Category Archives: Paisa News

Paisa News – News about Business and Finance

mutual funds, Paisa News

ஒரே வருடத்தில் ஒரு லட்சம் ரூபாயை 2.5 லட்சம் ரூபாயாக மாற்றிய எச்.டி.எப்.சி.(HDFC Mutual Fund) மியூச்சுவல் பண்ட் பங்கு

Leave a comment

ஒரே வருடத்தில் ஒரு லட்சம் ரூபாயை 2.5 லட்சம் ரூபாயாக மாற்றிய எச்.டி.எப்.சி.(HDFC Mutual Fund) மியூச்சுவல் பண்ட் பங்கு

153 Percent Returns in a year – HDFC Asset Management Company – Mutual Fund

எச்.டி.எப்.சி.(HDFC) குழுமத்தின் துணை நிறுவனமான எச்.டி.எப்.சி. அஸெட் மேனேஜ்மென்ட் கம்பெனி(HDFC Asset Management Company) பரஸ்பர நிதி துறையில் தனது சேவையை அளித்து வருகிறது. டிசம்பர் 2019 மாத முடிவின் படி, எச்.டி.எப்.சி. மியூச்சுவல் பண்ட் நிறுவனம் நிர்வகிக்கும் சொத்து மதிப்பு ரூ. 3.82 லட்சம் கோடி. வேறு எந்த பரஸ்பர நிதியும் இந்தளவு தொகையை கொண்டிருக்காததால், தற்போது எச்.டி.எப்.சி. பரஸ்பர நிதி நிறுவனம் முதலிடத்தில் உள்ளது.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

இரண்டாம் இடத்தில் ஐ.சி.ஐ.சி.ஐ. மியூச்சுவல் பண்டு மற்றும் மூன்றாம் இடத்தில் எஸ்.பி.ஐ. மியூச்சுவல் பண்டு நிறுவனமும் உள்ளது. கடந்த 2018ம் ஆண்டு ஜூலை மாதத்தில் எச்.டி.எப்.சி. அஸெட் மேனேஜ்மென்ட் நிறுவனம் இந்திய பங்குச்சந்தையில் பட்டியலிடப்பட்டது. அப்போதைய பங்கு ஒன்றின் விலை ரூ. 1100 என வெளியிடப்பட்டது. தற்போது இந்த நிறுவன பங்கு ஒன்றின் விலை ரூ. 3,178.

எச்.டி.எப்.சி. மியூச்சுவல் பண்டு(Mutual Fund) நிறுவனத்தின் சந்தை மதிப்பு 67,600 கோடி ரூபாய். பரஸ்பர நிதி துறையில் சேவை புரிவதால், நிறுவனத்திற்கு கடன் எதுவும் இல்லை. வட்டி பாதுகாப்பு விகிதமும் 258 மடங்கில் உள்ளது முதலீட்டாளருக்கு சாதகமான அம்சம். நிறுவனர்களின் பங்களிப்பு 80 சதவீதமாக உள்ளது.

கடந்த மூன்று வருட கால விற்பனை வளர்ச்சி 11 சதவீதமாகவும், லாப வளர்ச்சி 25 சதவீதமாகவும் உள்ளது. கடந்த ஒரு வருடத்திற்கு முன்பு இந்த பங்கின் விலை ரூ. 1,470 என்ற விலையில் வர்த்தகமாகி கொண்டிருந்தது. 52 வார உச்சபட்ச விலையாக பங்கு ஒன்றுக்கு ரூ. 3,844 வரை சென்றுள்ளது. இந்த பங்கின் விலை கடந்த ஒரு வருடத்தில் மட்டும் 150 சதவீதம் ஏற்றம் பெற்றுள்ளது.

அதாவது ஒரு வருடத்திற்கு முன்பு, நாம் ரூ. 1 லட்சத்தை இந்த பங்கில் முதலீடு செய்திருந்தால், பங்கு ஒன்றுக்கு 3,800 ரூபாய் என்ற விலையில் விற்கும் போது, நமக்கு கிடைக்கப்பெறுவது ரூ. 2.58 லட்சம். லாபம் மட்டுமே 1.58 லட்சம் ரூபாய் என அளவிடப்படுகிறது.

டிசம்பர் 2019 காலாண்டில் நிறுவனத்தின் வருவாய் ரூ. 525 கோடியாகவும், செலவினம் 111 கோடி ரூபாயாகவும் சொல்லப்பட்டுள்ளது. வரிக்கு முந்தைய லாபம் ரூ. 466 கோடி மற்றும் மூன்றாம் காலாண்டில் நிறுவனத்தின் நிகர லாபம்(Net Profit) 353 கோடி ரூபாய். கடந்த டிசம்பர் 2018 காலாண்டில் நிகர லாபம் 243 கோடி ரூபாயாக இருந்த நிலையில், தற்போது சொல்லப்பட்ட லாபம் 45 சதவீதம் கூடுதலாகும்.

2018-19ம் நிதியாண்டில் நிறுவனத்தின் வருவாய் 2,075 கோடி ரூபாயாகவும், நிகர லாபம் 931 கோடி ரூபாயாகவும் இருந்தது. செப்டம்பர் 2019 காலாண்டு முடிவின் படி, நிறுவனத்தின் இருப்புநிலை கையிருப்பு ரூ. 3,307 கோடி. பங்கு முதலீட்டின் மீதான வருவாய்(ROE) கடந்த ஒரு வருடத்தில் 35 சதவீதமாக உள்ளது குறிப்பிடத்தக்கது.

வாழ்க வளமுடன்,

நன்றி, வர்த்தக மதுரை 

www.varthagamadurai.com

Paisa News

2020ம் நிதியாண்டில் நாட்டின் பொருளாதார வளர்ச்சி குறைவாகவே இருக்கும் – சர்வேதச நாணய நிதியம்

Leave a comment

2020ம் நிதியாண்டில் நாட்டின் பொருளாதார வளர்ச்சி குறைவாகவே இருக்கும் – சர்வேதச நாணய நிதியம் 

India’s GDP for FY20 would be 4.8 Percent – IMF Projection

நாட்டின் பொருளாதார வளர்ச்சி கடந்த செப்டம்பர் காலாண்டு முடிவில் 4.5 சதவீதமாக இருந்தது. இது ஆறு வருட கால குறைவான விகிதமாக சொல்லப்பட்டது. இன்னும் டிசம்பர் 2019 காலாண்டுக்கான பொருளாதார வளர்ச்சி விகிதம் வெளியிடப்படவில்லை. இந்நிலையில் 2019-20ம் நிதியாண்டுக்கான நாட்டின் பொருளாதார வளர்ச்சி(GDP Growth) 4.8 சதவீதமாக இருக்கும் என சர்வேதச நாணய நிதியம் குறைத்து மதிப்பிட்டுள்ளது.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

உலகளாவிய பொருளாதார காரணிகள் ஒருபுறம் இருந்தாலும், உள்நாட்டில் நிலவும் காரணிகளும் நாட்டின் பொருளாதார வளர்ச்சியை பாதித்துள்ளன. கடந்த அக்டோபர் மாத அறிக்கையில் நாட்டின் பொருளாதார வளர்ச்சி 6.1 சதவீதமாக இருக்கும் என கணித்த சர்வேதச நாணய நிதியம்(IMF), தற்போது இந்த மதிப்பீட்டை குறைத்து வெளியிட்டுள்ளது.

