்கள்)

 

  • அடிப்படை சம்பளம் மற்றும் அகவிலைப்படி சேர்த்து வரும் தொகையில் 50 %  – ரூ. 1,98,000/- (33,000 X 12 மாதங்கள் – 50 சதவீதம்)

 

  • வீட்டு வாடகையாக செலுத்திய தொகை(Rent Paid) ஆண்டுக்கு – [ ரூ. 1,44,000 ] – அடிப்படை சம்பளம் மற்றும் அகவிலைப்படியில் 10% – [ ரூ. 39,600 ] =  ரூ. 1,04400 /-

 

மேலே சொல்லப்பட்ட மூன்று நிபந்தனைகளில் (ரூ. 1,20,000 / 1,98,000 / 1,04400) குறைந்தபட்ச தொகையான 1,04400/- ரூபாய்க்கு அவர் தனது வீட்டு வாடகைப்படி சலுகையாக(HRA Exemption) கோரலாம்.

 

வேலை பார்க்கும் நிறுவனத்தில் வீட்டு வாடகைப்படியை பெறாதவர்கள் அல்லது சுயதொழில் செய்பவர்கள் 80GG பிரிவின் கீழ் வீட்டு வாடகைப்படி சலுகையை பெறலாம். அதே வேளையில் வேலை பார்க்கும் இடத்திலோ அல்லது வசிக்கும் பகுதியிலோ சொந்த வீட்டை கொண்டிருந்தால் 80GG பிரிவின் மூலம் வரி சலுகையை பெற முடியாது. வருமான வரிச்சட்டம் பிரிவு 80GGன் கீழ் சலுகை பெற நிபந்தனைகள்:

 

  • மாதத்திற்கு ரூ. 5,000/-
  • சரிகட்டப்பட்ட மொத்த வருமானத்தில் 25 சதவீதம்
  • வீட்டு வாடகையாக செலுத்திய தொகை – சரிகட்டப்பட்ட மொத்த வருமானத்தில் 10 சதவீதம்

 

மேலே சொன்னவற்றில் குறைந்தபட்ச தொகைக்கு மட்டுமே ஒருவர் 80GGன் கீழ் சலுகை பெற முடியும். பொதுவாக சரிகட்டப்பட்ட மொத்த வருமானம்(Adjusted Total Income) என்பது தனிநபர் ஒருவர், ஒரு நிதியாண்டில் ஈட்டிய மொத்த வருமானத்திலிருந்து குறுகிய மற்றும் நீண்டகால ஆதாயம் மற்றும் 80C முதல் 80U வரையிலான தொகையை கழித்தது போக மீதம் வரும் தொகையாகும்.

 

தனிநபர் ஒருவர் தனது சொந்த வீட்டிற்கு வீட்டு கடனுக்கான வட்டி தொகையை வங்கியில் செலுத்தி வந்தாலும், வீட்டு வாடகைப்படியில் சலுகை கோரலாம். அது போல ஒருவர் தனது வீட்டு வாடகை தொகையாக ஆண்டுக்கு ரூ. 1 லட்சத்திற்கு மேல் செலுத்தி விட்டு, அதற்கான வரி சலுகை கோரினால் வீட்டு உரிமையாளரின் பாண் எண்ணை(PAN) சமர்ப்பிக்க வேண்டியது அவசியம்.

 

வாடகை வீட்டில் வசிக்கும் ஒருவர், வீட்டு வாடகை தொகை செலுத்தியதற்கான ரசீதை பெற்று கொள்வது அவசியமாகும். இல்லையெனில் தான் செலுத்தும் வாடகையை ரொக்கமாக செலுத்தாமல் வங்கி கணக்கு, காசோலை அல்லது இணைய பரிமாற்றம்(Online Payment) மூலம் செலுத்தும் போது அவருக்கான விவரங்கள் பதிவு செய்யப்படும். இது பின்னாளில் வருமான வரி சிக்கலை ஏற்படுத்தாமல் இருக்க உதவும்.

 

இன்னும் திட்டமிடுவோம்…

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

வருடத்திற்கு ரூ.6 லட்சம் வருமானம் இருந்தாலும் வரி இல்லை – எப்படி ? வருமான வரி தாக்கல் – பாடம் 9

வருடத்திற்கு ரூ.6 லட்சம் வருமானம் இருந்தாலும் வரி இல்லை – எப்படி ? வருமான வரி தாக்கல் – பாடம் 9

How to save tax if you are earning up to 6 Lakh per annum – Income Tax Returns – Lesson 9

 

நடப்பு வருடத்தின் பிப்ரவரி மாதத்தில் தாக்கல் செய்யப்பட்ட பட்ஜெட்டில், ஒரு நிதியாண்டில் ஐந்து லட்சம் ரூபாய் வரை வருமானம் உள்ளவர்களுக்கு வரி தள்ளுபடி அறிவிக்கப்பட்டது. அதாவது ஆண்டுக்கு ரூ.5 லட்சம் வரையிலான வருமானத்தை கொண்டுள்ளவருக்கு முழுவதுமாக வரியில்லை என அரசு சார்பில் எதுவும் தெரிவிக்கப்படவில்லை, மாறாக வரி தள்ளுபடி(Tax Rebate) என்று மட்டுமே குறிப்பிடப்பட்டுள்ளது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

2019-20ம் நிதியாண்டில் தனிநபர் ஒருவர் ஆண்டு வருமானமாக ரூ.5 லட்சம் பெற்றிருப்பின் அவருக்கு வருமான வரி விகிதமாக 5 சதவீதம் வசூலிக்கப்படும். 5 சதவீத வரி எனும் போது, அவர் வரியாக செலுத்த வேண்டிய தொகை ரூ. 12,500/-. இந்த வரி தொகையை, ஒருவர் வேலை பார்க்கும் நிறுவனமே டி.டி.எஸ்.(TDS) பிடித்தம் செய்து வருமான வரி துறைக்கு செலுத்தும். இந்த தொகையை நாம் வருமான வரி தாக்கல் செய்யும் போது வரி தள்ளுபடியாக திரும்ப கிடைக்க பெறும். இதனையே பட்ஜெட்டில் வரி தள்ளுபடி என அறிவிக்கப்பட்டது.

