Tag Archives: fundamental analysis course

பணப்பாய்வு(Cash Flow) – வகுப்பு 11.0

பணப்பாய்வு – வகுப்பு 11.0

Cash Flow and Cash flow  Statement

 

ஒரு நிறுவனம் எவ்வாறெல்லாம் வருமானம் ஈட்டுகிறது மற்றும் அதனை முதலீட்டாளருக்கு எப்படி பகிர்ந்தளிக்கிறது என்பதை கடந்த சில வகுப்புகளில் பார்த்தோம். நிறுவனத்தின் வருமானம் ஒரு பங்குக்கு எவ்வளவு(Earning per share) என்பதனையும், நமது முதலீடு மீதான வருமானம் எவ்வாறு கணக்கிடப்படுகிறது என்பதையும் சில அத்தியாயங்கள் மூலம் புரிந்து கொண்டோம்.

 

நிறுவனம் பெறும் கடன்கள் மற்றும் கடன்-பங்கு தன்மை, அதன் வட்டி செலுத்தும் விகிதம் போன்றவற்றை தெரிந்து கொண்டோம். நாம் இதுவரை பார்த்த அனைத்து எண்களும் ஒரு நிறுவனத்தின் வரவு – செலவு மற்றும் லாப-நட்ட அறிக்கைகளை பார்த்து அறிந்து கொள்ளலாம். இருப்பினும், ஒரு நிறுவனம் உண்மையில் சம்பாதித்து எவ்வளவு என்பதை தான் நாம் இந்த வகுப்பில் பார்க்க போகிறோம்.

 

‘ நாம் தான் ஏற்கனவே நிறுவனத்தின் விற்பனை, லாபம் மற்றும் கடன் தன்மை போன்றவற்றை பார்த்து விட்டோமே, அப்புறம் என்ன இந்த வகுப்பில் புதிதாக இருக்கப்போகிறது’,  என்கிறீர்களா ? சுருக்கமாக சொன்னால், நாம் பண்டிகை காலங்களில் நமக்கு தேவையான துணிமணிகளை வாங்க குடும்பத்துடன் கடை தெருவிற்கு போயிருப்போம் அல்லது ஷாப்பிங் மால் என்று சொல்லக்கூடிய பேரங்காடிக்கு சென்றிருப்போம். பண்டிகை காலம் என்பதால் எல்லா கடைகளிலும் கூட்டம் அலைமோதும். விற்பனையும் படுவேகம் எடுக்கும். நமது கொள்முதல்(Purchase) முடிந்தவுடன் நாம் நினைத்திருப்போம், ‘ இந்த கடையில் கூட்டமும் அதிகம், நாமும் நிறைய விலைக்கு துணிகளை வாங்கிருக்கிறோம். கடைக்கு லாபம் அமோகம் தான்’ என்று. நமக்கு தெரிந்ததனவோ கடையில் வந்த கூட்டமும், நமது கொள்முதல் மதிப்பும் தான். அந்த கடை உண்மையில் எவ்வளவு தொகையை ரொக்கமாக பெற்றிருக்கிறது என்பதை பற்றி நமக்கு தெரிந்திருக்க வாய்ப்பில்லை.

( Read this post after the advertisement… )

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

 

இதே போல தான் ஒரு நிறுவனத்திற்கும்; ஒரு நிறுவனத்தின் வருடத்திற்கான விற்பனை அதிகரித்திருக்கலாம், அதன் லாபமும் அதிகமாயிருக்கலாம். எல்லாம் வெறும் எண்கள் தானே 🙂 ஆம், நிறுவனத்தின் நிதி அறிக்கையில் சொல்லப்பட்ட எண்களே விற்பனையும், லாபமும் மற்றும் கடனும். உண்மையில் அவை லாபமாக கையில் பெற்ற தொகை மற்றும் செலவு செய்த தொகையை பற்றி அலசுவது தான் பணப்பாய்வு எனப்படும் Cash Flow. எளிமையாக சொல்ல வேண்டுமென்றால் நீங்கள் கல்லூரியில் வாங்கும் Provisional Certificate தான் லாபம் மற்றும் விற்பனை கணக்குகள். ஆனால் நீங்கள் கல்லூரி படிப்பை முழுவதுமாக முடித்து பட்டம் பெறுவது, அதாவது Convacation என்று சொல்லப்படும் லாபத்தை ரொக்கமாக கையில் பெறுவது(Cash Flow) தான் அவசியம்.

 

ஆகவே, ஒரு நிறுவனம் விற்பனை மற்றும் லாபத்தை கணக்கில் மட்டும் காண்பித்தால் போதாது. அந்த தொகையை அது கையில் பெற்றிருக்க வேண்டும். ஒரு சிறு உதாரணம் மூலம் பணப்பாய்வு என்ன என்பதை அறிவோம். XYZ  நிறுவனத்தின் 2016-17 ம் நிதியாண்டுக்கான (அறிக்கையின் படி) வருமானம் ரூ. 100 /- என வைத்து கொள்வோம். செலவு ரூ. 60/- ஆகவும், மீதம் கிடைக்கும் தொகையான ரூ. 40 /- (100-60) லாபமாக காட்டப்பட்டுள்ளது. ஆனால் நடைமுறையில் அந்த நிறுவனம் 2016-17 ல் ரூ. 80 /- ஐ மட்டும் தான் வருமானமாக பெற்றுள்ளது. மீதம் உள்ள 20 ரூபாயை அடுத்த நிதி வருடத்தில் தான் அந்த நிறுவனம் ரொக்கமாக பெற்றுள்ளது. அதாவது விற்பனை என்னவோ ஒரே வருடத்தில் நடைபெற்றிருந்தாலும், அதற்கு கிடைக்க வேண்டிய வருமானம் குறைவாகவே ரொக்கத்தில்(Cash on hand) கிடைத்துள்ளது. நிறுவனத்தின் வாடிக்கையாளர்கள் Credit என்று சொல்லப்படும் கடனாக பொருட்களை வாங்கியிருக்கலாம். அந்த தொகையை நிறுவனத்திற்கு அடுத்த வருடம் ரொக்கமாக கொடுத்திருக்கலாம். ஆனால் நிறுவனத்தை பொறுத்தவரை விற்பனை அடைந்தவுடன் அதன் வருமானம்(Revenue on Sales) கணக்கிடப்படுகிறது.

XYZ நிறுவனத்தின் அந்த வருடத்திற்குரிய செலவு ரூ. 60/-. ஆனால் உண்மையில் அந்த நிறுவனம் செலவு செய்த தொகை ரூ.50/- மட்டுமே. மீதமான ரூ. 10/-  ஐ அடுத்த வருடத்தின் ஆரம்பத்தில் தான் செலவு செய்துள்ளது. இதன் காரணமாக நிறுவனத்தின் லாபத்திலும் ரொக்கமாக பெறும்போது மாற்றமிருக்கும். ஒரு நிறுவனத்திற்கு பணம் எவ்வாறு வருகிறது (Cash Inflow) மற்றும் பணம் எவ்வாறு வெளியே செல்கிறது (Cash Outflow) என்பதை அறிவது தான் பணப்பாய்வு (Cash Flow) ஆகும்.

 

ஒரு நிறுவனத்தின் வருடத்திற்குரிய பண வரவு, கடந்த காலத்திற்குரிய விற்பனையின் மூலமான வருமானமாக இருக்கலாம். இனி வரும் காலத்திற்குரிய வருமானமாகவும் அமையலாம். ஆனால் பண வரவு என்பது ஒரு குறிப்பிட்ட வருடத்தில் தான் அடையும். இதனை போல செலவுகளும், நிறுவனம் தான் வாங்கிய கடனை பிற்காலத்தில் அடைக்கலாம். உதாரணத்திற்கு, ஒரு நிறுவனம் ஒதுக்கும் தேய்மான செலவுகளை(Depreciation Cost) சொல்லலாம். உண்மையில் அந்த தொகை குறிப்பிட்ட வருடத்தின் அறிக்கையில் ஒதுக்கப்படுகிறது, ஆனால் அப்போது செலவழிக்கப்படுவதில்லை.

 

பணப்பாய்வு காலம்(Period of Cash flow) என்பது ஒரு நாளாக இருக்கலாம், 1 வாரம், 1 மாதம், 6 மாதங்கள் அல்லது ஒரு வருடமாகவும் இருக்கலாம். பணப்பாய்வு அறிக்கை (Cash flow Statement) மூன்று வகையாக பிரிக்கப்படும்.

 

  • Cash Flow from Operating Activities

  • Cash Flow from Investing Activities

  • Cash Flow from Financing Activities.

 

Cash Flow from Operations – பொருட்களின் அல்லது சேவையின் விற்பனை மற்றும் கொள்முதல், அதன் மூலமான வருமானத்தை குறிக்கும். இது ஒரு இயக்க நடவடிக்கை சார்ந்த பணப்பாய்வாகும்.

 

Cash Flow from Investing – இது ஒரு முதலீடு சார்ந்த பணப்பாய்வு நடவடிக்கையாகும். ஒரு நிறுவனத்திற்கு தனது முதலீடு சார்ந்து எதிர்காலத்தில் பணமீட்டும் தன்மையை குறிக்கிறது. நீண்ட கால நோக்கில் உள்ள சொத்துக்கள் விற்பனை அல்லது வாங்குவதன் மூலம் கிடைக்கும் தொகையை குறிப்பதாகும்.

 

Cash Flow from Financing – நிதி நடவடிக்கைகள் சார்ந்த பண பரிவர்த்தனை பணப்பாய்வை குறிக்கிறது. பங்குதாரர்கள், கடன் கொடுத்தவர்கள், கருவூல பங்கு கொள்முதல், ஈவு தொகை வழங்கல் போன்றவற்றை விவரிக்கும்.

 

பணப்பாய்வு அறிக்கை (Cash Flow Statement):

 

ஒரு Cash Flow statement ன் நோக்கம் ஒரு நிறுவனத்தின் ரொக்க, பணம் செலுத்துதல், பணத்தில் ஏற்படும் நிகர மாற்றம்(Net Change on Cash) போன்றவற்றை மூன்று பிரிவுகளில்(Operating, Investing, Financing) அறிவதாகும். இதன் மூலம் அந்த நிறுவனத்தின் பண வரவு மற்றும் செலவு எவ்வாறு வந்து செல்கிறது(Inflows and Outflows) என்பதை கண்டறியலாம்.

 

உதாரணத்திற்கு,  XYZ நிறுவனத்தின் பணப்பாய்வு அறிக்கையை (Cash flow statement for the year ended Dec 31, 2013) பாருங்கள்:

 

( Read this post after the advertisement… )

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

 

 

Cash flow statement sample

 

 

 

மேலே உள்ள அறிக்கையின் மூலம் நாம் XYZ  நிறுவனத்தின் பண வரவு மற்றும் செலவுகளில் மாற்றத்தை பார்த்தோம். நீங்களும் இதனை போல பங்குச்சந்தையில் பட்டியிலடப்பட்ட நிறுவனத்தின் பணப்பாய்வு அறிக்கையை அலசலாம்.

 

நினைவில் கொள்ளுங்கள்:

 

  • Cash Flow Statement என்பது ஒரு நிறுவனத்திற்கு பணம் எவ்வாறு வருகிறது மற்றும் செலவாக எப்படி வெளியே செல்கிறது என்பதை தான் குறிக்கிறது. இந்த அறிக்கை நிறுவனத்தின் வரவு-செலவு(Income and Expenses) பற்றி சொல்ல வரவில்லை.

 

  • Cash is King என்று நிதி மேலாண்மையில் ஒரு கூற்று உண்டு. அதன் நிரூபணமாக தான் Cash flow உள்ளது.

 

  • பணப்பாய்வு என்பது லாபமல்ல; அது ஒரு நிறுவனத்தின் பண கையிருப்பு மாற்றத்தை மட்டுமே விளக்குகிறது.

 

  • மூலதனத்தில் (Working Capital) ஏற்படும் மாற்றங்களும், நிறுவனத்தின் இருப்பு நிலை அறிக்கையில் (Balance Sheet) ஏற்படும் மாற்றங்களும் பணப்பாய்வு அறிக்கையில் வெளிப்படும்.

 

  • ஒரு நிறுவனத்தின் பணப்பாய்வு அறிக்கையில் எதிர்மறை மதிப்புகளும்(Negative Cash flow)  கிடைக்கலாம். Negative Cash flow என்றால் அந்த நிறுவனத்திற்கு கடன் இருக்கலாம். அதே சமயத்தில் அதனை நாம் அப்படியே எதிர்மறையாக எடுத்து கொள்ள வேண்டிய அவசியமில்லை. நிறுவனம் புதிதாக முதலீடு செய்திருந்தால், புதிய கட்டிட வேலைக்காக செலவு செய்திருந்தாலும் பணப்பாய்வு அறிக்கையில் எதிர்மறை மதிப்புகள் வரும்.

 

  • ஒரு நிறுவனத்தின் Cash flow என்பது அதிகமாக (High Positive Cash flow) இருந்தாலும் அந்த நிறுவனம் நன்றாக செயல்படுகிறது என்ற அவசியமில்லை. அதன் பிற சொத்துக்கள் விற்பனை(Sale on Assets) மூலம் நேர்மறையான அல்லது அதிகமான மதிப்புகள் கூடியிருக்கலாம்.

 

  • ஒரு நிறுவனத்தின் கடன் மற்றும் அதனை சார்ந்த வட்டி செலுத்துதல், சொத்துக்கள் விற்பனை மற்றும் வாங்குதல் போன்ற பரிவர்த்தனைகளை பணப்பாய்வு அறிக்கையில் தெரிவிக்கப்படும்.

www.varthagamadurai.com

ஈவு தொகை மற்றும் ஈவு தொகை ஈட்டம் – வகுப்பு 10.0

ஈவு தொகை மற்றும் ஈவு தொகை ஈட்டம் – வகுப்பு 10.0

Dividend Yield and Dividend Payout

 

பங்குச்சந்தை அடிப்படை பகுப்பாய்வின் பத்தாம் வகுப்புக்கு நாம் வந்துள்ளோம். ஏற்கனவே நாம் கடந்த சில வகுப்பில் பார்த்த அடிப்படை பகுப்பாய்வு காரணிகள் சம்மந்தமான உங்கள் சந்தேகங்கள் மற்றும் கருத்துக்களை கீழ்கண்ட மின்னஞ்சல் முகவரியில் பகிரலாம்.

 

contact@varthagamadurai.com  (contact at varthagamadurai dot com)

 

(or)

 

https://varthagamadurai.com/contact/

 

பொதுவாக நாம் ஒரு வங்கியில் வைப்பு தொகையாக பணத்தை முதலீடு செய்யும் போது, நாம் எதிர்பார்ப்பது இரண்டு விஷயம் தான் – முதலீட்டுக்கு பாதுகாப்பு மற்றும் எதிர்பார்த்த வட்டி வருமானத்துடன் தேவையான நேரத்தில் பணத்தை திரும்ப பெறுவது. இதை விட வேறு எதுவுமில்லை. இன்றைய காலகட்டத்தில் வங்கியில் உள்ள நமது பணம் நம்மிடம் வந்து சேர்ந்தாலே போதுமானது. வட்டி வருமானத்தை பற்றி இப்போதெல்லாம் நமது கவலையில்லை.

 

பங்குச்சந்தையை பொறுத்தவரை ஒரு நிறுவனம் தனது முதலீட்டை கொண்டு தொழிலில் ஈடுபடுகிறது. முதலீட்டின் மூலம் கிடைத்த லாபத்தை அந்த நிறுவனம் மூன்று விதமாக பயன்படுத்தலாம். ஒன்று கிடைத்த லாபத்தை தொழிலில் மறுமுதலீடாக செய்து வளர்ச்சியை மட்டுமே இலக்காக கொண்டிருக்கலாம். அடுத்ததாக, லாபத்தை கொண்டு சந்தையில் வர்த்தகமாகும் பங்குகளை அந்த நிறுவனமே திரும்ப வாங்கி கொள்ளலாம். இதனால் நிறுவனத்தின் உரிமை சதவீதம் அதிகரிக்கும். இறுதியாக லாபத்தை முதலீட்டாளரான நமக்கே பகிர்ந்தளிக்கலாம். இவ்வாறாக நிறுவனத்தின் லாபத்தை மூன்று நிலைகளில் பிரிக்கலாம். இந்த செயல்முறை நிறுவனத்தின் அதிகாரத்திற்கு உட்பட்டே செயல்படுத்தப்படும்.

 

நிறுவனம் லாபத்தை அதன் வளர்ச்சிக்கு சாதகமாக பயன்படுத்தினால், அந்த பங்கின் விலை உயரலாம். இதனால் ஒரு முதலீட்டாளருக்கு லாபம் தான். பங்குகளை திரும்ப பெறுவதாயின் அப்போதும் முதலீட்டாளர் பலன் உண்டு. இதை விட எளிமையாக லாபத்தை பகிர்ந்து கொடுத்தால் அது முதலீட்டாளருக்கு நேரிடையாக பலன் தரும். அது தான் ஈவு தொகை அளித்தல் ஆகும்.

( Read this post after the advertisement… )

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

 

 

Dividend:

 

பங்குச்சந்தையில் பட்டியலிடப்படும் ஒரு நிறுவனம் தான் சம்பாதித்த லாபத்தை பங்குதாரர்களுக்கு பகிர்ந்தளிப்பது ஈவு தொகை (Dividend) எனப்படும். பங்குதாரர்களுக்கு ஈவு தொகை கொடுக்கப்படும் தீர்மானம், பங்குதாரர்களால் தேர்ந்தெடுக்கப்பட்ட நிறுவனத்தின் வாரிய இயக்குனர்களுக்கு(Board of Directors) உண்டு.