வளர்ச்சியை குறைத்து மதிப்பிட்டதற்கு காரணமாக சொல்லப்படுவது, ‘ வங்கிகள் அல்லாத நிதி நிறுவனங்களில் காணப்படும் பிரச்சனைகள் மற்றும் கிராமப்புறங்களில் நிலவும் குறைவான வருமான வளர்ச்சி ஆகியவையே. நிறுவனங்களுக்கான வரி குறைப்பு நடவடிக்கை, நாட்டின் பொருளாதார வளர்ச்சிக்கு பெரிதாக ஊக்குவிக்கப்போவதில்லை.

அதற்கு மாறாக உட்கட்டமைப்பை மேம்படுத்தி அதிகப்படியான வேலைவாய்ப்புகளை உருவாக்க வேண்டும். இதன் மூலம் கிராமப்புற வருவாயும் மேம்படும். இது நாட்டின் மொத்த உள்நாட்டு உற்பத்தி வளர்ச்சியை வலுப்படுத்தும் ‘ எனவும் சொல்லப்பட்டுள்ளது.

நாட்டின் பொருளாதார வளர்ச்சி 2019-20ம் ஆண்டில் 4.8 சதவீதமாகவும், இதுவே 2020-21ம் நிதியாண்டில் 5.8 சதவீதமாகவும் மற்றும் 2021-22ம் ஆண்டில் 6.5 சதவீதமாக இருக்கலாம் என நாணய நிதியம் கூறியுள்ளது. இது போல உலக பொருளாதார வளர்ச்சி(World GDP) மதிப்பீட்டையும் குறைத்துள்ளது. நடப்பு நிதியாண்டில் உலக பொருளாதார வளர்ச்சி 2.9 சதவீதமும், 2020-21ம் ஆண்டில் 3.3 சதவீதம் மற்றும் 2021-22ம் நிதியாண்டில் 3.4 சதவீதம் என மதிப்பிடப்பட்டுள்ளது.

அமெரிக்காவின் பொருளாதார வளர்ச்சி 2019-20ம்  நிதியாண்டில் 2.3 சதவீதமாக இருக்கும் எனவும், அதே வேளையில் சீனாவின் வளர்ச்சி 6.1 சதவீதமாக இருக்கும் எனவும் சர்வேதச நாணயம் நிதியம் கூறியுள்ளது. ஏறக்குறைய அனைத்து வளரும் நாடுகளின் வளர்ச்சியும் குறைவாக மதிப்பிடப்பட்டுள்ளது.

வேகமாக வளரும் நாடுகளின் (Emerging Economy) வரிசையில் இந்தியா கடந்த சில காலாண்டுகளாக பின்னுக்கு செல்கிறது குறிப்பிடத்தக்கது. இருப்பினும் நாட்டின் பொருளாதார மதிப்பு சுமார் 2.8 டிரில்லியன் அமெரிக்க டாலர்களாக இருப்பது குறிப்பிடத்தக்கது. இந்தியா அடுத்த 7-10 வருடங்களில் பொருளாதார மதிப்பில் வல்லரசான அமெரிக்காவை வீழ்த்தலாம் என ஒரு கணிப்பு கூறுகிறது. அதே வேளையில் சீன நாட்டின் வளர்ச்சி அடுத்த 30-50 வருடங்களில் அபரிதமாக இருக்கும் எனவும் கூறப்படுகிறது.

வாழ்க வளமுடன்,

நன்றி, வர்த்தக மதுரை 

www.varthagamadurai.com

Paisa News

95 கோடி மக்களின் பணம் ஒரு சதவீத பணக்கார இந்தியர்களிடம் – அதிர்ச்சி தரும் சமத்துவமின்மை அறிக்கை

Leave a comment

95 கோடி மக்களின் பணம் ஒரு சதவீத பணக்கார இந்தியர்களிடம் – அதிர்ச்சி தரும் உலகளாவிய சமத்துவமின்மை அறிக்கை 

1 % of Richest Indians hold more than 4 Times of Wealth held by the 95.3 Crore Citizens

பணக்காரர்கள் பணக்காரர்களாக மாறுகின்றனர், ஏழைகள் ஏழைகளாகவே வாழ்கின்றனர் – இன்னும் ஓயாத உலக பிரச்சனை இது தான். வறுமை ஒழிப்பு, அனைவருக்கும் அடிப்படை தேவை மற்றும் வேலைவாய்ப்பு என நாம் சொல்லிக்கொண்டே சென்றாலும், இன்றும் பணக்காரர்கள் – ஏழைகளுக்கு இடையிலான வளம் சார்ந்த இடைவெளி அதிகரித்து கொண்டு தான் செல்கிறது.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

திரைப்படங்களில் வேண்டுமானால் ஏழையாக பிறக்கும் கதாநாயகன் பணக்காரனாக மாறலாம். இல்லையெனில் மக்களுக்காக போராடி, பணக்கார வில்லனை வீழ்த்தலாம். அங்கேயே பணக்காரர்கள் மற்றும் ஏழைகளுக்கான மோதல் ஆரம்பித்து விட்டது. உண்மையில் ஒரு ஏழை பணக்காரராவதற்கான வழிமுறையை நம் அடிப்படை கல்வி சொல்லித்தரவில்லை. அதற்கு மாறாக ஆடம்பரத்தை மட்டுமே நாம் விரும்புகிறோம்.

ஆக்ஸ்பேம்(Oxfam) நிறுவனம் கென்யாவின் நைரோபி நகரத்தை தலைமையிடமாக கொண்டு, வறுமை ஒழிப்பு சார்ந்த சேவையை புரிந்து வருகிறது. இந்நிறுவனம் ஒவ்வொரு ஆண்டும் உலகளவில் உள்ள பணக்காரர்களின் வளம், உலக சமத்துவமின்மை விகிதம் ஆகியவற்றை அறிக்கையாக வெளியிட்டு வருகிறது.

சமீபத்தில் வெளியிட்ட ஒரு அறிக்கையில், பணக்காரர்கள் மற்றும் ஏழைகளுக்கு இடையிலான அதிர்ச்சி தரும் சில விஷயங்களை கூறியிருந்தது. உலகின் 60 சதவீத மக்கள் சம்பாதிக்கும் பணத்தை காட்டிலும், அதிக சொத்து மதிப்பு கொண்டிருப்பவர்களின் எண்ணிக்கை வெறும் 2,153 பில்லினியர்கள். ஆப்பிரிக்காவில் உள்ள அனைத்து பெண்கள் சம்பாதிக்கும் வளத்தை விட அதிக சொத்து, உலகின் 22 பணக்காரர்களிடம் உள்ளது.

