Category Archives: Paisa News

Paisa News – News about Business and Finance

Paisa News

நாட்டின் வர்த்தக பற்றாக்குறை அதிகரிப்பு – எச்சரிக்கை மணியா ?

Leave a comment

நாட்டின் வர்த்தக பற்றாக்குறை அதிகரிப்பு – எச்சரிக்கை மணியா ?

Alert: India’s increasing Trade Deficit – 10.89 Billion US Dollar

 

நம் நாட்டில் இறக்குமதி செய்யப்படும் பொருட்களின் அளவை அரசாங்கம் குறைக்க முனைந்தாலும், உற்பத்தி மற்றும் தேவைக்கான இடைவெளி ஒவ்வொரு நாளும் அதிகரித்து கொண்டே தான் செல்கிறது. ஒரு நாட்டிலிருந்து ஏற்றுமதி செய்யப்படும் பொருட்களின் மதிப்பை காட்டிலும், அந்த நாட்டில் இறக்குமதி செய்யப்படும் பொருட்களின் மதிப்பு அதிகமாக காணப்பட்டால், அதுவே நாட்டின் வர்த்தக பற்றாக்குறை எனப்படுகிறது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

நாட்டின் வர்த்தக பற்றாக்குறை என்பது ஒரு கடன் சுமையாகவே நாம் பார்க்கலாம். வர்த்தக பற்றாக்குறையின் மதிப்பு ஒரு குறிப்பிட்ட இடைவெளியில் அதிகரிக்காமல் இருக்க, இறக்குமதி அளவை நாம் குறைத்தாக வேண்டும். இல்லையெனில், நாட்டின் ஏற்றுமதி அளவை அதிகரிக்க தயாராக வேண்டும்.

 

சமீபத்தில் நடந்து கொண்டிருக்கும் அமெரிக்க-சீன வர்த்தக போருக்கான காரணமே, அமெரிக்க நாட்டின் வர்த்தக பற்றாக்குறை தான். இதன் காரணமாகவே சீன பொருட்களுக்கு அமெரிக்கா(US-China Trade War) இரு மடங்கிற்கு மேல் வரி விதிப்பை அமல்படுத்தியுள்ளது. நம் நாட்டின் வர்த்தக பற்றாக்குறை கடந்த மார்ச் மாத முடிவில் 10.89 பில்லியன் அமெரிக்க டாலர்களாக இருக்கிறது.

 

நடப்பு வருட பிப்ரவரி மாதத்தில் வர்த்தக பற்றாக்குறை(Trade Deficit) 9.60 பில்லியன் டாலராகவும், இதற்கு முந்தைய வருடத்தின் மார்ச் மாதத்தில் 13.51 பில்லியன் அமெரிக்க டாலர்களாகவும் இருந்துள்ளது. சொல்லப்பட்ட மார்ச் 2019ம் காலத்தில் ஏற்றுமதியில்(Exports India) 11 சதவீதம் வளர்ச்சி காணப்பட்டது. இதற்கு ரசாயனங்கள், பொறியியல் பொருட்கள், ஆடைகள், மருந்துகள் மற்றும் பெட்ரோலிய பொருட்களின் வளர்ச்சி துணைபுரிந்துள்ளது.

 

இறக்குமதியின் பங்களிப்பு மார்ச் மாதத்தில் 1.5 சதவீதம் குறைந்துள்ளது குறிப்பிடத்தக்கது. இருப்பினும் கச்சா எண்ணெய் இறக்குமதி பிப்ரவரி மாதத்தில் 6.3 பில்லியன் டாலரிலிருந்து மார்ச் மாதத்தில் 8.2 பில்லியன் டாலராக அதிகரித்துள்ளது. தங்கம் இறக்குமதியும் மார்ச் மாத காலத்தில் கணிசமாக உயர்ந்து நிகர மதிப்பு அடிப்படையில் 2.97 பில்லியன் டாலராக இருந்தது.

 

கடந்த நிதியாண்டில் கச்சா எண்ணெய்யை இறக்குமதி(Crude Import) செய்வதற்கான செலவினமும் அதிகரித்துள்ளது கவனிக்கத்தக்கது. 2018-19ம் நிதியாண்டில் கச்சா எண்ணெய் இறக்குமதி செலவினம் சுமார் 11,200 கோடி டாலராக இருந்தது. இது இதற்கு முந்தைய வருடத்தில் 8,800 கோடி அமெரிக்க டாலராக இருந்துள்ளது.