 

நிறுவனங்கள் ஈவு தொகையை அறிவிக்கும் போது, ஒரு பங்குக்கு இவ்வளவு தொகை என்று அறிவிப்பதை விட, அதனை ஈவு தொகை சதவீதமாக (Dividend payout) அறிவிக்கும்.

 

உதாரணத்திற்கு, National Aluminium Company  நிறுவனம் கடந்த ஜனவரி 30 ம் தேதி, ஒரு பங்குக்கு 94 %  ஈவு தொகையாக அறிவித்தது. பொதுவாக ஈவு தொகையானது அதன் முக மதிப்பின்(Face value) அடிப்படையில் கணக்கிடப்படும்.

 

National Aluminium Company நிறுவனத்தின் தற்போதைய முக மதிப்பு – ரூ. 5, அறிவிக்கப்பட்ட ஈவு தொகை சதவிகிதம் – 94 %. ஒரு பங்கிற்கு நாம் பெறும் ஈவு தொகை,

 

Dividend per share  = (Dividend payout X Face value)  

 

 

Dividend per share = (94 % X 5) = Rs. 4.70 /-

 

எனவே நாம் ஒரு பங்குக்கு பெறும் தொகை ரூ. 4.70 /-  நிறுவனம் ஈவு தொகையை இரு காலங்களில் அறிவிக்கும். ஒன்று இடைக்கால ஈவு தொகையாக (Interim Dividend) மற்றும் இறுதி ஈவு தொகையாக (Final Dividend) கொடுக்கப்படும். ஈவு தொகை என்பது ஒரு நிறுவனம் முதலீட்டாளருக்கு கட்டாயம் கொடுக்க வேண்டும் என்ற அவசியமில்லை. கிடைத்த லாபத்தை நிறுவனத்தின் அடுத்தகட்ட வளர்ச்சிக்காகவும் பயன்படுத்தலாம். ஆனால் அறிவிக்கப்பட்ட ஈவு தொகையானது, கட்டாயம் முதலீட்டாளருக்கு கொடுக்கப்பட வேண்டும். நமக்கு கிடைக்க வேண்டிய ஈவு தொகை சொல்லப்பட்ட தேதியில் கொடுக்கப்படவில்லை எனில், நாம் பங்குச்சந்தையை நிர்வகிக்கும் செபியிடம் (SEBI) புகார் தெரிவிக்கலாம்.

 

Dividend Payout Ratio:

நாம் ஏற்கனவே பார்த்த படி, ஈவு தொகையானது ரூபாய் அளவில் சொல்லப்படாமல், ஈவு தொகை சதவீதத்தில் தான் தெரிவிக்கப்படும் என்று. இந்த ஈவு தொகை சதவீத விகிதத்தை Dividend Payout Ratio என்கிறோம். Dividend Payout Ratio ஐ கணக்கிடுவதற்கு ஒரு வருடத்தில் நிறுவனத்தால் ஒதுக்கப்படும் மொத்த ஈவு தொகையை அதன் நிகர வருமானத்தால் (அந்த வருடத்திற்கு) வகுக்க கிடைப்பதாகும்.

 

Dividend Payout Ratio = Dividends / Net Income

 

National Aluminium நிறுவனத்தில் 2017 மார்ச் நிதியாண்டு(March Ending 2017) முடிவில் ஈவு தொகையாக ஒதுக்கப்பட்ட (அ) கொடுக்கப்பட்ட மொத்த தொகை ரூ. 541.22 கோடி மற்றும் அந்த வருட நிகர வருமானம்(Net Income) – ரூ. 668.53 கோடி. இப்போது அதன் Payout Ratio,

 

Dividend Payout Ratio = 541.22 / 668.53 =  0.80956 X 100 = 80.96 %

 

இந்த தகவலை நாம் அந்த நிறுவனத்தின் நிதி அறிக்கையின் மூலம் அறிந்து கொள்ளலாம். சுலபமாக புரிந்து கொள்ள, ஒரு நிறுவனம் தனது லாபத்தில் எவ்வளவு தொகையை முதலீட்டாளருக்கு கொடுப்பதற்காக ஒதுக்குகிறது என்பது தான் Payout Ratio எனப்படும்.

Dividend Yield ( ஈவு தொகை ஈட்டம் ):

 

நாம் ஒரு பங்கிற்கு பெறும் ஈவு தொகையை அதன் முக மதிப்பின் அடிப்படையில் கணக்கிட்டு அறிந்து கொண்டோம். இதனை போல, நாம் வாங்கும் பங்கின் தற்போதைய சந்தை விலையில், பெறும் ஈவு தொகை எவ்வளவு சதவீதம் என கணக்கிடுவது ஈவு தொகை ஈட்டம் (Dividend yield) எனப்படும்.

 

உதாரணத்திற்கு, National Aluminum நிறுவனத்தின் சமீபத்திய ஈவு தொகை ஈட்டம் – 4.23 % (பங்கின் சந்தை விலை – ரூ. 66.25).

 

ஈவு தொகை ஈட்டத்தை கணக்கிட,

 

Dividend Yield = Annual Dividend per share / Current Market Price (CMP)

 

நால்கோ (National Aluminium Company) நிறுவனத்தை எடுத்து கொண்டால், கடந்த நிதியாண்டில் (March Ending 2017) ஈவு தொகையாக ரூ. 2.80 /- கொடுத்துள்ளது. அதன் படி, பங்கின் சந்தை விலையுடன் ஒப்பிட்டு பார்த்தால்,

 

Dividend Yield = 2.80 / 66.25 =  0.04226 X 100 = 4.226 % (Rounded to 4.23 %)

 

நினைவில் கொள்ளுங்கள்:

 

ஈவு தொகை ஈட்டத்தை(Dividend Yield) நாம் வேறொரு முறையாகவும் எடுத்து கொள்ளலாம். ஈவு தொகை ஈட்டம் என்பது வங்கி வட்டி விகிதத்தை போல தான், உங்கள் வங்கி சேமிப்பு தொகைக்கு கொடுக்கப்படும் 4 % போல அல்லது வைப்பு தொகைக்கு கிடைக்கும் வட்டி வருமானம் என வைத்து கொள்ளலாம். 4.23 % ஈட்டம் என்பது உங்களுடைய ஒவ்வொரு நூறு ரூபாய் (Yield per 100 rupees) முதலீட்டிற்கும் கிடைத்த தொகை. ஈவு தொகை ஈட்டமானது ஒரு நிலையான விகிதம் அல்ல, அது பங்கின் சந்தை விலை பொறுத்து மாறுபடும். நீங்கள் குறைந்த விலையில் (Buy price – Rs.30) பங்குகளை வாங்கியிருந்தால் தற்போது கிடைக்கும் ஈவு தொகை (Dividend Yield –  9.33 %) லாபமானது தான்.

 

வங்கி வட்டி வருமானத்தை காட்டிலும் பங்குகளில் கிடைக்கும் ஈவு தொகை சிறந்தது. ஏனெனில் பங்குகளில் கிடைக்கும் ஈவு தொகைக்கு நிறுவனமே வருமான வரியை செலுத்தி விட்டு தான் நமக்கு கையில் கொடுக்கும். அப்படியிருக்க, நாம் பெறும் தொகை வங்கி வட்டி வருமானத்தை விட சற்று அதிகம் தான். ஆனால் நீங்கள் வாங்கிய பங்கின் சந்தை விலை மிகவும் முக்கியம்.

 

ஈவு தொகையை பற்றி அறியும் போது, Cum Dividend மற்றும் Ex Dividend என்ற இரு விஷயங்கள் உண்டு. ஈவு தொகை கொடுக்கும் முன்னரும், கொடுத்த பின்னரும். இதனை நாம் அந்த நிறுவனத்தின் நிதி அறிக்கையில் பார்த்தால் நமக்கு விஷயம் புரியும். நாம் பெறும் ஈவு தொகை நமது வங்கி கணக்கில் நேரிடையாகவே வரவு வைக்கப்படும்.

 

ஈவு தொகை பெறுவதற்கு நாம் இரண்டு விதமான நாட்களை குறித்து வைத்து கொள்ளவும். Ex Dividend Date & Record Date. ஒரு பங்கை EX Dividend Date அன்றோ அல்லது அதற்கு முன்னரோ (On or before) நீங்கள் வாங்கியிருந்தால், ஈவு தொகை பெறுவதற்கு உரிமையுண்டு. அதன் பின்னர் வாங்குவோருக்கு அந்த காலத்திற்கு உரிய ஈவு தொகை கிடைக்காது. Record Date என்பது யாரெல்லாம் பங்குதாரர்களாக நிறுவன புத்தகத்தில் இடம் பெற்றுள்ளனரோ அவர்களுக்கு மட்டுமே ஈவு தொகை வழங்கப்படும். அதனால் பங்குச்சந்தை அமைப்பு வெளியிடும் தகவல்கள் மற்றும் நாட்களை குறித்து வைத்து கொள்வது நல்லது.

 

பொதுவாக, ஈவு தொகை கொடுக்கப்பட்டவுடன் பங்கின் சந்தை விலையில் சிறிது ஏற்ற – இறக்கமும், நிறுவனத்தின் நிதி அறிக்கையில் மாற்றமும் நிகழ்வது இயல்பு. நாம் இதனை பற்றி அவ்வளவாக கவலைப்பட தேவையில்லை. ஈவு தொகை அளிக்கும் நிறுவனங்கள் பெரும்பாலும் வளர்ச்சியடைந்த (அ) வளர்ச்சி பெற்று வருபவையாக இருக்கும். இருப்பினும் நாம் எப்போதும் நிறுவனத்தின் வரவு- செலவு, லாப-நட்ட கணக்கினை பார்ப்பது அவசியம்.

 

முதலீடு மற்றும் பங்குகள் மீதான வருமானம் – வகுப்பு 8.0

முதலீடு மற்றும் பங்குகள் மீதான  வருமானம் – வகுப்பு  8.0

Return on Investment – Return on Equity (ROE), Return on Assets (ROA) Ratios

 

சென்ற வகுப்பில் ஒரு நிறுவனத்தின் விற்பனை மற்றும் லாபத்தை  பற்றி பார்த்தோம். நிறுவனத்தின்  லாபம் அதனை அதன் துறை சார்ந்த தொழிலில்  நிலைத்து  நிற்க  துணைபுரிகிறது. நிறுவனத்தில்  உள்ளவர்களும்  பொருளாதாரத்தில்  நன்கு  வளர்ச்சியடைவார்கள். ஆனால்  நாம்  ஒரு  முதலீட்டாளராக நமக்கும்  அந்த  லாபத்தில்  பலன்  கிடைக்க  வேண்டுமே, அது  தானே  நியாயம். நாம்  ஒன்றும்  அந்த  நிறுவனத்தில்  வேலை  செய்யவில்லை; நிறுவனத்தை  தொடங்கவும் இல்லை. ஆனால்  ஒரு  முதலீட்டாளராக நமக்கும்  லாபத்தில்  உரிமை  உண்டு. நாம் நம்  பணத்தை  முதலீடு  செய்திருக்கிறோம்.

 

நாம் ஏற்கனவே சொன்னது போல, ஒரு நிறுவனத்தின் முதலீடு என்பது நிறுவனர்கள் மற்றும் பங்குச்சந்தையில் முதலீட்டாளர்களிடம் திரட்டிய பணமும் ஆகும். அதனால் தான் முதலீடு என்பது பங்குகளாக கணக்கிடப்படுகிறது. Earning Per Share என்ற  ஒரு  தலைப்பை  பார்த்தோம்  அல்லவா, அது  நமது  வருமானத்தை  தான்  சொல்கிறது. நம்மிடம்  உள்ள  ஒவ்வொரு  பங்குக்கும், அந்த  நிறுவனம்  எவ்வளவு  வருமானம்  சம்பாதித்து கொண்டிருக்கிறது. அவற்றில்  நமக்கு  எவ்வளவு  தொகையை  கையில்  கொடுத்திருக்கிறது என்பது  தான். எந்த  ஒரு  முதலீடும்  அதன்  லாபம்  (அ) வருமானத்தினால்  தான்  ஈர்க்கப்படும். நாம்  வங்கியில்  ரூ. 1 லட்சத்தை  வைப்பு  தொகையாக  வைத்திருக்கிறோம்  எனில், அதனை  வெறுமென நாம் வைக்க  முடியாது. நமது  எதிர்பார்ப்பின்  பலன் – வங்கியில்  நமது  பணம்  பத்திரமாக  இருக்கிறது  மற்றும் நமது வைப்பு தொகைக்கு  ஏதேனும்  வட்டி  வருமானம்  கிடைக்கும் என்பதால்  தான். அதே நேரத்தில் நம் வங்கி சேமிப்பும் பாதுகாப்பு தான் என கூறி விட முடியாது. Deposit Insurance and Credit Guarantee Corporation – DICGC  எனும்  ஒப்பந்தம் உள்ளது. அதன்  அடிப்படையில் தான்  நமது  பணத்திற்கு  பாதுகாப்பு வழங்கப்படும்.

 

ஒரு  பங்கு  முதலீட்டாளராக  நமக்கு, ஒரு  நிறுவனம்  அதன்  லாபத்தில் ஒரு  தொகையை  பகிர்ந்தளிக்கிறது. பகிர்ந்தளித்தல் என்றால்  அது நமக்கான  லாபத்தை  உடனே  கொடுத்து விட போவதில்லை. அந்த லாபம்  நமக்கு  பல  நிலைகளாக  வந்தடையும். ஒரு  நிறுவனத்தின்  லாபம் – பங்குகளின்  விலை  அதிகரிப்பு(Price Increase), போனஸ் பங்குகள்(Bonus Shares), ஈவுத்தொகை வருமானம்(Dividend), மேற்கொண்டு தொழில் வளர்ச்சிக்கு(Growth)  என பல நிலைகளாக பரிமாறப்படும்.

 

உதாரணத்திற்கு, நீங்கள் TVS motor நிறுவனத்தில் 100 பங்குகள் வாங்கியிருக்கிறீர்கள் என வைத்து கொள்வோம். நீங்கள் வாங்கும் போது இருக்கும் விலையை விட, 5 வருடங்களுக்கு பிறகு அதன் விலை ஏற்றமடைந்திருக்கும். இது அந்த நிறுவனத்தின் லாப வளர்ச்சியினால் இருக்கலாம். நினைவில் வைத்திருங்கள் – கடன் அதிகமாக இருக்கும் மற்றும் நஷ்டத்தில் இயங்கும் நிறுவனத்தின் பங்கு விலையும் அதிகமாகலாம். ஆனால் அது நிரந்தரமல்ல. நீண்ட காலத்தில் வளர்ச்சியடையும் நிறுவனங்களின் பங்கு விலையே சாதகமாகும். அதனால் தான் முதல் வகுப்பின் தொடக்கத்திலிருந்து நான் சொல்கிறேன், பங்குச்சந்தை என்பது ஒரு தொழில், அதனை நீண்ட காலமாக அணுகுங்கள்.

( Read this post after the advertisement… )

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

 

 

ஒரு முதலீட்டின் மீதான வருமானம் (Return on Investment – ROI) என்பது ஒரு நிறுவனத்தின் லாபத்தை நமது பங்குடன் ஒப்பிடுவதற்கும், மற்ற முதலீடுகளின் திறனை பார்ப்பதற்கும் பயன்படுகிறது. வங்கி வட்டி வருமானத்தை காட்டிலும் அதிகமான வருவாய் கிடைக்கிறது என்பதற்காக தான் நாம் பங்குச்சந்தையில் முதலீடு செய்கிறோம். வங்கியிலேயே நாம் எதிர்பார்க்கும் வருமானம் கிடைத்து விட்டால் நமக்கெதுக்கு பங்குச்சந்தை, 🙂 நாம் எதிர்பார்க்கும் வருமானம் என்பது பணவீக்கத்தை தாண்டியதாக இருக்க வேண்டும்.

ROI  =  Net Profit / Cost of Investment

 

நாம்  TVS motor நிறுவனத்தில்  வாங்கிய  100 பங்குகளை (வாங்கிய  விலை Rs. 100 X 100 Shares), ஐந்து  வருடங்களுக்கு  பிறகு  ரூ. 120 ( 120 X  100) என்ற  விலையில்  விற்கிறோம். இப்போது  நம்  முதலீடு  மீதான  வருமானம்,

 

ROI  = 2000 / 10000  =  0.2  X  100  =  20 %

 

நம்  முதலீட்டின்  மீதான  வருமானம்  20 % ஐ தந்துள்ளது. இது  ஒன்றும்  பெரிய சூத்திரமல்ல. நமது  ஊரில்  கொய்யா பழம் விற்கும் பாட்டி கதை போல  தான். இங்கே  நிகர லாபம் (Net Profit) என்பது  ஒரு  நிறுவனத்தின்  வரிகள், வட்டி  செலுத்துதல்  மற்றும்  கட்டணங்கள்  போக  தான்.

 

Return on Equity – ROE:

 

ஒரு  நிறுவனத்தின்  நிகர வருவாயின்  அளவு  அதன்  மொத்த  பங்குதாரர்களின்  விகிதத்தை  சாரும். பங்குதாரர்கள்  முதலீடு  செய்துள்ள  ஒரு  நிறுவனம்  அவர்களின்  முதலீட்டை  கொண்டு  எவ்வளவு  லாபம் சம்பாதித்தது என்பதை  அறிவது  Return on Equity.

