Category Archives: Investopedia

Think Invest

எட்டுத்திக்கும் எட்டாம் அதிசயம் – Power of Compounding

Leave a comment

எட்டுத்திக்கும் எட்டாம் அதிசயம் – கூட்டு வட்டி (Power Of Compounding)

கூடி வாழ்ந்தால் தான் கோடி நன்மை;
கூட்டு வட்டியினால் தான் கோடிகள் (கோடி ரூபாய்) சாத்தியம் !
“Compound interest is the eighth wonder of the world. He who understands it, earns it … he who doesn’t, pays it….”
உலகத்தின் எட்டாம் அதிசயம் “கூட்டு வட்டி – Compound Interest” என்றார் விஞ்ஞானி ஆல்பர்ட் ஐன்ஸ்டீன் (Albert Einstein).
கூட்டு வட்டியின் பலனை பற்றி, நாம் நமது பள்ளிக்காலங்களில் படித்திருப்போம். நமது பள்ளிக்கல்வியில் கணித பாடத்தில் வட்டி விகிதம், கூட்டு வட்டி மற்றும் தனி வட்டி என்பது போன்ற வார்த்தைகளை பயன்படுத்தியிருப்போம். அதன் பலனை நாம் அறியவே, நமது பள்ளிகளில் (1990 களில்) அஞ்சலக சேமிப்பான “Sanchayika” திட்டம் மிகவும் பிரபலம். அது கூட்டு வட்டியின் மகிமையையே வெளிப்படுத்துகிறது. இவ்வாறு நமது பள்ளியிலும், கல்லூரியிலும் மற்றும் வேலை பார்க்கும் அலுவலகத்திலும் கூட இந்த கூட்டு வட்டி பற்றிய விஷயங்களை பயன்படுத்தியிருப்போம்; ஆனால் அது எழுத்து பூர்வமாகவே ! அந்த கூட்டு வட்டியின் தன்மை நம்மை எவ்விதத்திலும் மாற்றவில்லையே ! நாம் சற்று ஆழமாக சிந்தித்தால், இந்த கூட்டு வட்டியின் ரகசியத்தை அறியலாம்; அனுபவிக்கவும் செய்யலாம். இதை தான் ஒவ்வொரு வங்கிகளும் செய்கின்றன. பெருத்த முதலாளிகளை(RD, FD, Stocks) உருவாக்குவதும், கடன்கார ஏழைகளை(EMI, Loan) உருவாக்குவதும் இந்த கூட்டு வட்டியின் ரகசியம் !
கூட்டு வட்டி அப்படி என்ன சாதித்து விட போகிறது ?
நீங்கள் ஒரு வங்கியிலோ (அ) அஞ்சலக சேமிப்பிலோ, மாதம் ரூ.100 ஆக ஒரு வருடத்திற்கு சேமிக்கிறீர்கள் என்று வைத்து கொள்வோம். உங்களுக்கான வட்டி 8 % (மாத கூட்டு வட்டியில்)
ஒரு வருட முடிவில், உங்களுக்கு கிடைப்பது ரூ. 1253 /- (கூட்டு வட்டி)
நீங்கள் சேமித்த / முதலீடு செய்த மொத்த தொகை: ரூ. 1200 /-
நீங்கள் பெற்ற வருமானம் :   (1253-1200) = ரூ. 53 /-
அதாவது உங்களின் ஒவ்வொரு மாத 100 ரூபாயும், தங்களுக்கென்று, ரூ. 4.40 /- வருமானத்தை தந்துள்ளன.
இதை போல நீங்கள் 5 வருடங்கள் சேமிக்க முடிவு செய்தால், உங்களுக்கு கிடைக்க கூடிய மொத்த தொகை ரூ. 7397 /-  10 வருடங்களில் மொத்த தொகை ரூ. 18417 /-
5 வருடங்களில் வருமானம் ரூ. 1397 /-  அதாவது உங்களின் ஒவ்வொரு மாத 100 ரூபாயும்,  5 வருட முடிவில் ரூ. 23.30 /- ஐ உங்களுக்காக சம்பாதித்து கொடுத்துள்ளன.
10 வருடங்களில் உங்களின் வருமானம் ரூ. 6417 /- உங்களின் ஒவ்வொரு 100 ரூபாயும், முடிவில் ரூ. 53.50 /- சம்பாதித்து கொடுத்துள்ளன.
ஆக, கூட்டு வட்டியின் மூலம் உங்களின் ஒவ்வொரு ரூபாயும் உங்களுக்காக வேலை பார்த்து கணிசமான வருமானத்தை தந்துள்ளன. இதற்காக நீங்கள் எந்த மெனக்கெடுத்தும் வேலை செய்யவில்லை.
இதனையே, நீங்கள் ஒரு முறை மட்டும் (முதல் மாதம் மட்டும்) ரூ. 100 ஐ சேமித்து விட்டு போகிறீர்கள். உங்களுக்கு ஒரு வருடத்திற்கு பிறகு கிடைக்கும் மொத்த தொகை ரூ. 108,  5 வருடங்களில் ரூ. 149 /- 10 வருடங்களில் ரூ. 222 /-
இதனை நீங்கள் உங்கள் வீட்டில், ஏதேனும் ஒரு மூலையில்  ஒவ்வொரு மாதமும், 100 ரூ. வைத்திருந்தால், ஒரு வருட / 5 / 10 வருட முடிவில் உங்களுக்கு கிடைப்பதோ பழைய 100 ரூ. நோட்டுக்களும், சிறிது கறை படிந்த அழுக்குகளும் ! ஆகவே, கூட்டு வட்டியை பயன்படுத்துங்கள். உங்கள் மாத தவணைகளும்(EMI, Loan) இதன் மூலமே கணக்கிடப்படுகிறது என்பதனை மறக்க வேண்டாம்.
100 ரூபாயின் உழைப்பு :
100-rs.-compounding
இது தான் பணம், பணம் பண்ணும் ரகசியம். இதன் மூலமே பணக்காரர்களும், முதலாளிகளும் உருவாகிறார்கள்; விழிப்புணர்வு இல்லதாவர்களே ஏழைகளாகவும், கடனாளிகளாகவும் மாறுகிறார்கள். இந்த பூமியில் படைக்கப்பட்ட எல்லா மனிதர்களும், பொருளார ரீதியாக சமமாகவே படைக்கபட்டார்கள்; மனித இனத்தின் சிந்தனை  தான் ஏற்ற தாழ்வுகளை ஏற்படுத்துகிறது.
பத்து பேரை ஒருங்கிணைத்து, ஒரு நிறுவனத்தை உருவாக்கி அதன் வளர்ச்சியையும், கிடைக்கும் பலனையும் அனுபவிப்பது கூடி வாழ்ந்தால் தான் ! இதனை நமக்கு யாரும் சொல்லி கொடுக்க வேண்டியதில்லை. அதே போல தான் கூட்டு வட்டியும் !