 

2018-19ம் நிதியாண்டில் ரூ.3.5 லட்சம் வரை வருமானம் உள்ளவர்களுக்கு வரி தள்ளுபடியாக (பிரிவு 87A) 2500 ரூபாய் இருந்தது. இது 2019-20ம் காலத்தில் ரூ.5 லட்சம் வரையிலான வருமானத்திற்கு 12,500 ரூபாய் என சொல்லப்பட்டது, அவ்வளவே. இருப்பினும் மற்ற பிரிவுகளில் வருமான வரி சலுகைகள் தரப்பட்டுள்ளது. இதனை நாம் ஒரு உதாரணத்தின் மூலம் பார்ப்போம்.

 

குமார் என்பவர் தனது வேலையின் மூலம் ஒரு நிதியாண்டில்(2018-19) சம்பாதித்த மொத்த வருமானம் ரூ. 3 லட்சம் எனில், அவர் தனது வருமானத்தில் நிலைக்கழிவாக ரூ. 40,000/- ஐ கழித்து கொள்ளலாம். மீதம் உள்ள ரூ.2,60,000 தொகையில் 2.5 லட்சம் வரையிலான வருமானத்திற்கு வரி ஏதுமில்லை. நிலைக்கழிவு மற்றும் அடிப்படை வரி வரம்பு சலுகை (ரூ. 2.5 லட்சம்) போக உள்ள தொகைக்கு 500 ரூபாய் (10,000 X 5%) வருமான வரி விதிக்கப்படும். இதனை அவர் பிரிவு 87A ன் கீழ் வரி தள்ளுபடியாக பெறலாம். எனவே வருமான வரி தாக்கலுக்கு பின், வரி ஏதும் செலுத்த தேவையில்லை (வரி தள்ளுபடி காரணத்தால்). டி.டி.எஸ். பிடித்தம் செய்த தொகையை ஒருவர் வருமான வரி தாக்கல் செய்தால் மட்டுமே திரும்ப பெற முடியும்.

 

குமாரின் ஆண்டு வருமானம் ஆறு லட்சம் ரூபாய் என வைத்து கொள்வோம். தனது வருமானத்தில் நிலைக்கழிவாக ரூ.40,000/- வரை(2018-19) கழித்து கொள்ள குமாருக்கு அனுமதி உண்டு. மீதம் உள்ள 5,60,000/- ரூபாய்க்கு அவர் வரி செலுத்த வேண்டிய தொகை ரூ. 24,500/- ஆகும்.

 

வருமானம் (ரூ.6 லட்சம்) – நிலைக்கழிவு (ரூ. 40,000) = வரி வருவாய் (ரூ.5,60,000)

 

வரி வருவாய் (ரூ. 5,60,000) – வரி வரம்பு சலுகை (ரூ. 2,50,000) = ரூ. 3,10,000 /-

 

ரூ. 2,50,001 – 5,00,000 ரூபாய் வரையிலான வருமானத்திற்கு = 5 % =  ரூ. 12,500/- *

 

ரூ. 5,00,001-ரூ. 5,60,000 ரூபாய் வரையிலான வருமானத்திற்கு = 20% = ரூ. 12,000/-*

 

(* செஸ் மற்றும் கூடுதல் கட்டணம் தனி)

 

குமார் வரி சலுகை திட்டங்களை பயன்படுத்துவதன் மூலமாக வரி செலுத்த வேண்டிய தொகையை குறைத்து கொள்ளலாம் – இதற்கு 80C, 80D, 80E மற்றும் 80G ஆகிய வரி பிரிவுகள் உள்ளன.

 

வருமான வரியை சேமிக்க இன்சூரன்ஸ் திட்டம் மட்டுமே என்ற மாயை

 

2019-20ம் நிதியாண்டிற்கு நிலைக்கழிவு தொகையாக ரூ. 50,000/- வரை சலுகை பெறலாம். நடப்பு நிதியாண்டில் குமாரின் ஆண்டு வருமானம் ரூ.6 லட்சமாக இருக்கும் பட்சத்தில் அவருக்கான நிலைக்கழிவு கூடுதலாக 10,000 ரூபாய் கிடைக்கப்பெறும். இவருக்கான வருமான வரியை கணக்கிட,

 

வருமானம் (ரூ.6 லட்சம்) – நிலைக்கழிவு (ரூ. 50,000) = வரி வருவாய் (ரூ.5,50,000)

 

வரி வருவாய் (ரூ. 5,50,000) – வரி வரம்பு சலுகை (ரூ. 2,50,000) = ரூ. 3,00,000 /-

 

ரூ. 2,50,001 – 5,00,000 ரூபாய் வரையிலான வருமானத்திற்கு = 5 % =  ரூ. 12,500/- *

 

ரூ. 5,00,001-ரூ. 5,50,000 ரூபாய் வரையிலான வருமானத்திற்கு = 20% = ரூ. 10,000/-*

 

(* செஸ் மற்றும் கூடுதல் கட்டணம் தனி)

 

வரியில்லா (வரி தள்ளுபடி) திட்டம்:

 

லைப் இன்சூரன்ஸ்(Life Insurance) மற்றும் மருத்துவ காப்பீடு – ரூ. 50,000/- ஆண்டுக்கு

 

வருமானம் (ரூ.6 லட்சம்) – நிலைக்கழிவு(ரூ.50,000) – காப்பீடு(ரூ.50,000) =  வரி வருவாய்(ரூ. 5,00,000/-)

 

வரி வருவாய் (ரூ. 5,00,000) – வரி வரம்பு சலுகை (ரூ. 2,50,000) = ரூ. 2,50,000 /-

 

ரூ. 2,50,001 – 5,00,000 ரூபாய் வரையிலான வருமானத்திற்கு = 5 % =  ரூ. 12,500/- *

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

வருமான வரி தாக்கலுக்கு பின், வரி தள்ளுபடியாக 12,500/-  ரூபாயை திரும்ப பெற்று கொள்ளலாம். இது 2019-20ம் நிதியாண்டிற்கான வருமானம், அதாவது ஒருவர் 2020-21 மதிப்பீட்டு ஆண்டில் வருமான வரி தாக்கல் செய்யும் போது இந்த சலுகையை பெறலாம்.

