Category Archives: Paisa News

Paisa News – News about Business and Finance

Paisa News

கடனுக்கான வட்டி விகிதம் அதிகரிப்பு – RBI

Leave a comment

கடனுக்கான வட்டி விகிதம் அதிகரிப்பு – RBI

RBI hikes Repo rate and Banks already hiked Interest Rate

 

கடந்த 4-6 ம் தேதி காலத்தில், பாரத ரிசர்வ் வங்கியின் நிதி கொள்கை குழு கூட்டப்பட்டது. இந்த கூட்டத்தில் எடுக்கப்பட்டமுடிவுகள் சில:

 

கடந்த சில காலங்களாக மாற்றம் பெறாத ரெப்போ வட்டி விகிதத்தில் இப்போது ரிசர்வ் வங்கி வட்டி விகித மாற்றத்தை அறிவித்துள்ளது. கடந்த காலத்தில் இருந்த ரெப்போ வட்டி விகிதமான 6 சதவீதத்திலிருந்து 0.25 % அதிகரித்து 6.25 % ஆக வெளியிடப்பட்டுள்ளது.

 

இதன் விளைவாக வங்கிகள் வழங்கும் கடன்கள் மற்றும் டெபாசிட் போன்றவைகளுக்கு வட்டி விகிதங்கள் அதிகரிக்க கூடும். ஆனால் சில வங்கிகள் ரிசர்வ் வங்கி நிதி கொள்கை முடிவு வருவதற்கு முன்னரே வட்டி விகித அதிகரிப்பை ஏற்படுத்தி விட்டன.

 

RBI Rates updated on June 2018

 

ரிவர்ஸ் ரெப்போ விகிதம் 6 சதவீதத்தில் தொடரும் எனவும், 2018-19 ம் நிதியாண்டுக்கான பொருளாதார வளர்ச்சி மதிப்பீடு 7.4 % ஆக இருக்கும் எனவும் பாரத ரிசர்வ் வங்கி கூறியுள்ளது.

 

வரும் காலத்தில் (ஏப்ரல்- செப்டம்பர் 2018) நாட்டின் சில்லரை பணவீக்கம் 4.8 – 4.9 % ஆக இருக்கும் என மதிப்பிடப்பட்டுள்ளது. கச்சா எண்ணெய் விலையில் ஏற்படும் மாற்றங்கள் பணவீக்கத்தை அதிகரிக்க கூடும் எனவும் ரிசர்வ் வங்கி அறிவுறுத்தியுள்ளது.

 

வங்கி வட்டி விகிதங்கள் ஏன் மாறுகிறது ?

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

திவால் சட்டத்தின் மூலம் விரைவான தீர்வுகளை எட்டும்பட்சத்தில் பெறப்படும் முதலீடுகளை அதிகரிக்க முனைவதாக மத்திய வங்கி சொல்லியுள்ளது. அடுத்த நிதி கொள்கை குழு(Monetary Policy Committee)  வரும் ஜூலை மாதம் 31 ம் தேதியில் கூடுகிறது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

ஒரே வருடத்தில் ஒரு லட்சம் கோடி ரூபாய் கடனை தள்ளுபடி செய்த வங்கிகள்

Leave a comment

ஒரே வருடத்தில் ஒரு லட்சம் கோடி ரூபாய் கடனை தள்ளுபடி செய்த வங்கிகள்

One Lakh Crore worth written off loans by the banks in a financial year 2017-18

வங்கிகளில் கடன் வாங்குவதும், வைப்பு நிதியில் முதலீடு செய்வதும் தினசரி நடைமுறையாக இருந்தாலும் இன்றைய நாட்களில் வங்கிகளுக்கு வாராக்கடன் என்ற கடன் நிலுவை விகிதமே அதிகரித்து கொண்டு செல்கிறது. வங்கி வட்டி விகிதமும் முதலீட்டிற்கு அதிகமான பலனை தரவில்லை. இருப்பினும் சமீபத்தில் சில தேசிய வங்கிகள் வங்கி வட்டி விகிதத்தை உயர்த்தியுள்ளன.