 

ROE  = Net Income / Shareholder’s Equity

 

நிறுவனத்தின்  நிகர  லாபத்தை  பங்குதாரர்களின்  முதலீட்டில்  வகுத்தால்  கிடைப்பது  ROE ஆகும்.

 

உதாரணத்திற்கு,

 

நம்  தேநீர்  நண்பர் தொழிலில்  சென்ற வருட லாபம்  ரூ. 10 லட்சம்  என  கொள்வோம். அதே  வருடம், பங்குதாரர்கள் மேற்கொண்ட  மொத்த முதலீடு (நம்மையும்  சேர்த்து) – ரூ. 20 லட்சம்  என  வைத்து  கொள்வோம். இப்போது பங்கு  முதலீட்டின்  மீதான  வருமானம்,

 

ROE = 10,00,000 / 20,00,000  =  0.5 X 100  =   50 %

 

ஆக, நம்  தேநீர்  நண்பரின்  தொழில் 50 % வருமானத்தை  பங்குகள்  மீது  கொடுத்துள்ளது. அதாவது  நாம்  முதலீடு  செய்த  ஒவ்வொரு  ரூபாய்க்கும்  50 பைசா  லாபம்  தந்துள்ளது. ( Rs. 0.50 /- of profit for every Rupee of Shareholder’s Equity)

 

Return on Equity ஐ  Return on Networth (RONW) என  கூறுவதும் உண்டு.  பொதுவாக  ROI என்பது  நம் முதலீட்டின்  மீதான  வருமானத்தை தெரிவிக்கிறது. ROE என்பது பங்குகள்  மீதான  வருமானத்தை சொல்வதோடு, ஒரு  நிறுவனத்தின்  செயல்திறனையும்  கண்டறிகிறது. அதிக  ROE உள்ள  நிறுவனங்கள் அதிக  லாபம்  சம்பாதிப்பதோடு  அல்லாமல், புதிய முதலீட்டையும்  எதிர்காலத்தில்  பெற  வேண்டிய  அவசியமில்லை  என்பதனை காட்டுகிறது. அதனால் அதிக ROE விகிதம் உள்ள  நிறுவனங்களை தேர்ந்தெடுப்பது நல்லது. நீங்கள்  வாங்கும்  பங்குக்கான  ROE விகிதம் பணவீக்கம் மற்றும் வங்கி வட்டி விகிதத்தை சேர்த்த அளவை விட அதிகமாக இருக்குமாறு (Morethan Inflation and Bond Interest rates)  பார்த்து கொள்ளுங்கள். உதாரணத்திற்கு, வங்கி வட்டி  விகிதம் – 7 % மற்றும் பணவீக்க விகிதம் – 6 % என இருந்தால் (7 + 6) ROE  13 % விகிதத்தை கடந்து இருக்கும்படி பங்குகளை தேர்ந்தெடுங்கள்.

 

Return on Asset (ROA):

 

ROA –  ஒரு நிறுவனத்தின் மொத்த சொத்துக்களில் அதன் ஒரு குறிப்பிட்ட காலத்தின் லாபம்,  எவ்வளவு சதவிகிதத்தை கொண்டுள்ளது.

 

ROA   = Net Income / Total Assets

 

XYZ நிறுவனம் கடந்த நிதி ஆண்டில் ஈட்டிய  லாபம் – ரூ. 2 லட்சம் (வரி கட்டியது போக) மற்றும் அந்த காலத்தில் அதன் மொத்த சொத்து மதிப்பு – ரூ. 10 லட்சம்.

 

ROA = 2,00,000 / 10,00,000 = 0.2 X 100  =  20 %

 

XYZ நிறுவனத்தின் கடந்தாண்டு லாபம் அதன் மொத்த சொத்து மதிப்பில் 20 % ஆகும். அதிக ROA விகிதம் ஒரு நிறுவனம் நன்றாக வளர்ச்சியடைந்து வருவதை காட்டுகிறது. அதே நேரத்தில் ROA விகிதம் ஒரு நிறுவனம் செலுத்த வேண்டிய நிலுவை தொகைகளை பற்றி சொல்லவில்லை. அதனால் முதலீட்டாளர்களான நாம் நிறுவனத்தின் கடன் சுமையையும் பார்க்க வேண்டும். ROA ஐ மட்டுமே ஒரு நிலையாக எடுத்து கொண்டு பங்கு வாங்குவது  கூடாது. மற்ற அம்சங்களையும் ஆராய்ந்து விட்டு தான் பங்குகளை கவனிக்க வேண்டும்.

 

நினைவில்  கொள்ளுங்கள்:

 

  • ROI, ROE, ROA – இம்மூன்றும் கடந்த கால வருமானம்(Past Earnings) அல்லது லாபத்தை கொண்டே கணிக்கப்படுகிறது. எதிர்காலத்தில் எப்படி இருக்கும் என சொல்லப்படவில்லை. அதனால் ஒரு பங்கின் கடந்த 5 – 10 வருட கால லாபத்துடன் ஒப்பிடுவது நன்று.

 

  • சில பங்குகளுக்கு ROE விகிதம் குறைவாகவோ அல்லது அதிகமாகவோ காட்டப்படும். அந்த சமயத்தில், நிறுவனத்தின் பணவரத்து அறிக்கையை(Cash flow Statement) ஒப்பிட்டு தேர்ந்தெடுக்கலாம்.

 

  • பெரும்பாலான சமயங்களில், கடன் அதிகம் உள்ள நிறுவனத்திற்கும் ROE விகிதம் அதிகமாக இருக்கலாம். அதனால் கடன் விகிதத்தை (Debt-Equity) சரிபார்த்த பின்னரே ROE விகிதத்தை கவனிக்கலாம்.

 

  • பங்குதாரர்கள் எண்ணிக்கை குறைவு, நிறுவனமே பங்குகளை திரும்ப பெற்று கொள்ளுதல் (Buyback) ஆகியவற்றாலும் ROE விகிதம் செயற்கையாக அதிகரிக்கலாம்.

 

  • Return on Assets விகிதத்தை, துறைகளின் மற்ற நிறுவனத்துடன் ஒப்பிட்டு பார்த்து பங்குகளை வாங்குவது சிறந்தது.

 

அடுத்த வகுப்பில் நிறுவனத்தின் கடன் தன்மை(Debt to Equity) மற்றும் வட்டி செலுத்தும் விகிதத்தை(Interest coverage Ratio) பார்ப்போம்.

 

Sales and Profit – வகுப்பு 7.0

Sales and Profit – வகுப்பு 7.0

Fundamental Analysis – Factors – Sales & Profit

 

நாம் சென்ற வகுப்பில் Earning per share (EPS)  and Book Value  பற்றி பார்த்தோம். இந்த வகுப்பில் நாம் பார்க்க போவது ஒரு நிறுவனத்தின் விற்பனை மற்றும் லாபத்தை பற்றி அலச போகிறோம். அதற்கு முன், சென்ற வகுப்பின் காரணிகளை எவ்வாறு நடைமுறையில் செயல்படுத்துவது என்பதை பார்ப்போம்.

 

பங்குச்சந்தை அடிப்படை பகுப்பாய்வு காரணிகளை நடைமுறையில் தெரிந்து கொள்ள இன்று  இணையத்தில் நிறைய தளங்கள் வந்து விட்டன. பங்குச்சந்தை அமைப்புகளும் (Stock Exchanges) அதற்கான புள்ளிவிவரங்களை தினமும் பதிவு செய்கின்றன. பங்குத்தரகர்களும் தங்களது வாடிக்கையாளர்களின் வசதிக்காக அது போன்ற விவரங்களை தருகின்றன. இருப்பினும் சில தளங்கள் இந்த காரணிகளை அலசுவதற்காக எளிமையான முறையில் செயல்படுத்துகிறது. இந்த காரணிகள் அலசும் முறையை “Stock Screening” என்பர். Stock Screening என்பது ஒரு பங்கு அல்லது நிறுவனத்தின் அடிப்படை காரணிகளை ஆராய்வது. அதாவது ஸ்கேனிங் செய்வது போல.

 

Stock Screening அறிய நிறைய தளங்கள் இருப்பினும், நான் உங்களுக்காக ஒரு எளிமையான தளத்தினை பரிந்துரைக்கிறேன். ஆனால் இந்த தளத்திற்கும், வர்த்தக மதுரைக்கும் எவ்வித சம்மந்தமில்லை. நமக்கான புள்ளி விவரங்கள் மற்றும் காரணிகளை அலசுவதற்கே நாம் பயன்படுத்த போகிறோம்.

 

Screener.in  (https://www.screener.in)

 

இந்த தளம் பங்கு சார்ந்த ஒரு நிறுவனத்தின் நிதி அறிக்கைகள், காரணிகள் போன்ற விவரங்களை இலவசமாக பதிவிடுகின்றன. நிறுவனத்தின் நிதி அறிக்கைகள் சார்ந்த தகவல்களை நீங்கள் மற்ற தளத்திலும் பார்வையிடலாம்.

 

நாம் சென்ற வகுப்பின் மூலம் கற்ற சில காரணிகளின் மதிப்பீடுகள் (See the below image),

 

 

EPS and book value Analysis

 

உதாரணத்திற்கு:

 

Screener.in  தளத்திற்கு செல்லுங்கள். முடிந்தால் இலவசமாக ஒரு புதிய கணக்கினை தொடங்குங்கள். Screener தளத்தில் நீங்கள் உங்கள் கணக்கை தொடங்கும்போது மட்டுமே, அவர்கள் அதிகப்படியான புள்ளிவிவரங்களை உங்களுக்கு தெரிவிப்பார்கள். வெறும் நிதி அறிக்கைகளை மட்டுமே பார்க்க வேண்டுமென்றால் கணக்கு ஆரம்பித்தல் அவசியமில்லை. இப்போது நாம் அலச போகும் நிறுவனம் – TVS Motor Company Ltd

 

( Read this post after the advertisement… )

 

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

 

 

 

Enter a Company (Search) ல் TVS motor என பதிவு செய்யுங்கள். இப்போது அந்த நிறுவனத்தின் தகவல்கள் உங்களுக்கு கிடைக்கும். TVS motor நிறுவனத்தின் சந்தை மதிப்பு (Market Cap), சந்தை விலை (Current price), புத்தக மதிப்பு (Book value), P/E, EPS போன்ற தகவல்களும் காண்பிக்கப்படும்.

 

இப்போது Annual Results பகுதிக்கு செல்லுங்கள். இங்கே Net Profit என்ற வரிசையில் கடைசியாக உள்ள TTM பத்தியில் (Column) கிடைக்கும் எண்களை குறித்து வைத்து கொள்ளுங்கள். இவை கோடி ரூபாய் மதிப்பில் இருக்கும். நான் இங்கே எடுத்து கொண்ட TTM – Net profit மதிப்பு ரூ. 623.75 கோடி ரூபாய். TTM என்றால் Trailing Twelve Months. கடந்த 12 மாத காலத்தில் TVS motor நிறுவனத்தின் லாபம் தான் அது.

 

மறுபடியும் மேல் பக்கத்திற்கு வாருங்கள். இங்கே நீங்கள் Number of equity shares என்ற மதிப்பை பார்க்கலாம். இந்த மதிப்பு லட்சங்கள் அல்லது கோடிகளில் கொடுக்கப்பட்டிருக்கும். நான் எடுத்த Number of equity shares – 47.51.

 

EPS = Net Profit / Total Number of shares

 

623.75 / 47.51 =  Rs. 13.13

 

இந்த EPS மதிப்பையும் நாம் மேல் பக்கத்தில் சரிபார்த்து கொள்ளலாம். இதே போன்று நாம் கடந்த கால ( 5 – 10 Years) லாபங்கள் மற்றும் EPS அறியலாம்.

 

Calculate P/E and P/Bv:

 

இதே போல, P/E மதிப்பையும் கிடைத்த தகவல்களை கொண்டு கண்டறியுங்கள்.

 

P/E  = Current Price / EPS

 

Current price = Rs. 631.40 (dated 22.02.2018)

EPS = 13.13

 

P/E = 631.40 / 13.13 = 48.09

 

——————————————–

 

P/Bv = Current Price / Book Value

 

Book Value = Rs. 61.15 (dated 22.02.2018)

 

P/Bv = 631.40 / 61.15  =  10.33

 

TVS motor நிறுவனத்தின் சந்தை விலை அதன் புத்தக மதிப்பை காட்டிலும் 10 மடங்கு அதிகமாக உள்ளது.  இதனை போன்றே PEG மதிப்பையும் நாம் கண்டறியலாம்.

 

PEG = (P/E) / EPS Growth  = 3.24

 

Screener.in ல் நாம் மேற்கொண்டு மற்ற போட்டி நிறுவனத்துடன் Peer Comparison பகுதியில் பார்த்து ஒப்பிடவும் செய்யலாம்.

 

சரி, நாம் இந்த வகுப்புக்கான விஷயங்களை பார்ப்போம்.

 

விற்பனை (Sales and Operating Profit Margin):

 

ஒரு நிறுவனத்தின் வருவாய் என்பது பெரும்பாலும் அதன் விற்பனையை சார்ந்தே இருக்கும். விற்பனையின் மூலம் என்பது ஒரு பொருளை உற்பத்தி செய்து விற்பது,  உற்பத்தியாளர்களிடம் பொருளை பெற்று வணிகம் செய்வது அல்லது ஒரு சேவையை அளிப்பது என இருக்கலாம். விற்பனை இல்லாமல் ஒரு தொழில் சிறந்து விளங்க முடியாது. அதனால் ஒரு நிறுவனத்தின் விற்பனை தான் அந்த தொழிலின் பிரம்மாஸ்திரம். இதற்காக தான் நிறுவனங்கள் போட்டி போட்டு கொண்டு தங்களது பொருட்களை விளம்பரம் செய்கின்றன.

 

விற்பனையை Sales அல்லது Operating என சொல்லலாம். விற்பனையின் மூலம் கிடைக்கும் வருவாயை Sales Profit or Operating Profit எனலாம்.

 

TVS motor நிறுவனத்தின் விற்பனை விவரங்களையும் நாம் காலாண்டு மற்றும் வருட முடிவில் பார்க்கலாம். ஒரு நிறுவனத்தின் விற்பனை ஒவ்வொரு காலத்திலும் அதிகமானால் அது நன்றாக செயல்பட்டு கொண்டிருக்கிறது என அறியலாம். சில காலங்களில் அதன் வருமானம் குறையலாம். உதாரணத்திற்கு, ஐஸ்கிரீம் விற்பனை வருடத்தின் எல்லா நாட்களிலும் அதிகமாக இருக்க போவதில்லை. அதே போல, உலக பொருளாதார சூழ்நிலை, மூலப்பொருட்களின் பற்றாக்குறை, அரசாங்கத்தின் அணுகுமுறை மற்றும் தேவை – உற்பத்திக்கான இடைவெளியால் (Demand – Supply), போட்டி நிறுவனங்களால் விற்பனை அளவு மாறலாம். ஆனால் ஒரு தொழிலுக்கு தொடர் விற்பனை மற்றும் நிறுவனத்தின் லாபம் மிகவும் அவசியமானது.

 

Operating Profit என்ற விற்பனை (அ) இயக்க லாபத்தை அறிய அந்த காலத்திற்கான மொத்த விற்பனை வருவாயிலிருந்து செலவுகளை கழித்தால் கிடைப்பது.

 

Operating Profit = Sales – Expenses   

 

நம் தேநீர் நண்பர் கடையை போல… அவரின் ஒரு மாத விற்பனையை, மேற்கொண்ட செலவுகளில் கழித்தால் கிடைக்கும் மதிப்பு தான் இயக்க லாபம் (அ) விற்பனை லாபம்.

 

Operating Profit என்பது வட்டி மற்றும் வரிக்கு முந்தைய வருமானம் (Earnings before interest and tax – EBIT).

 

Operating Profit Margin:

 

Operating Profit margin எனப்படுவது, ஒரு நிறுவனத்தின் விற்பனை மற்றும் லாபத்திற்கு இடையே உள்ள விகிதம்.

 

Operating Profit Margin (OPM) = Operating Profit (or) EBIT  / Sales or Total Revenue

 

ஒரு நிறுவனத்தின் இயக்க லாப விகிதத்தை (OPM) அறிய, அதன் ஒரு காலத்திற்கான விற்பனை லாபத்திலிருந்து, மொத்த விற்பனையை வகுத்தால் கிடைப்பது.

 

TVS motor நிறுவனத்தின் டிசம்பர் (December 2017)  மாத  விற்பனை – ரூ. 3,684.95 கோடி மற்றும் விற்பனை லாபம் (Operating Profit) – ரூ. 286.79 கோடி.

 

OPM = Operating profit / Sales

 

286.79 / 3684.95 = 0.0778 X 100 = 7.78 %

 

OPM = 7.78 % (December 2017 for TVS motor company)

 

லாபம் (Profit and Net Profit Margin):

 

ஒரு நிறுவனம் விற்பனை நன்றாக செய்வது இருக்கட்டும். அது லாபத்தில் இயங்க வேண்டுமே. அது தானே, ஒரு முதலீட்டாளராக நமக்கு தேவை. நாம் பார்த்திருப்போம், சில நிறுவனங்கள் விற்பனையில் நன்றாக செயல்படும். ஆனால் பெரும்பாலும் நட்டத்தில் காலத்தை கழிக்கும். விற்பனையை விட அதன் செலவுகள் அதிகமாயிருக்கலாம். கடன்களால் லாபம் பாதிப்படையலாம். லாபம் இல்லாமல் தனது வேலையாட்களுக்கு எத்தனை நாட்கள் தான் அந்த நிறுவனம் சம்பளம் கொடுத்து விட முடியும். முடிவில் திவால் நிறுவனங்கள் மற்றும் வங்கி கடன் மோசடி என செய்தி தகவல் மட்டுமே நமக்கு கிடைக்கும்.