நம் நாட்டில் 95.3 கோடி மக்களின் வளத்தை காட்டிலும் நான்கு மடங்கில் ஒரு சதவீத இந்தியர்களிடம் உள்ளது என அதிர்ச்சி கொடுக்கிறது ஆக்ஸ்பேம். அதாவது நாட்டில் உள்ள 70 சதவீத மக்களின் வளம் வெறும் ஒரு சதவீத பணக்காரரர்களிடம். நாட்டில் உள்ள ஒரு ஐ.டி. நிறுவனத்தின் தலைமை அதிகாரி சம்பாதிக்கும் ஒரு வருட வருவாயை பெற, பெண் ஊழியர் ஒருவர் 22,277 வருடங்கள் வேலை பார்த்தாக வேண்டும். அவர் பத்து நிமிடங்களில் சேர்க்கும் பணத்தை, தொழிலாளர் ஒருவர் ஒரு வருடம் முழுவதும் உழைத்தால் மட்டுமே கிடைக்கும்.

நாட்டில் உள்ள 63 மிகப்பெரிய பணக்காரர்களின் சொத்து மதிப்பு, நாட்டின் பட்ஜெட் மதிப்பை(2018-19 – ரூ. 24.42 லட்சம் கோடி) காட்டிலும் அதிகமாக உள்ளது. உலகளாவிய சமத்துவமின்மை(Global Inequality) ஒவ்வொரு காலத்திலும் அதிகரித்த வண்ணம் உள்ளதாக ஆக்ஸ்பேம் தெரிவித்துள்ளது. கடந்த தசாப்தத்தில்(Decade) உள்ள கோடீஸ்வரர்களின் வளம் குறைந்திருந்தாலும், இம்முறை கோடீஸ்வரர்களின் எண்ணிக்கை இரு மடங்காக உள்ளது.

சமத்துவம் சார்ந்த கொள்கைகள் வழிவகுக்கப்பட்டால் ஒழிய பணக்காரர்கள் – ஏழைகளுக்கு இடையிலான இடைவெளியை குறைக்க இயலாது என இந்த கூட்டமைப்பு சொல்கிறது. நிறுவனங்கள் மற்றும் செல்வந்தர்கள் தங்கள் வரியை நியாயமாக செலுத்துவதை அரசு உறுதி செய்ய வேண்டுமெனவும், கிடைக்கும் வரி பணத்தை அரசு முறையாக பொது சேவைகள் மற்றும் உட்கட்டமைப்புக்கு பயன்படுத்துவதை கண்காணிக்கும் முறைகள் கையாளப்பட வேண்டும் எனவும் ஆக்ஸ்பேம் மேற்கோள் காட்டுகிறது.

ஒரு பிரபல தொழில்முனைவோரிடம் கேட்ட உரையாடல், ‘ அரசின் கொள்கைகள் மற்றும் தொழில் புரிவதற்கான அம்சங்கள் வெளிப்படையாக இருக்க வேண்டும். ஏழை மற்றும் நடுத்தர மக்கள் கூட்டு சேர்ந்து தொழில் புரிய ஆவல் காட்ட வேண்டும். லஞ்சம் ஏதும் கொடுக்காமல் கால தாமதமானாலும், நேர்மையாக அரசின் செயல்பாடுகளை அணுக வேண்டும். ஏழை மற்றும் நடுத்தர மக்கள் நிதி சார்ந்து முன்னேறினால் தான் உண்மையான பணக்காரர்கள் உருவெடுப்பர்.

பணம் சார்ந்த கல்வியை கற்க வேண்டும். சேமிப்பு மற்றும் முதலீட்டின் அவசியத்தை உணர வேண்டும். இளம் வயதில் தொழில் புரிய சிறிய அளவில் ரிஸ்க் எடுக்க அஞ்ச கூடாது. அனைவரும் படித்து விட்டு வேலைக்கு செல்ல வேண்டும் என்ற நிலையை மாற்றி, பலர் தொழில்முனைவை தேர்ந்தெடுத்து வேலைவாய்ப்புகளை உருவாக்க வேண்டும். அப்போது தான் அனைவருக்கும் பொருளாதார தன்னிறைவு கிடைக்கப்பெறும். இல்லையெனில், நம் நாட்டில் வயதானவர்களும், இளம் சிறார்களும் தங்கள் குடும்ப சூழ்நிலைக்காக வேலைக்கு செல்ல வேண்டியிருக்கும். ‘

வாழ்க வளமுடன்,

நன்றி, வர்த்தக மதுரை 

www.varthagamadurai.com

Paisa News

லாபத்திற்கு மட்டுமே பெயர் போன தனியார் வங்கி ஜாம்பவான் – எச்.டி.எப்.சி. வங்கி

Leave a comment

லாபத்திற்கு மட்டுமே பெயர் போன தனியார் வங்கி ஜாம்பவான் – எச்.டி.எப்.சி. வங்கி 

India’s Largest Private Sector Bank – HDFC Bank – Q3FY20

வீட்டு வசதி மேம்பாட்டு நிறுவனமான எச்.டி.எப்.சி.(HDFC) குழுமத்தின் ஒரு அங்கம் தான் எச்.டி.எப்.சி. வங்கி. துணை நிறுவனமாக செயல்படும் இந்த வங்கி, நாட்டின் மிகப்பெரிய தனியார் வங்கியாகவும் செயல்படுகிறது. இதன் இந்திய சந்தை மதிப்பு சுமார் ரூ. 7 லட்சம் கோடி.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

நிதி சேவையில் உள்ள இந்த வங்கி ஒரு லட்சத்திற்கும் மேற்பட்ட வங்கி பணியாளர்களை கொண்டு சேவை புரிந்து வருகிறது. கடந்த ஆண்டில் உலகின் சிறந்த பிராண்டுகளில் 60வது இடத்தை பிடித்துள்ளது குறிப்பிடத்தக்கது. 25 வருடங்களுக்கு முன்னர் துவங்கப்பட்ட எச்.டி.எப்.சி. வங்கி(HDFC Bank) இன்று 2,700 நகரங்களில் 5,500க்கும் மேற்பட்ட கிளைகளை கொண்டு, இதுவரை 2.5 கோடி டெபிட் கார்டுகள் மற்றும் 1.3 கிரெடிட் கார்டுகளை அதன் வாடிக்கையாளர்களுக்கு அளித்துள்ளது.

வங்கியின் மொத்த சொத்து மதிப்பு ரூ. 11.89 லட்சம் கோடி. இன்று அனைத்து பரஸ்பர நிதி சேவைகளின் திட்டத்தில்(Mutual Funds Scheme Portfolio) முன்னிலை வகிப்பது எச்.டி.எப்.சி. வங்கி தான். வங்கியின் மீதான நம்பிக்கையால் இந்த நிறுவனத்தின் பங்கு விலை பல மடங்கு உயர்ந்துள்ளது. கடந்த 10 வருடங்களில் இந்த பங்கின் விலை 22.50 சதவீத ஏற்றத்தை பெற்றுள்ளது. போனஸ் மற்றும் டிவிடெண்ட் தொகைகள் கணக்கில் எடுத்து கொள்ளப்படவில்லை.