 

வாராக்கடன் சிக்கல் நாட்டில் உள்ள பெரும்பாலான வங்கிகளுக்கு உள்ளன. இந்திய ரிசர்வ் வங்கி வழிகாட்டுதலின் படி சில வங்கிகள் தங்களிடம் உள்ள கடன் நிலுவைகளை தள்ளுபடி செய்வதும் சில வருடங்களாக அதிகமாக உள்ளது.

 

இந்நிலையில் கடந்த 2017-18 நிதியாண்டில் மட்டும் 10 வங்கிகள் சுமார் 1 லட்சம் கோடி ரூபாய் அளவிலான கடன்களை தள்ளுபடி செய்துள்ளன. இந்த குறிப்பின் படி, பாரத ஸ்டேட் வங்கி (State Bank of India -SBI) ரூ. 40,100 கோடி கடனை, 2017-18 ம் நிதியாண்டில் தள்ளுபடி செய்துள்ளன.

 

பாரத ஸ்டேட் வங்கி 2016-17 ல் 20,500 கோடி ரூபாய் கடனை தள்ளுபடி செய்தது குறிப்பிடத்தக்கது. கடந்த இரு வருடத்தில் இது மற்றைய வங்கிகளை காட்டிலும் அதிகமாகும். கடந்த 2016-17 ம் வருடத்தில் பொது துறை வங்கிகள் மட்டும் 80,000 கோடி ரூபாய் மதிப்பிலான கடனை தள்ளுபடி செய்துள்ளன.

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

புதிய திவால் சட்டம் (Insolvency and Bankruptcy Code – IBC) மூலம் வங்கிகள் கடன் நிலுவையை திரும்ப பெறுவதற்கான வாய்ப்புகளும் உள்ளது. இதன் காரணமாகவே தங்களது கடனை வங்கிகள் பெரும்பாலும் தள்ளுபடி செய்து வருகின்றன.

 

சமீபத்தில் திவால் சட்டத்தின் வாயிலாக, பினானி சிமெண்ட் (BCL) நிறுவனத்தை அல்ட்ரா டெக் நிறுவனம் சுமார் 7200 கோடி ரூபாய்க்கு வாங்குவதும், எலெக்ட்ரோ ஸ்டீல்(Electrosteel) நிறுவனத்தை 5300 கோடி ரூபாய்க்கு வேதாந்தா நிறுவனம் (Vedanta) வாங்க முயன்றதும், வங்கிகளுக்கு கடன் தள்ளுபடி நிகழ்வை எளிதாகியுள்ளது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

Paisa News

கூடுதல் கண்காணிப்பு நடவடிக்கையில் பாம்பே டையிங் உள்ளிட்ட 37 நிறுவனங்கள் – மும்பை பங்குச்சந்தை

Leave a comment

கூடுதல் கண்காணிப்பு நடவடிக்கையில் பாம்பே டையிங் உள்ளிட்ட 37 நிறுவனங்கள் – மும்பை பங்குச்சந்தை

37 Stocks under Additional Surveillance Measure (ASM) Frame work – BSE India

 

மும்பை பங்குச்சந்தை கடந்த மே மாதம் 31 ம் தேதி வெளியிட்ட ஒரு அறிக்கையில் சந்தையில் பட்டியலிடப்பட்ட 37 நிறுவனங்களை தனது கூடுதல் கண்காணிப்பு நடவடிக்கையின்(ASM) கீழ் கொண்டு வந்துள்ளது. இந்த நிறுவன பட்டியலில் பாம்பே டையிங்(Bombay Dyeing) நிறுவனமும் உள்ளடக்கம்.

 

கூடுதல் கண்காணிப்பு நடவடிக்கையில்(ASM Framework)  சேர்க்கப்பட்ட நிறுவனங்களை இரு மாதங்களுக்கு ஒரு முறை ஆய்வு செய்யப்படும் என மும்பை பங்குச்சந்தை -BSE India தெரிவித்துள்ளது.

 

சந்தை பங்கேற்பாளர்களும் தெரியும் வண்ணம் இந்த தகவல் வெளியிடப்பட்டுள்ளது எனவும், அவ்வப்போது செய்யப்படும் மாற்றங்களும் அனைத்து முதலீட்டாளர்களின் நலனை கருத்தில் கொண்டு மும்பை பங்குச்சந்தை இணையத்தளத்தில் வெளியிடப்படும் எனவும் கூறியுள்ளது.