 

வரி சலுகையை (80C, 80D, 80E, 80G, etc) பெறும் தனிநபர் ஒருவர் அதற்கான ஆவணங்களை பாதுகாத்து வைத்து கொள்வது அவசியம். வரி சலுகைக்கான திட்டத்தில்(Tax Savings Plan) ஒருவர் முதலீடு செய்யாமல், வரி சலுகையை பெற முற்பட்டால் வருமான வரி சிக்கலில் மாட்டி கொள்ள நேரிடும்.

 

இன்னும் திட்டமிடுவோம்…

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

வங்கி வைப்பு நிதிக்கு வரிகள்(Fixed Deposit) எப்படி ? வருமான வரி தாக்கல் – பாடம் 8

வங்கி வைப்பு நிதிக்கு வரிகள்(Fixed Deposit) எப்படி ? வருமான வரி தாக்கல் – பாடம் 8

Tax for Fixed Deposits – Income Tax Returns – Lesson 8

 

வங்கியில் முதலீடு செய்யும் வைப்பு நிதிக்கு கிடைக்கப்பெறும் வட்டி வருமானம் வரி விதிப்புக்கு உட்பட்டது என நாம் ஏற்கனவே சொல்லியிருந்தோம். பொதுவாக வைப்பு நிதியின் மூலம் பெறப்படும் வட்டி வருவாய், வருமான வரி சட்டத்தின் படி இதர வருமானமாக(Other Source of Income) கணக்கில் எடுத்து கொள்ளப்படும்.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

வைப்பு நிதியில் ஒரு குறிப்பிட்ட அளவிற்கு மேல் வட்டி வருவாய் கிடைக்கும் போது, வங்கி மூலம் டி.டி.எஸ்.(TDS) பிடித்தம் செய்யப்படும். நடப்பு மதிப்பீட்டு வருடத்தின்(AY 2019-20) படி, வைப்பு நிதி வட்டி வருமானம் ஒரு நிதியாண்டில் ரூ.10,000/- ஐ தாண்டும் பட்சத்தில் டி.டி.எஸ். உண்டு. 10,000 ரூபாய்க்கு மேற்பட்ட வருமானத்திற்கு 10 சதவீதம்(பாண் எண்ணை சமர்பித்திருந்தால்) டி.டி.எஸ். பிடித்தம் செய்யப்படும். பாண்(PAN) எண்ணை வங்கியில் இணைக்காத நிலையில் அதிகபட்சமாக 20 சதவீதம் வரை வங்கிகள் வரி பிடித்தம் செய்யலாம்.

 

வங்கிகளில் டி.டி.எஸ்.(Tax Deducted at Source) பிடித்தம் செய்யாமல் இருக்க படிவம் 15G ஐ ஒருவர் பயன்படுத்தலாம். அதே வேளையில் ஒருவர் வருமான வரி செலுத்துபவராக இருப்பின், அவர் வருமான வரி தாக்கல் செய்யும் போது, இந்த வட்டி தொகைக்கு வரி செலுத்த நேரிடலாம். வங்கிகளில் வைப்பு நிதியின் மூலம் பெறப்படும் வருவாய், படிவம் 26AS மூலம் கண்டறியப்படும். வருமான வரம்பிற்குள் வராதவர்கள் வங்கிகள் பிடித்தம் செய்த டி.டி.எஸ். தொகையை, வரி தாக்கல் செய்த பின் திரும்ப பெறலாம்.

 

ஒருவர் வெவ்வேறு வங்கிகளில் அல்லது ஒரே வங்கியில் பல பிக்ஸட் டெபாசிட் கணக்குகளை வைத்திருந்தாலும், அனைத்தும் ஒன்றாக சேர்க்கப்பட்டு வட்டி வருமானம் கணக்கிடப்படும். மூத்த குடிமக்களுக்கு பெறப்படும் வட்டி வருமானத்தில் ரூ.50,000/- வரை டி.டி.எஸ். பிடித்தம் செய்யப்படமாட்டாது. மூத்த குடிமக்களுக்கு டி.டி.எஸ். பிடிக்காமல் இருக்க படிவம் 15H ஐ நிரப்ப வேண்டும்.

 

தனிநபர் ஒருவரின் மாத சம்பளத்துடன், வங்கியில் பெறும் வட்டி வருவாய் இதர வருமானத்தில் சேர்க்கப்பட்டு, அவரது மொத்த வருமானத்தில் கணக்கில் எடுத்து கொள்ளப்படும். வைப்பு நிதிக்கு சொல்லப்பட்ட வரி விதிப்பு முறை, தொடர் வைப்பு கணக்கு(Recurring Deposit) மற்றும் சேமிப்பு கணக்கிற்கும் பொருந்தும்.

 

வரி சேமிப்பை கொண்ட ஐந்து வருட வங்கி வைப்பு நிதி திட்டமும்(Tax saving FD) உள்ளது. இந்த திட்டத்தில் குறைந்தபட்சம் ஐந்து வருட காலத்திற்கு முதலீட்டை பெற முடியாது. வருமான வரி சட்ட பிரிவு 80சி மூலம் ஒருவர் இதற்கு வரி சலுகையை பெறலாம். ஆனால் முதலீட்டின் முடிவில் கிடைக்கப்பெறும் வட்டி தொகைக்கு வரி விதிப்பு உண்டு. இது போன்ற சமயங்களில் ஒருவர் பங்கு சார்ந்த வரி சேமிப்பு பரஸ்பர நிதிகளை(Equity linked savings scheme -ELSS) தேர்ந்தெடுக்கலாம். பங்கு சார்ந்த வரி சேமிப்பு திட்டத்தில் மூன்று வருட லாக்-இன்(Lock-in) காலமாகும். இவற்றில் கிடைக்கும் வருமானத்திற்கும் வரி சலுகை உண்டு(EEE -Exempt) என்பதை கவனிக்கலாம்.