இப்போதே நகருங்கள்… கூட்டு வட்டியின் Formula ஐ தேடி… பதிவிறக்கம் செய்யுங்கள் ஒரு வட்டி(Bank Interest App) விகித செயலியை…

சேமியுங்கள் / முதலீடு செய்யுங்கள் ஒரு 100 ரூபாயை…

உங்களுடைய பகிர்வுகளுக்கு:
 contact@varthagamadurai.com
–  நன்றி, வர்த்தக மதுரை

 

 

 

 

Think Invest

4 GB Data Offer ! – வரவு செலவு கணக்கு

Leave a comment

4 GB Data Offer ! – வரவு செலவு கணக்கு

இந்த தலைப்பை பார்த்தவுடனே, எத்தனை பேர் Offer ஐ பெறுவதற்கு ரெடியா இருக்கீங்களோ ! அட, இது என்னோட 4GB Data ரகசிய வரவு – செலவு கணக்கு Offer ங்க ! உங்களுக்கும் அந்த ரகசியத்தை சொல்றேன்; இனி அப்புறம் என்ன ரகசியம் 🙂

 

பொதுவாக நாம் Offer மற்றும் Free என்ற ஆங்கில வார்த்தையை அடிக்கடி விளம்பரத்தில் பார்ப்பதும், நாம் எதிர்ப்பாகவும் பழகிவிட்டோம். பெரும்பாலும் நாம் நம் வாழ்கையில் பல சந்தர்ப்பங்களில் சலுகையை தேடியே அலைகிறோம்; ஆனால் நம்மிடம் உள்ளே உள்ள மாபெரும் சலுகையை பெற மறந்து விடுகிறோம்.

 

4GB Data Offer என்றவுடன், கண்ணை மூடி கொண்டு அதற்கு தயாரானவர்கள் 100 ல் 40 % பேர்; 30 % பேர் தங்களுக்கு தேவையோ, இல்லையோ எதிர்காலத்தில் இது போன்ற Offer ஐ மிஸ் பண்ணகூடாது என்று, இப்போதே முயற்சித்து பார்ப்பர். 20 % பேர் இந்த சலுகையில் எதோ விஷமம் உள்ளது என்று ஒதுங்கி விடுவர்; 10 % பேர் மட்டுமே, Offer ஐ பற்றிய விவரங்களை அறிந்து, தங்கள் தேவையின் நிலை அறிந்து அதை பெறுவார்கள் (அ) விலக்கி விடுவார்கள். இதே நிலை தான் நமது வரவு – செலவு கணக்கும்…  மாத சம்பளக்காரர்கள் பெரும்பாலும் தங்களது வரவு – செலவு கணக்கினை பேணி காக்க தவறுவதாலே, ஒவ்வொரு மாதத்தின் 10 ம் தேதியிலும், மாத இறுதியிலும் புலம்புகின்றனர்.

4GB Offer ஐ பெறுவது எப்படி ? (ரகசிய வரவு – செலவு கணக்கு)