 

இந்தியாவின் வர்த்தக பங்காளராக முதல் மூன்று இடங்களில் சீனா, அமெரிக்கா மற்றும் ஐக்கிய அரபு நாடுகள் உள்ளது. தங்கம் மற்றும் எண்ணெய் இறக்குமதியின் அளவை அரசு குறைக்க, கடந்த சில வருடங்களாக நடவடிக்கை எடுத்து வந்த பின்பும் உள்நாட்டில் தேவைப்பாடு அதிகமாயுள்ளது. தங்க இறக்குமதி அளவை குறைப்பதற்காக தங்க முதலீட்டில் பல்வேறு திட்டங்களும் (Gold ETF, Bond Scheme, Gold Deposit), மாற்றங்களும் கொண்டுவரப்பட்டிருந்தது. இது போல வாகன துறையில் அடுத்து வரவிருக்கும் காலங்களில் மின்சார வாகனங்கள் முக்கியத்துவம் பெறும் காலம் வெகு விரைவில்…

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

பங்குகளை அடமானம் வைக்கும் நிறுவனர்கள் – ரிலையன்ஸ், வோடபோன்

Leave a comment

பங்குகளை அடமானம் வைக்கும் நிறுவனர்கள் – ரிலையன்ஸ், வோடபோன்  

Pledged shares by the Promoters – Reliance Infra, Vodafone

 

பட்டியலிடப்பட்ட நிறுவனங்களின் காலாண்டு முடிவுகள் வெளிவருவது போன்று, நிறுவனங்களின் பங்குகளில் உரிமையாளர் வைத்திருக்கும் பங்கு சதவீதமும் ஒவ்வொரு காலாண்டிலும் பங்குச்சந்தை அமைப்புக்கு தெரிவிக்கப்படும். கடந்த ஜனவரி – மார்ச் 2019ம் காலாண்டில் மும்பை பங்குச்சந்தையில் பட்டியலிடப்பட்ட நிறுவனங்களில் பங்கு வைத்திருப்பவர்களின் விவரங்கள் வெளியிடப்பட்டன.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

பி.எஸ்.இ. 500(BSE 500) பட்டியலிடப்பட்ட நிறுவனங்களில் சுமார் 30க்கும் மேற்பட்ட நிறுவனங்களின் நிறுவனர்கள் தங்கள் பங்குகளை அடமானம் வைத்திருப்பது தெரிய வந்துள்ளது. ஜனவரி-மார்ச் மாத காலத்தில் இவர்களின் பங்கு அடமான விகிதம் கணிசமாக உயர்ந்துள்ளது குறிப்பிடத்தக்கது.

 

ரிலையன்ஸ் இன்ப்ரா(Reliance Infra) மற்றும் ரிலையன்ஸ் கேப்பிடல்(Reliance Capital) முறையே 22 மற்றும் 15 சதவீத பங்குகள் மார்ச் காலாண்டில் அடமான விகிதத்தை அதிகரித்துள்ளது. இதுவரை ரிலையன்ஸ் இன்ப்ராவின் மொத்த அடமானம் 98 சதவீதம் மற்றும் ரிலையன்ஸ் கேப்பிடல் 97 சதவீதமாகும். ஏற்கனவே அனில் அம்பானியின் ரிலையன்ஸ் கம்யூனிகேஷன்(Rcom) நிறுவனம் தனது முழு பங்குகளையும் அடமானம் வைத்து விட்டு, கடனில் தத்தளித்து கொண்டு தற்போது திவால் நிலைக்கு வந்து விட்டது.

 

டிஷ் டிவி(Dish TV) நிறுவனர்களின்  பங்குகள் 94.6 சதவீதம் வரை அடமானம் வைக்கப்பட்டுள்ளது. ஜீ டிவி(Zee) நிறுவனம் 66 சதவீதமும், எவெரெடி(Eveready) நிறுவனர்கள் 50 சதவீதமும், சன் பார்மா 11 சதவீதமும் மற்றும் அப்பல்லோ மருத்துவமனை நிறுவனம் 78 சதவீதம் என்ற அளவிலும் நிறுவனர் பங்குகளை அடமானம் வைத்துள்ளது.

 

இது போல வோடபோன் நிறுவனம் 44 சதவீத பங்குகளை வோடபோன் ஐடியா நிறுவனத்தில் அடமானம் செய்துள்ளது. தற்போது வோடபோன் ஐடியா(Vodafone Idea) நிறுவனத்தை 71 சதவீத பங்களிப்புடன் வோடபோன் மற்றும் ஆதித்யா பிர்லா நிறுவனங்கள் நிர்வாகம் செய்து வருகிறது.