 

அதே சமயத்தில் இந்த கூடுதல் கண்காணிப்பில் இடம் பெற்றுள்ள நிறுவனங்கள் பட்டியலில் மட்டுமே உள்ளது எனவும், இதன் காரணமாக நிறுவனங்களுக்கு எதிராக எடுக்கப்படும் நடவடிக்கையாக கருத கூடாது எனவும் மும்பை பங்குச்சந்தை தெரிவித்துள்ளது.

 
( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

37 நிறுவனங்கள் பட்டியலில் உள்ள சில நிறுவனங்கள் – கிராஃபைட் இந்தியா (Graphite India), ஜி.வி.கே. பவர் (GVK Power and Infra), ரெயின் இண்டஸ்ட்ரீஸ்(Rain Industries), ரேடிக்கோ கைத்தான்(Radico Khaitan).

 

நிறுவனங்களின் பட்டியலை அறிய / பதிவிறக்கம் செய்ய…

https://www.bseindia.com/markets/MarketInfo/DispNoticesNCirculars.aspx?Noticeid=%7B7D4FFAA4-B3F0-48C1-B1AE-D049947C806C%7D&noticeno=20180531-35&dt=05/31/2018&icount=35&totcount=36&flag=0

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

வேகமாக வளர்ந்து வரும் பொருளாதார நாடுகளில் இந்தியா முன்னிலை

Leave a comment

வேகமாக வளர்ந்து வரும் பொருளாதார நாடுகளில் இந்தியா முன்னிலை

India ahead on Fastest growing economy

மத்திய புள்ளியியல் அமைச்சகம் (Minsitry of Statistics -CSO) வெளியிட்ட அறிவிப்பில் வேகமாக வளர்ந்து வரும் பொருளாதார நாடுகளில் இந்தியா முன்னிலையில் உள்ளது என கூறியுள்ளது.

 

நாட்டின் பொருளாதார வளர்ச்சி (GDP – Gross Domestic Product) ஜனவரி – மார்ச் மாத காலத்தில் 7.7 சதவீதமாக உள்ளது.  இந்த வளர்ச்சி இதற்கு முந்தைய மூன்று காலாண்டுகளை விட அதிகமாகும். முதல் மூன்று காலாண்டுகள் முறையே பொருளாதார வளர்ச்சி – 5.6 %, 6.3 % மற்றும் 7 % ஆக இருந்தது குறிப்பிடத்தக்கது.

 

2017 ம் நிதியாண்டுக்கான நான்காம் காலாண்டு வளர்ச்சி (7.7 %), சீனாவை காட்டிலும் அதிகமாகவும் உள்ளது. சீனா தனது நான்காம் காலாண்டில் 6.8 % வளர்ச்சியை பெற்றுள்ளது.

 

விவசாயம், உற்பத்தி மற்றும் கட்டுமான துறைகளில் ஏற்பட்ட மாற்றம் மற்றும் அதனை சார்ந்த வளர்ச்சி வேகம், பொருளாதார சதவீதத்தை அதிகரித்துள்ளது. அதே நேரத்தில் 2017-18 ம் நிதியாண்டின் மொத்த பொருளாதார வளர்ச்சி 6.7 % ஆக உள்ளது. இது இதற்கு முந்தைய 2016-17 (7.1 %) ஆண்டை காட்டிலும் குறைவு.

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

GVA (Gross Value Added) என்று சொல்லப்படும் மொத்த மதிப்பு சேர்ப்பு 2017-18 ம் நிதியாண்டில் 6.5 சதவீதமாக உள்ளது.  இது 2016-17 ல் 7.1 சதவீதமாக இருந்தது. மொத்த மதிப்பு சேர்ப்பு என்பது பொருளாதார வளர்ச்சி விகிதத்தில் வரிகளை தவிர்த்தது போக கிடைக்கும் மதிப்பாக கணக்கிடப்படுகிறது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

முத்ரா திட்டத்தில் 12 கோடி குடிமக்கள் பயனடைந்துள்ளனர் – பிரதமர் மோடி

Leave a comment

முத்ரா திட்டத்தில் 12 கோடி குடிமக்கள் பயனடைந்துள்ளனர் – பிரதமர் மோடி

12 Crore Indian citizens benefited from Mudra Yojana

 