பொதுவாக இணைய சேவையை (Internet / Data) பயன்படுத்துவதில் என்னிடம் ஒரு பழக்கம் உள்ளது. அதாவது, என்னிடம் உள்ள Huawei Data Card ஐ கொண்டு, நான் எனது டேட்டா (Data) செலவுக்கு ரூ. 499 க்கு 4 GB (3G /Validity – 28 Days) ரீசார்ஜ் செய்வேன்; எனது 3G Data உள்ள சலுகை என்னவெனில், எனது ப்ரீமியம் காலம் முடியும் தருவாயில், மீதம் ஏதேனும் டேட்டா இருப்பின், நான் அடுத்த ரீசார்ஜ் செய்யும் போது எனது பழைய இருப்பும், தற்போது வரவு வைக்கப்படும் (Carry Forward). இதனால், நான் எனது தேவை அறிந்து மட்டும் இணையத்தை பயன்படுத்துவேன். பெரும்பாலும், பொழுதுபோக்கு அம்சங்களுக்கு குறைவான அளவை மட்டுமே பயன்படுத்துவேன். அதற்கு மாறாக, நான் குடும்பத்தினரிடமும், வார இறுதியில் எனது நண்பர்களுடனும் பொழுதுபோக்கை மேற்கொள்வேன். (இது எனது ஆரோக்கியமான உறவும் கூட… )
எனது இணைய Data செலவழிப்பதில் நான் மிகவும் கவனமாக இருந்தேன். ஏனென்றால், என்னுடைய Data கொள்கை:
  • கால அளவு முடியும் (Validity) வரை நான் எந்த சிரமும் இல்லாமல் பயன்படுத்த வேண்டும்.
  • இணைய சேவையை, (Reduce to use of Unwanted) பொழுதுபோக்குக்கு அதிகம் செலவழிக்க கூடாது.
  • தேவையறிந்து (Use for What you need) பயன்படுத்த வேண்டும்.
  • அவசரத்திற்கு (Emergency) எப்போதும் எனக்கு பயன்படக்கூடியதாக இருக்க வேண்டும்; அதாவது, மாத இறுதியில் எனது மாதந்திர கட்டணங்களை (Monthly Bill Payments) இணையம் மூலம் செலுத்துவதற்கு போதுமான அளவு இருக்க வேண்டும்.
இதனை நான் கடந்த இரண்டு வருடங்களாக பின்பற்றி வருகிறேன். எனக்கு எந்த செல்போன் கம்பெனியின் சலுகையும் தற்போது தேவைப்படுவது இல்லை. நான் எனக்கான DATA Plan ஐ கொண்டிருந்தேன். செல்போன் கம்பெனி, டேட்டா அளவில் ஏதேனும் மாற்றத்தை ஏற்படுத்தி இருந்தாலும், அது என் பிளானை பாதிக்காத வகையில் நான் பார்த்துக்கொண்டேன்.
இதனால், கடந்த 3 மாதங்களுக்கு முன் எனது Data Balance ல் 4 GB உபரியாக சேர்ந்தது ! இது போக அந்தந்த மாதத்திற்கு நான் ரீசார்ஜும் செய்து கொண்டிருந்தேன். இதே போல தான் எனது வரவு – செலவு கணக்கும் !
எனது மாத சம்பளத்திற்கான வரவு – செலவு கொள்கை:
  • ஒவ்வொரு மாதத்திற்கான, முன் கூட்டிய வரவு – செலவை கணக்கிடுவேன் மற்றும் தினமும்  ஆகும் செலவை குறித்து வைத்து கொள்வேன்(Calculate Income & Expense).
  • தேவையற்ற மற்றும் அவசியமில்லாத செலவுகளை முடிந்தவரை தவிர்ப்பேன்(Avoid Unwanted Expenses).
  • ஒவ்வொரு மாதத்திற்கான தேவையறிந்து, அதற்கான பணத்தை ஒதுக்குவேன்(Income-Savings=Expenses).
  • முடிந்தவரை, அவசர தேவைக்கு ஒவ்வொரு மாதமும் கிடைக்கும் உபரியை சேமிப்பேன் மற்றும் முதலீடு செய்வேன்(Savings and Investment for Emergency).
உங்களுக்கு தேவையில்லாத விஷயங்களுக்காகவும், மற்றவர்களை நீங்கள் திருப்தி படுத்துவதற்காகவும் செலவு செய்யும் பணம், உங்களை அவசர காலத்தில் பாதுகாக்க போவதில்லை… அவர்களும் வரப்போவதில்லை…
நீங்கள் செய்யும் பற்றற்ற சேவையும், உங்கள் நன்னடத்தையுமே உங்களை பேணிக்காக்கும்.

இப்போதே Offer க்கு தயாராகுங்கள்…

  • உங்கள் வரவு – செலவு கணக்கு தான், உங்களை ஒவ்வொரு மாத புலம்பல்களிடம் இருந்து விடுவிக்க போகிறது. அதனால், ஒரு நோட்டு புத்தகத்தை எடுத்து கொள்ளுங்கள் (அ) ஒரு (Income/Expenses  App) வரவு – செலவு கணக்கு செயலியை உங்கள் கைபேசியில் பதிவிறக்குங்கள்.
  • உங்கள் ஒவ்வொரு நாள் வருமானம் மற்றும் செலவுகளை குறித்து வைத்து கொள்ளுங்கள்.
  • மாதத்திற்கு ஒரு முறை, உங்கள் தேவை அறிந்து செலவழியுங்கள் மற்றும் செயல்படுங்கள்.
  • இதனை ஒரு அவசியமான பழக்கமாக மாற்றுங்கள்.
  • உபரியாக வரும் பணத்தை சேமியுங்கள் மற்றும் பணவீக்கத்தை தாண்டிய வருமானம் வருமாறு முதலீடு செய்யுங்கள் (Savings and Investment).
உங்கள் வரவு – செலவு கணக்கு பழக்கம் நிச்சயம் உங்களுக்கு  இக்கட்டான சூழ்நிலையில் கை கொடுக்கும். அது தான் உங்கள் கை கொடுக்கும் கை !
உடனே, உங்களுக்குள் இருக்கும் அந்த மாபெரும் 4 GB Offer ஐ வெல்லுங்கள் !
வாழ்த்துக்கள் 🙂
உங்களுடைய பகிர்வுகளுக்கு:
–  நன்றி, வர்த்தக மதுரை
Think Invest

How to Start an Emergency Fund – காபியும், எனது பயணமும்

Leave a comment

காபியும், எனது பயணமும்…

How to Start an Emergency Fund ?