 

அதனால், விற்பனைக்கான ஊதியமாக லாபமும் பெற வேண்டும் ஒரு நிறுவனம். இல்லாவிட்டால் அந்த தொழிலுக்கு மதிப்பேது !

 

ஒரு நிறுவனம் அதன் விற்பனையில் தனது செலவை காட்டிலும் அதிகமாக வருவாய் ஈட்டினால் அதனை லாபம் என்கிறோம். செலவுகள் – மூலப்பொருட்கள், ஊதியம், விளம்பரம், வரி, வட்டி செலுத்துவது, தேய்மானம் போன்றவையாக இருக்கலாம். மீதி கிடைப்பதை நாம் நிகர லாபம் (Net Profit) என்கிறோம்.

 

Net Profit (NP) = Total Revenue (or) Sales – Total Expenses

 

இதனை Net Earnings or Net income எனவும் சொல்லலாம். உதாரணத்திற்கு, நமது சம்பளத்திலிருந்து மாதாந்திர அடிப்படை செலவுகள், வரி செலுத்துவது, பொழுதுபோக்கு, காப்பீடு, போக்குவரத்து போன்ற செலவுகளை கழித்தது போக மீதம் உள்ள தொகை தான் நமக்கான லாபம். அதனை தான் நாம் சேமிப்பு என்கிறோம். சேமிப்பு இருந்தால் தான் நாம் நமக்கான எதிர்கால தேவைகள் மற்றும் விருப்பங்களை நிறைவேற்ற முடியும். அதே போல தான் ஒரு நிறுவனத்திற்கும் லாபம் இருப்பின், அது எதிர்காலத்தில் நன்றாக செயல்பட துணைபுரியும்.

 

TVS motor நிறுவனத்தின் நிகர லாபத்தையும் நாம் பார்க்கலாம். நாம் ஏற்கனவே சொன்னது போல, அதன் டிசம்பர் மாத்திற்கான விற்பனை லாபம் ரூ. 286.79 கோடி.

 

Operating Profit = Rs. 286.79 Crores

 

Other income = Rs.  18.16 Crores

 

Net Profit = Operating profit + other income – (Depreciation + Interest + Tax)

 

NP = 304.95 – 150.60 = Rs. 154.35 Crores (December 2017 for TVS motor company)

 

Other income என்பது நிறுவனத்தின் நேரிடையான விற்பனை மூலம் வந்த வருமானம் அல்ல. அதற்கு கிடைத்த வட்டி, வாடகை, ஈவு தொகை, சொத்து விற்பனை மூலமான வருவாயாகும்.  நீங்களும் கடந்த மாதங்களுக்கான நிகர லாபங்களை கணக்கிட்டு தெரிந்து கொள்ளுங்கள்.

 

நிகர லாப விகிதம் (Net Profit Margin):

 

ஒரு நிறுவனம் அல்லது தொழிலின் லாபம் ஒவ்வொரு மாதத்திற்கும் மாறுபடும். தொடர் லாபம் ஈட்டும் நிறுவனங்கள் மென்மேலும் லாபமீட்ட வழிமுறைகள் வகுக்கும். பங்குச்சந்தையில் ஒரு நிறுவனம் தனது லாப – நட்ட அறிக்கையை ஒவ்வொரு காலாண்டும் மற்றும் வருடத்திற்கு ஒரு முறை சமர்ப்பிக்கும். அதன் அறிக்கையில் நாம் அந்த நிறுவனம் லாபமீட்டுகிறதா என அறியலாம்.

 

நிகர லாபத்தை பார்த்தோம். நிகர லாப விகிதம்(NPM) என்பது ஒரு வருடத்திற்கான மொத்த விற்பனையில் லாபத்தின் பங்கு (அ) விகிதம் எவ்வளவு என கண்டறிவது. ஒரு நிறுவனம் கடந்த ஆண்டு எவ்வளவு லாபம் பெற்றது, இந்த ஆண்டில் அதை விட எவ்வளவு மடங்கு (அ) விகிதத்தில் பெற்றது எனவும் தெரிந்து கொள்ளலாம்.

 

NPM =  Net Profit / Total Sales

 

TVS motor கடந்த 2017 ம் ஆண்டு நிதி அறிக்கையின் படி, நிகர லாபமாக ரூ. 558.08 கோடி ஈட்டியுள்ளது.

 

Net Profit – Rs. 558.08 Crores

 

Total Sales = Rs. 12,135.31 Crores

 

NPM = 558.08 / 12135.31 =  4.60 %

 

Screener.in தளத்தில் NPM Last year என்ற பகுதியில் பார்க்கலாம். ஒவ்வொரு வருடத்திற்கான நிகர லாப விகிதத்தையும் நாம் ஒப்பிடலாம்.

 

நினைவில் கொள்ளுங்கள்:

 

  • இயக்க லாப விகிதத்தை (OPM), நாம் காலாண்டு (அ) வருட அடிப்படையிலோ கணக்கிடலாம்.

 

  • இயக்க(விற்பனை) லாபம், அந்த நிறுவனத்தின் நிகர லாபத்திலிருந்து எவ்வளவு வேறுபடுகிறது என்பதையும் கணிக்கலாம்.

 

  • நாம் பார்த்த நிகர லாப விகிதத்தை (NPM), அந்த துறையை சார்ந்த மற்ற போட்டி நிறுவனங்களுடனும்(Peers)  காலாண்டு (Recent Quarters)வாரியாகவோ, (Annual)வருட வாரியாகவோ ஒப்பிட்டு பார்க்கலாம். இதன் மூலம் நாம், அந்த துறையின் சிறந்த ஒரு நிறுவனத்தை தேர்ந்தெடுக்கலாம்.

 

  • NPM என்பது ஒரு நிறுவனத்தின் விற்பனை அளவுடன் தொடர்புடையது. ஆதலால், விற்பனைக்கும், லாபத்திற்கும் உள்ள வித்தியாசத்தை தெரிந்து வைத்திருப்பது அவசியம்.

 

  • லாப விகிதத்தை(NPM) ஒப்பிடும் போது, குறைந்தது 5-10 வருட காலத்தின்  அடிப்படையில் ஒப்பிடுவது நல்லது.

 

  • ஒரு நிறுவனத்தின் நிகர லாபம், பெரும்பான்மையாக விற்பனையிலிருந்து வந்திருந்தால் அதன் வளர்ச்சி நன்றாக இருக்கும்.

 

Earning per share (EPS) and Book Value – வகுப்பு 6.0

Earning per share (EPS)  and Book Value – வகுப்பு  6.0

Fundamental Analysis – Factors – EPS & Book value

 

 

நாம் தொழிலின் முதற்கணக்கை இங்கே ஆரம்பிக்க இருக்கிறோம். நமக்கான பங்கினை தேர்வு செய்வதற்கு, நாம் வாங்கும் ஒரு நிறுவனத்தின் பங்கு எவ்வளவு சம்பாதிக்கிறது என்பதனை கவனமாக கொள்ள வேண்டும். நாம் பங்குச்சந்தையில் தொழில் செய்ய தான் வந்துள்ளோம். அதனால் நீண்ட கால நோக்கில் நாம் லாபமடைய வேண்டும் மற்றும் நஷ்டத்தினையும் முடிந்தளவு குறைக்க வேண்டும். ஆனால் நஷ்டத்தை தவிர்த்தல் என்பது அவ்வளவு எளிதான காரியமல்ல. நாம் ஏற்கனவே சொன்னது போல, நாம் தொழிலில் தான் ஈடுபட்டுளோம். நஷ்டமடையாமல் தொழிலில் எப்போதும் லாபம் மட்டுமே பார்க்க முடியுமா என்ன !  வாருங்கள் முதலில் EPS என்றால் என்ன என்பதை பார்த்து விடுவோம்.

 

 

Earning Per Share (EPS):

 

EPS ன் விரிவாக்கத்திலேயே நாம் எளிமையாக புரிந்து கொள்ளலாம்; ஒரு பங்கு மீதான வருமானம் அல்லது நாம் வாங்கும் ஒரு பங்குக்கான வருமானம் என கொள்ளலாம். நம் தேநீர் நண்பர் தொழிலை போல தான். நாம் அவர் தொழிலில் பங்குதாரர் என கொள்வோம்.

 

நமது முதலீடு  (அ) பங்கு:   

 

நண்பரின் முதலீடு –  ரூ. 2,00,000 /-

 

நாம் செய்த முதலீடு  – ரூ. 1,00,000 /-         ( மொத்த முதலீடு –  ரூ. 3,00,000 /- )

 

நண்பரின் தொழிலில் ரூ. 3,00,000 /- முதலீட்டை ரூ. 10 முகமதிப்பு (Face value)  கொண்ட 30,000 பங்குகளாக பிரிக்கப்பட்டுள்ளது. ( 10 X 30,000 )

 

நண்பருக்கான பங்குகள் – 20,000  ( 10 X 20000 = 2,00,000 /-)

 

நமக்கு ஒதுக்கப்பட்ட பங்குகள் –  10,000  ( 10 X  10000 = 1,00,000 /-).

 

ஆக, ஒவ்வொரு முதலீட்டிற்கும் ஏற்ப பங்குகள் ஒதுக்கப்பட்டுள்ளது. இதே போல தான் பங்குச்சந்தையில், நமக்கு ஒரு நிறுவனத்தில் நாம் கேட்ட பங்குகள் கிடைக்கும் அல்லது விற்பனையில் இருக்கும் பங்குகள் அதன் விலையில் கிடைக்கும்.

 

உதாரணத்திற்கு, நமது நண்பரின் முதல் மாத வருமானம் (செலவுகள் போக) – ரூ. 60,000 /- என எடுத்துக்கொண்டால்,  மொத்த முதலீட்டின் மீதான வருமானம்:

 

Rs. 60,000 /-  ( For Total Investment of Rs. 3 lakhs) – Net Profit

 

EPS = Net Profit / No., of shares

 

60,000 / 30,000 = Rs. 2 /- (EPS)

 

எனவே, ஒரு பங்கிற்கு கிடைத்த முதல் மாத வருமானம் – ரூ. 2 /- ஆகும். நல்லது தானே 🙂   10 ரூ. முகமதிப்பு கொண்ட ஒரு பங்கு சம்பாதித்த தொகை – ரூ. 2 ஆகும். இதனை தான் நாம் EPS என்கிறோம். தொழில் லாபத்தில் தான் உள்ளது. பங்குச்சந்தையில் ஒரு நிறுவனத்தின் EPS  காலாண்டிற்கு ஒரு முறை (அ) வருடத்திற்கு ஒரு முறை என தகவல் வெளியிடப்படும். நாம் அதனை பார்த்து நாம் வைத்திருக்கும் பங்குகளுக்கான தொழில் சம்பாதித்த வருமானத்தை பார்த்து கொள்ளலாம்.

 

இங்கே நமது நண்பரின் தொழிலில் நமக்கான பங்குகள் – 10,000 மற்றும் நம்முடைய முதலீடு ரூ. 1,00,000 /-  ஆகும். பங்கின் மீதான வருமானம் என்பது தொழிலின் மொத்த முதலீடு (அ) எல்லா பங்குகளை சேர்த்தே கணக்கிடப்படும். நமது நண்பரின் தொழிலின் அடுத்த மூன்று மாதங்களுக்கான EPS (ஒவ்வொரு மாதம்) – Rs. 2, 5, 6 என எடுத்து கொண்டால் அதன் பங்கின் மீதான வருமானம் வளர்ந்து கொண்டே செல்கிறது என அர்த்தம். இது நமக்கும் நல்லது தான்.

 

எளிமையாக,  EPS  = Net Profit / Total No. of Shares.   EPS வளர்ச்சி உள்ள பங்குகளை வாங்குவது நல்லது. அந்த நிறுவனம் தான் பெற்ற முதலீட்டிற்கு வருமானம் தந்து கொண்டிருக்கிறது.  பொதுவாக ஒரு பங்கு மீதான வருமானம் என்பது அதன் முகமதிப்பு அடிப்படையில் தான். சந்தையின் விலையில் அல்ல என்பதை நினைவில் கொள்ளுங்கள்.

 

XYZ நிறுவனம் 2016 – 17 (Financial Year) க்கான நிதி ஆண்டில் நிகர லாபமாக (Net Profit) ரூ. 5 கோடியை சம்பாதித்துள்ளது. அதன் மொத்த பங்கு முதலீடு (Equity) – ரூ. 2 கோடி. ஒரு பங்கிற்கான முகமதிப்பு (Face Value) –  10, சந்தை விலை – ரூ. 50 /- எனில்,

 

அதன் மொத்த பங்குகள் (Total No., of shares)  எத்தனை  ?

ஒரு பங்குக்கான வருமானம் (EPS) எவ்வளவு ?

 

கண்டுபிடியுங்கள் பார்ப்போம்.

 

P/E (Price to Earnings):

 

நாம் ஒரு பங்கு மீதான வருமானத்தை EPS என்கிறோம்; இங்கே P/E  என்பது அந்த பங்குக்கான வருமானத்தை போல, அதன் சந்தை விலை எவ்வளவு மடங்கு உள்ளது என அறிவது.

 

உதாரணத்திற்கு,

 

நாம் வாங்க போகும் XYZ  நிறுவனத்தின் 2016 – 17  நிதியாண்டுக்கான EPS – ரூ. 15 மற்றும் அதன் சந்தை(Current Market Price) விலை – ரூ. 90.  இப்போது அதன் சந்தை விலை EPS ல் எத்தனை மடங்கு என கணக்கிட்டால்,

 

P/E = Current Market Price (P) / Earning per share (E) =   90 / 15 = 6 Times.

 

சந்தை விலையானது EPS ஐ போல, 6 மடங்கு உள்ளது. பொதுவாக சந்தையில் குறைவான P/E மடங்கு உள்ளது நல்லது.

 

ஆனால், அதற்காக குறைவான மடங்கு உள்ள பங்குகளையே பார்த்து விட்டு வாங்க கூடாது. அதன் காரணங்களை பின்னர் அறியலாம்.

 

இந்த P/E விகிதத்தையே இன்னொரு முறை மூலம் வித்தியாசப்படுத்தலாம். அதாவது P/E விகிதத்தை தலை கீழாக பயன்படுத்தினால்,

 

1 / (P/E)   =  1 / 6 = 0.1666  X 100 = 16.66 %

 

இதனை நமது பங்குக்கான முதலீடு எவ்வளவு லாபம் (அ) நஷ்டத்தினை தரலாம் என்பதை கண்டறியலாம். இங்கே 16.66 % லாபம் கிடைத்துள்ளது.

 

நாம் மேலே EPS ல் கேட்ட கேள்விகளில், P/E கண்டறிவதையும் சேர்த்து கொள்ளுங்கள். அதற்கான P/E ஐ கண்டுபிடுயுங்கள்.

 

( Read this post after the advertisement… )

 

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

 

 

PEG (Price to Earnings Growth):

 

நாம் P/E எவ்வாறு கண்டறிவது என்பதை இதற்கு முன் பார்த்தோம். அந்த P/E வளர்ச்சியினையும் பார்த்து விடுவோம்.

 

சுருக்கமாக, கடந்த சில வருடங்களாக பங்கு மீதான வருமானம் ஈட்டும் ஒரு நிறுவனத்தை பார்ப்போம். XYZ நிறுவனம் கடந்த 5 வருடங்களாக, தொடர்ச்சியாக 10 % EPS வளர்ச்சி மற்றும் P/E விகிதம் – 16  ஐ கொடுக்கும் பட்சத்தில் அவற்றின் P/E வளர்ச்சி (PEG),

 

PEG Ratio = (P/E) / EPS Growth  = 16 / 10 =  1.06

 

நாம் கணக்கிட்ட இந்த P/E வளர்ச்சியானது, கடந்த கால மதிப்புகளை (EPS, P/E) கொண்டு தான் செயல்பட்டுள்ளது. எதிர்காலத்திலும் இதே வளர்ச்சியை கொண்டிருக்கலாம் என்றால், இதே PEG வளர்ச்சியை நாம் எதிர்பார்க்கலாம். மாறாக வருமானத்தில் ஏற்ற-இறக்கங்கள் இருந்தால் இதன் வளர்ச்சி விகிதமும் மாறும். இது எதிர்காலத்தில் எப்படி இருக்கும் என சொல்லவில்லை. அதனால் இது ஒரு கணக்கீடாக மட்டும் தான் எடுத்து கொள்ளவேண்டும். இதனையே காரணமாக எடுத்து கொண்டு பங்கு வாங்குவது கூடாது. பங்குச்சந்தை காரணிகள் அனைத்தையும் ஆராய்ந்து விட்டு தான் பங்கு முதலீடு செய்வது, முதல் மீதான ஆபத்தை (Risk) குறைக்கும்.

 

புத்தக மதிப்பு (Book Value):

 

புத்தக மதிப்பை பற்றி நாம் ஏற்கனவே பங்குச்சந்தை அடிப்படை வரையறை – வகுப்பு 4.0 ல் பார்த்தோம்.