பிரதான் மந்திரி முத்ரா யோஜனா (PMMY – Pradhan Mantri MUDRA Yojana) திட்டம் 2015 ஏப்ரல் மாதத்தில் பாரத பிரதமர் நரேந்திர மோடியால் துவக்கப்பட்டது. இந்திய அரசினால் ஆரம்பிக்கப்பட்ட இந்த திட்டத்தின் நோக்கம் சிறு மற்றும் குறு தொழில், பெரு நிறுவனம் அல்லாத (Non-Corporate) தொழிலுக்கு ரூ. 10 லட்சம் வரை கடன் வழங்குவதாகும். மேலும் புதிய தொழில்முனைவோர் மற்றும் பெண்களை ஊக்குவிக்கும் திட்டமாகவும் இது வழங்கப்பட்டது.

 

இது சம்மந்தமான நிகழ்வில் நேற்று பிரதமர் பேசும் போது, முத்ரா திட்டத்தில் இதுவரை 6 லட்சம் கோடி ரூபாய் கடன், வங்கி மூலம் வழங்கப்பட்டதாகவும், அதன் மூலம் 12 கோடி இந்திய குடிமக்கள்(12 Crore Beneficiaries) பயனடைந்துள்ளனர் எனவும் தெரிவித்தார்.

 

கடந்த நிதியாண்டில் மட்டும் முத்ரா திட்டத்திற்காக ரூ.2.53 லட்சம் கோடி கூடுதலாக ஒதுக்கப்பட்டதாக கூறினார். மேலும் அவர் சொன்னதாவது, “ இத்திட்டம் இளம் தொழில்முனைவோரை ஏற்படுத்தவும், தொழிலில் பெண்களின் பங்களிப்பை அதிகப்படுத்தவும் உதவும்.

 

சிறு மற்றும் குறு தொழில் நிறுவனங்கள் குறைந்த வட்டி விகிதத்தில் கடன் பெற்று, தொழில் செய்ய ஏதுவாக முத்ரா திட்டம் உள்ளது. 12 கோடி பயனடைந்த மக்களில் 28 சதவீதம் பேர் முதல் தலைமுறை தொழில்முனைவோர்கள்(First Generation Entrepreneurs) என்பது கவனிக்கத்தக்கது.

 

முத்ரா திட்டத்தில் கடன் பெற்றவர்களில் 74 சதவீதம் பேர் பெண்கள்; சுமார் 9 கோடி பெண்கள் இந்த திட்டத்தின் கீழ் கடன் பெற்று தொழில் செய்து வருகின்றனர். 12 கோடி பயனாளிகளில் 55 % மக்கள் தாழ்த்தப்பட்ட மற்றும் இதர பிற்படுத்தப்பட்ட பிரிவுகளில் உள்ளோர் “ என்றார்.

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

முத்ரா திட்டத்தில் பயன்கள் பல உள்ளதென்றாலும், இன்னும் இத்திட்டம் ஏழை மக்களை சென்றடையவில்லை எனவும், வேலைவாய்ப்பை பெருக்கவில்லை என்ற கருத்தும் இருந்து வருகிறது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

கரூர் வைசியா வங்கியின் நிகர லாபம் 77 % வீழ்ச்சி

Leave a comment

கரூர் வைசியா வங்கியின் நிகர லாபம் 77 % வீழ்ச்சி

Karur Vysya Bank Net Profit declines 77 Percent

 

கரூர் நகரத்தை தலைமையிடமாக கொண்டு இயங்கும் தனியார் நிறுவனமான கரூர் வைசியா வங்கி தனது காலாண்டு முடிவுகளை அண்மையில் (25-05-18) வெளியிட்டது. இந்த முடிவு வங்கியின் 2017-18 ம் ஆண்டுக்கான நான்காம் காலாண்டு நிதி அறிக்கையாகும்.

 

2017-18 ம் வருடத்திற்கான நான்காம் காலாண்டில் வங்கி நிகர லாபமாக ரூ. 50.56 கோடியை சம்பாதித்துள்ளது. கடந்த டிசம்பர் 2017 ல், அதாவது மூன்றாவது காலாண்டில் நிகர லாபம் ரூ. 71.50 கோடியாக இருந்தது.