 

எனக்கு நண்பர்களும் அதிகம், அவர்களுக்கு கொடுக்கும் ட்ரீட்களுக்கும்(Treat) குறைவல்ல…அடிக்கடி நண்பர்களுடனும், மற்றும் குடும்பத்தினருடனும் சுற்றுலா போவதும் வழக்கம். வாழ்க்கையில் எப்போதும் மகிழ்ச்சியாக இருக்க வேண்டுமென்பதே எனது கொள்கை; அது தானே எல்லோருக்கும் !

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

ஆனால் ஏனோ சில நேரங்களில் எனது மகிழ்ச்சிக்கு தடையாக இருப்பது, இந்த பாழாய் போன மாதாந்திர பில்களும்(EMI, Phone, Internet, Electricity, etc), வரிகளும்(Taxes) ! நான் மகிழ்ச்சியாகவும் இருக்க வேண்டும்; அதே சமயம் எனது பில்களும், வரிகளும் என்னை தொல்லை பண்ண கூடாது என்று விழிப்புடன் இருந்தேன். திடீரென்று வரும் செலவுகளும் (Family Celebrations, Festivals, Relative Commitments) என்னை மேலும் விழிப்படைய செய்தன. இதனை நான் சமாளித்தாக வேண்டும். எனது சந்தோசத்திற்கும் பங்கம் வரக்கூடாது; இதற்காக நான் என்னை வருத்திக்கொள்ள போவதில்லை. மாறாக நான் எனது பழக்க வழக்கங்கள் சிலவற்றை சரி செய்ய முயற்சித்தேன்; அதாவது எனது Favorite பழக்கமான, தினமும் 5 முறை காபி அருந்துவதும், அலுவலகத்துக்கு எனது சொகுசு Yamaha FZ ல் செல்வதும் ! இவற்றில் நான் தினமும் 2 முறை(காலை, மாலை) மட்டுமே ரசித்து/ருசித்து அருந்துவது என்றும், எனது Yamaha FZ ல் அலுவலகத்துக்கு வாரம் 3 நாட்கள் மட்டும் செல்வதென்றும் முடிவெடுத்தேன். இந்த முயற்சியின் மூலம் எனக்கு மிச்சமாகும் பணத்தை சேமிக்க (முதலீடும்) ஆரம்பித்தேன்.

 

எனது முதலீடும், சுற்றுலா பயணமும் உல்லாசமாக சென்றன; எனது பில்களும், வரிகளும் எனக்கு தடையாக இல்லை; எல்லாம் நன்றாக தான் போய் கொண்டிருந்தது. துரதிர்ஷ்டவசமாக, நான் எனது சொந்த காரணங்களுக்காக, வேலையிலிருந்து விடுபட வேண்டியதாயிற்று. எனது அடுத்த வேலையை தேட, எனக்கு 6 மாதமும் தேவைப்பட்டது. இந்த சூழ்நிலையில் எனது கனவு சுற்றுலாவையும் தள்ளி போட வேண்டியதானது. ஆனால் எனது மாதாந்திர பில்களும், வரிகளும் ??? நான் வேலைக்கு போகாத சமயத்தில், எனது பழக்க வழக்கங்களில் இன்னும் சில மாற்றங்களை செய்தாலும், சில அடிப்படை செலவுகளையும், வரிகளையும் தவிர்க்க முடியவில்லை ! கவலை என்னை ஆட்கொண்ட நேரமது ! எனது மூளைக்கு, எனது காபியும், FZ பயணமும் தைரியமூட்டின 🙂  ஆம், நான் மாற்றம் செய்த பழக்க வழக்கங்கள், எனது அடிப்படை செலவுகளையும், மற்ற பில்கள் மற்றும் வரிகளை சமாளித்து கொண்டன; அது தான் என்னை இக்கட்டான நேரத்தில் இருந்து(அவசர காலத்தில்) பொருளாதார ரீதியாக பாதுகாத்தன. இப்படித்தான் எனது அவசரகால நிதி ஆரம்பமானது !

 

 

How to Start an Emergency Fund(E-Fund) ?

அவசரகால நிதியை உருவாக்குவது எப்படி ?

  • வங்கியில் புதிய சேமிப்பு கணக்கு ஒன்றை துவங்குங்கள். உங்களுக்கு வங்கியில் ஏற்கனவே கணக்கு எண் இருந்தாலும், அதனை பயன்படுத்த முயலாதீர்கள்.

 

  • உங்கள் மாத வருமானத்தில் 5-10 சதவீதம் வரை உள்ள தொகையை, சொல்லப்பட்ட புதிய சேமிப்பு கணக்கில் ஒவ்வொரு மாதமும் வரவு வைக்க தொடங்குங்கள்.

 

  • சேமிக்கப்பட்டு வரும் தொகையை எக்காரணத்திற்காகவும் இடையே எடுக்காதீர்கள் (அவசரக்காலத்தை தவிர்த்து).

 

  • புதிய சேமிப்பு கணக்கில் உள்ள தொகை, உங்கள் மாத வருமானத்தை போல 6-12 மடங்கு உள்ளவரை சேமியுங்கள். உங்கள் திட்டம் முடிவடைந்தவுடன், பின்பு உங்களால் முடிந்த தொகையை இந்த கணக்கில் செலுத்த ஆரம்பியுங்கள். இந்த தொகை உங்களின் தற்காலிக வேலை இழப்பு, பணி மாறுதல் அல்லது உடல்நல குறைவு போன்ற சமயங்களில் உதவும்.