2019-20ம் நிதியாண்டின் மூன்றாம் காலாண்டில் வங்கியின் வருவாய் ரூ. 29,370 கோடி என சொல்லப்பட்டுள்ளது. நிதி லாபமாக ரூ. 3,233 கோடியும், வரிக்கு முந்தைய லாபமாக ரூ. 9,902 கோடியும் உள்ளது. வங்கியின் நிகர லாபமாக ரூ. 7,416 கோடி சொல்லப்பட்டுள்ளது. கடந்த 2018-19ம் ஆண்டின் டிசம்பர் காலாண்டுடன் ஒப்பிடும் போது, தற்போதைய நிகர லாபம் 33 சதவீதம் வளர்ச்சியை பெற்றுள்ளது. இம்முறை இதர வருவாய் நிகர லாபத்தை ஊக்குவித்துள்ளது.

வங்கியின் வருவாய் கடந்த 10 வருடங்களில் 20 சதவீத வளர்ச்சியை அடைந்துள்ளது. இது போல வங்கியின் லாப வளர்ச்சியும் கடந்த பத்து வருட காலத்தில் 25 சதவீதமாக இருக்கிறது. பங்கு மூலதனத்தின் மீதான வருவாய்(ROE), பத்து வருடங்களில் 18 சதவீதம் வளர்ச்சியை பெற்றுள்ளது கவனிக்கத்தக்கது.

நிறுவனத்தின் இருப்புநிலை கையிருப்பாக ரூ. 1.48 லட்சம் கோடி உள்ளது. மொத்த வாராக்கடன் விகிதம், கடந்த டிசம்பர் 2019 காலாண்டில் 1.45 சதவீதமாக உள்ளது. நிகர வாராக்கடன் 0.48 சதவீதமாக உள்ளது. இது 2019-20ம் நிதியாண்டின் இரண்டாம் காலாண்டில், மொத்த வாராக்கடன் 1.38 சதவீதமாகவும், நிகர வாராக்கடன் விகிதம் 0.42 சதவீதமாகவும் இருக்கிறது. பொறுப்புகளுக்கான ஒதுக்கீடு(Provisions) மூன்றாம் காலாண்டில் 38 சதவீதம் அதிகரித்துள்ளது. இதற்கான ஒதுக்கீட்டு தொகை முன்னர் ரூ. 2,211 கோடியாக இருந்த நிலையில் தற்போது ரூ. 3,043 கோடி என சொல்லப்பட்டுள்ளது.

எச்.டி.எப்.சி. வங்கியின் கடன்-பங்கு விகிதம் 6.97 மற்றும் வட்டி பாதுகாப்பு விகிதம்(ICR) 1.64 மடங்கில் உள்ளது. பொதுவாக மற்ற துறையில் உள்ள நிறுவனங்களின் கடன்-பங்கு மற்றும் வட்டி பாதுகாப்பு விகிதத்துடன் வங்கித்துறையில் உள்ள நிறுவனங்களை ஒப்பிட கூடாது. ஏனெனில், நிதித்துறையில் கடன் வழங்கினால் மட்டுமே வருவாய் கிடைக்கப்பெறும்.

வாழ்க வளமுடன்,

நன்றி, வர்த்தக மதுரை 

www.varthagamadurai.com

Paisa News

ரிலையன்ஸ் நிறுவனத்தின் கடன் ரூ. 3 லட்சம் கோடி – காலாண்டு முடிவுகள்

Leave a comment

ரிலையன்ஸ் நிறுவனத்தின் கடன் ரூ. 3 லட்சம் கோடி – காலாண்டு முடிவுகள் 

RIL’s debt of Rs. 3 Lakh Crore – Quarterly Results – Q3FY20

இந்திய சந்தையில் 10 லட்சம் கோடி ரூபாயை சந்தை மதிப்பாக கொண்டிருக்கும் ஒரே நிறுவனம் முகேஷ் அம்பானியின் ரிலையன்ஸ் இண்டஸ்ட்ரீஸ்(Reliance Industries) நிறுவனமாகும். 1973ம் ஆண்டு திருபாய் அம்பானி அவர்களால் துவங்கப்பட்ட ரிலையன்ஸ் இண்டஸ்ட்ரீஸ் நிறுவனம், இன்று நாட்டின் மிகப்பெரிய குழும நிறுவனமாக உள்ளது.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

பெட்ரோலியம், இயற்கை எரிவாயு, பெட்ரோ கெமிக்கல், ஜவுளி, சில்லரை வணிகம், தொலைத்தொடர்பு, ஊடகம், இசை மற்றும் நிதி சேவை என பல தொழில் முகங்களை கொண்டிருக்கிறது. ஜியோ, ரிலையன்ஸ் ரீடெய்ல், ரிலையன்ஸ் பெட்ரோலியம் ஆகியவை இதன் துணை நிறுவனங்களாகும்.

இந்த நிறுவனத்தில் நிறுவனர்களின் பங்களிப்பு 49 சதவீதமாக உள்ளது. புத்தக மதிப்பு 639 ரூபாய் விலையிலும், கடன்-பங்கு விகிதம் 0.62 ஆகவும் இருக்கிறது. வட்டி பாதுகாப்பு விகிதம்(ICR) குறைந்த அளவாக 4 மடங்கில் உள்ளது. மூன்றாம் காலாண்டில் நிறுவனத்தின் வருவாய் ரூ. 1,52,939 கோடி மற்றும் செலவினமாக ரூ. 1.30 கோடி சொல்லப்பட்டுள்ளது. 2019-20ம் நிதியாண்டின் மூன்றாம் காலாண்டு நிகர லாபம் 11,640 கோடி ரூபாய்.

இயக்க லாப வளர்ச்சி(OPM) தொடர்ச்சியாக 15 சதவீதம் என்ற அளவில் வளர்ந்து கொண்டிருப்பது முதலீட்டாளர்களுக்கு சாதகமானது. ஆனால் அதே வேளையில் வட்டி பாதுகாப்பு விகிதம் போதுமான அளவில் இல்லை. நிறுவனத்தின் விற்பனை வளர்ச்சி கடந்த மூன்று வருடங்களில் 28 சதவீதமும், ஐந்து வருடங்களில் 5.50 சதவீதமும் மற்றும் 10 வருட கால அளவில் 14 சதவீதமும் வளர்ச்சி பெற்றுள்ளது.