 

இன்னும் திட்டமிடுவோம்…

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

குறுகிய கால மற்றும் நீண்ட கால மூலதன ஆதாயம் – வருமான வரி தாக்கல் – பாடம் 6

குறுகிய கால மற்றும் நீண்ட கால மூலதன ஆதாயம் – வருமான வரி தாக்கல் – பாடம் 6

Short term and Long term Capital Gains – Income Tax Returns – Lesson 6

வீட்டுக்கடன் மூலம் வாங்கிய அல்லது கட்டிய வீடு உங்கள் சொத்தாக கருத முடியாது, அது ஒரு கடனே(Liability). நீங்கள் உங்கள் கடனை முடிக்கும் வரையில், அது மற்றொருவரின் (வங்கியின்) சொத்து ஆகும். நீங்கள் உரிமையாளர் அல்ல… இதனை நம்மில் எத்தனை பேர் ஒத்துக்கொள்வோம் என தெரியவில்லை.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

பொதுவாக நம் நாட்டில் சொத்து(Assets) எனப்படுவது ஒரு நிலமாகவோ, கட்டிடமாகவோ, தங்கமாகவோ அல்லது மதிப்புமிக்க ஏதோ ஓன்றாக இருக்கலாம். சொத்துக்கள் என்பது தொட்டு உணரக்கூடிய உறுதியான சொத்துக்கள் மற்றும் நிதி சார்ந்த சொத்துக்களாக இருக்கலாம். நிலம், வீடு, கட்டிடம், அணிகலன்கள், காப்புரிமைகள், பங்கு உரிமை மற்றும் இயந்திரங்கள் போன்றவை மூலதன சொத்துக்களாக(Capital Assets) சொல்லப்படுகிறது. விவசாய நிலம் மூலதன சொத்தாக கருதப்படாது.

 

நிலம், வீடு, இயந்திரங்கள் ஆகியவை தொட்டு உணரக்கூடிய சொத்தாகவும்(Physical Assets), காப்புரிமை, பங்குகள், வங்கி முதலீடுகள், வர்த்தக முத்திரைகள் ஆகியவை நிதி சார்ந்த சொத்துக்களாகவும்(Financial Assets)  சொல்லப்படுகிறது. நிதி சார்ந்த சொத்துக்கள் காகித வடிவிலான சொத்துக்கள் எனவும் அழைக்கப்படும்.

Capital Gains Assets Holding Period

மூலதன சொத்துக்களின் மூலம் பெறப்படும் வருமானம் அல்லது லாபம், மூலதன ஆதாயம்(Capital Gains) எனப்படுகிறது. மூலதன ஆதாயம் – குறுகிய கால மற்றும் நீண்டகால ஆதாயம் என இரு வகைப்படும். மூலதன ஆதாய காலத்திற்கு(Holding Period) ஏற்ப வரி விகிதங்களும் மாறுபடும்.

 

அசையா சொத்துக்கள்(Immovable) மூலம் கிடைக்கப்பெறும் வருமானம், சொத்தினை வாங்கிய 24 மாதங்களுக்குள் விற்பனை செய்திருப்பின் அது குறுகிய கால மூலதன ஆதாயம்(Short term Capital Gains) எனப்படும். இதுவே 24 மாதங்களுக்கு மேலாக இருக்கும் பட்சத்தில், நீண்ட கால மூலதன ஆதாயமாகும். பட்டியலிடப்படாத பங்குகளுக்கு மேலே சொன்ன 24 மாத வரையறை பொருந்தும்.

 

சந்தையில் பட்டியலிடப்பட்ட பங்குகள்(Public Listed Shares) மற்றும் பங்கு சார்ந்த பரஸ்பர நிதிகளுக்கு குறுகிய காலம் என்பது 12 மாதங்களாகும். வாங்கிய பங்குகள் அல்லது யூனிட்களை 12 மாதங்களுக்குள் விற்றால் அது குறுகிய கால மூலதன ஆதாயமாக கருதப்படும். 12 மாதங்களுக்கு மேலான விற்பனை நீண்ட கால மூலதன ஆதாயம் ஆகும்.

 

கடன் சார்ந்த பத்திரங்கள்(Debt Instruments) அல்லது கடன் சார்ந்த பரஸ்பர நிதிகள் மற்றும் இதர சொத்துக்களுக்கு 36 மாதங்கள் வரை குறுகிய காலமாகும். 36 மாதங்களுக்கு மேலான முதலீட்டு விற்பனை நீண்ட கால மூலதன ஆதாயம்(LTCG -Capital Gains) என சொல்லப்படுகிறது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

பரஸ்பர நிதிகளுக்கு வரிகள் – வருமான வரி தாக்கல் – பாடம் 5

பரஸ்பர நிதிகளுக்கு வரிகள் – வருமான வரி தாக்கல் – பாடம் 5

Mutual Funds Taxation – Income Tax Returns – Lesson 5

 

வங்கிகளில் பெறப்படும் வட்டி வருமானம் வரிக்கு உட்பட்டவை என கூறியிருந்தோம். அது போல வங்கி வைப்பு நிதிகளுக்கு டி.டி.எஸ். பிடித்தம் உள்ளது என்பதையும் நாம் அறிந்து கொண்டோம். மியூச்சுவல் பண்ட்(Mutual Funds) என்று சொல்லப்படும் பரஸ்பர நிதி திட்டங்களுக்கு எவ்வாறு வரி விதிக்கப்படுகிறது என நாம் காண்போம்.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

பொதுவாக பரஸ்பர நிதிகள் மற்றும் பங்குகளுக்கு(Shares) டி.டி.எஸ். பிடித்தம் செய்யப்படமாட்டாது. அதே வேளையில் பரஸ்பர நிதிகள் மற்றும் பங்குகளுக்கு பங்கு பரிவர்த்தனை வரி உண்டு. இருப்பினும் நாம் பரஸ்பர நிதித்திட்டங்கள் மற்றும் சந்தையில் விற்கும் பங்குகளின் மூலம் பெறப்பட்ட வருமானத்தை நாம் தான் வருமான வரி தாக்கலின் போது சமர்ப்பிக்க வேண்டும்.