 

உங்கள் கருத்துக்களை எங்களுடன் பகிர்ந்து கொள்ள…

 

– நன்றி, வர்த்தக மதுரை

Think Invest

Why Fixed Deposits are not a best Investment ?

Leave a comment

பணப்பாதுகாப்பும் , பணவீக்கமும்…

Why Fixed Deposits(FDs) are not a best Investment ?

 

பிக்ஸட் டெபாசிட் எவ்வளவு தான் பாதுக்காப்பான முதலீடாக இருந்தாலும், அவற்றை ஒரு சிறந்த முதலீடாக எடுத்த கொள்ள முடியாது; அதை தவிர்ப்பதற்கு இரண்டு காரணங்கள்:

 

  •  பிக்ஸட் டெபாசிட் கொடுக்கும் வருமானம், என்றுமே பணவீக்கத்தை(Inflation) தாண்டிய சிறந்த வருமானமாக இருக்க முடியாது. நமது நாட்டில் கடந்த சில வருடங்களாக, பணவீக்கம் 7-8 % என்ற அளவில் உள்ளது. அதனை ஒப்பிடுகையில், பிக்ஸட் டெபாசிட் வருமானம் அவ்வளவு சிறந்ததல்ல, பாதுக்காப்பாக இருந்தாலும் !

 

  • பிக்ஸட் டெபாசிட் வருமானம், வரிகளுக்கு(Taxes) உட்பட்டவை; அதனை நீங்கள் ஒரு சிறந்த நீண்ட கால முதலீடாக கருதமுடியாது. பிற முதலீடான PPF, Equity based Mutual Funds, Tax Saving Schemes க்கு வரி சலுகைகள் உள்ளன.

மேலுள்ள 2 விஷயங்களை கருத்தில் கொண்டு, பிக்ஸட் டெபாசிட்டில் முதலீடு செய்யவும்; குறுகிய காலத்திற்கான தேவைகளை இதன் மூலம் உருவாக்கி கொள்ளலாம்.

நாம் செய்யப்போகும் ஒவ்வொரு முதலீட்டிற்கும் பாதுக்காப்பையும், பணவீக்கத்தையும் கவனம் கொள்ள வேண்டும்.

 

PPF ல் முதலீடு செய்வது சரியா ?

– நன்றி, வர்த்தக மதுரை 

Think Invest

Why your dreams never come true ?

Leave a comment

Why your dreams never come true ?

உங்கள் கனவுகள் ஏன் பெரும்பாலும் பலிப்பதில்லை(நிறைவேறுவதில்லை) ?

நம்மில் பெரும்பாலோருக்கு, ஒரு நிறுவனத்தில் வேலை கிடைத்தவுடனோ, பதவி உயர்வு/ஊதிய உயர்வு  (அ) போனஸ் ஏதும் கிடைத்ததும் நமக்கு பலவித கற்பனை கனவுகள் வரும்; வளரும்.
எனது கனவு கார்(Car) வாங்குவது, ஒரு அபார்ட்மெண்ட்(Apartment) வாங்குவது, வெளிநாடு சுற்றுலா(Foreign Trip) செல்வது (அ) குறைந்தபட்சமாக நண்பர்களுக்கு விருந்து வைப்பது(Treat) என்று கனவுகள் நீண்டு கொண்டே போகும். ஆனால் நமக்கு கிடைப்பதோ ஒரே ஒரு சம்பளம், வருடத்திற்கு ஒரு ஊதிய உயர்வு, சில சமயம் போனஸ், அத்திபூத்தாற்போல் பதவி உயர்வு. உண்மையில் நாம் நமக்கு கிடைத்த பணத்தையும், கண்ட கனவையும் கொண்டு என்ன செய்வதென்றே புலப்படுவதில்லை.
ஒரு நிறுவனத்தில் நமக்கு கொடுக்கப்படும் பணம் அந்நிறுவனத்தின் வளர்ச்சி (அ) நமது திறமையான செயல்பாடு காரணமாக இருந்தாலும், நிதர்சன உண்மை அது விலைவாசியின் (பணவீக்கம் – Inflation) அடிப்படையிலே நிர்ணயிக்கப்படுகிறது.
தற்சமயத்தில் நம் அடிப்படை வாழ்வாதாரத்தை காத்துக்கொள்ளவே அந்த பணம் போதுமானதாக இருக்கும். நமது கனவுகளுக்காக அல்ல 🙂
அதனால் தான் நாம் பெரும்பாலும் நமக்கு தேவையற்ற ஒரு பொருளை வாங்கும் போது பொருளாதார ரீதியாக மிகவும் சிரமப்படுகிறோம்.
நாம் கனவு எதுவும் காணக்கூடாதா என்ன ?  தாராளமாக கனவு காணலாம்; அத்தனைக்கும் ஆசைப்படலாம் ! அதற்கு முன் நமக்கு எது தடையாக உள்ளது என்று பார்த்தால் அது விலைவாசி (பணவீக்கம்) தான்.
பணவீக்கத்தை நாம் புரிந்துகொண்டு செயல்படுவது தான் நமது கனவு நிறைவேறுவதற்கான பாதை !
பணவீக்கம்:
நாம் இன்று வாங்கும் பொருளும், நாளை வாங்க போகும் பொருளும் ஒரே விலையில் கிடைப்பதில்லை. காரணம், தேவைக்கும் உற்பத்திக்கும் உள்ள வேறுபாடு தான். அது தான் ஒவ்வொரு நாளும், ஒவ்வொரு விலையை நிர்ணயிக்கின்றன.
நாம் பல மாதமாக சிறுகச்சிறுக சேர்த்து வைத்த பணத்தை கொண்டு ஒரு இரு சக்கர வாகனம் வாங்கவேண்டுமென்று சென்றால், அதன் விலை ஏறிவிட்டதே, இன்னும் கொஞ்சம் பணம் தேவைப்படுமோ என்று யோசிப்போம்; வீடு கட்ட பக்காவாக பிளான் எஸ்டிமேட் போட்டு வைத்து வீடு கட்டி கொண்டிருக்கும் போது, தீடீரென்று மணல், சிமெண்ட்  விலை உயர்ந்து விடும். இப்படித்தான் நம் பெரும்பாலான கனவுகள் நாம் நினைத்த படியே நடப்பதற்கு சாத்தியமில்லை, இந்த விலைவாசியால்(பணவீக்கம்) !