 

கடந்த காலாண்டில் அசோக் லேலாண்ட் நிறுவனமும் 2.3 சதவீதம் என்ற அளவில் பங்குகளை அடமானம் வைத்துள்ளது. இதன் மொத்த நிறுவனர்களின் பங்கு அடமான விகிதம் 6.7 சதவீதமாகும். பியூச்சர் குழுமத்தின் (பிக் பஜார்) பியூச்சர் லைப் ஸ்டைல் நிறுவனம் 23 சதவீத பங்குகளையும், JSW நிறுவனம் 60 சதவீத பங்குகளையும் மற்றும் ஜே.கே. டயர் 28 சதவீதமும் உரிமையாளர்களின் பங்குகளை அடமானம் செய்துள்ளது.

 

பொதுவாக நிறுவனர்களின் நிறுவனர்கள் தங்கள் சொந்த தேவை அல்லது வணிக நோக்கங்களுக்காக, தாங்கள் வைத்திருக்கும் பங்குகளை மற்றொரு நிறுவனத்திடமோ அல்லது   வங்கிகளிடமோ அடமானம் வைப்பதுண்டு. இது ஒரு நீண்ட கால முதலீட்டாளருக்கு ஆரோக்கியமான விஷயமல்ல. நல்ல முதலீட்டாளர்கள், நிறுவனர்கள் அடமானம் வைக்கப்பட்டுள்ள பங்குகளில் முதலீடு செய்வதில்லை என்பதனை கவனத்தில் கொள்ள வேண்டும்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

மீண்டும் வலுக்கும் சீன-அமெரிக்க வர்த்தக போர்

Leave a comment

மீண்டும் வலுக்கும் சீன-அமெரிக்க வர்த்தக போர்

China-US Trade war to Reinforce 2019

 

உலக பொருளாதாரத்தில் கடந்த ஒரு வருடமாக பேசப்பட்டு வந்த விஷயம் அமெரிக்க-சீன வர்த்தக போர். கடந்த வெள்ளிக்கிழமை அன்று பேசிய அமெரிக்க அதிபர் டொனால்ட் டிரம்ப், சீன பொருட்களுக்கான இறக்குமதி வரியை 10 சதவீதத்திலிருந்து 25 சதவீதம் வரை உயர்த்த முடிவெடுத்துள்ளதாக தெரிவித்திருக்கிறார். இறக்குமதி வரியை உயர்த்தப்படவுள்ள நிலையில், இதன் மதிப்பு சுமார் 200 பில்லியன் அமெரிக்க டாலர்கள் என சொல்லப்படுகிறது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

அமெரிக்காவுக்கும், சீனாவுக்கும் இடையே நடந்து வருகிற இந்த வர்த்தக போரில், ஏற்கனவே அமெரிக்காவுக்கான சீன பொருட்களின் ஏற்றுமதி மதிப்பு கடந்த சில காலங்களாக வெகுவாக குறைந்துள்ளது. டிரம்ப்(Donald Trump) முடிவினால், வரவிருக்கும் நாட்களில் இரு நாடுகளுக்கிடையே நடக்க இருந்த பேச்சுவார்த்தை ரத்து செய்யப்படலாம் என சீன அரசு தரப்பில் சொல்லப்பட்டுள்ளது.

 

அமெரிக்காவின் வரி உயர்வு(Import Tax) கொள்கை மற்ற நாடுகளை மட்டுமில்லாமல், தங்களது நாட்டிலும் அமெரிக்க மக்கள் விலை உயர்வை சந்திக்கலாம். இதன் காரணமாக அமெரிக்க நாட்டிலும், பெரும்பாலானவர்கள் வேலையிழக்கும் அபாயம் ஏற்பட்டுள்ளது. வரி உயர்த்தப்படும் நிலையில், சீன யுவான் மதிப்பு மற்றும் அமெரிக்க பங்குச்சந்தை குறியீடுகள் ஏற்ற-இறக்கத்தில் காணப்படுகின்றன.

 

2018ம் ஆண்டில், அமெரிக்காவின் 3வது பெரிய ஏற்றுமதி(Largest Export) நாடாக சீனா உள்ளது குறிப்பிடத்தக்கது. கடந்த வருடத்தில் அமெரிக்காவிலிருந்து சீன நாட்டிற்கு இறக்குமதி செய்யப்பட்ட பொருட்கள் மற்றும் சேவையின் மதிப்பு 120 பில்லியன் அமெரிக்க டாலர்களாகும். இது இதற்கு முந்தைய வருடத்தை விட 7 சதவீத குறைவாகும்.

 

இது போல அமெரிக்காவின் மிக பெரிய இறக்குமதி(Largest Import) நாடாக சீன இருந்து வருகிறது. 2018ம் ஆண்டில் சீன நாட்டிலிருந்து அமெரிக்காவிற்கு இறக்குமதி செய்யப்பட்ட வர்த்தகம் சுமார் 540 பில்லியன் அமெரிக்க டாலர்கள். அதாவது இதற்கு முந்தைய வருடத்தை காட்டிலும் 6.7 சதவீத வளர்ச்சியாகும்.