 

ஒரு நிறுவனத்தின் சொத்து மதிப்பு தான் அதன் புத்தக மதிப்பு. பொதுவாக நிறுவனத்தின் சொத்துகளிலிருந்து, கடன்களை கழித்தால் கிடைப்பது தான் புத்தக மதிப்பு எனப்படும்.

 

உதாரணத்திற்கு,  

 

XYZ நிறுவனத்திற்கு உள்ள சொத்துக்கள் – ரூ. 5 கோடி மற்றும் கடன்கள் – ரூ. 2 கோடி என்றால், அதன் புத்தக மதிப்பு,

 

Book Value  = Total Assets – Total Liabilities = ( 5 – 2) =   ரூ. 3 கோடி.

 

நிறுவனத்தில் உள்ள மொத்த பங்குகள் – 3 லட்சம் எனில்,  ஒவ்வொரு பங்குக்கும் கிடைக்கும் புத்தக மதிப்பு – ரூ. 100 ( 3 கோடி / 3 லட்சம் பங்குகள்)

 

ஒரு நிறுவனம் ஏதேனும் காரணத்தால் விற்கப்படுமாயின், முதலீட்டாளருக்கு கிடைக்கும் மதிப்பு அல்லது தொகை – புத்தக மதிப்பு.

 

Price to Book Value (P/Bv):

 

ஒரு பங்கின் சந்தை விலை அதன் புத்தக மதிப்பில் எத்தனை மடங்கு உள்ளது என்பதை அறிவது.

 

உதாரணத்திற்கு,

 

XYZ நிறுவனத்தின் புத்தக மதிப்பு – ரூ. 100 மற்றும் அதன் சந்தை விலை – ரூ. 300 எனில், அதன் P/Bv:

 

Price to Book value =  300 / 100 = 3.33 Times (Trading at 3 times on its book value)

 

தற்போது இருக்கும் சந்தை விலை, அதன் புத்தக மதிப்பை விட 3 மடங்கு விலையில் வர்த்தகமாகிறது. ஒரு நிறுவனத்தின் வளர்ச்சி நன்றாக இருக்கும் போது அதன் சந்தை விலை கூடும். அதன் காரணமாக புத்தக மதிப்பின் மடங்கிலும் மாற்றம் ஏற்படும். நல்ல நிறுவனத்திற்கு சில நேரங்களில் நல்ல மற்றும் அதிக விலை கொடுத்தாலும் வாங்கலாம்.

 

நினைவில் கொள்ளுங்கள்:

 

  • EPS வளர்ச்சி  விகிதம் (High EPS)  ஒவ்வொரு  காலாண்டும்  மற்றும் ஒவ்வொரு வருடமும்  அதிகமாக  இருக்கும்  நிறுவனத்தை  உற்று  நோக்குங்கள். சில  நிறுவனங்கள்  அதன்  இதர  சொத்து  விற்பனை  (Other income) மூலம்  வருமானத்தை  காட்டும். சொத்து  விற்பனை  அதன்  உண்மையான  செயல்பாடுகளின் மீதான வருமானத்தை காட்டாது. அதனால் நிறுவனத்தின் பொருட்கள் மற்றும் சேவைகள் விற்பனை மூலம் கிடைத்த செயல்பாட்டு லாபங்களை (Operating profit) கொண்டு பாருங்கள்.

 

  • ஒரு நிறுவனத்தின் P/E விகிதத்தை, அந்த துறையின் சராசரி P/E (Industry) மற்றும் துறை சார்ந்த போட்டி நிறுவனங்களின் P/E (Peers) உடன் ஒப்பிட்டு பாருங்கள். P/E விகிதம் குறைவாக (Low P/E) இருக்கும் நிறுவனங்களை பாருங்கள். அதே நேரத்தில் ஒரு நிறுவனம் அந்த துறையில் தலைமையாக (Market Leader) இருக்கும் போது அதன் வளர்ச்சி நன்றாக இருக்கும். அதனால் அதன் தேவை அதிகமாக இருக்கும் மற்றும் P/E விகிதமும் அதிகமாக காணப்படும். இதனை போன்றும் பாருங்கள். ( E.g:  TCS, Infosys, Pidilite, Asian Paints, HUL, ITC, MRF )

 

  • P/E ன் தலைகீழ் தான் உங்கள் முதலீட்டுக்கான வருமானம். அதனால் 1 / (P/E) விகிதம் மற்ற முதலீடு சாதனங்களை விட (Bank Deposits, Postal Savings, Bonds) அதிக வருமானம் தருகிறதா என பாருங்கள்.

 

  • PEG விகிதம் 1 க்கு கீழ் (Below 1.0) இருந்தால் ஒரு நிறுவனத்தின் பங்குக்கு நல்லது. அதற்காக மிக குறைந்த PEG ஐ பார்க்க வேண்டாம். ஏனென்றால், கடன் அதிகம் உள்ள நிறுவனத்திற்கும் இந்த விகிதம் சில சமயங்களில் குறைவாக காட்டப்படும். எல்லாம் கணக்கு செய்யும் வேலை தான் 🙂

 

  • ஒரு பங்கின் புத்தக மதிப்பு (High Book value) அதிகமாக இருப்பது நல்லது. அதே சமயத்தில் அதன் P/Bv மடங்கு அதிகமாக இருக்காமல் பார்த்து கொள்வதும் அவசியம். நன்றாக செயல்படும் நிறுவனத்தின் சந்தை விலை அதிகமாக இருக்கும் போது P/Bv விகிதமும் அதிகமாக இருக்கும். சந்தை விலை குறையும் போது, அந்த பங்கை வாங்கலாம்.  ஆனால் புத்தக மதிப்பு அதிகம் இருப்பது முக்கியம்.

 

  • P/Bv விகிதத்தை அந்த துறையில் உள்ள மற்ற போட்டி நிறுவனத்துடன் ஒப்பிட்டு பாருங்கள்.

 

  • EPS, P/E, P/Bv – எதுவாக இருந்தாலும் அதன் விகிதத்தை கடந்த 5 – 10 வருடத்திற்கான நிதி அறிக்கையின் மூலம் பாருங்கள். ஒன்று அல்லது இரண்டு வருடங்களுக்கு மட்டுமே பார்ப்பது சரியாக வராது. ஒரு பங்கு வாங்குவதற்கு இந்த காரணிகள் மட்டும் போதாது. மற்ற காரணிகளையும் நாம் பார்த்து விடுவது சிறந்தது.

 

 

அடுத்த வகுப்பில், நாம் இந்த காரணிகளை நடைமுறை பயிற்சியின் (Practical Way) மூலம் பார்ப்போம்.  இந்த வகுப்பின் உங்களுக்கான சந்தேகங்களை பகிர மற்றும் கருத்து தெரிவிக்க,

 

https://varthagamadurai.com/contact/

 

(or)

 

mailto:  contact@varthagamadurai.com

 

பதிவு  செய்யுங்கள்.

 

அடிப்படை பகுப்பாய்வு – காரணிகள் – வகுப்பு 5.0

அடிப்படை  பகுப்பாய்வு  – காரணிகள்  – வகுப்பு  5.0

Fundamental Analysis Factors or  Financial Ratios

 

நினைவில்  கொள்ளுங்கள்  – “ பங்குச்சந்தை  ஒரு  தொழில்; நீங்கள்  அந்த  தொழிலில் ஒரு நிறுவனத்தின்  பங்குதாரர். “

 

இந்த  வகுப்பின்  அவசியமே  தொழில்  தான்.

 

நமது  தேநீர்  நண்பர்  தொழிலை  போல… நண்பர்  என்பதற்காக  நாம்  நம்  பணத்தை  கொடுத்து  விட  முடியாது. நமக்கு  அவரின்  தொழில்  மிகவும் முக்கியம். அதை  விட  அவரின்  தொழில்  கணக்குகள் ( நிதி  அறிக்கைகள்) மிகவும்  அவசியமான  ஒன்று. நாம்  சில வகுப்பிற்கு முன் பார்த்த  ஒரு  தொழிலின்  வரவு – செலவு, லாப – நட்ட கணக்குகள் தான் இங்கே பயன்பட போகிறது. அதாவது  ஒரு நிறுவனம்  அல்லது தொழிலின்  நிதி  அறிக்கையை  மிக  எளிமையான முறையில் நாம் கண்டறிந்து கொள்ள இந்த விகிதங்கள்  உதவுகிறது. இதனை காரணிகள் (Financial Ratios or Factors) எனவும் பெயரிடலாம்.

 

நிதி  அறிக்கைகள்  சம்மந்தமான விகிதங்கள்  அல்லது  காரணிகள்  பல  இருப்பினும், நமக்கு  ஒரு  நிறுவனத்தின்  பங்கினை  தேர்ந்தெடுப்பதற்கு  தேவையான முக்கிய காரணிகளை  பார்ப்போம்.

( Read this post after the advertisement… )

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

 

காரணிகள் 10 (Factors – 10):

 

 

நாம் மேலே சொன்ன 10 முக்கிய காரணிகள் தான் அடிப்படை பகுப்பாய்வுக்கான அவசியம். ஒரு தொழிலின் மதிப்பை இதன் மூலம் கண்டறியலாம். அடுத்து வரும் ஒவ்வொரு வகுப்பிலும் இந்த காரணிகளை பற்றி நடைமுறையோடு (Practical Way) ஆராய்வோம்.

 

உங்களுக்கான நடைமுறை பயிற்சிக்காக ஒரு மாதிரி – இருப்பு நிலை அறிக்கை மற்றும் வருமான அறிக்கையை பாருங்கள்.

Sample of Balance sheet and Income Statement:

 

(Image and Data Courtesy:  http://www.accounting-basics-for-students.com/ )

 

Sample Balance Sheet:

Balance sheet sample

 

 

 

 

 

 

 

 

 

 

Sample Income Statement:   

 

Income Statement sample

 

 

உங்கள்  பங்கு  மீதான  வருமானத்திற்கு (EPS)  தயாராகுங்கள். அடுத்த  வகுப்பில்  சந்திப்போம்.

 

 

 

 

 

பங்குச்சந்தை அடிப்படை வரையறை – Stock Market – Definitions- வகுப்பு 4.0

Stock Market Fundamentals – Definitions

பங்குச்சந்தை அடிப்படை  வரையறை – வகுப்பு 4.0 :

பங்கு  என்பது  என்ன  ?  (What is a Share or Stock  ? )

 

பங்கு (Share or Stock) என்பது ஒரு நிறுவனத்தில் அல்லது தொழிலில் உள்ள ஒரு பகுதி (அ) பகுதிகளுக்கான உரிமை. ஒவ்வொரு பட்டியலிடப்பட்ட நிறுவனமும் தனது நிதி சார்ந்த முதலீட்டை பல பகுதிகளாக பிரித்து வைத்திருக்கும். உரிமை கோரும் ஒவ்வொருவருக்கும் தேவையான பகுதிகள் ஒதுக்கப்படும். அவையே பங்குகள் எனப்படும். பங்குகள் வாங்குவதினால் அந்நிறுவனத்தின் ஒரு பகுதி உரிமையாளாராகலாம். அந்த நிறுவனத்தின் லாபங்களில் நமக்கான பங்கும் உண்டு.

 

XYZ நிறுவனம் தனக்கான முதலீடு ரூ. 1,00,000 /- ஐ பங்கு ஒன்றுக்கு ரூ.10  வீதம் பிரித்தால் 10,000 பங்குகள் பிரிக்கப்படும். இந்த  10,000 பங்குகளில் உரிமை கோருபவருக்கு தேவையான பங்குகள் ஒதுக்கப்படும்.

 

பங்கு ஒன்றுக்கு ரூ. 10 என்பது முக மதிப்பு (Face value) எனப்படும். எனவே 10 ரூபாய் முகமதிப்பு கொண்ட 10,000 பங்குகள் சேர்ந்தால் ரூ. 1,00,000 /- முதலீடு ஆகும்.

 

பங்குச்சந்தை என்பது என்ன ? (What is a Share Market ?)

 

பங்குச்சந்தை (Stock Market) என்பது நிறுவனங்கள் தங்களுக்கு தேவையான தொழில்  முதலீட்டை பொதுவெளியில் (Publicly) திரட்டிக்கொள்ளும் ஒரு சந்தை ஆகும். நிறுவனங்கள் என்பது தனியாராகவோ (அ) அரசு சார்ந்த நிறுவனம் (அ) அரசாங்கமே இருக்கலாம். பங்குச்சந்தையில் பங்கு வாங்குவது மற்றும் விற்பது நடக்கும். பங்குச்சந்தையில் நிறுவனங்கள் முதலீடு திரட்டுவதற்கு பொதுவுடைமை  நிறுவனமாக (Public Limited Company) பதிவு செய்திருக்க வேண்டும்.

 

பங்குச்சந்தையில் இரு வகை சந்தைகள் உள்ளன. ஒன்று முதன்மை சந்தை (Primary Market), மற்றொன்று இரண்டாம் நிலை சந்தை (Secondary Market). பங்குச்சந்தையில் புதிதாக ஒரு நிறுவனம் பொதுவுடைமை நிறுவனமாக்கப்பட்டு, முதலீடு திரட்டுவதற்கு விண்ணப்பிக்கும் போது, அவை முதலில் முதன்மை சந்தையில்(Primary Market) தான் பட்டியலிடப்படும். இந்த முறையை Initial Public Offer (IPO) எனப்படும். IPO வில் நிறுவனங்கள் தங்கள் தொழிலின் அறிக்கைகள், முதலீடு திரட்டுவதற்கான அறிவிப்புகள் மற்றும் காரணங்கள், முதலீட்டின் மதிப்பு, ஒரு பங்குக்கான விலை வரம்பு ஆகியன தெரிவிக்கப்படும்.

 

பொதுவாக முதன்மை சந்தையில் நிறுவன முதலீட்டாளர்கள் (Institutional Investors), வங்கிகள் (Banks), வெளிநாட்டு நிறுவன முதலீட்டாளர்கள் (Foreign Institutional Investors) பெரிய முதலீட்டாளர்கள் தான் பங்கேற்று பங்குகளை பெறுவர். சிறு முதலீட்டாளர்களின் வரவு குறைவே.

 

முதன்மை சந்தையில் வாங்கிய பங்குகள், இரண்டாம் நிலை சந்தையில் (Secondary Market)  விற்பனைக்கு வரும் போது நாம் ஏற்கனவே சொன்ன முதலீட்டாளர்களும், சிறு மற்றும் தனிப்பட்ட முதலீட்டாளர்களும் பங்கேற்று பங்கு பரிவர்த்தனையில் ஈடுபடுவர்.

 

சுருக்கமாக சொன்னால், பங்குச்சந்தை மூலம் நிறுவனங்களுக்கு தேவையான முதலீடும், முதலீட்டாளர்களுக்கு நிறுவன பங்கின் உரிமையும் கிடைக்கும்.

 

இங்கே நாம் கவனிக்க வேண்டியது, முதலீட்டாளர்களின் பங்கு லாப – நட்ட மதிப்புக்கு உட்பட்டது. சந்தையில் ஏற்படும் நஷ்டத்திற்கு முதலீட்டாளர்களே பொறுப்பு; நிறுவனம் அல்ல !

 

financial market structure india

 

 

பங்குச்சந்தை அமைப்பு ( Stock Market Exchange ):

 

பங்குச்சந்தையை  சந்தைப்படுத்துதல், மேம்படுத்துதல் மற்றும் முதலீட்டாளர்களின்  நலனை  பாதுகாத்தல், பட்டியலிடப்படும்  நிறுவனங்களை  ஒழுங்குமுறைப்படுத்துதல்  போன்றவற்றை  SEBI (Securities and Exchange Board of India ) என்ற  ஒழுங்கு முறை ஆணையம்  நிர்வகிக்கிறது. இந்தியாவில் நிறைய  பங்குச்சந்தைகள்  இருப்பினும், இரண்டு  பங்குச்சந்தைகள்  மட்டும்  பெரும்பாலும்  பரவலாக்கப்பட்டுள்ளன.

 

  • NSE (National Stock Exchange) – தேசிய  பங்குச்சந்தை

 

  • BSE (Bombay Stock Exchange) – மும்பை  பங்குச்சந்தை

 

NSE – இந்தியாவிலுள்ள முன்னணி பங்குச்சந்தை. 2000 க்கும் மேற்பட்ட பட்டியலிடப்பட்ட நிறுவனங்கள் உள்ளன.

 

BSE – ஆசியாவின் முதல் மற்றும் மிக  பழமையான  பங்குச்சந்தை  ( Since 1852 ). உலகளவில்  முதல்  பத்து  இடத்தில் இருக்கும்  மிகப்பெரிய  பங்குச்சந்தை  ஆகும். 5000 க்கும் மேற்பட்ட பட்டியலிடப்பட்ட நிறுவனங்கள் உள்ளன.   மும்பை பங்குச்சந்தையின் மதிப்பு 4485 பில்லியன் டாலராகும் (ரூ. 4,48,500 கோடிகள்). உலகின் மிகப்பெரிய சந்தையாக அமெரிக்காவின் NYSE (New york Stock Exchange) – (20 லட்சம் கோடி டாலர்) உள்ளது.