 

பரஸ்பர நிதித்திட்டங்களில் வரி விதிப்பு இரு வகைகளாக பிரிக்கப்பட்டுள்ளது. ஒன்று கடன்(Debt) சார்ந்த பரஸ்பர நிதி திட்டங்கள், மற்றொன்று பங்கு சார்ந்த பரஸ்பர நிதிகள்(Equity Oriented) மற்றும் கலப்பின திட்டங்கள் ஆகும். கலப்பின திட்டங்கள்(Hybrid or Balanced Funds) என்பது கடன் சந்தை மற்றும் பங்கு சந்தை சார்ந்த இரண்டும் கலந்த முதலீடாகும்.

 

கடன் சார்ந்த திட்டங்களில் முதலீடு செய்து விட்டு, அதனை மூன்று வருடத்திற்குள் வெளியே எடுக்கும் பட்சத்தில், தனி நபர் ஒருவரின் வருமான வரி வரம்பிற்கு தகுந்தாற் போல் வரி விதிக்கப்படும். இதுவே முதலீடு செய்த மூன்று வருடத்திற்கு பிறகு, நாம் திரும்ப பெறும் பட்சத்தில் பணவீக்க சரிக்கட்டலுடன் கூடிய 20 சதவீத வரி விதிக்கப்படும்.

Mutual Funds Taxation

 

உதாரணத்திற்கு, சேகர் என்பவர் ரூ. 1 லட்ச ரூபாயை கடன் சார்ந்த பரஸ்பர நிதி திட்டத்தில் முதலீடு செய்கிறார். பத்து மாதங்களுக்கு பிறகு அவரது முதலீட்டை சேர்த்து ரூ. 1,06,000 ஐ திரும்ப பெறுகிறார். சேகர் வருமான வரி செலுத்துபவராக இல்லாத நிலையில், பெறப்பட்ட வருமானத்திற்கு வரி எதுவுமில்லை. 20 சதவீத வரி வரம்பிற்குள் சேகர் இருந்திருந்தால், அவர் பெற்ற 6,000 ரூபாய்க்கு (1,06,000 – 1,00,000) 1200 ரூபாயை வரியாக செலுத்த வேண்டும். [ இதர வரி மற்றும் கட்டணங்கள் தனி ]

 

மூன்று வருடத்திற்கு பின்பு சேகரின் ரூ. 1 லட்சம் முதலீடு 1,24,000 ரூபாயாக உள்ளது. இப்போது அவர் பணத்தை திரும்ப பெறும் பட்சத்தில், பணவீக்க சரிக்கட்டலுக்கு பிறகு(Indexation) 20 சதவீத வரியை செலுத்தினால் போதும். அதாவது பணத்தை வெளியே எடுக்கும் காலத்தில் உள்ள பணவீக்கத்தை, நாம் பெற்ற வருமானத்தில் கழித்து விட்டு மீதம் இருக்கும் தொகைக்கு 20 சதவீத வரி செலுத்த வேண்டும். உதாரணமாக பணவீக்க சரிக்கட்டல் மதிப்பு(Indexation Benefit Cost) 12,000 ரூபாய் எனில், நாம் பெற்ற ரூ. 24,000 /- வருமானத்தில் 12,000 ரூபாயை கழித்து விட்டு மீதமிருக்கும் தொகைக்கு இருபது சதவீத வரி விதிக்கப்படும்.

 

பணவீக்க சரிக்கட்டலுக்கு பிறகு நமக்கு கிடைக்கும் வருமானம், வங்கி வைப்பு நிதி வட்டியை(Fixed Deposit Rates) காட்டிலும் சற்று அதிகமாக தான் இருக்கும். இது நமது முதலீட்டுக்கு சாதகமான விஷயம் எனலாம்.

 

பங்கு சார்ந்த மற்றும் கலப்பின திட்டங்களில் நாம் ஒரு வருடத்திற்கு முன், பணத்தை வெளியே எடுக்கும் பட்சத்தில் 15 சதவீத வரி விதிக்கப்படும். ஒரு வருடத்திற்கு மேலாக முதலீட்டை திரும்ப பெறும் போது, மூலதன ஆதாயம்(Capital Gains) ஒரு லட்ச ரூபாய்க்கு மேல் இருந்தால் 10 சதவீத வரி செலுத்த வேண்டும். இது சந்தையில் உள்ள பங்குகளுக்கும் பொருந்தும். உதாரணமாக சேகர் பங்கு சார்ந்த திட்டங்களில் பத்து லட்ச ரூபாயை முதலீடு செய்து விட்டு, ஒரு வருடத்திற்கு பிறகு லாபத்துடன் 11,25,000 ரூபாயாக பெறுகிறார் என வைத்து கொள்வோம். இப்போது அவர் மொத்த பணத்தையும் வெளியே எடுக்கும் போது, பெறப்பட்ட மூலதன ஆதாயமான 1.25 லட்சத்தில், ஒரு லட்ச ரூபாய்க்கு வரி சலுகையை பெறலாம். மீதமிருக்கும் 25,000 ரூபாய்க்கு மட்டும் 10 சதவீத வரி செலுத்தினால் போதுமானது.