 

இதற்கு முந்தைய வருடத்தில் (2016-17) இதே காலத்தில் வங்கியின் நிகர லாபம் 217.56 கோடி ரூபாயாகும். இதனை ஒப்பிடும் போது, தற்போதைய  நிகர லாபம் 77 சதவீதம் சரிந்தது.

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

கடந்த காலத்துடன் (2016-17) ஒப்பிடும் போது, 2017-18 ம் நிதியாண்டில் நிகர வட்டி வருமானம்(Net Interest Income) 11 % உயர்ந்து ரூ. 643 கோடியாக உள்ளது. மொத்த வாராக்கடன் மார்ச் 2018 காலாண்டில் 6.56 % ஆக உள்ளது. இது டிசம்பர் 2017 ம் காலாண்டில் 5.94 சதவீதமாக இருந்தது.

 

வங்கியின் நிகர வாராக்கடன் தற்போது முடிந்த காலாண்டில் 4.16 சதவீதமாகவும், 2017-18 ன் மூன்றாவது காலாண்டு முடிவில் 3.88 சதவீதமாகவும் உள்ளது.

 

இதர வருவாய்(Other income) குறைந்து மார்ச் காலாண்டில் ரூ. 480 கோடியாக உள்ளது. இது இதற்கு முந்தைய காலாண்டுடன் ஒப்பிடுகையில் 5.4 % குறைவாகும். கடந்த நிதியாண்டை 2016-17 வருத்தத்துடன் பார்க்கும் போது, இதர வருவாய் 2017-18 ல் ரூ. 208 கோடி ஆகும். இது 10 % இதர வருவாய் சரிவாகும்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

ஐந்து வருட குறைவாக பி.எப். வட்டி விகிதம் – 8.55 %

Leave a comment

ஐந்து வருட குறைவாக பி.எப். வட்டி விகிதம் – 8.55 %

5 Years Low on EPF Interest Rate – Cuts to 8.55 %

 

தொழிலாளர் வருங்கால வைப்பு நிதிக்கான வட்டி விகிதத்தை 8.55 சதவீதமாக வழங்க EPFO(Employees’ Provident Fund Organization) முடிவெடுத்துள்ளது. 2017-18 ம் நிதியாண்டுக்கான வட்டி விகிதமாக 8.55 சதவீதத்தை ஏற்கனவே தனது மத்திய குழு கூட்டத்தில் EPF அமைப்பு அறிவித்தது.

 

2016-17 ம் நிதியாண்டுக்கான வட்டி விகிதம் 8.65 % ஆகவும், 2015-16 ம் ஆண்டுக்கு 8.8 சதவீதமாகவும், 2014-15 ல் 8.75 % ஆக இருந்தது குறிப்பிடத்தக்கது.  தற்போது சொல்லப்பட்டுள்ள 8.55 சதவீதம் கடந்த ஐந்து வருட குறைவாக உள்ளது என்பது கவனிக்கத்தக்கது. 2012-13 ம் நிதி வருடத்தில் EPF வட்டி விகிதம் 8.5 சதவீதமாக இருந்தது.

 

இந்த ஐந்து வருட வட்டி குறைப்பு, சுமார் ஆறு கோடி பி.எப். சந்தாதாரர்களை பாதிக்கும் என ஏற்கனவே பொருளாதார நிபுணர்களால் சொல்லப்பட்டிருந்தது. கடந்த பிப்ரவரி மாதத்திலேயே அறிவிக்கப்பட்ட இந்த 8.55 % வட்டி, கர்நாடக தேர்தலை மேற்கோள் காட்டி வழங்கப்படாமல் இருந்தது. தற்போது இதனை நடைமுறைப்படுத்த கூறியுள்ளது.

 

கடந்த மார்ச் 2018 ன் படி, 8.4 கோடி சந்தாதாரர்கள் தங்களின் பிறப்பு தேதியை சமிர்ப்பிக்கவில்லை என்றும், 11 கோடி பி.எப். கணக்கில் சந்தாதாரர்களின் தந்தை பெயர் குறிப்பிடப்படவில்லை எனவும் அமைச்சரவையால் தெரிவிக்கப்பட்டுள்ளது.