 

( Read this post after the advertisement… )

 

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

 

 

 

 

 

பங்கு தரகர் (Stock Broker):

 

பங்கு தரகர் என்பவர் SEBI ஒழுங்குமுறை ஆணையத்தால் நியமிக்கப்பட்ட (அங்கீகரிக்கப்பட்ட) ஒரு தரகு நிறுவனம். இந்த பங்கு தரகர் தான் பங்குச்சந்தையில் உள்ள நிறுவனங்களுக்கும், முதலீட்டாளர்களுக்கும் ஒரு பாலமாக உள்ளார். பங்குச்சந்தையில் நாம் ஒரு பங்கை வாங்க வேண்டுமென்றால், பங்கு தரகர் இல்லாமல் வாங்க முடியாது. நமக்கு தேவையான பங்கை வாங்க மற்றும் விற்க இவர் மூலமே முடியும். பங்கு தரகராக பதிவு செய்யும் நிறுவனம் கோடிகளில் சொத்து மதிப்பையும் (Networth) கொண்டு, பங்குச்சந்தை அமைப்புக்கு லட்சங்களில் கட்டணங்களை(Fees and Deposits) செலுத்த வேண்டும்.

 

பங்கு தரகர் என்பவர் Trading Member என்றும் சொல்லப்படுவார். இவரிடம் தான் நீங்கள் பங்கு வர்த்தக கணக்கை (Trading Account) ஆரம்பிக்க வேண்டும்.

 

முதலீட்டாளர் (Investor):

 

முதலீட்டாளர் என்பவர் தனது மூலதனத்திற்கு,  எதிர்பார்த்த நிதி சார்ந்த வருவாயை முதலீடு மூலம் செயல்படுத்துபவர். முதலீட்டாளர் தான் எதிர்பார்த்த வருவாய்க்காக பல முதலீட்டு சாதனங்களை (Investment Products) அறிந்து மற்றும் ஆராய்ந்து முடிவெடுப்பார். அவர் நீண்ட கால நோக்கில் முதலீடு செய்வார். முதலீட்டில் உள்ள ரிஸ்க்கை (Risk Management) உணர்ந்து, ஒரு மதிப்புமிக்க முதலீட்டாளராக இருப்பார்.  – Value Investor

 

சந்தை மூலதனம் (அ) மதிப்பு (Market Capitalisation):

 

பங்குச்சந்தையில் வர்த்தகமாகும் ஒரு நிறுவனத்தின் மதிப்பு. நிறுவனத்தின் மொத்த பங்குகளை, பங்கு ஒன்றின் விலையால் பெருக்கினால் கிடைக்கும் மதிப்பு தான் சந்தை மூலதனம் (Market Cap)

 

Rs. 100 / share

 

Market cap = 100 (Share Price)  X 10,00,000 (No. of shares) = 100,000,000  ( 10 கோடி)

 

முக மதிப்பு (Face Value):

 

ஒரு நிறுவனம் பங்குச்சந்தையில் பட்டியலிடப்படும் (Primary Market) போது, ஒரு பங்கிற்கான மதிப்பு தான் முக மதிப்பு (Face Value).

 

Face value = Rs. 10 / share.

 

சில நிறுவனங்கள் தங்கள் முகமதிப்பிலேயே பங்குகளின் விலையை நிர்ணயிக்கும். இன்னும் சில நிறுவனங்கள் தங்கள் தொழிலின் பாரம்பரியம் மற்றும் மதிப்பின் அடிப்படையில் விலையை நிர்ணயிக்கும். அவை முக மதிப்பை விட விலை அதிகமாக இருக்கும். இதனை Premium price என்பர்.

 

Market Price (with premium) = Rs. 50 / share (Face value – Rs. 10 /share)

 

பொதுவாக, நிறுவனங்கள் முக மதிப்பு அடிப்படையிலே முதலீடுகளை திரட்டும். ஆனால் ஒரு பங்கின் விலை Premium price ல் வரலாம்.

 

புத்தக மதிப்பு (Book Value):

 

ஒரு நிறுவனத்தின் சொத்து மதிப்பு தான் அதன் புத்தக மதிப்பு.  புத்தக மதிப்பை ஒரு நிறுவனத்தின் நிகர சொத்து மதிப்பு எனவும் சொல்லலாம்.

 

Book Value = Total Assets – Intangible Assets – Liabilities

 

நிறுவனத்தின் மொத்த சொத்து மதிப்பை அதன் கடன்கள் மற்றும் தொட்டுணுற முடியாத சொத்துகளிலிருந்து(Intangible Assets) கழித்தால் கிடைப்பது புத்தக மதிப்பு. Intangible Assets – Patents, License, Copyright, Goodwill, Software.

 

ஒரு நிறுவனம் ஏதேனும் காரணத்தால் விற்கப்படுமாயின், முதலீட்டாளருக்கு கிடைக்கும் மதிப்பு அல்லது தொகை – புத்தக மதிப்பு. நமது தேநீர் நண்பர் தனது தொழிலை மற்றவருக்கு விற்று விட்டால், கடன்கள் போக மீதி அவருக்கு (பங்குதாரருக்கு) கிடைப்பது.

 

பங்குச்சந்தை குறியீடு (Market Index):

 

பங்குச்சந்தை குறியீடு என்பது பங்குச்சந்தையின் ஒரு குறிப்பிட்ட பகுதி அல்லது பிரிவின் அளவீடு ஆகும்.

 

BSE 500 – மும்பை பங்குச்சந்தை 500 ல் உள்ள பட்டியலிடப்பட்ட ஒரு குறிப்பிட்ட 500 நிறுவனங்களின் சந்தை மூலதன (Market Cap) சராசரி மதிப்பு தான் அதன் குறியீடு.

 

S & P BSE – 500:  Index value – 14,500

 

Nifty 50 – 10,400

 

Nifty SML 100 Free – 8480

 

S & P BSE Capital Goods – 19,220

 

சென்செக்ஸ் ( BSE Sensex):

 

இது மும்பை பங்குச்சந்தையின் குறியீடு (Sensitive Index – Sensex). இந்த குறியீட்டின் கீழ் மொத்தம் 30 பட்டியலிடப்பட்ட  நிறுவனங்கள் உள்ளன. இந்த 30 நிறுவனங்களின் தினசரி சராசரி சந்தை மதிப்பை கொண்டே குறியீடு இயங்கும். இதே போல Small Cap, Mid Cap மற்றும் ஒவ்வொரு தொழில் துறைகளுக்கும் (Sector) என பல்வேறு குறியீடுகள் உள்ளன. ஒரு குறியீட்டின் கீழ் அதே நிறுவனங்கள் தான் இருக்க வேண்டும் என அவசியமில்லை. அதன் சந்தை மதிப்பை பொருத்து குறியீடுகள் மாற்றப்படலாம்.

 

உதாரணத்திற்கு BSE: Sensex 30 உள்ள XYZ நிறுவனத்தின் வர்த்தக சந்தை மதிப்பு குறைந்தால் அந்த நிறுவனம் வேறு ஏதேனும் குறியீடுகளுக்கு மாற்றப்படலாம். அதற்கு பதில் BSE: Sensex 30 ல் மற்றொரு நிறுவனம் சேர்க்கப்படும்.

 

நிப்டி (Nifty):

 

இது தேசிய பங்குச்சந்தையின் குறியீடு (NSE Fifty). இந்த குறியீட்டில் நன்றாக செயல்படும் மொத்தம் 50 நிறுவனங்கள் உள்ளன. 50 நிறுவனங்களின் தினசரி சராசரி வர்த்தக மதிப்பை பொருத்து குறியீடு எண் மாறும். BSE Sensex ல் சொன்னது போல இவற்றிலும்  பல குறியீடுகள் உள்ளன.

 

இரண்டு குறியீடுகளுக்கும் இடையே வித்தியாசம் ஒன்றுமில்லை. இரண்டும் இரு வேறு பங்குச்சந்தைகள் – அவ்வளவு தான்.

 

 

பொதுவாக மும்பை பங்குச்சந்தையை விட, தேசிய பங்குச்சந்தையில் வர்த்தகம் அதிகமாக நடைபெறும். தேசிய பங்குச்சந்தையை காட்டிலும் மும்பை பங்குச்சந்தையில் நிறுவனங்கள் அதிகம்.

 

 

நாம் மேலே சொன்ன சில வரையறைகள் மூலம் பங்குச்சந்தை அடிப்படையை தெரிந்து கொள்ளலாம்.  இதனை தொடர்ந்து வரும் வகுப்பில், பங்குச்சந்தையில் நாம் கவனிக்க வேண்டிய முக்கிய நிதி காரணிகளை (Financial Ratios or Factors) பார்ப்போம்.

 

கற்றல் – நிதி அறிக்கைகள் (Learn Financial Statements) – வகுப்பு 3.0

 

கற்றல் – நிதி அறிக்கைகள் (Learn Financial Statements) – வகுப்பு 3.0

 

Stock Market –  Fundamental Analysis – Learning Course

பங்குச்சந்தை  –  அடிப்படை  பகுப்பாய்வு கற்றல் வகுப்புக்கு  வரவேற்கிறோம்.

 

கடந்த இரு வகுப்புகள் என்ன சலிப்பாக இருந்ததா ?  🙂

 

என்ன வெறும் கதையாக சொல்லி விட்டு போகீறாரே, அடிப்படை பகுப்பாய்வு என்பது  எங்கே என நீங்கள் கேட்பதுண்டு. கடந்த இரண்டு வகுப்புகள் நமக்கு பணத்தை பற்றிய ஒரு புரிதலை ஏற்படுத்தவே…

 

பணம் எவ்வாறு செயல்படுகிறது, வளர்கிறது மற்றும் மாறுபடுகிறது; அது நம்  வாழ்வில் எப்படி உதவுகிறது, பணவீக்கம் என்றால், முதலீட்டில் பங்குச்சந்தையின் பங்கு மற்றும் அதன் தொழில் அமைப்பு ” போன்றவற்றை அறியாமல் நாம் அடுத்த செயலாக்கத்திற்கு நகர முடியாது. பணத்தை நாம் வேண்டுமானாலும் சம்பாதிக்கலாம்; ஆனால் சம்பாதித்த பணத்தை கொண்டு செல்வத்தை சேர்ப்பதும், அதன் வளர்ச்சியை தக்க வைப்பதும், உங்கள் பணம் உங்களுக்காக உழைத்தால் மட்டுமே முடியும்.  நமது கல்வி பொருளாதாரத்தை பற்றி அவ்வளவாக சொல்லி கொடுக்காததால், நாம் இன்று பொருளாதாரரீதியாக அல்லல்படுகிறோம்.

 

ஏழை – பணக்காரனின் ரகசியம்:

 

” குறுகிய தூரம் செல்பவர்கள் வேகமாக செல்வதும், நெடுந்தூரம் பயணிப்பவர்கள் நிதானமாக செல்வதும் சாலைகளின் ரகசியங்கள்…”

அது தான் ஏழை – பணக்காரனின் ரகசியமும் !

 

 

இந்த வகுப்பு தான், நமது அடிப்படை பகுப்பாய்வுக்கான அடித்தளமாக உள்ளது. வாருங்கள் அலசுவோம்…

 

நாம் சுற்றுலா சென்றாலும் சரி, வேலைக்கு சென்றாலும் சரி, திட்டமிடல் என்பது தனிமனிதருக்கும், குடும்பம் மற்றும் சமுதாயத்திற்கும் பொதுவானது தான். திட்டமிடல் என்பது கணிதம் சார்ந்ததாக தான் இருக்கும். இந்த அடிப்படை கணிதத்தை நாம் சரியாக கையாளாததால் தொழில் மற்றும் குடும்பத்தில் நிதிச்சுமை ஏற்படுகிறது. இது  நம் பங்கு முதலீட்டிற்கும் பொருந்தும். ஒரு சிறந்த குடும்பத்தை பொருளாதாரரீதியாக நாம் அலசினால், அது அந்த குடும்பத்தின் வரவு-செலவில் தான். அதே  போல, ஒரு தொழிலின் மதிப்பு என்பது அதன் வருமானம் ஈட்டுவதற்கான வாய்ப்பில் உள்ளது. வருமானம் ஈட்டியாதா, இனி வாய்ப்புள்ளதா என கண்டறிவதே வரவு-செலவின் நோக்கம். அதை நாம் எப்படி கண்டறியலாம் ?

 

அதன் நிதி அறிக்கையில் தான் (தொழிலின்  வரவு- செலவு, லாப- நட்டம்)

 

இதற்கு நாம் ஒரு கணித மேதையாக இருக்க வேண்டிய அவசியமில்லை. நமது பள்ளிக்கால கணக்கே போதும். சில அடிப்படை விஷயங்களை மட்டும் புரிந்து விட்டு செல்வோம்.

 

நிதி அறிக்கைகள் – துளிகள் (Learn Financial Statements):

 

இருப்புநிலை அறிக்கை  ( Balance Sheet ):

 

இருப்பு நிலை அறிக்கை என்பது ஒரு தொழிலின் சொத்துக்கள், கடன்கள் மற்றும்   பங்குதாரர்களின்  பங்கு ஆகியன அடங்கிய  ஒரு  நிதி  அறிக்கை  ஆகும். ஒரு நிறுவனத்தின் சொத்துக்கள் மற்றும்  கடன்கள் எவ்வாறு உள்ளது, பங்குதாரர்கள் எவரும் இருந்தால் அவர்களின் பங்கு முதலியவற்றை இந்த அறிக்கை எளிமையாக விளக்கும். இருப்பு நிலை அறிக்கை பொதுவாக கீழ்கண்டவாறு அமையும்:

 

சொத்துக்கள் = கடன்கள் மற்றும் பங்குதாரர்களின் பங்கு.

 

Assets = Liabilities and Shareholders’ Equity

 

assets and liabilities

 

மேலே உள்ள இரண்டும் (Sources and Applications) சமமாக இருக்க வேண்டும். Sources ல் உள்ள Liabilities என்பது உங்கள் கடன் சார்ந்ததாக இருக்கும். நீங்கள் உங்கள் தொழிலை ஆரம்பிக்க வங்கியில் ஏதேனும் கடன் வாங்கியிருந்தால் அந்த கடன் Liabilities ல் அடங்கும். உங்கள் தொழிலில் உங்கள் சொந்த முதலீடு, அதாவது நீங்கள் சேர்த்து வைத்திருந்த பணத்தை தொழிலுக்காக பயன்படுத்தியிருந்தால் அது Equity ஆகும்.

 

Equity என்பது தொழிலுக்கான உங்கள்  சொந்த முதலீடு, Liabilities ல் நீங்கள் பெற்ற கடன் அல்லது  மற்றவர்களிடம் பெற்ற கடனாகும்.

 

உங்கள் தொழிலுக்காக நீங்கள் ஏதேனும் பொருட்கள், இயந்திரங்கள் வாங்கியிருந்தால் அது Assets ல் அமையும். நீங்கள் கொள்முதல் விற்பனையாளர்கள் யாருக்கும் முன்தொகை ஏதும் கொடுத்திருந்தால் அவையும் Assets ல்  இருக்கும்.

 

பொதுவாக, Sources என்பது பணம் எப்படி வருகிறது மற்றும்  Applications என்பது பணம் எவ்வாறு செல்கிறது என்பதை சுருக்கமாக சொல்கிறது.

 

Sources உள்ள Liabilities ன் பங்கை குறைவாக  இருந்தால் நல்லது. அதாவது உங்கள் கடன்கள் (Liabilities) அதிகமாக இருந்தால் மீண்டும்  செலுத்த வேண்டிய ஒன்று. அதனால் உங்கள் லாபத்தை பொறுத்து உங்கள் கடனும் இருத்தல் நலம். இது ஒவ்வொரு தொழிலுக்கும் மாறுபடும். சில தொழில்களை நாம் பெரும்பாலும் கடன் வாங்கி  (Credit) தான் செய்ய முடியும்.

 

பங்கு மூலதனம் (Share Capital):

 

நாம் ஏற்கனவே சொன்னது போல, Equity என்பது தொழில் அல்லது பங்கு உரிமையாளர்களுக்கு சொந்தமானது. தொழிலை தொடங்கியவர்கள் முதலீடு செய்திருந்தால் அது Capital (மூலதனம்) எனப்படும்.

 

நாம் செய்த முதலீடு போக, பின்னர் பெறப்படும் லாபங்கள் Reserves (கையிருப்பு) எனப்படும். ஒரு நிறுவனத்தில் கையிருப்பு அதிகமாயிருந்தால், அது லாபத்தில் இயங்கி கொண்டிருக்கிறது என அர்த்தம். எதிர்காலத்தில் தொழிலில் ஏதேனும் மந்த நிலை ஏற்பட்டாலும், இந்த Reserves ஐ கொண்டு சமாளித்து விடலாம். இந்த Reserves தொகை பங்கு உரிமையாளர்களுக்கு சொந்தமானது எனலாம்.

 

Current Liabilities and Current Assets:

 

கடன்கள் என்பது நாம் செலுத்த வேண்டிய தொகை. இந்த கடன் தொகையை நாம் இரு பிரிவாக ஆராயலாம். நம் நண்பர் தனது தேனீர் கடை தொழிலுக்கு ரூ. 1,00,000 /- கடனாக பெற்றுள்ளார் என வைத்து கொள்வோம். கடனில் நாம் நாளை அல்லது அடுத்த மாதம் செலுத்த வேண்டிய தொகை இருந்தால் அது Current Liabilities. அடுத்த வருடம் தான் இந்த கடன் தொகை செலுத்த வேண்டியிருப்பின் அது, Non-current Liabilities.

 

நீங்கள் செலுத்த வேண்டிய கடன் தொகை பெரும்பாலும் Current Liabilities ஆக இருந்தால், உங்களுக்கு அந்தளவு வருமானம் வருகிறதா என பார்க்க வேண்டும். ஏனெனில் நீங்கள் Current Liabilites ஐ மட்டுமே செலுத்தி கொண்டிருந்தால் லாபம் பார்ப்பது குறைவாக அமையும். இவற்றை கவனத்தில் கொள்ளவும்.