inflation

வருமானத்தின் /பணத்தின் எதிரியை கையாள்வது எப்படி ?
நமது வருமானதிற்கோ (அ) பணத்திற்கோ வரிகள் எதுவும் எதிரி அல்ல; மாறாக இந்த பணவீக்கம் தான் ! ஒவ்வொரு மாதமும், ஒவ்வொரு ஆண்டும் இந்த விலைவாசி பொதுவாக புள்ளியியல் நிபுணர்களால் விவாதிக்கப்பட்டு வெளியிடப்படுகிறது. அவற்றிள்ளுல உண்மை என்னவோ நமக்கு தெரியவில்லை என்றாலும், நாம் பணவீக்கத்தை சமாளித்தாக வேண்டும். நமது கனவுக்கான வருமானம்/சேமிப்பு பணவீக்கத்தை தாண்டியதாக இருக்க வேண்டும். அதாவது கடந்த 5 வருடத்திற்கான சராசரி ஆண்டு பணவீக்கம் 8% என்றால், நீங்கள் உங்கள் கனவுக்காக குறைந்தபட்சம் 8% கூடுதலாக வருமானம் கிடைக்குமாறு சேமியுங்கள்; முதலீடு செய்யுங்கள்.
கனவும் மெய்ப்படும் !
– நன்றி, வர்த்தக மதுரை.   
Investopedia

ஆரோக்கியமான நிதி திட்டமிடல்/Healthy Financial Planning

Leave a comment

ஆரோக்கியமான நிதி திட்டமிடல்:

Prepare for Healthy Financial Planning

 

1. வரவு-செலவு மற்றும் சேமிப்பு அறிக்கையை உருவாக்குங்கள்
2. பணவீக்கத்தை தாண்டிய உண்மையான வருமானத்தை தேடுங்கள்; முதலீடு செய்யுங்கள்
3. முதலீட்டை பகிர்ந்து கொள்ளுங்கள் (Bank Deposits, Mutual Funds, Stocks,Realty, Gold, Knowledge)
4. காப்பீடு செய்து கொள்ளுங்கள் (Health and Life-Term)
5. பிளாஸ்டிக் பணத்தை பயன்படுத்துங்கள் (E-Payments, Save Tax); பிளாஸ்டிக்கை ஊக்குவிக்காதீர்கள்
6. ஓய்வை (Retirement plan) பற்றி சிந்தியுங்கள்
7. கடனை குறையுங்கள்/கடனில்லா (Debt Free) வாழ்க்கையை வாழுங்கள்
8. அவசர நிதியை (Emergency Fund) அவசரப்படுத்துங்கள்
9. மாடி தோட்டம் அமையுங்கள் /முடிந்தால் மரம் வளருங்கள்
10. உதவி செய்யுங்கள் /உங்கள் அறிவை பரிமாறுங்கள்

 

நன்றி – வர்த்தக மதுரை

Think Invest

Calculating your Future Monthly Expense

Leave a comment

 

Calculating your Future Monthly Expense:

உங்கள் வருங்கால/எதிர்கால செலவுகளை கணக்கிடுவது எப்படி ?

 

நமக்கு எல்லோருக்கும் தெரியும், நமது மாத செலவு எவ்வளவு என்று ; அல்லது போன மாதம் எவ்வளவு செலவானது என்று நம்மால் உறுதியாக இல்லாவிட்டாலும் உத்தேசமாக சொல்ல முடியும் 🙂

ஆனால் நமது இன்றைய மாத செலவு, 5 (அ) 10 வருடங்களுக்கு பின்பு எவ்வளவு தேவைப்படும் என்று நம்மால் உடனடியாக கணக்கிட்டு சொல்ல முடியாது. நமது எதிர்கால செலவுகளை கணக்கிட ஒரு சுலப வழிமுறை:

 

Formula for Calculating Future Expense:
Future Expense = Present Expenses X ( 1 + Inflation %) ^ n
Future Expense – எதிர்கால செலவு (மாதத்திற்கு)
Present Expense – தற்போதைய செலவு (மாதத்திற்கு)
Inflation % – பணவீக்கம் %
n (Number of Years) – தேவைப்படும் ஆண்டுகள்

 

உதாரணத்திற்கு, நமது இன்றைய மாத செலவு ரூ. 10,000 /- என கொள்வோம். பணவீக்கம் சராசரியாக 7 % எடுத்து கொள்வோம். 20 வருடங்களுக்கு பிறகு, நமது இன்றைய செலவு ரூ. 10,000 /- அன்று எவ்வளவு தேவைப்படும் என்று பார்ப்போம்.
Future Monthly Expense = 10,000 X ( 1 + 0.07 ) ^ 20

= 10,000 X (3.869)

= Rs. 38,697 /-

 

 

இன்று இணையதளத்திலும், கைபேசியிலும் எதிர்கால செலவுகளை கணக்கிடுவதற்கான Calculator(s) இருந்தாலும், அதற்கான கணித வழிமுறையை தெரிந்து கொள்வது பயனாக இருக்கும்.