லாப வளர்ச்சி எனும் போது, கடந்த மூன்று வருட காலத்தில் 10 சதவீதம், ஐந்து வருடங்களில் 14 சதவீதம் மற்றும் பத்து வருடங்களில் 10 சதவீதம் என்ற அளவில் வளர்ந்துள்ளது. நிறுவனத்தின் பங்கு விலை கடந்த ஒரு வருடத்தில் 40 சதவீதம் அதிகரித்துள்ளது குறிப்பிடத்தக்கது. இதுவே ஐந்து வருடங்களில் 29 சதவீதமும், 10 வருட கால அளவில் 11.30 சதவீதமும் விலை ஏற்றம் பெற்றுள்ளது. பங்கு போனஸ் மற்றும் டிவிடெண்ட் தொகைகள் சேர்க்கப்படவில்லை. எப்படியிருப்பினும், நீண்ட கால முதலீட்டாளர்களுக்கு இந்த பங்கு நல்ல வருவாயை அளித்துள்ளது.

நிறுவனத்தின் இருப்புநிலை கையிருப்பு(Reserves) ரூ. 3.99 லட்சம் கோடியாக உள்ளது. பணவரத்து சரியாக வந்து கொண்டிருக்கிறது, அதே வேளையில் நிலையான சொத்துக்களும் நிறுவனத்தால் வாங்கப்படுகின்றன. மூன்றாம் காலாண்டு முடிவில் நிறுவனத்தின் கடன் 3.06 லட்சம் கோடி ரூபாயாக உள்ளது. ஏற்கனவே ரிலையன்ஸ் நிறுவனம் கடனை குறைக்கும் பொருட்டு, தனது எண்ணெய் சுத்திகரிப்பு தொழிலில் சிறு பங்குகளை ஆரம்கோ(Saudi Aramco) நிறுவனத்திற்கு விற்பனை செய்ய ஒப்பந்தம் செய்துள்ளது. இந்த நிகழ்வு நடப்பு நிதியாண்டு முடிவுக்குள் எட்டப்படும்.

அடுத்து வரும் காலங்களில் ரிலையன்ஸ் நிறுவனம் அதன் சில்லரை வணிகம்(JIO Mart) மற்றும் ஜியோ சேவைக்கு(Reliance JIO) அதிக முக்கியத்துவம் கொடுக்கும். இதன் மூலம் அதன் வருவாயும் மேம்படும். கடன் அதிகம் இருந்தாலும், இதன் விற்பனை வளர்ச்சி அபரிதமாக உள்ளது. இருப்பினும், முதலீட்டாளர்களை பொறுத்தவரை நிறுவனம் தனது கடனை குறைப்பது தான் சாதகமான அம்சமாக அமையும்.

வாழ்க வளமுடன்,

நன்றி, வர்த்தக மதுரை 

www.varthagamadurai.com

Paisa News

வாகனத்துறை 2019 மறு பார்வை – எச்சரிக்கை தேவை

Leave a comment

வாகனத்துறை 2019 மறு பார்வை – எச்சரிக்கை தேவை 

How was the Automobile Sector in India ? – December 2019 Review

இந்திய வாகனத்துறை கடந்த 2019ம் வருடம் முழுவதும் சுணக்கத்தில் தான் இருந்தது. பி.எஸ். 6 (Bharat Stage VI) சுழற்சி முறைக்கான விதிமுறைகள் வரும் ஏப்ரல் 1, 2020 முதல் அமல்படுத்தப்பட உள்ளன. எனவே நாட்டில் உள்ள அனைத்து வாகன உற்பத்தியாளர்களும், வரும் 2020-21ம் நிதியாண்டு முதல்  பி.எஸ். 6 ரக இரு சக்கர மற்றும் நான்கு சக்கர வாகனங்களை மட்டுமே தயாரிக்க வேண்டும்.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

ஏப்ரல் 1, 2020 முதல் பி.எஸ். 6 ரக வாகனங்களை மட்டுமே விற்க வேண்டும் மற்றும் பதிவு செய்ய வேண்டும் என மத்திய அரசு சார்பில் அறிவுறுத்தப்பட்டுள்ளது. வாகனத்துறை கடந்த டிசம்பர் மாதத்திலும் விற்பனையில் தொய்வான நிலையை தான் எட்டியது.

இருப்பினும், இந்த தேக்கநிலை வரும் காலங்களில் சரி செய்யப்படலாம். வரும் காலங்களில் மின்னணு சார்ந்த வாகனங்களுக்கு(EV) முக்கியத்துவம் கொடுக்கப்படுவதால், வாகனத்துறை மற்றும் அதனை சார்ந்த தொழில்நுட்பம் மிகப்பெரிய சவாலை எதிர்நோக்கி காத்திருக்கிறது. இந்த துறையில் வரும் நாட்களில் அதிகப்படியான வேலையிழப்புகளும், அதே வேளையில் புதிய வேலைவாய்ப்புக்கான சூழலும் ஏற்படலாம்.

கடந்த டிசம்பர் 2019 காலத்தில் வாகனத்துறை வளர்ச்சி 13 சதவீதம் சரிந்துள்ளது. இது கடந்த 15 வருடங்களில் காணப்பட்ட குறைந்த வளர்ச்சி விகிதமாக சொல்லப்படுகிறது. முக்கிய காரணியாக பயணிகள் வாகனங்களும், இரு சக்கர வாகனம் மற்றும் வணிக வாகனங்களின் விற்பனை வளர்ச்சி சரிந்துள்ளது.

இரு சக்கர வாகனங்களின் விற்பனை வளர்ச்சி 12 சதவீதமும், பயணிகள் கார் விற்பனை வளர்ச்சி 8.50 சதவீதமும் வீழ்ச்சியடைந்துள்ளது. ஏப்ரல் முதல் டிசம்பர் 2019 வரையிலான காலத்தில் பயணிகள் வாகனங்கள் 16.40 சதவீத சரிவை சந்தித்துள்ளன. சொல்லப்பட்ட காலத்தில் ஒட்டுமொத்த வணிக வாகனங்கள்  விற்பனை 21 சதவீதம் சரிவடைந்துள்ளது.

இரு சக்கர வாகனங்கள் ஏப்ரல் – டிசம்பர் 2019 காலத்தில் 16 சதவீதம் விற்பனையில் வீழ்ச்சியை சந்தித்துள்ளது. இந்த காலத்தில் நாட்டின் ஒட்டுமொத்த வாகன ஏற்றுமதி 3.86 சதவீதம் வளர்ச்சி பெற்றுள்ளது.

டிசம்பர் மாதத்தில் அசோக் லேலண்ட்(Ashok Leyland) நிறுவனம் வாகன விற்பனையில் 28 சதவீதம் சரிவடைந்துள்ளது. இது போல ராயல் என்பீல்ட்(Royal Enfield – Eicher Motors) 13 சதவீதம், ஹீரோ மோட்டார் 6.50 சதவீதம் மற்றும் மாருதி விற்பனை 4 சதவீதம் என்ற அளவிலும் விற்பனையில் சரிவை சந்தித்துள்ளன. டி.வி.எஸ். மோட்டார் மற்றும் டாட்டா மோட்டார்ஸ் இரண்டும் 14 சதவீதம் வீழ்ச்சியடைந்துள்ளன. பஜாஜ் ஆட்டோ நிறுவனமும், மஹிந்திரா நிறுவனமும் விற்பனை வளர்ச்சியில் தொய்வை சந்தித்துள்ளன.