 

Current Liabilities – Bank Interest Payable, Rent, Tax, Salary, Dividends.

 

நீங்கள் யாருக்காவது உங்கள் தொழிலுக்காக முன்பணம் செலுத்தியிருந்தால் (Suppliers), நிலம்,  இயந்திரங்கள் ஏதும் வாங்கியிருந்தால் அவை Non-current Assets எனப்படும். இவற்றை நீங்கள் உடனடியாக பெற முடியாது.

 

தொழிலில் உங்கள் வாடிக்கையாளர்கள் எவரும் பணம் செலுத்த உள்ளவர்கள், பாக்கி பணம் உடனடியாக செலுத்த வேண்டியவர்கள் – Current assets எனப்படும்.

 

Current Assets – Cash, Goods Sales, Short term deposits

 

Working Capital:

 

Working Capital = Current Assets – Current Liabilities

 

Current Assets – 100 ( சில  காலங்களில்  பெற வேண்டிய தொகை )
Current Liabilities – 80 ( இன்னும்  சில காலங்களில்  செலுத்த வேண்டிய பணம்
Working Captial = ( 100 – 80) = 20 (சில காலங்களில் நாம் பணமாக பெறுவது.

 

Working Capital அதிகமாயிருந்தால் ஒரு தொழிலுக்கு ஆரோக்கியமானது. Working Capital தொகை எதிர்மறையாக (Negative) சென்றால், நாம் சம்பாதித்ததை விட கொடுப்பது தான் அதிகமாக இருக்கும். ஆதலால் நாம் பணத்தை பெறுவதற்கான காலங்களில் கவனமாக இருக்க வேண்டும்.

லாப – நட்ட அறிக்கை (Profit and Loss Statement ):

 

ஒரு நிறுவனத்தின் குறிப்பிட்ட காலத்தில் இருந்த வரவு, செலவு மற்றும் லாபங்கள் அல்லது நஷ்டங்கள். குறிப்பிட்ட காலம் என்பது காலாண்டு, ஒரு முழு நிதி ஆண்டு என அமையலாம்.

 

லாப – நட்ட அறிக்கை மூலம் ஒரு நிறுவனத்தின் நிதி சூழ்நிலையை அறிந்து கொள்ளலாம். தொழிலின் அனைத்து செலவினங்களையும், மொத்த வருவாயிலிருந்து கழித்தால் கிடைக்கும் லாப – நட்ட செயல்பாட்டை அறியலாம்.

 

Profit and Loss Statement: (For the Period Ended 2017 – 2018 ):

 

profit and loss statement example

 

Sales (விற்பனை):

 

உங்கள் தேநீர் நண்பர் தனது கடையில் இன்று 1000 தேநீரை விற்றிருந்தால் (விலை- ரூ. 10 / Tea) அவரின் அன்றைய மொத்த தேநீர் விற்பனை – ரூ. 10,000 /- (1000 X 10 ). ஒரு தொழிலின் வருமானம் விற்பனையை சார்ந்து தான் உள்ளது. அவை ஒரு பொருள் அல்லது சேவையின் விற்பனையாக இருக்கலாம்.

 

Depreciation (தேய்மானம்):

 

ஒரு சொத்தின் அல்லது பொருட்களின் தேய்மான மதிப்பு குறைவு. நம் தொழிலில் பயன்படுத்தும் எந்த ஒரு பொருளுக்கும் நாளடைவில் மதிப்பு குறையும். அதனை தேய்மானம் எனலாம். நாம் வாங்கிய தயாரிப்பு இயந்திரம், கணினி ஆகியவை பிற்காலத்தில் மதிப்பு குறைந்து இருந்தால், அதனை நாம் பராமரிப்பு செலவு செய்து அல்லது அதற்கு பதிலாக வேறு ஒரு புதிய பொருட்களை வாங்க முன் வருவோம். அதற்கான செலவாக தேய்மான செலவு எனலாம். தேய்மான செலவை நமது வருமானத்தில் இருந்து நாம் கழித்து கொள்ளலாம்.

 

ROI (Return on Investment) and ROE (Return on Equity):

 

உங்கள் நண்பர் ரூ. 5,00,000 /- ஐ முதலீடு செய்து தொழில் செய்து வருகிறார். அவர் தனது முதல் வருடத்தின் முடிவில் ரூ. 75,000 /- ஐ லாபமாக ஈட்டியுள்ளார். அவருடைய அந்த வருட ROI =  ( 75000 / 500000 X 100) = 15 % உங்கள் முதலீட்டின் மீதான வருமானம். இந்த ரூ. 5,00,000 /- முதலீடு அவரின் மொத்த முதலீடாக இருக்கலாம் அல்லது வேறு ஏதேனும் கடனால் பெற்றிருக்கலாம். ஆனால் மொத்த தொழில் முதலீட்டுக்கே இந்த ROI வருமானம்.

 

ROE:  உங்கள் நண்பரின் தொழிலில் அவருடைய சொந்த முதலீடு (Equity) – ரூ. 2,00,000 மட்டுமே ( 2,00,000 / 5,00,000). மற்றவை நண்பர்கள் மற்றும் வங்கி கடனாக பெற்றவையாக வைத்து கொள்வோம். இப்போது நண்பரின் ROE = ( 75000 / 200000 X 100 = 37.5 %  இதன் அர்த்தம், நண்பர் தனது ஒவ்வொரு 100 ரூபாய் முதலீட்டிற்கும்,  37.50 ரூபாய் வருமானம் பார்க்கிறார்.

 

ROI என்பது மொத்த முதலீட்டின் மீதான வருமானத்தை காட்டுகிறது; ROE என்பது தொழிலின் ஒரு குறிப்பிட்ட பங்குதாரரின் வருமானத்தை வெளிப்படுத்துகிறது.

 

அடுத்த வகுப்பில் அடிப்படை பகுப்பாய்வுக்கான காரணிகளை ஆராயலாம்.

 

 

 

பங்குச்சந்தை – ஒரு தொழில் – 2.0

பங்குச்சந்தை – ஒரு  தொழில்  – 2.0 ( Share is a Business )

 

பங்குச்சந்தை  என்பது  காகிதத்தில்  உள்ள வெறும்  எண்கள் அல்ல !

( Stock Market –  Fundamental Analysis – Learning Course)

அவை ஒரு தொழிலின் மதிப்பு. பங்குச்சந்தையில் நாம் ஏதேனும் ஒரு பங்கை வாங்கினாலோ அல்லது  விற்றாலோ அவ்வளவு தான் என்ற எண்ணம் நமக்கு உண்டு. ஆனால்  அதன்  பின்னணியில் ஒரு தொழில் உண்டு என்பதை நினைவில் கொள்ள வேண்டும். எப்படி நாம் காய்கறி சந்தையில் தக்காளியை வாங்கினால், அதற்கு பின்னால் நிறைய விஷயங்கள் தொழில் சார்ந்து உள்ளன. விவசாயம், விவசாயி மற்றும் அதனை சார்ந்த  உற்பத்தி, வேலையாட்கள், பயிர் செய்யும் காலம் முதல் விளைச்சல் வரை, அறுவடையிலிருந்து அங்காடி விற்பனை வரை, போக்குவரத்து, விலை நிர்ணயம், லாபம் என விஷயங்கள் தொழில் அடிப்படையில் உள்ளன. அதே மதிப்பு தான் பங்குச்சந்தையிலும்.

 

இந்த மதிப்பை தான் உலகின் பெரும் பணக்காரர் வாரன் பப்பே (Warren Buffet) அவர்கள், இவ்வாறு  கூறுகிறார்,

 

I am a better investor because I am a businessman, and I am a better businessman because I am an investor.”

 

 

ஒரு தொழிலை பற்றி உதாரணத்திற்கு பார்ப்போம். உங்கள் ஊரில் உள்ள நண்பர் ஒருவர் தேநீர் கடை ( டீ கடை) தொழில்  நடத்தி வருகிறார். கூடவே பருப்பு வடையும் [ ஆமை வடை 🙂 ], உளுந்து வடையும் ! அவரது தொழிலின் சில எண் மதிப்பினை பார்ப்போம்.

business chart

 

நண்பரின் முதலீட்டின் மீதான வருமானம் (Return on Investment) 10 % தருகிறது. அதாவது அவரது ஒரு மாதத்தின் லாபம், முதலீட்டில் 10 ல் ரூ பங்கு. இதே போன்று அவர் லாபமீட்டினால் அவர் தனது  முதலீட்டை அடுத்த 10 மாதத்தில் பெறலாம். மேலே உள்ள அட்டவணையை கொண்டு நாம் இன்னும் சில எண்களை கண்டறியலாம் (Operating profit margin, Compounded Sales Margin, Profit Growth ). இதற்கு நாம் நண்பரின் தொழிலை அடுத்த சில மாதங்களுக்கு கவனிக்க வேண்டும். ஒவ்வொரு மாதமும் அவருடைய கடை விற்பனை மற்றும் லாபம் எவ்வாறு உள்ளது என்பதை அறிந்து எண்களை கண்டறியலாம்.

 

நண்பருடைய தொழிலுக்கான எதிர்கால சந்தை வாய்ப்புகள், பாதகங்கள் முதலியவற்றையும் நாம் கவனிக்க வேண்டும். நமது நண்பரின் தொழில் இப்போது மாலை வேளையில் மட்டுமே நடைபெற்று கொண்டிருக்கிறது. தான் வேலை செய்யும் நிறுவனத்தின் பொறுப்பை விட்டு விட்டு அவர் இந்த தொழிலை முழுவதுமாக செய்ய விருப்பமாக உள்ளார். ஆனால் அவருக்கான அடுத்த முதலீட்டை தான் அவர் எதிர்பார்த்து கொண்டிருக்கிறார். அவரின் மறுமுதலீட்டிற்கு தனது நண்பர்களை அணுகலாம், வங்கியில் கடன் வாங்கலாம் அல்லது ஏதேனும் ஒரு முறையில் முதலீடு அவருக்கு தேவைப்படுகிறது. இந்த நேரத்தில் தான், உங்களுக்கு ஒரு யோசனை தோன்றுகிறது. ஏன் நாமும் அவர் தொழிலில் இணையலாமே என்று. உங்கள் யோசனை சரி தான். அவரிடமே நாம் சந்தித்து யோசனைகளை சொல்லலாம். நாம் இங்கே கவனிக்க வேண்டியது,

 

நண்பரின் தொழிலுக்கு மறுமுதலீடு எவ்வளவு தேவை, நம்மால் எவ்வளவு முதலீடு செய்ய முடியும், தொழிலில் நமக்கான பங்கு என்ன, தொழில் ஏதேனும் காரணத்தால் சுணக்கம் (அ) நஷ்டமடைந்தால் நமது முதலீட்டின் நிலை என்ன மற்றும் இன்ன பிற விஷயங்களை நாம் கவனித்து தொழிலில் இணையலாம். இதே போன்று தான் பங்குச்சந்தையும். ஏற்கனவே தொழில் செய்து வரும் நிறுவனத்தில் நாம் எதுவும் வேலை பார்க்காமல் ஒரு பங்குதாரராக இணைந்து செயல்படுவது. பண முதலீடு செய்வது மட்டுமே நமது வேலை. நண்பரின் தொழிலுக்கே  நாம் பல விஷயங்களை ஆராய வேண்டுமெனும் போது, பங்குச்சந்தையில் நாம் எப்படி அணுக வேண்டுமென்பது மிகவும் முக்கியம்.

 

நம்மிடம் நமது உறவுக்காரர் (அ) நண்பர் ஒருவர் பண உதவி கேட்டு வந்தால், நாம் பணத்தை உடனே கொடுத்து விடுவோமா என்ன ? அவரின் குடும்ப சூழ்நிலை, வருமானம், குணங்கள் அனைத்தையும் அறிந்து கொண்டு தான் அவருக்கு பண உதவி செய்வோம். இதே போன்று தான் நமது மணப்பொருத்தத்திலும், வீடு கட்டுவதிலும். ஆனாலும் பங்குச்சந்தையில் மட்டும் நாம் கொஞ்சம் அவசரப்படுகிறோம்.

 

பணத்தின்  மதிப்பு (Time value of money):

 

உங்களிடம் ரூ. 100 உள்ளது. இன்றைய 100 ரூபாய் ஒரு வருடத்திற்கு பிறகு அதே எண் மதிப்பை கொள்வதில்லை. 7 % பணவீக்கம்(Inflation) எனில், ஒரு வருடத்திற்கு பிறகு அது ரூ. 107 ஆக மாறும். 10 % எனில், இன்றைய 100 ரூபாய் – 110 ரூபாயாக மாறும். அதே 100 ரூ. பத்து வருடத்திற்கு பிறகு (7 % பணவீக்கம்) ரூ. 197 ஆக இருக்கும்.  இதனை Time value of money (or) Future Value என்பர். கணக்கீடு எல்லாம் நாம் பள்ளியில் கற்ற தனிவட்டி மற்றும் கூட்டு வட்டியின் வேலை தான்.

 

சரி, 100 ரூபாய் ஒரு வருடத்திற்கு பிறகு பணவீக்கத்தால் மாறும். ஒரு வருடத்திற்கு பிறகான 100 ரூபாய்க்கு இன்று எவ்வளவு மதிப்பு  என்பது தெரியுமா ?

 

அடுத்த வருடத்தின் 100 ரூபாய் இன்று (7 % பணவீக்கம் அல்லது தள்ளுபடி விலை)  ரூ. 93 /- ஆகும். அதுவே 5 வருடத்திற்கு பிறகான 100 ரூபாய்க்கு இன்றைய மதிப்பு ரூ. 71 ஆகும். இதனை Discounted Value (or) Present value of future amount எனலாம்.  ஆகையால் நீங்கள் உங்கள் வீட்டில் கட்டிலுக்கு அடியில் ஒளித்து வைத்திருக்கும் பணத்திற்கு பின்னாளில் மதிப்பில்லை. அதனை முதலீடு செய்து பணவீக்கத்தை தாண்டிய வருமானம் பெற்றால் மட்டுமே அதற்கு மதிப்பு.  Time value of money and Discounted Value இந்த இரண்டும் ஒரு முதலீட்டாளருக்கு மிகவும் அவசியமான ஒன்று. இந்த இரண்டையும் நாம் நம் தினசரி வாழ்க்கையில் பயன்படுத்தி கொண்டு தான் இருக்கிறோம்.

 

நமது வங்கி டெபாசிட்டில் (அ) பி.எப். (Provident Fund)  உள்ள சேமிப்பு  வளர்கிறதே  அது  தான்  Time value of money.  இதை  தான் நாம்  இன்று  SIP (Systematic Investment Plan) மூலம்  செய்கிறோம். அது  வங்கி தொடர் சேமிப்பானாலும்  சரி, பரஸ்பர நிதி  முதலீடானாலும் (Mutual Fund) சரி எல்லாம் ஒரே பாடம்  தான். பத்து வருடத்திற்கு  பிறகு வீடு கட்டினால் விலைவாசி  உயரும். அதற்கு பதில் இன்றே வங்கியில் கடன் வாங்கி வீடு  கட்டலாம் (அ) வாங்கலாம். மாத தவணையில் செலுத்தி கொள்ளலாம் என நினைக்கிறோமே, இந்த  EMI (Equated monthly installement) திட்டத்தின் அடிப்படை தான் Discounted Value. அதாவது பத்து வருடத்திற்கு பிறகு  ரூ. 50 லட்சம் பெறுமானமுள்ள வீட்டை தற்போதே உரிமையாக்கி கொள்வது. அதனை நாம் மாதத்தவணையில் செலுத்துவது நமக்கு சௌகரியம் தான் அல்லவா ! அதனால் 100 ரூபாய் மதிப்பை அறிந்து வைத்து கொள்வது ஒரு முதலீட்டாளருக்கு அவசியம். 1000 ரூபாய் மதிப்பிலான பொருளை கண்டறிந்து 200 ரூபாய்க்கு வாங்கினால் லாபம் தானே 🙂

 

அறிந்து கொள்ளுங்கள்:   EMI vs SIP ?

 

எட்டுத்திக்கும் எட்டாம் அதிசயம் – கூட்டு வட்டி (Power Of Compounding)

 

உலகத்தின் எட்டாம் அதிசயம் “கூட்டு வட்டி – Compound Interest” என்றார் விஞ்ஞானி ஆல்பர்ட் ஐன்ஸ்டீன் (Albert Einstein).

கூட்டு வட்டியின் பலனை பற்றி, நாம் நமது பள்ளிக்காலங்களில் படித்திருப்போம். நமது பள்ளிக்கல்வியில் கணித பாடத்தில் வட்டி விகிதம், கூட்டு வட்டி மற்றும் தனி வட்டி என்பது போன்ற வார்த்தைகளை பயன்படுத்தியிருப்போம். அதன் பலனை நாம் அறியவே, நமது பள்ளிகளில் (1990 களில்) அஞ்சலக சேமிப்பான “Sanchayika” திட்டம் மிகவும் பிரபலம். அது கூட்டு வட்டியின் மகிமையையே வெளிப்படுத்துகிறது. அவர் சொல்கிறார் பாருங்கள்,

 

“Compound interest is the eighth wonder of the world. He who understands it, earns it … he who doesn’t, pays it….”   – Albert Einstein

 

அறிந்து கொள்ளுங்கள்:  கூட்டு வட்டியின் கணக்கை(Power of Compounding)…

 

பங்குச்சந்தையை பற்றி நாம் பேசும் போது, EIC Framework என்ற ஒன்று உண்டு. பங்குச்சந்தை நிலை என்பது நம் கையில் இல்லை. நாம் வேண்டுமானால் பங்குச்சந்தையில் பொறுமையக பணம் பண்ணலாம். ஆனால் பங்குச்சந்தையுடன்  போட்டி போட முடியாது. அதன் நிலையை தினமும் கணிக்க முடியாது; கவனிக்கலாம்.