 

நன்றி – வர்த்தக மதுரை

 

Think Invest

Power of Compounding

Leave a comment

 

Power of Compounding: கூட்டு வட்டியின் சக்தி

 

 

உலகத்தின் எட்டாவது அதிசயம் எதுவென்றால், அது கூட்டு வட்டியின் சக்தி தான் ! எட்டாவது அதிசயம் என்று சொன்னாலும், நீங்கள் பணக்காரர் ஆவதற்கான ரகசியம் தான் இந்த கூட்டு வட்டி !

 

விஞ்ஞானி ஆல்பர்ட் ஐன்ஸ்டீனின் கூற்று படி,

 

“Compound interest is the eighth wonder of the world. He who understands it, earns it … he who doesn’t … pays it.”

 

நீங்கள் முதலீடு செய்தாலும் சரி, கடன் வாங்கி செலவு செய்தாலும் சரி… கூட்டு வட்டியின் பலனை தெரிந்து கொள்வது அவசியம்.

 

ஒரு சின்ன உதாரணம்:

 

நான் ஒவ்வொரு மாதமும் ரூ. 100 சேமிக்க முடிவு செய்தேன்; அதனை கூட்டு வட்டியின் அடிப்படையில் ஒரு வங்கியில் சேமிக்க / முதலீடு செய்தேன். சரியாக 5 வருடங்கள் வரை நான் இவ்வாறு ஒவ்வொரு மாதமும் சேமித்தேன். எனக்கு வங்கி கொடுக்க முடிவு செய்த வட்டி 8.5 % (கூட்டு வட்டியில் !)

 

5 வருட முடிவில், நான் கையில் பெற்ற பணம்: ரூ. 7,437 /- ( எனது மொத்த முதலீடு ரூ. 6000 க்கு )

 

சுருக்கமாக மற்றும் தெளிவாக சொன்னால், நான் முதலீடு செய்த ஒவ்வொரு 100 ரூக்கும், சராசரியாக 25 ரூ. வருமானமாக பெற்றேன் !

 

4 ல் ஒரு பங்கு லாபமாக !

 

உங்களுக்கு எந்த தொழில் தெரியாவிட்டாலும் பரவாயில்லை; கூட்டு வட்டியின் ரகசியத்தை அறிந்தால் நீங்களும் ஒரு தொழிலதிபர் தான் ! பணக்காரர் தான் !
நீங்கள் சேமிக்க முயன்றால், கூட்டு வட்டியின் பலனை அறியலாம்; கடன் வாங்கி செலவு செய்ய முயன்றால், கூட்டு வட்டியின் எதிர் வினையையும் அறியலாம் 🙂

 

நினைவில் கொள்க:

 

கூட்டு வட்டியின் எளிதான சூத்திரம்:

 

CI = P * (1 + i) ^ n

 

CI = Compound Interest
P = Principal
i = Interest Rate
n = Number of years

 

  • உங்கள் கையில் இருக்கும் பணம், எதிர்காலத்தில் எவ்வளவு ரூபாயாக இருக்கும் என்று கணக்கிடவும், இந்த சூத்திரத்தை பயன்படுத்தலாம்.

 

  • தற்போது உங்களுக்கு ஆகும் மாத செலவுகள், எதிர்காலத்தில் எவ்வளவு ரூபாய் மாத செலவுக்கு தேவைப்படும் என்பதற்கும் பயன்படுத்தலாம்.

 

  • உங்கள் ஓய்வு காலத்திற்கு தேவையான நிதியினை மேற்கொள்வதற்கும் இதனை உபயோகப்படுத்தலாம்.

 

நன்றி – வர்த்தக மதுரை

Think Invest

PPF ல் முதலீடு செய்வது சரியா ?

Leave a comment

Is it better to invest in PPF ?

PPF ல் முதலீடு செய்வது சரியா ?