 

இது போல, பரஸ்பர நிதிகள் மற்றும் பங்குச்சந்தையில் ஏற்படும் நஷ்டத்திற்கும்(Carry Forward on Loss) வரி சலுகை பெறலாம். இதனை பின்வரும் கட்டுரையில் நாம் பார்க்கலாம்.

 

இன்னும் திட்டமிடுவோம்…

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

 

இந்து கூட்டு குடும்பம் – வருமான வரி தாக்கல் – பாடம் 4

இந்து கூட்டு குடும்பம் – வருமான வரி தாக்கல் – பாடம் 4

Hindu Undivided Family (HUF) – Income Tax Returns – Lesson 4

 

வருமான வரி சட்டத்திலும் கூட்டு குடும்பமாக இருக்கும் பட்சத்தில், கிடைக்கக்கூடிய பலன்கள் அதிகமிருந்தாலும் இன்று நாம் அவ்வாறான கூட்டு குடும்பங்களை பார்க்க முடிவதில்லை. இந்து கூட்டு குடும்பம்(HUF) போன்று மற்ற மதங்களுக்கும் வருமான வரி சட்டங்கள் அமைக்கப்பட்டுள்ளன. பொதுவாக புத்தம், ஜெயின் மற்றும் சீக்கிய குடும்பங்களும் இந்து கூட்டு குடும்பத்தை உருவாக்கலாம்.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

இந்து கூட்டு குடும்பத்தினை உருவாக்குவதன் மூலம் வருமான வரியையும் சேமிக்கலாம். ஒரு தனிநபர் மட்டுமே இந்து கூட்டு குடும்பத்தை ஏற்படுத்த முடியாது. இந்து கூட்டு குடும்பத்தில் குடும்ப தலைவர், மனைவி மற்றும் பிள்ளைகள் இடம் பெறுவர். இந்த குடும்பத்தில் உள்ள சொத்துக்கள் அனைவருக்கும் சமமாகவே பிரித்து கொடுக்கப்படும்.

 

இங்கு குடும்ப தலைவர் பெரும்பாலும் மூத்த வயதுள்ள ஆணாக இருப்பார். இவரை கர்த்தா(Karta) என்பார்கள். 2016ம் ஆண்டுக்கு முன் பெண் ஒருவர் கர்த்தாவாக இருக்க முடியாது. ஆனால் தற்போது இந்து கூட்டு குடும்பத்தில் உள்ள பெண் ஒருவரும் தலைவராக இருக்கலாம். குடும்பத்தில் ஒரு தலைவரை அடுத்து மற்றவர்கள் உறுப்பினர்கள் ஆவர்.

 

இந்து கூட்டு குடும்பத்தை உருவாக்க விரும்புபவர்கள் அதற்கான குடும்ப உறுப்பினர்களை கொண்டிருப்பதோடு, குடும்ப பெயரில் பான் எண்ணை(PAN) பெற வேண்டும். வங்கி கணக்கும் இந்து கூட்டு குடும்ப பெயரில் மட்டுமே பெற்றிருக்க வேண்டும். வரி சட்டம் பிரிவு(Income Tax Act) 80 C ன் கீழ் இந்து கூட்டு குடும்பம் மற்றும் குடும்ப உறுப்பினர்கள்(Members) என தனித்தனியாக வரி சலுகை பெறலாம். ஆனால் ஒரே முதலீடு அல்லது சேமிப்புக்கு இருவரும் சலுகை பெற முடியாது.

 

உதாரணத்திற்கு குமார் என்பவரின் குடும்பம் இந்து கூட்டு குடும்பத்தின் கீழ் பதிவு செய்யப்பட்டுள்ளது. கூட்டு குடும்பத்தின் பெயரில் செய்யப்பட்ட முதலீடு மற்றும் வருமானம், குடும்பத்தின் வருமானமாக எடுத்து கொள்ளப்பட்டு வரி விகிதங்கள் கணக்கிடப்படும். இப்போது குமார் என்பவரும் தனி நபராக வருமான வரி செலுத்துபவர் எனில், அவருக்கான வரி சலுகை தனியே கணக்கிடப்படும். இதன் மூலம் வரி சேமிப்பை(Save Income Tax) ஏற்படுத்தலாம்.

 

கூட்டு குடும்பத்தின் கீழ் சொத்துக்கள், காப்பீடு, வருமானங்களை பெறலாம். பூர்வீக சொத்துக்களின் மூலம் கிடைக்கும் வருமானம் இந்து கூட்டு குடும்ப பெயரிலும், குடும்பத்தில் உள்ளவர்கள் தங்களுக்குரிய வருமானத்தை தனித்தனியாகவும் வருமான வரி கணக்கில் சமர்ப்பிக்கலாம்.

 

இந்து கூட்டு குடும்பத்தில் உள்ள பாதகமே, சொத்துக்களில் அனைவருக்கும் சமமான பங்கு உள்ளது. குடும்பத்தில் உள்ள உறுப்பினர் ஒருவர் தனது சொத்தினை பிரிக்க முயற்சிக்கையில், அனைத்து உறுப்பினர்களின் அனுமதி தேவைப்படும். கூட்டு குடும்பத்தில் பிறக்கும் ஒவ்வொரு குழந்தையும் பூர்வீக சொத்தில் சம உரிமையை பெறும். அது போல குடும்ப உறுப்பினர் ஒருவர் மணம் முடிக்கும் பட்சத்தில், அவரது துணையும் இந்து கூட்டு குடும்பத்தில் அங்கம் பெறுவர். எனவே நிர்வாக திறனை கருத்தில் கொள்வது அவசியம்.

 

கூட்டு குடும்பமாக செயல்பட்டால் நன்று. இல்லையெனில் நிதி சார்ந்த விஷயங்களில் அது பாரமாகவே அமையும்.