அடிப்படை பகுப்பாய்வை(Fundamental Analysis) பூர்த்தி செய்யும் நிறுவனங்களை இந்த துறையில் கண்டறிந்து, பங்கு விலை மலிவாக கிடைக்கப்பெறும் போது, சிறு அளவில் முதலீடு செய்வது சாதகமான அம்சமாக இருக்கும்.

வாழ்க வளமுடன்,

நன்றி, வர்த்தக மதுரை 

www.varthagamadurai.com

Paisa News

விப்ரோ நிறுவன மூன்றாம் காலாண்டு நிகர லாபம் ரூ. 2,456 கோடி

Leave a comment

விப்ரோ நிறுவன மூன்றாம் காலாண்டு நிகர லாபம் ரூ. 2,456 கோடி

Wipro Q3FY20 Net profit of Rs. 2,456 Crore – Quarterly Results

இந்திய தொழில்நுட்ப பன்னாட்டு நிறுவனமான விப்ரோ, ஐ.டி. சேவையில் உள்ள முக்கிய நிறுவனமாக செயல்படுகிறது. ஆரம்ப காலத்தில் காய்கறிகள் மற்றும் சுத்திகரிக்கப்பட்ட எண்ணெய் ஆகியவற்றை தயாரித்து விற்பனை செய்து வந்த நிறுவனம் (Western India Palm Refined Oil Ltd) பின்னர், தன்னை ஒரு ஐ.டி. நிறுவனமாக மாற்றி கொண்டது.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

இந்த நிறுவனத்தின் சேவை 50க்கு மேற்பட்ட நாடுகளிலும், நிறுவன பணியாளர்களின் எண்ணிக்கை 1.70 லட்சத்திற்கு மேற்பட்டதாகவும் உள்ளது. கிசான், சன் பிளவர், கேமல்(Camel), துளசி, செந்தூர் பவுடர்(Santoor Talcum), விப்ரோ ஜாஸ்மின் மற்றும் விப்ரோ பேபி சாப்ட் ஆகியவை இதன் முக்கிய பிராண்டுகளாக வலம் வந்தன.

2019ம் நிதியாண்டின் முடிவில் நிறுவனத்தின் மொத்த சொத்து மதிப்பு 12 பில்லியன் அமெரிக்க டாலர்கள் மற்றும் வருவாய் 8.47 பில்லியன் அமெரிக்க டாலர்கள் என சொல்லப்பட்டுள்ளது. விப்ரோ நிறுவனத்தின் சந்தை மதிப்பு சுமார் 1.41 லட்சம் கோடி ரூபாய். நிறுவனர்களின் பங்களிப்பு(Promoters Holding) 74 சதவீதமாகவும், நிறுவன கடன் 9,000 கோடி ரூபாயாகவும் உள்ளது.

நிறுவன கடன் ஓரளவு இருந்தாலும், அதன் கடன்-பங்கு (Debt to Equity) விகிதம் 0.20 க்கு கீழ் தான் உள்ளது. வட்டி பாதுகாப்பு விகிதம்(ICR) 16 மடங்கிலும், இருப்புநிலை கையிருப்பு ரூ. 49,940 கோடியாக உள்ளது. 2019-20ம் நிதியாண்டின் மூன்றாம் காலாண்டில் நிறுவனத்தின் வருவாய் 15,470 கோடி ரூபாயாகவும், செலவினம் ரூ. 12,290 கோடியாகவும் சொல்லப்பட்டுள்ளது.

வரிக்கு முந்தைய லாபம் ரூ. 3,079 கோடி மற்றும் நிகர லாபம் ரூ. 2,456 கோடியாகவும் உள்ளது. இது கடந்த டிசம்பர் 2018 காலத்தில் ரூ. 15,060 கோடி வருவாயாகவும், நிகர லாபம் ரூ. 2,510 கோடியாகவும் இருந்துள்ளது. ஆக, காலாண்டு நிகர லாபம் இம்முறை குறைந்துள்ளது.

நிறுவனத்தின் விற்பனை வளர்ச்சி கடந்த மூன்று வருடங்களில் 5 சதவீதமும், ஐந்து வருடங்களில் 6 சதவீதம் மற்றும் 10 வருட கால அளவில் 9 சதவீதமாகவும் உள்ளது. இது போல லாப வளர்ச்சி(Profit Growth) ஐந்து வருட கால அளவில் 3 சதவீதமும், 10 வருடங்களில் 9 சதவீதமாகவும் உள்ளது.

நிறுவனத்தின் பங்கு விலை கடந்த மூன்று வருடங்களில் 11 சதவீதம், ஐந்து மற்றும் பத்து வருட கால அளவில் 4 சதவீதமும் விலை உயர்ந்துள்ளது. போனஸ் பங்குகள் மற்றும் டிவிடெண்ட் தொகைகள் இங்கு சேர்க்கப்படவில்லை. இதன் அடிப்படை பகுப்பாய்வை(Fundamental Analysis) பின்னொரு நாளில் காண்போம். (போனஸ் பங்குகளை கொண்டு கோடிகளை அள்ளிக்கொடுத்த விப்ரோ )

வாழ்க வளமுடன்,

நன்றி, வர்த்தக மதுரை 

www.varthagamadurai.com

Paisa News

குலை நடுங்க வைத்த நாட்டின் சில்லரை விலை பணவீக்கம்

Leave a comment

குலை நடுங்க வைத்த நாட்டின் சில்லரை விலை பணவீக்கம் 

India’s Retail Inflation to 7.35 Percent – Breached the RBI’s Target

நாட்டின் பொருளாதார வளர்ச்சி என சொல்லப்படும் மொத்த உள்நாட்டு உற்பத்தி வளர்ச்சி(GDP Growth) ஒரு புறம் சரிவை நோக்கி சென்று கொண்டிருக்கையில், அதற்கு நேரெதிராக சில்லரை விலை பணவீக்கம்(Retail Inflation) வீறு நடைபோட்டு கொண்டிருக்கிறது. கடந்த 2019ம் ஆண்டின் ஜனவரி மாத சில்லரை விலை பணவீக்கம் 1.97 சதவீதமாக இருந்த நிலையில், டிசம்பர் 2019 மாத முடிவின் பணவீக்கம் 7.35 சதவீதம் என்ற நிலையை அடைந்துள்ளது.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

சந்தை எதிர்பார்த்த 6.2 சதவீத சில்லரை விலை பணவீக்கம் என்ற நிலையை காட்டிலும், டிசம்பர் மாத விலைவாசி உயர்ந்துள்ளது. இதனை காட்டிலும் பெரிய அதிர்ச்சி என்னவெனில், பாரத ரிசர்வ் வங்கியின் 6 சதவீதம் என்ற இலக்கை மீறியுள்ளது, தற்போது சொல்லப்பட்டுள்ள பணவீக்க விகிதம்.