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

தொழிலாளர்களுக்கான பி.எப். கணக்கு நடைமுறை தற்போது எளிமையாக்கப்பட்டுள்ளது. UAN (Universal Account Number) என்ற பொது கணக்கு எண் ஒவ்வொரு சந்தாதார்களுக்கும் வழங்கப்பட்டுள்ளது. இதன் மூலம் அவர்கள் எந்த நிறுவனத்தில் பணிபுரிந்தாலும் ஒரே கணக்கு எண்ணை கொண்டு நிர்வகிக்கலாம். தங்கள் விவரங்கள் மற்றும் பி.எப். பணத்தை கையாளும் முறையும் எளிதாக உள்ளது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

தேசிய பென்ஷன் திட்டத்தின் சமீபத்திய மாற்றங்கள்

Leave a comment

தேசிய பென்ஷன் திட்டத்தின் சமீபத்திய மாற்றங்கள்

Recent Changes in National Pension System (NPS)

 

என்.பி.எஸ் (NPS) எனப்படும் தேசிய பென்ஷன் திட்டம் மத்திய அரசால் நடைமுறைப்படுத்தப்பட்டு, 2004 ஜனவரி மாதம்(January 1,2004) முதல் இந்தியாவில் உள்ள அனைத்து அரசு ஊழியர்களுக்கும், 2009 ம் வருடம் முதல் அனைத்து இந்திய குடிமக்களுக்கும் என கொண்டு வரப்பட்டது. இதனை புதிய பென்ஷன் திட்டம் எனவும் கூறுவதுண்டு.

 

NPS(National Pension System) செயலாக்கத்தால் 2004 ஜனவரி 1 ம் தேதிக்கு பிறகு பணியில் சேர்ந்த அரசு ஊழியர்களுக்கு முன்பிருந்த வரையறுக்கப்பட்ட பயனமைப்பை (Defined Benefit System) கொண்ட பென்ஷன் முறை ரத்து செய்யப்பட்டது. இதனால் 2004 முதல் அரசு ஊழியர்களுக்கு பென்ஷன் முறைக்கு மாற்றாக, வரையறுக்கப்பட்ட பங்களிப்பு திட்டம் (Voluntary Defined Contribution System) என்னும் தேசிய பென்ஷன் திட்டம் அமல்படுத்தப்பட்டது.

 

என்.பி.எஸ் திட்டத்தில் பயன்பெறும் ஊழியர் சந்தாதாரர்(Subscriber) எனப்படுவார். இந்த திட்டம் PFRDA (Pension Fund Regulatory and Development Authority) அமைப்பால் ஒழுங்குமுறைப்படுத்தப்பட்டுள்ளது. சந்தாதாரர் சார்ந்த தகவல்கள் மற்றும் முதலீட்டு முறைகள் தனியார் நிறுவனங்களால் நிர்வகிக்கப்பட்டு வருகிறது.

 

தேசிய பென்ஷன் திட்டத்தில் அவ்வப்போது சில மாற்றங்கள் கொண்டு வருவதுண்டு. சமீபத்தில் அது போன்ற மாற்றங்கள் சில அறிவிக்கப்பட்டுள்ளன. சந்தாதாரராக உள்ளவர் திட்டத்தில் இணைந்த மூன்று வருடங்களுக்கு பிறகு தனது பங்களிப்பில் 25 சதவீத பணத்தை விரும்பினால் பெற்று கொள்ளலாம்(25 percent withdrawal). பணத்தை திரும்ப பெற்று கொள்ளும் காரணமாக, தனது துறை சார்ந்த உயர்கல்வி படிப்பது, புதிதாக தொழில் துவங்குவது போன்றவையாக இருக்கலாம் என கூறப்பட்டுள்ளது.

( Read this post after the advertisement… )

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

 

தனியார் துறையில் பணிபுரியும் சந்தாதார்களுக்கு தனது என்.பி.எஸ். கணக்க்கில் சமபங்கு முதலீட்டை(Equity Investment) 75 சதவீதம் வரை மேற்கொள்ளலாம் எனவும் அறிவிக்கப்பட்டுள்ளது. இதுவரை இந்த விகிதம் 50 % ஆக இருந்தது குறிப்பிடத்தக்கது.