 

இன்னும் திட்டமிடுவோம்…

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

நிலைக்கழிவு – வருமான வரி தாக்கல் – பாடம் 3

நிலைக்கழிவு – வருமான வரி தாக்கல் – பாடம் 3

Standard Deduction – Income Tax Returns (Filing) – Lesson 3

 

தனி நபர் ஒருவரின் ஆண்டு வருவாயில் ஒரு நிலையான தொகை கழிக்கப்படுவதால் வரிக்கு உட்பட்ட வருமானத்தை குறைக்க உதவும். இதன் மூலம் ஒருவரின் வரி செலுத்திய தொகையும் குறைக்கப்படும்.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

பொதுவாக ஒரு நிறுவனத்தில் வேலை பார்க்கும் ஒருவருக்கு தனது சம்பளத்தில் சில பிடித்தங்கள்(Deductions) இருக்கும். அதே போல, தான் பெற்ற வருவாயில் சில வரி சலுகைகளும் கிடைக்கப்பெறும். உதாரணத்திற்கு வீட்டு வாடகை, விடுமுறை மூலமாக பெற்ற தொகை(Leave Encashment), குழந்தைகளுக்கான கல்வி செலவுகள், தொழிலாளர் வருங்கால வைப்பு நிதி(Providend Fund) போன்றவற்றிற்கு வரி விலக்கு உண்டு.

 

இது போக வருமான வரி துறையால் அறிவிக்கப்பட்ட நிலைக்கழிவுகளையும்(Standard Deduction) நாம் வரி சலுகையாக பெறலாம். கடந்த 2018ம் ஆண்டு பட்ஜெட் தாக்கலின் படி, மாத சம்பளம் வாங்கும் ஒருவருக்கு ரூ.40,000 /- வரை நிலைக்கழிவாக தனது வருவாயில் குறைத்து கொள்ள முடியும். நடப்பு வருட பட்ஜெட்டில் இந்த தொகை ரூ. 50,000 /- ஆக உயர்த்தப்பட்டுள்ளது கவனிக்கத்தக்கது. உயர்த்தப்பட்ட இந்த சலுகை நிதியாண்டு 2019-20 க்கு உரியதாகும். இதனை நாம் அடுத்த மதிப்பீட்டு காலத்தில் மட்டுமே பெற முடியும்.

 

மருத்துவ செலவுகள், பயணப்படிகள்(Transport Allowance) ஆகியவை இந்த நிலைக்கழிவு தொகையில் அடங்கும். முன்னர் பயணப்படி ரூ. 19,200 /- மற்றும் மருத்துவ செலவுகள் ரூ. 15,000 /- (ஆண்டுக்கு) வரையிலான தொகைக்கு மட்டுமே நாம் நிலைக்கழிவுகளை பெற்று வந்தது குறிப்பிடத்தக்கது.  எனவே இதுவரை வருமான வரி தாக்கல் செய்தவர்கள் மருத்துவ செலவுகள் மற்றும் பயணப்படிகளை தனித்தனியாக சமர்ப்பித்த நிலை மாறி, இந்த ஆண்டின் மதிப்பீட்டு காலத்தில்(AY 2019-20) அடிப்படை நிலைக்கழிவுகளாக 40,000/- ரூபாய் வரை கழித்து கொள்ளலாம்.

 

உதாரணத்திற்கு உங்கள் ஆண்டு வருவாய் ரூ.6 லட்சம் எனில், நிலைக்கழிவுகள் 40,000 /- ரூபாயை கழித்தது போக உங்களது வருமானம் ரூ.5,60,000 /- ஆக குறையும். அடுத்த வருட மதிப்பீட்டு காலத்தில்(AY 2020-21) இது 6,00,000 – 50,000 = 5,50,000 /- ஆக இருக்கும். மேலும் மற்ற வரிச்சட்ட பிரிவுகளின் (80C, 80D, 80E, 80G, etc) கீழும் நாம் வரி சலுகையை பெறலாம்.

 

ஒரு நிறுவனத்தில் தற்சமயம் பணிபுரியும் ஒருவர் ஏற்கனவே வேலை பார்த்த அல்லது ஓய்வு பெற்ற நிறுவனத்தில் ஓய்வூதியம் (பென்ஷன்) பெற்று வந்தால், அந்த வருமானம் வரிக்கு உட்பட்டதாகும். எனவே, அவரது மொத்த வருவாய் வருமான வரிக்கு உட்பட்டதாக இருக்கும் பட்சத்தில் அவர் அதற்கான வரியை செலுத்த வேண்டும். இந்நிலையிலும் அவர் அடிப்படை நிலைக்கழிவான ரூ. 40,000 /- சலுகையை பெறலாம்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

வருவாய் ஆதாரங்கள் – வருமான வரி தாக்கல் – பாடம் 2

வருவாய் ஆதாரங்கள் – வருமான வரி தாக்கல் – பாடம் 2

Sources of Income – Income Tax Returns (Filing) – Lesson 2

 

சென்ற பாடத்தில் Financial Year மற்றும் Assessment Year என்ன என்பதை பற்றி நாம் பார்த்தோம். ஒருவர் சொல்லப்பட்ட மதிப்பீட்டு காலத்தில்(AY 2019-20) தனது வரி தாக்கலை செய்வது, அதற்கு முந்தைய வருடத்தில்(Previous year i.e 2018-19) பெற்ற வருவாய்க்கு தான்.
//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

தனி நபர் ஒருவர் தான் பெற்ற வருமானத்திற்கு ஏற்ப வரி சட்டங்களும் உள்ளன. வருமான அளவினை கொண்டு வருமான வரி விகிதங்களும்(Income Tax Slab & Rates 2019) மாறுபடும். இதற்கான வருவாய் ஆதாரங்கள்(Sources of Income) எவ்வாறு அமைகிறது என்பதனை பார்ப்போம். வருமான வரி செலுத்தும் ஒருவருக்கு தனது வேலையின் மூலம் கிடைத்த மாத ஊதியம் மட்டுமில்லாமல் மற்ற வருவாய் ஆதாரங்களும் உள்ளன. அவை,

 

  • சம்பள வருமானம்(Income from Salary) – ஒரு நிறுவனத்தில் பணிபுரியும் போது கிடைக்கும் மாத ஊதியம், படிகள் மற்றும் அதனை சார்ந்த பிற வருவாய்.