உணவுப்பொருட்களின் சமீபத்திய விலை உயர்வால் நுகர்வோர் விலை பணவீக்கம் உயர்ந்துள்ளதாக கூறப்பட்டுள்ளது. அதிகபட்சமாக காய்கறிகளின் விலை 60 சதவீதம் அதிகரித்துள்ளது. இது போல பருப்பு(Pulses) வகைகள் 15.50 சதவீதமும், அத்தியாவசிய உணவுகளின்(Food & Beverages) விலை 12 சதவீதமும் கடந்த டிசம்பர் மாதத்தில் உயர்ந்து காணப்பட்டுள்ளது.

தானியங்கள் மற்றும் பால் பொருட்களின் விலையும் கணிசமாக அதிகரித்து காணப்படுகிறது. காலணிகள், துணிமணிகள், வீட்டுமனை மற்றும் எரிபொருட்களின் விலையும் ஓரளவு அதிகரித்துள்ளது. கடந்த ஆறு வருடங்களில் காணப்படாத அளவு தற்போது உணவு பொருட்களின் பணவீக்கம் உள்ளது கவனிக்கத்தக்கது.

நாட்டின் பொருளாதார வளர்ச்சி ஒருபுறம் இறக்கத்தில் செல்லும் நிலையில், பணவீக்க விகிதம் கட்டுக்குள் இருந்தால் அது சாதகமான அம்சமாக இருந்திருக்கும். ஆனால் தற்போது விலைவாசி உயர்ந்துள்ளது சாமானிய மக்களை குலைநடுங்க வைத்துள்ளது எனலாம்.

பணவீக்க உயர்வை தொடர்ந்து, வரவிருக்கும் மத்திய நிதிக்கொள்கை குழு கூட்டத்தில்(Monetary Policy Committee) பாரத ரிசர்வ் வங்கி வட்டியை குறைக்குமா, இல்லையெனில் வட்டி விகித அதிகரிப்பை ஏற்படுத்துமா என்பது தெரிய வரும். 2019-20ம் நிதியாண்டின் இரண்டாம் காலாண்டில் ஏற்படுத்தப்பட்ட வரி குறைப்பு நடவடிக்கையால் பெரும்பாலான நிறுவனங்கள் நஷ்டத்தை சந்திக்காமல், லாபத்தை பெற்றிருந்தன. இந்நிலையில் பணவீக்கம் உயர்ந்து காணப்படுவதால், வட்டி விகிதம் உயர்த்தப்படும் போது, அது நிறுவனங்களின் வருவாயில் பாதிப்பை ஏற்படுத்தும்.

அதே வேளையில், வட்டி விகிதத்தில் மாற்றம் ஏதுமில்லை அல்லது வட்டி விகிதம் குறைக்கப்பட்டாலும் அது வங்கி டெபாசிட்தாரர்களுக்கு சாதகமாக இருக்காது. பணவீக்கம் அதிகமாக காணப்படும் நிலையில், வங்கியில் பணவீக்கத்தை ஒட்டிய வருமானத்தை பெற முடியாமல், நஷ்டத்தை ஏற்படுத்தலாம். தற்போது ஒரு வருட வங்கி டெபாசிட்டுக்கான வட்டி விகிதம் 7 சதவீதத்திற்கு குறைவாக இருப்பது கவனிக்கத்தக்கது.

நாட்டின் சில்லரை விலை பணவீக்கம்(CPI Inflation) கடந்த 2013ம் ஆண்டின் நவம்பர் மாதத்தில் அதிகபட்சமாக 12.17 சதவீதம் இருந்தது. இதுவே நாட்டின் அதிகபட்ச விலை உயர்வாக சொல்லப்படுகிறது. குறைந்தபட்ச அளவாக கடந்த 2017ம் ஆண்டின் ஜூன் மாதத்தில் 1.54 சதவீதமாக இருந்துள்ளது குறிப்பிடத்தக்கது.

வாழ்க வளமுடன்,

நன்றி, வர்த்தக மதுரை

www.varthagamadurai.com

Paisa News

இந்த வார நாணயம் விகடனில் – நிதி பாதுகாப்புக்கு 5 அம்சங்கள்

Leave a comment

இந்த வார நாணயம் விகடனில் – நிதி பாதுகாப்புக்கு 5 அம்சங்கள் 

The Best 5 Basic Financial Protection Tools – Create Wealth

பொதுவாக நாம் தினசரி சந்திக்கும் பிரச்னை ‘ரிஸ்க்’. காலையில் எழுந்து, குளித்து, சாப்பிட்டு, அலுவலகம் போய் எல்லா வேலைகளையும் செய்து முடித்துவிட்டு மீண்டும் வீடு திரும்பும் நாம் எடுக்கும் ரிஸ்க்குகள் எத்தனையோ இருக்கின்றன. அதனால்தான் `எல்லா இடங்களிலும் ரிஸ்க் வியாபித்திருக்கிறது’ (Risk pertains everywhere) என்கிறோம்.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

சேமிப்பு மற்றும் முதலீடு (Savings and Investment) ஆகிய இரு விஷயங்களுக்கு முன்னர் நாம் செய்ய வேண்டியது நிதிப் பாதுகாப்பு (Financial Protection). நிதிப் பாதுகாப்பை உறுதி செய்ய நாம் கட்டாயம் செய்தாக வேண்டிய ஐந்து விஷயங்களை பற்றி, இந்த வார நாணயம் விகடன் இதழில் (19-01-2020) கூறியுள்ளோம்.

உங்கள் தினசரி வாழ்க்கையில் நீங்கள் ரிஸ்க் எடுக்கவில்லை என்றாலும், மறைமுகமாக பல தடைகள் வாழ்க்கையில் காத்திருக்கின்றன. குறிப்பாக நிதி சார்ந்த பொருளாதார வாழ்வில் இந்த விஷயம் பொருந்தும். எனவே உங்களையும், உங்கள் குடும்ப உறுப்பினர்களையும் பாதுகாக்க இந்த ஐந்து நிதி பாதுகாப்புகள் உதவும்.

உங்களுக்கு அருகில் உள்ள கடைகளில் நாணயம் விகடன் இதழை கேட்டு பெற்று பயன் பெற விரும்புகிறோம். இந்த கட்டுரையை பதிவு செய்த ஆசிரியர் மற்றும் நிர்வாக குழுவினருக்கு வர்த்தக மதுரை சார்பாக நன்றியை தெரிவித்து கொள்கிறோம்.