PPF (Public Provident Fund) ஐ பற்றி…

  • PPF என்பது ஒரு பொது வருங்கால வைப்பு நிதி; ஓய்வு காலத்திற்கான ஒரு சிறந்த முதலீட்டு திட்டம்.
  • VPF, EPF ல் பயனடைய முடியாதவர்கள் PPF Account ஐ, மிக எளிதாக பெறலாம்.
  • இது ஒரு வரி சேமிப்புடன் வரும் ஓய்வு காலத்திற்கான நிதி திட்டம்; ஆகையால் வருமான வரி வரம்புக்கு மேல் உள்ளவர்கள், இதன் மூலம் வரி சலுகை பெறலாம்.
  • PPF ல் வருமான வரி சலுகை பெற, அதிகபட்சமாக ஆண்டுக்கு ரூ. 1,50,000 /- வரை முதலீடு செய்யலாம். (IT Rebate Under Section 80C of Income Tax Act, FY 2014-15 On wards)
  • PPF ல் தற்போதைய வைப்பு வட்டி விகிதம்:   ஆண்டுக்கு  8.0 % ( Jan-Mar 2019)
  • PPF கணக்கில் நாம் கடனும் பெற்று கொள்ளலாம். (நாம் கணக்கு தொடங்கிய 3 ம் நிதியாண்டிலிருந்து, 5 ம் நிதியாண்டு வரை கடன் பெறலாம்)
  • கணக்கில் உள்ள பணத்தை எடுக்க, 6 ம் நிதியாண்டிலிருந்து அனுமதிக்கப்படும்.
  • இத்திட்டத்தில் NRI, On behalf of a HUF, Association of Persons ஆகியோர் முதலீடு செய்ய முடியாது.
முதலீடு…
  • குறைந்த முதலீடு:   ரூ. 500 /-
  • அதிகபட்ச முதலீடு:  ரூ. 1,50,000 /- (வருமான வரிச்சட்டம் 2014-15 ன் படி)
எப்போது முதலீடு செய்யலாம் ?
  • பொதுவாக, நாம் PPF கணக்கை, எந்த தபால் அலுவலகத்திலும் (அ) வங்கியிலும் எப்போது வேண்டுமானாலும் தொடங்கலாம். (நடப்பில், SBI, ICICI வங்கிகள்  வழங்குகிறது)
  • PPF கணக்கில் வைப்பு  வட்டி விகிதமானது, ஒரு மாதத்தின் 5 ம் தேதியிலிருந்து அம்மாதத்தின் 30/31 ம் தேதிக்குள் இருக்கும் குறைந்த பட்ச இருப்பு பணத்திற்கு கணக்கிடப்படுகிறது.  ஆகையால், மாதத்தின் முதல் தேதியிலிருந்து 5 ம் தேதிக்கு முன் நாம் முதலீடு செய்தால், நீண்ட காலத்தில் நல்ல பலனை பெறலாம்.
பொது வருங்கால வைப்பு நிதியில் (பி.எப்) ஏற்பட்டுள்ள சமீபத்திய மாற்றங்கள் – 2019
நினைவில் கொள்க:
  • PPF என்பது ஒரு நீண்ட கால முதலீட்டு சாதனம், குறுகிய காலத்தில் உங்களுக்கு பணம் தேவைப்படாத பட்சத்தில், கணக்கில் உள்ள பணத்தை எடுக்க வேண்டாம்.
  • PPF கணக்கை நாம் இணையதளத்திலும் (PPF Account Online) தொடங்கலாம், பணம் செலுத்தலாம் மற்றும் பெறலாம்.
  • உங்களுடைய முதலீடு பங்குசந்தையில், பரஸ்பர நிதியில் இருக்கும் பட்சத்தில் நீங்கள் PPF Account ல் முதலீடு செய்யலாம்; இது ஒரு பாதுகாப்பு திட்டமும் கூட…
  • வருமான வரிசலுகை பெற நினைப்பவர்கள், காப்பீடு திட்டத்தில் அதிக பணத்தை போட்டு வைப்பதற்கு பதில், PPF கணக்கில் வரிசலுகை பெறலாம்.
நன்றி – வர்த்தக மதுரை 
Think Invest

விதி எண்: 72 (Rule No. 72)

Leave a comment

 

What is Rule No. 72

 

நிதி ஆய்வுகளில் விதி எண்: 72 (Rule No. 72) உள்ள அதிசயம் என்ன ?

 

பொதுவாக நாம் அனைவருக்கும், நமது கையில் இருக்கும் பணத்தை எப்படி இரு மடங்காக (அ) இரட்டிப்பாக மாற்ற வேண்டும் என்ற ஆசை இருக்கும். அதற்காக நாம் எடுக்கும் முயற்சிகள்… போன்சி திட்டங்கள் (Ponzi Schemes – Pyramid, Chain Level Marketing) முடிவில், நமது முதலீட்டு பணம் திரும்பி வராது 🙂

 

சரி அது போகட்டும், நாம் விதி எண்: 72 க்கு வருவோம். நாம் செய்த முதலீடு(Bank Deposits,Postal Savings,Mutual Funds,Stock Markets,Chit Funds) இரு மடங்காக எப்போது வ(ள)ரும் என்று கணித ரீதியாக கணக்கிடுவதே, இந்த Rule No. 72.

 

எப்படி கணக்கிடுவது ?

 

Rule No.72 = 72 / Expected Interest (எதிர்பார்க்கும் வட்டி விகிதம்)
நீங்கள் ஒரு வங்கியில் ரூ.1,00,000 /- முதலீடு செய்கிறீர்கள் என்று வைத்து கொள்வோம். வங்கியின் வைப்பு வட்டி விகிதம் ஆண்டுக்கு 8 % கூட்டு வட்டியில் தருகின்றனர். இப்போது நமது ஒரு லட்சம் எப்போது இரட்டிப்பாகும்…

 

விதி எண்:72,  

 

72 / 8 (வங்கியின் வட்டி விகிதம்)
ஒன்பது ஆண்டுகளில் (9 Years) !
இனி, நீங்கள் தைரியமாக உங்கள் பணத்தை இரட்டிப்பாகும் நடைமுறையை தெரிந்து கொள்ளலாம். போன்சி திட்டத்தில் அல்ல 🙂

 

நினைவில் கொள்க:

 

  • விதி எண். 72, கூட்டு வட்டியில் மட்டுமே கணக்கிடப்படுகிறது; தனி வட்டியில் அல்ல !

 

  • விதி எண். 72, உங்களுக்கு ஒரு நிச்சயமான வருடங்களை கணக்கிட்டு கொடுக்கும், நாட்களை அல்ல ! (தோராயமாக)

 

 

நன்றி – வர்த்தக மதுரை