 

சந்தாதாரர் தனது திட்ட காலத்தில் அதிகபட்சமாக மூன்று முறை தனது பங்களிப்பு பணத்தை பெற்று கொள்ளலாம் எனவும், இது சம்மந்தமான விண்ணப்ப கோரிக்கையை CRA (Central Record Keeping Agency) என்ற மத்திய ஆவண பதிவு அமைப்பில் கொடுக்கலாம் எனவும் கூறியுள்ளது. அருகில் உள்ள நோடல் அலுவலகத்திலும் விண்ணப்பத்தை கொடுக்கலாம் என தனது அறிவிப்பில் வெளியிட்டுள்ளது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

என்னிடம் ஆப்பிள் போன் இல்லை; ஆனால் நான் ஆப்பிள் நிறுவனத்தை வாங்க தயாராக உள்ளேன் – வாரன் பப்பெட்

Leave a comment

என்னிடம் ஆப்பிள் போன் இல்லை; ஆனால் நான் ஆப்பிள் நிறுவனத்தை வாங்க தயாராக உள்ளேன் – வாரன் பப்பெட்

A Man who still using a Flip Mobile Phone, but wants to own APPLE Company

 

உலகின் மிகப்பெரும் பணக்காரராகவும், Berkshire Hathaway நிறுவனத்தின் தலைவராகவும் அங்கம் வகிப்பவர் வாரன் பப்பெட் (Warren Buffet) ஆவார். 87 வயதாகும் வாரன் பப்பெட் உலகின் பெரும் பணக்காரர்கள் பட்டியலில் தற்போது நான்காம் இடத்தில் உள்ளார். பணக்காரர்கள் பட்டியலில் அதிக வயதுடையவரும் இவரே, தற்சமயம் இவரது சொத்து மதிப்பு 8440 கோடி டாலராகும்.

 

முதலிடத்தில் உள்ள அமேசான் நிறுவனர் ஜெப் பேஜோஸின் சொத்து மதிப்பு 13,200 கோடி டாலராகும். சமீபத்தில் வாரன் பப்பெட் ஒரு பேட்டியில் கூறியதாவது, “ நாங்கள் இதுவரை ஆப்பிள் நிறுவனத்தில் 5 சதவீத பங்குகளை வைத்துள்ளோம். இது ஒரு நீண்ட கால அடிப்படையில் செய்யப்பட்ட முதலீடு. ஆப்பிள் நிறுவனத்தின் நிர்வாகம் நன்றாக உள்ளது. மேலும் முதலீடு செய்ய காத்திருக்கிறோம்; முடிந்தால் 100 சதவீத பங்குகளை வாங்க விரும்புகிறோம்.

 

ஒரு நண்பர் எனக்கு ஐபோன் 10 (iPhone 10)  ஐ பரிசாக அளித்தார். மேலும் அதனை பயன்படுத்தும் முறை பற்றியும் எனக்கு விளக்கியிருந்தார். ஒரு சிறு குழந்தைக்கு விளக்குவது போல அவர் ஐபோனை பற்றி என்னிடம் வர்ணித்தார்.

 

நான் இதுவரை அந்த மாதிரியான கைபேசியை பயன்படுத்தியது இல்லை. மேம்பட்டு வரும் தொழில்நுட்பத்தை நான் அவ்வளவாக புரிந்து கொள்ளவில்லை. இருப்பினும் தொழில்நுட்பத்தில் முன்னிலையில் இருக்கும் ஒரு நிறுவனத்தை வாங்குவதில் ஆவலாக உள்ளோம் “ என்றார்.

 
( Read this post after the advertisement… )

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

நடப்பு வருடத்தின் முதல் மூன்று மாதங்களில் வாரன் பப்பெட் நிறுவனம், ஆப்பிள் நிறுவனத்தின் 7.5 கோடி பங்குகளை வாங்கியுள்ளது. இதன் மூலம் ஆப்பிள் நிறுவனத்தின் பங்குதாரர்களில் Berkshire Hathaway இரண்டாம் இடம் பிடித்தது.