வாழ்க வளமுடன்,

நன்றி, வர்த்தக மதுரை

www.varthagamadurai.com

Paisa News

இனி உங்கள் எஸ்.ஐ.பி.(SIP) முதலீட்டிற்கும் யூ.பி.ஐ. மூலம் பணம் செலுத்தும் வசதி

Leave a comment

இனி உங்கள் எஸ்.ஐ.பி.(SIP) முதலீட்டிற்கும் யூ.பி.ஐ. மூலம் பணம் செலுத்தும் வசதி 

Start your SIP Investment using UPI Payments now

அஞ்சலகம் மற்றும் வங்கியில் நாம் சேமிக்கும் மாதாந்திர தொடர் வைப்பு கணக்கு(Recurring Deposit – RD) போன்று தான் எஸ்.ஐ.பி. முதலீடும். பரஸ்பர நிதி நிறுவனங்களின் முதலீட்டு சேவையில் இரு வகை மூலம் நாம் முதலீடு செய்யலாம். முதலாவதாக ஒருமுறை முதலீட்டின் மூலம் மேற்கொள்ளலாம். அதாவது நம்மிடம் உள்ள ஒரு குறிப்பிட தொகையை முழுவதுமாக ஒரு தவணையில் முதலீடு செய்வது தான் Lumpsum Investment.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

இதனை நாம் மற்றொரு முறை முதலீடு செய்தால் அதற்கு கூடுதல் கொள்முதல்(Additional Purchase) என சொல்வர். ஒரு முறை மட்டும் அல்லது மற்றொரு முறை செய்யும் முதலீட்டில் எந்த கால வரையறையும் இல்லை. நாம் எப்போது வேண்டுமானாலும் முதலீடு செய்து கொள்ளலாம். இந்த முதலீட்டு முறையில் திட்டங்களை பொறுத்து குறைந்தபட்ச முதலீட்டு தொகையும் மாறுபடும். சில திட்டங்களுக்கு குறைந்தபட்ச தொகையாக 500 ரூபாயாக இருக்கலாம். இல்லையெனில் 5000 ரூபாயாக அமையலாம்.

இரண்டாவது வகை தான் எஸ்.ஐ.பி.(Systematic Investment Plan) முதலீடு, நாம் ஏற்கனவே சொன்ன அஞ்சலக ஆர்.டி. சேமிப்பை போல. இங்கே மாதாந்திர முதலீடு மட்டுமில்லாமல், வாராந்திர, மூன்று மாதத்திற்கு ஒரு முறை அல்லது வருடத்திற்கு ஒரு முறை என நாம் தொடர்ச்சியாக முதலீடு செய்யும் சாதனத்தை தேர்ந்தெடுக்கலாம். தானியங்கி முறையில்(Auto Clearance) செயல்படும் இத்திட்டத்தில் குறைந்தபட்ச முதலீடாக ரூ. 100 அல்லது ரூ. 500 ஆக அமையலாம்.

பொதுவாக மியூச்சுவல் பண்ட் முதலீட்டில் ரொக்கமாக பணத்தை செலுத்த முடியாது. நமது வங்கி கணக்கை மியூச்சுவல் பண்ட் நிறுவனத்துடன் இணைப்பதன்(One Time Mandate – OTM) மூலம், தானியங்கியாக நமது வங்கி கணக்கிலிருந்து மாதாமாதம் நாம் கேட்டு கொண்ட தொகை பிடிக்கப்படும். இது ஒரு பாதுகாப்பான முறையே. இரண்டாவது முறையாக காசோலை(Name Cheque) வழங்குவதன் மூலம், நாம் முதலீட்டை மேற்கொள்ளலாம்.

இன்று பெரும்பாலானோர் இணைய வழியாக வங்கி பரிவர்த்தனைகளை மேற்கொள்வதால், நெட் பேங்கிங்(Internet Banking) வசதி மூலமும் பரஸ்பர நிதி திட்டத்தில் முதலீடு செய்யலாம். பீம்(BHIM), கூகுள் பே, போன் பே(Phone pe) மற்றும் இதர யூ.பி.ஐ. செயலிகள் மூலமும் நாம் பரஸ்பர நிதி திட்டத்தில் முதலீடு செய்யலாம். ஒருமுறை முதலீட்டிற்கு மட்டுமே யூ.பி.ஐ.(UPI) சேவை வழங்கப்பட்டிருந்த நிலையில், தற்போது எஸ்.ஐ.பி. முதலீட்டிற்கும் இதனை பயன்படுத்தலாம் என பாரத ரிசர்வ் வங்கி தெரிவித்துள்ளது.

இருப்பினும், இந்த பண பரிவர்த்தனை செயலி மூலம் அதிகபட்சமாக ரூ. 2000 வரையுள்ள எஸ்.ஐ.பி முதலீட்டிற்கு பயன்படுத்தலாம். அதற்கு மேலான தொகைக்கு நாம் மேலே சொன்ன முறையை பயன்படுத்த நேரிடும். இனி வங்கியில் கிடைக்கப்பெறும் நெட் பேங்கிங் வசதி இல்லையென்றாலும், யூ.பி.ஐ. மூலம் உங்கள் மியூச்சுவல் பண்ட் எஸ்.ஐ.பி. முதலீட்டை துவங்கலாம்.

இந்திய பரஸ்பர நிதி முதலீடுகளின் மொத்த சொத்து மதிப்பு 26.54 லட்சம் கோடி ரூபாய். செயல்பட கூடிய நிலையில்(Active SIP) உள்ள எஸ்.ஐ.பி. முதலீட்டு கணக்குகளின் எண்ணிக்கை சுமார் 2.96 கோடி. அதே வேளையில் நமது நாட்டின் மொத்த மக்கள் தொகையில் பரஸ்பர நிதிகளில் முதலீடு செய்தவர்களின் பங்களிப்பு வெறும் 2 சதவீதத்திற்கு குறைவாக தான் உள்ளது. தற்போதைய நிலையில், மியூச்சுவல் பண்டுகளில் முதலீடு செய்ய கடினமாக ஆவணங்கள் சமர்ப்பிப்பு மற்றும் கட்டுப்பாடுகள் என்று பெரிதாக எதுவுமில்லை. வருங்காலங்களில் பரஸ்பர நிதிகளில் முதலீடு செய்பவர்களின் எண்ணிக்கை அதிகரிக்கும் போது, மேலை நாடுகளில் உள்ளது போன்று, இந்த திட்டத்தில் கணக்கு துவங்குவதற்கு கட்டணம் விதிக்கப்படலாம். ஆவணங்கள் சார்ந்து கட்டுப்பாடுகளும் மாறுபடலாம். எனவே, இப்போதைய காலத்தில் ஒரு பரஸ்பர நிதி முதலீட்டு கணக்கை துவங்குவது சிறந்தது. இன்று பெரும்பாலான திட்டங்களுக்கு நாம் மாதாந்திர எஸ்.ஐ.பி. முதலீடாக ரூ. 100 ஐ கொண்டு துவங்கலாம்.

வாழ்க வளமுடன்,

நன்றி, வர்த்தக மதுரை 

www.varthagamadurai.com