 

  • வீடு மூலம் பெறும் வருமானம்(Income from House Property) – வீடு அல்லது கட்டிடங்கள் மூலம் பெறும் வாடகை வருமானம்.

 

  • மூலதன ஆதாய வருமானம்(Capital Gains) – ஒரு மூலதன சொத்துக்களை விற்கும் போது பெறும் லாபம் அல்லது நட்டம்.

 

  • வணிகம் அல்லது தொழில்முனைவின் மூலம் வருமானம்(Income from Business / Profession) – தனது தொழில் அல்லது வணிகத்தின் மூலம் பெறும் வருமானத்திற்கு.

 

  • மற்ற வருவாய் ஆதாரங்கள்(Other Source of Income) – பரிசுகள், வங்கி கணக்குகளில் பெறும் வட்டி வருமானம், குடும்ப ஓய்வூதியம்.

டி.டி.எஸ். பிடித்தம்(Tax Deducted at Source -TDS):

 

வருமான வரி சட்டத்தின் படி, நாம் பெறப்போகும் வருமானத்திற்கு முன்னரே வரி பிடித்தம் செய்யப்படும், இதனை டி.டி.எஸ். பிடித்தம் (Tax Deducted at Source) என்கிறோம். நாம் ஒரு நிறுவனத்தில் பணிபுரியும் பட்சத்தில் ஒரு நிதியாண்டுக்கான உத்தேச வருமானத்தை நிறுவனமே கணக்கிட்டு, அதற்கான வரி தொகையை நமது சம்பளத்தில் பிடித்து கொள்ளும். நிறுவனத்தில் நாம் சமர்ப்பித்த வரி சலுகை மதிப்புகள் போக, ஏதேனும் இருப்பின் வருமான வரி தாக்கல் செய்யும் போது, வரி சலுகைகளை பெறலாம்(சலுகை இருப்பின்). இதன் மூலம் நம்மிடம் நிறுவனம் பிடித்த தொகையை நாம் திரும்ப பெறலாம். வரி சலுகைக்கான ஆவணங்களை சரி பார்த்தும், பாதுகாப்பாகவும் வைத்து கொள்வது அவசியம்.

 

வங்கியில் உள்ள நமது சேமிப்பு கணக்கு(Savings Account) மற்றும் வைப்பு நிதி திட்டங்களுக்கு(Fixed Deposit) கிடைக்கப்பெறும் வட்டி வருமானமும் வரிக்கு உட்பட்டது. நடப்பு வரி சட்டப்படி, தனி நபர் ஒருவரின் ஆண்டு வருவாய் ரூ.2,50,000 க்கு மேலாக இருக்கும் பட்சத்தில் அவர் வரி செலுத்த(Tax Payer) அல்லது வரி தாக்கல்(Tax Return) செய்யக்கூடியவராக உள்ளார். வங்கிகளுக்கு நாம் நிறுவனத்தில் பெறும் வருமானத்தை பற்றி தெரிந்திருக்க வாய்ப்பில்லை. ஆதலால், வங்கிகளுக்கான வரி சட்டங்களின் படி, வாடிக்கையாளர்கள் பெறும் வட்டி வருமானத்திற்கு டி.டி.எஸ். பிடித்தம் செய்ய வேண்டும். இது சேமிப்பு கணக்கு மற்றும் வைப்பு நிதிக்கு பொருந்தும். முன்னர் ஒரு நிதியாண்டில் பெறப்படும் வட்டி வருமான தொகை ரூ.10,000 க்கு மேலாக இருந்தால் வங்கி 10 சதவீதம் டி.டி.எஸ். பிடித்தம் செய்யும். இந்த வருட புதிய பட்ஜெட் அடிப்படையில் ரூ. 40,000 /- வரையிலான வட்டி வருமானத்திற்கு வங்கிகள் பிடித்தம் செய்யாது.

 

வங்கிகளில் நாம் வட்டி வருமானத்தை கையில் பெறாவிட்டாலும், ஒவ்வொரு வருடமும் சொல்லப்பட்ட தொகைக்கு மேலாக வட்டி தொகை இருந்தாலே வங்கிகள் 10 சதவீதம் டி.டி.எஸ். பிடிக்கும். பான்(PAN) எண்ணை வங்கியில்  இணைக்காத நிலையில் இது 20 சதவீதமாக எடுத்து கொள்ளப்படும். வங்கிகள் டி.டி.எஸ். பிடித்தம் செய்யாவிட்டாலும் அது நமது மொத்த வருமானத்தில் சேர்க்கப்பட்டு, அதற்கேற்ப வரி வசூலிக்கப்படும்.

 

நாம் வருமான வரி செலுத்தும் நபராக இருக்கும் பட்சத்தில், வங்கிகள் பிடித்தம் செய்த தொகை போக, மேலும் ஏதேனும் தொகையை செலுத்த வேண்டுமென்றால், இதனை நாம் வரி தாக்கல் செய்யும் போது, படிவம் 26AS ல் தெரிய வரும். நாம் வருமான வரி வரம்பிற்குள் வராத பட்சத்தில், வங்கிகளில் பிடித்தம் செய்யப்பட்ட வட்டி தொகையை திரும்ப பெறலாம்.

 

பொதுவாக வங்கிகளில் டி.டி.எஸ். பிடித்தம் செய்யாமலிருக்க படிவம் 15G ஐ பயன்படுத்தலாம். மூத்த குடிமக்கள் 15H என்ற படிவத்தை நிரப்ப வேண்டும். 15G மற்றும் 15H படிவங்கள் வங்கிகளில் கிடைக்கப்பெறும்.

 

இன்னும் திட்டமிடுவோம்…

 

வாழ்க வளமுடன்,

 

நன்றி,  வர்த்தக மதுரை

 

www.varthagamadurai.com