 

பப்பெட் பெரும் பணக்காரராக இருந்தும், இன்னும் மடக்கு கைபேசியை(Flip Mobile phone) தான் பயன்படுத்தி கொண்டிருக்கிறார். தனது 11 வது வயதிலிருந்து பப்பெட் முதலீடுகளை மேற்கொண்டு வருகிறார். முதலில் நிறுவனத்தின் பங்குகளை கொஞ்சம் வாங்குவதும், பிற்காலத்தில் அந்த நிறுவனத்தையே கையகப்படுத்துவதும் இவரது முதலீட்டு மந்திரங்கள்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

 

 

Paisa News

பிளிப்கார்ட் இனி வால்மார்ட் – 2000 கோடி டாலர் மதிப்பு கொண்ட நிறுவனம்

Leave a comment

பிளிப்கார்ட் இனி வால்மார்ட் – 2000 கோடி டாலர் மதிப்பு கொண்ட நிறுவனம்

Flipkart to sell nearly 75 Percent of its stake to Walmart

 

இந்தியாவின் மிகப்பெரிய மற்றும் முதலிடத்தில் உள்ள ஆன்லைன் நிறுவனமான பிளிப்கார்ட் தனது 75 சதவீத பங்குகளை அமெரிக்காவின் பன்னாட்டு சில்லரை நிறுவனமான வால்மார்ட்டுக்கு விற்பதற்கான முடிவை எடுத்துள்ளது. இது சம்மந்தமான தனது சந்திப்பில் இயக்குனர் குழு ஒப்புதல் வழங்கியுள்ளது.

 

வால்மார்ட் நிறுவனத்துடன், கூகுள் ஆல்பபெட் நிறுவனமும் கைகோர்த்துள்ளது குறிப்பிடத்தக்கது. ஏற்கனவே பிளிப்கார்ட் நிறுவனத்தை வாங்கும் முயற்சியில் அமேசான் நிறுவனமும் இருந்தது. அமேசான் நிறுவனம் இந்தியாவின் மிகப்பெரிய ஆன்லைன் நிறுவன பட்டியலில் இரண்டாவது இடத்தில் உள்ளது.

 

தற்போது பிளிப்கார்ட் நிறுவனத்தின் சந்தை மதிப்பு 2000 கோடி அமெரிக்க டாலராகும். இவற்றில் சுமார் 1500 கோடி டாலர் மதிப்பிலான 75 % பங்குகளை வால்மார்ட் நிறுவனம் வாங்கும் என எதிர்பார்க்கப்படுகிறது.

 

ஏற்கனவே பிளிப்கார்ட் நிறுவனத்தில் ஜப்பானை சேர்ந்த சாப்ட்பாங்க் (Softbank) நிறுவனமும், சீன நிறுவனமான டென்செண்டும் (Tencent) முதலீடு செய்துள்ளது. இது போக நாஸ்பெர் மற்றும் மைக்ரோசாப்ட் நிறுவனங்களும் முதலீடு செய்துள்ளன. பிளிப்கார்ட் – வால்மார்ட் ஒப்பந்த முடிவில், ஜப்பானை சேர்ந்த சாப்ட்பாங்க் நிறுவனம் தனது அனைத்து பங்குகளையும் விற்று விட்டு வெளியேற இருக்கிறது.

( Read this post after the advertisement… )

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

2007 ம் ஆண்டு தொடங்கப்பட்ட பிளிப்கார்ட் நிறுவனத்தின் இணை நிறுவனர் மற்றும் நிர்வாக குழுவின் தலைவராக சச்சின் பன்சால் உள்ளார். இவருடன் மற்றொரு நிறுவனராக பின்னி பன்சால் இருந்தார். பிளிப்கார்ட் விற்பனை தருணத்தில், இணை நிறுவனர் சச்சின் பன்சால் தன்னிடமுள்ள 5.5 % பங்குகளை விற்று விட்டு நிறுவனத்திலிருந்து  வெளியேறும் முடிவில் உள்ளார்.

 

வால்மார்ட் நிறுவனம் அமெரிக்காவின் மிகப்பெரிய  சில்லரை விற்பனை நிறுவனமாகும். இது ஒரு பன்னாட்டு நிறுவனமும் கூட, இதன் வருவாய் 48,600 கோடி அமெரிக்க டாலருக்கும் அதிகமானதாகும். பிளிப்கார்ட் விற்பனைக்கு பிறகு, நிறுவனத்தின்  தலைமை நிர்வாக அதிகாரியாக திரு. கல்யாண் கிருஷ்ணமூர்த்தி மற்றும் நிறுவனர் பின்னி பன்சால் வால்மார்ட்டிலும் தொடர்ந்து இருப்பார்கள் என தெரிகிறது.

 

பிளிப்கார்ட் இனி வால்மார்ட் என்ற பெயரில்… !

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com