 

EIC framework

 

 

Economy | Industry | Company (EIC) Framework:

 

இது ஒரு மேலிருந்து கீழ் அணுகுமுறை. ஒரு பங்கை வாங்குவதற்கு இது மிகவும் உதவும். ஒரு தொழிலை எடுத்து கொண்டால் முதலில் நாம் நாட்டின்  பொருளாதாரத்தை  கவனிக்க  வேண்டும். பின்பு அதனை சார்ந்த  துறையை நோக்க வேண்டும். முடிவில் தான் நிறுவனத்தை தேர்ந்தெடுக்க வேண்டும். உதாரணத்திற்கு நமது நாட்டின் பொருளாதாரம் நடப்பில் எவ்வாறு உள்ளது. எந்தெந்த துறைக்கு எல்லாம் அரசு நிதி ஒதுக்கீடு செய்கிறது மற்றும் அரசின் கொள்கைகள் எந்த தொழிலுக்கு சாதகமாக உள்ளது. முடிவில் அதனை சார்ந்து தான் ஒரு நிறுவனத்தை தேர்ந்தெடுக்க வேண்டும் அல்லது அதே துறையில் நீண்டகாலம் நன்றாக செயல்பட்டு கொண்டிருக்கும் நிறுவனத்தை முடிவு செய்ய வேண்டும். நமது நண்பர் தொழிலிலும் அவ்வாறு தான். தேயிலைக்கு எவ்வாறு சந்தை உள்ளது, தேநீர் பருகும் நிலை மற்றும் தேவை கோடை காலத்தில் எப்படி போன்றவற்றையும் கவனத்தில் கொள்வது நல்லது. ஆனால் ஒரு முதலீட்டாளரை பொறுத்தவரை இந்த முறை எல்லா சமயத்திலும் பயன் பெறாது. உதாரணத்திற்கு நாம் நமது நண்பர் தொழிலை சொன்னமே, அவர் பல ஊர்களில் தேநீர் கடை மற்றும் தேயிலை சார்ந்த வேறு ஏதேனும் தொழில் செய்தால் இந்த முறை உதவும். மாறாக நமது ஊரில் மட்டுமே வைத்திருக்கிறவருக்கு இது தேவையில்லை. தேயிலை விலை உயர்ந்தால் அவருக்கென்ன… வேறு ஏதாவது பிராண்டயோ(Brand) அல்லது விலை குறைந்த தேயிலை, இல்லையெனில் தேனீர் விலையை சற்று கூட்டி விட்டு போகலாம். சேவை மனப்பான்மை உள்ளவர் என்றால், அதே விலையில் கொடுத்து விட்டு தனது லாபத்தை குறைத்து கொள்ளலாம். சிறு மற்றும் உள்ளூர் தொழிலுக்கு நீங்கள் இந்த முறையை தலைகீழாக தான் அணுக வேண்டும். AVT, Brooke Bond க்கு வேண்டுமானால் நீங்கள் மேலிருந்து கீழாக பார்க்கலாம். தொழில் மற்றும் நிறுவனத்தின் அளவை (Size / Market cap of the Company ) சார்ந்தது EIC Framework.

 

ஒரு நிறுவனம் அல்லது தொழிலின் மதிப்பு என்பது அதன் வருமானம் ஈட்டுவதற்கான வாய்ப்பில் உள்ளது.

 

லாபத்தில் இருக்கும் தொழில் எப்போதும் மதிப்புடையது. எனவே தொடர்ச்சியான லாப வளர்ச்சியை கொடுக்கும் நிறுவனத்தையே நாம் வாங்க வேண்டும். வெறும் பெயரளவில்(Not just a Brand) அல்ல… அதே  போன்று  கடன் சுமையிலும் தத்தளிக்க  கூடாது. வாங்கும் கடனை லாபத்திற்கு மாற்ற வேண்டியது (Leverage) ஒரு நிறுவனத்தின் கடமை.

 

அடுத்த வகுப்பில், ஒரு நிறுவனம் (அ) தொழிலின் நிதி அறிக்கையை(Financial statements) எப்படி ஆராய்வது என்பதை பார்ப்போம். சமீபத்தில் தான் நாம் அரசின் பட்ஜெட் 2018 ஐ கவனித்திருப்போம். இது நாம் வாங்க போகும் பங்கின் (Share) பட்ஜெட் !

 

Disclaimer:

This content is an information for the purpose of learning. It’s not recommending any stock or listed company or make any investment in a certain financial products. All content as a text here are reserved by the part of website(www.varthagamadurai) and the images shown for the reference has attributed (image courtesy).

 

Stock Market – Fundamental Analysis – Course – 1.0

Stock Market –  Fundamental Analysis – Learning Course

 

பங்குச்சந்தை  –  அடிப்படை  பகுப்பாய்வு கற்றல் வகுப்புக்கு  வரவேற்கிறோம்.

 

இது ஒரு இணைய வழி கற்றல் முறை(Online Learning Course). அனைத்து வகுப்புகளும் மற்றும் அதன் தகவல்கள் நேரிடையாக உங்கள் மின்னஞ்சல் முகவரிக்கே(Subscribed Email Address) அனுப்பப்படும். வகுப்புகள் தினசரி என்றில்லாமல் இரண்டு நாட்களுக்கு ஒரு முறையோ அல்லது  வாரத்திற்கு மூன்று நாட்களாகவோ இருக்கலாம். இந்த கற்றல் வகுப்பு உங்களுக்கு பங்குச்சந்தை பற்றிய உள்ளார்ந்த அறிவு மற்றும் செயல்முறை விளக்கமாகவும் அமையும். அதனால் நீங்கள் பெறும் ஒவ்வொரு தகவலையும் பரிசோதித்து பார்க்கலாம்.

 

நீங்கள் ஏன் பங்குச்சந்தையில் முதலீடு செய்ய வேண்டும் ?

 

நம் ஒவ்வொருக்கும் வாழ்க்கையில் தேவைகள் மற்றும் விருப்பங்கள் இருக்கும். தேவைகள் பொதுவானவை; ஆனால் விருப்பங்கள் மாறுபடலாம். முதலில் நாம் நம் தேவைகளை பட்டியலிடுவோம்:

 

  • உணவு (Food)
  • உடை  (Clothing)
  • இருப்பிடம் (Shelter)
  • மருத்துவம் (Medical)
  • கல்வி  (Education for Future and Growth)
  • ஓய்வு காலம் (Retirement Stage)

 

விருப்பங்கள் சில…

 

  • விரும்பிய வாகனம் வாங்குவது (Buying a Car)
  • சுற்றுலா செல்வது (Vacation and  Foreign Tour)
  • குழந்தைகளுக்கு நல்ல கல்வி முறையை கொடுப்பது (Education for Children)
  • வீடு பழுது பார்த்தல் மற்றும் பராமரித்தல்(House Repair and Maintenance)
  • புதிய தொழில் தொடங்குவது (Starting a Business)
  • மற்றவர்களுக்கு உதவி செய்ய (Helping others)

 

நீங்களும் உங்களுக்கான பட்டியலை தயார் செய்து கொள்ளுங்கள். தேவையோ, விருப்பங்களோ எதுவாயினும் அவற்றிற்கு நிதி அல்லது பணம் தேவை. நாம் பட்டியலிட்ட அனைத்து தேவைகள் மற்றும் விருப்பங்கள் நமக்கானவை. இவற்றை நாம் பெரும்பாலும் எப்படி பெறுகிறோம் ?

 

நாம் அதற்காக உழைக்கிறோம், சம்பாதிக்கிறோம், பின்பு நமக்கான தேவை, விருப்பங்களை நிறைவேற்றுகிறோம். நமது விருப்பங்களை காலத்திற்கு ஏற்றவாறு நாம் மாற்றியமைக்கலாம் அல்லது தள்ளி போடலாம், ஆனால் நமது தேவைகள் அவ்வாறில்லை. எனவே நமது தேவையை முதலில் நிறைவேற்றுவது அவசியம். ஆனால் நம்மில் பலருக்கு தேவைகளை பூர்த்தி செய்வதிலே காலம் முழுவதும் கடந்து விடுகிறது. அப்புறம் எங்கே நமது விருப்பங்கள், கனவுகள் ! சில நேரங்களில் நம்மால் வருமானத்தின் ஒரு பகுதியை சேமிக்க முடிகிறது, அதனை கொண்டு நமது தேவை மற்றும் விருப்பங்களை அணுகுகிறோம். பல சமயங்களில் வருமானம் பற்றாக்குறையாகவே உள்ளது. ஏன் சிலருக்கு மட்டும் பணம் எப்போதும் கையில் இருக்கிறது, பலருக்கு இது சாத்தியமாக இல்லை ?

 

அதனை தான் நமது பள்ளி மற்றும் கல்லூரி கால படிப்பு நமக்கு கற்று தர தவறி விட்டது. Rich Dad, Poor Dad ன் ஆசிரியர் ராபர்ட் கியோசாகி சொல்வது போன்று, நமக்கான அடிப்படை கல்வியில் பணத்தை பற்றியும், அதனை எப்படி கையாள வேண்டும் என்பதனை பற்றியும் சொல்லி தரவில்லை. மாறாக, நமக்கு அறிவியலும், புவியியலும் சொல்லி கொடுக்கப்பட்டது. அவற்றை கூட நாம் நம் தினசரி வாழ்க்கை மற்றும் வேலையிடத்தில் பயன்படுத்த முழுமையாக சொல்லவில்லை. நீங்கள் நல்ல மதிப்பெண் பெற வேண்டும் மற்றும் ஒரு நல்ல வேலைக்கு சென்று சம்பாதிக்க வேண்டுமென்பதே நம் கல்வி முறை கொடுத்தது.

 

நம் நாட்டில் பணத்தை பற்றிய அடிக்கடி பழக்கப்பட்ட ஒரு விஷயமென்றால், அது சேமிப்பு  (Savings) தான். நாம் எவ்வாறு சேமிக்க வேண்டுமென்று காலங்காலமாக சொல்லி கொடுக்கப்பட்டுள்ளது, ஆனால் எவ்வாறு முதலீடு செய்ய வேண்டும், எப்படி தொழில் செய்யலாம் என சொல்லித்தந்தது மிக குறைவு தான். பங்குச்சந்தையிலும் இது தான் நமக்கு சிக்கலே. சேமிப்பிற்கும், முதலீடிற்கும் உள்ள இடைவெளி தெரியாமல் முடிவில், ஊக வணிகம் (Speculation) செய்து விடுகிறோம். நமக்கு கிடைப்பது பணமுதல் இழப்பு. பங்குச்சந்தைக்கும், தரகருக்கும் கிடைக்கிறது சேவை மற்றும் தரகு கட்டணம்.

 

சரி, நாம் காலங்காலமாக சில சேமிப்பு முறைகளை பின்பற்றி வந்திருக்கிறோம். நமக்காக அல்ல, நம் பெற்றோர்கள் சொன்னார்கள் என்று. அவற்றின் கடந்த கால வருமான தாக்கம் மற்றும் ஏற்ற-இறக்கத்தை பார்த்து விடுவோம்.

 

January 2000 ல் 100 ரூ. விலையுள்ள ஒரு பொருள் அல்லது சேவை, கடந்த October 2017 ல் ரூ. 308 /- ஆக அதிகரித்துள்ளது. பணவீக்கத்தின் மடங்குகளை இதன் மூலம் நாம் அறியலாம். அதே ஜனவரி 2000 ல் நம் கையிலிருந்த ரூ. 100 ன் மதிப்பு, அக்டோபர் 2017 ல் ரூ. 33 /- மட்டுமே. இதனை நாம் பணத்தை கொண்டு வாங்கும் திறன்(Purchasing Power) என்போம். இதன்  விளைவாக  தான்  நாம் சேமிக்க  பழகுகிறோம்.

 

Gold Prices (Last 5 Years):

Gold price 5 years

Bank Interest Rate (Since 2000):

 

interest rate 2017 india

 

Returns of Equity, Gold, Money market mutual fund, FD:

 

returns of equity and gold

 

மேலே உள்ள தகவல்களை கொண்டு நமக்கு சில சிந்தனைகள் கிடைத்திருக்கும்.

 

Financial Goal(s):

 

நிதி இலக்குகளை பற்றி நாம் ஏற்கனவே நமது அறிமுக வகுப்பில் மற்றும் காணொளியில் (See the video) அறிந்திருப்போம். நமது நிதி இலக்குகள் வங்கி வைப்பு தொகை, தங்கம் மற்றும் மனையில் வெற்றி பெறுவதில்லை, ஆனால் பரவலாக்கப்படலாம். நிதி இலக்குகளில் வெற்றி அடைய இரண்டே வழி: பங்குச்சந்தை மற்றும் தொழில் தொடங்குவது.  நமது இலக்குகள் வெற்றியடையாமல் போவதற்கான முதற்காரணம் – பணவீக்கம். நீங்கள் உங்கள் சம்பாத்தியத்தை வேண்டுமானால் கூட்டி கொள்ளலாம். பணவீக்கத்தை தடுக்க முடியாது. ஆனால் புத்தியால் கையாளலாம். அது தான் பணவீக்கத்தை தாண்டிய வருமானம். விலைவாசியை தாண்டிய வருமானம் வேண்டுமென்றால், நீங்கள் உங்கள் தொழிலில் அதை விட லாபம் அதிகமாக தான் பெற வேண்டும்.

 

சேமிப்பும், பணவீக்கமும் ஒன்றையொன்று சார்ந்தது

 

மேலே உள்ள வாக்கியத்தை மறவாதீர்கள்; விலைவாசி (பணவீக்கம்) உயர்ந்தால் உங்களால் அதிமாக சேமிக்க  முடியாது. விலைவாசி உயர்ந்தால் மட்டுமே வங்கிகள் சேமிப்புக்கான வட்டி விகிதத்தை உயர்த்தும். விலை குறையும் போது அல்ல… உங்களால் எப்போது  அதிகமாக சேமிக்க முடியும் ? அப்போது வங்கிகள் மற்றும்  அரசாங்கம் உங்களுக்கு குறைந்த வட்டியே கொடுக்க முன்வருகிறது. வருமான  வரி கட்டுபவராக நீங்கள் இருந்தால், உங்கள் வங்கி வைப்பு தொகைக்கும் வரி உள்ளதை மறக்க வேண்டாம்.

 

Post Tax Returns(CAGR):

Post tax returns

 

ஏன்  வங்கிகள் அவ்வப்போது வட்டி விகிதத்தை குறைக்கின்றன ?

 

வங்கி சேமிப்பில் உள்ள ரிஸ்குகள் – ஆபத்தானவை

 

பணவீக்கம் ஒரு சாதாரண சேமிப்பு விஷயத்திற்கே இவ்வளவு தாக்கத்தை ஏற்படுத்தும் என்றால், உங்கள் நீண்ட கால இலக்குகளை யோசித்து பாருங்கள். 10 அல்லது 20 வருடத்திற்கு முன் நீங்கள் வாங்கிய பொருளின் விலை இன்று இல்லை. அதன் இன்றைய மதிப்பு பணவீக்க மதிப்பு  தான். இப்போது நினைத்து பாருங்கள்  உங்கள் எதிர்கால கல்வி செலவுகள், வீடு, ஓய்வு, மருத்துவம் – பணவீக்கத்தில் !

 

Inflation India chart since 2004

 

நினைவில்  கொள்ளுங்கள் நிதி இலக்குகள் பொதுவாக நீண்ட கால இலக்குகள் ஆகும்.

பங்குச்சந்தை ஆபத்தானதா, சூதாட்டமா  ?

 

முதலீடு  பற்றி பேசும் போது, நான் அடிக்கடி ஒரு வாசகத்தை  சொல்வதுண்டு…

 

“ Drive the Car without knowing the Basic, is Ridiculous and Dangerous “

 

 

நீங்கள்  கல்வியை தொடங்குவதற்கு முன்னரே கல்வி நிலையங்களில் கட்டணத்தை வசூலிக்கின்றனர். அவர்கள் உங்களை ஏமாற்றி விட்டால் (கற்று தரவில்லை)  ?   🙂

 

இது தான்  பங்குச்சந்தையும்; அடிப்படை விஷயங்களை அறியாமல், அனுபவம் பெறாமல் நாம் எதையும் சொல்ல விட முடியாது. ஒதுக்கி விடவும் இயலாது. நீங்கள் வேண்டுமானால் பங்குச்சந்தையில் முதலீடு செய்யாமல் போகலாம். ஆனால் அரசாங்கமும், நீங்கள் உழைக்கும் நிறுவனமும் பங்குச்சந்தையில்  தான்  லாபம் பார்த்து கொண்டு இருக்கின்றனர் – உங்கள் முதலீட்டை (பணம்) கொண்டு  தான் 🙂

 

Stock market historical chart

 

Data reference:   

 

Inflation Calculation and Forecasting

Inflation India

Gold Price History

Fixed Deposit Rates Historical data

Stock Market Performance

 

 

Disclaimer:

This content is an information for the purpose of learning. It’s not recommending any stock or listed company or make any investment in a certain financial products. All content as a text here are reserved by the part of website(www.varthagamadurai) and the images shown for the reference has attributed (image courtesy).