 

சீனாவுடனான அமெரிக்க நாட்டின் வர்த்தக பற்றாக்குறை(Trade Deficit) 420 பில்லியன் அமெரிக்க டாலர்கள். சீன நாட்டில் உள்ள அந்நிய நேரடி முதலீட்டில்(FDI) அமெரிக்காவின் பங்கு சுமார் 107 பில்லியன் டாலர்களாகும் (2017ம் ஆண்டு இறுதியின் படி). சீனாவின் ஏற்றுமதியில் முக்கிய பங்கு வகிப்பது பருத்தி, தேயிலை, அரிசி, உருளைக்கிழங்கு மற்றும் சோயா பீன்ஸ்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

நடப்பு மாதத்தில் இதுவரை அந்நிய முதலீட்டாளர்களின் முதலீடு 12,000 கோடி ரூபாய்

Leave a comment

நடப்பு மாதத்தில் இதுவரை அந்நிய முதலீட்டாளர்களின் முதலீடு 12,000 கோடி ரூபாய்

Foreign Portfolio Investors have so far invested Rs. 12,000 Crore in the Current Month – April 2019

 

நடப்பு வருடத்தின் ஜனவரி மாதத்தில் அந்நிய முதலீட்டாளர்கள் இந்திய சந்தையில் தங்களது முதலீட்டை வெளியே எடுத்து கொண்டிருந்த நிலை மாறி, கடந்த மூன்று மாதங்களாக அவர்களின் முதலீட்டு தொகை அதிகரித்த வண்ணம் உள்ளது.

 

நம் நாட்டில் உள்ள கடன் சந்தை(Debt Market) மற்றும் பங்குச்சந்தை(Stock Market) இரண்டிலும் சேர்த்து கடந்த பிப்ரவரி மாதம் 11,180 கோடி ரூபாயை முதலீடு செய்திருந்தனர். இது போன்று மார்ச் மாதத்தில் 45,980 கோடி ரூபாயும், நடப்பு மாதத்தில் இதுவரை சுமார் 12,000 கோடி ரூபாயையும் அந்நிய முதலீட்டாளர்கள் முதலீடு செய்து வருகின்றனர்.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

கடந்த மூன்று மாதங்களாக உள்ளூர் முதலீட்டாளர்கள்(Domestic Investors -DII) பெரும்பாலும் நிகர விற்பனையையே மேற்கொண்டுள்ளனர். சந்தை உச்சத்தில் இருந்து வந்த நிலையில் உள்ளூர் முதலீட்டாளர்களான பரஸ்பர நிதிகள், சந்தையில் கண்ட லாபத்தை வெளியே எடுத்து வருவதாலும் இவர்களது விற்பனை அதிகமாகியுள்ளது.

 

பிப்ரவரி மாதத்தின் முடிவில் அந்நிய முதலீட்டாளர்களின்(Foreign Portfolio Investors) பங்கு முதலீடு ரூ. 13,564 கோடியாகவும், உள்ளூர் முதலீட்டாளரின் நிகர விற்பனை (-565) கோடி ரூபாயாகவும் இருந்து வந்துள்ளது. மார்ச் மாத காலத்தில் அந்நிய முதலீட்டாளர்கள்(FII /FPI) சுமார் 32,370 கோடி ரூபாய்க்கு பங்குகளை வாங்கியும், உள்ளூர் முதலீட்டாளர்கள் 13,930 கோடி ரூபாய்க்கு பங்குகளை விற்றும் உள்ளனர்.

 

தற்போது நாட்டில் தேர்தல் நடந்து வரும் நிலையில், இந்திய பங்குச்சந்தை ஏற்கனவே தனது புதிய உச்சத்தை கடந்தாகி விட்டது. தேர்தல் முடிவுக்கு பின் சந்தையில் முதலீடு செய்து கொள்ளலாம் என்ற எண்ணம் பலரிடம் இருந்தாலும், தற்சமயம் சந்தையின் சிறிய இறக்கத்திலாவது முதலீடு(Equity) செய்வதே சிறந்தது.

 

மே மாதத்தில் தேர்தல் முடிவுக்கு பின், வலுவான ஒரு ஆட்சி அமையும் நிலையில் நமது பங்குச்சந்தை மேலும் புதிய உச்சத்தை காணலாம் என கருதப்படுகிறது. சந்தையை பாதிக்கும் காரணிகளில் உலகளாவிய நிகழ்வுகள் இருந்து வந்தாலும், இப்போது அரசியல் நகர்வுகளும், அதனை அடுத்த புதிய அரசாங்கத்தின் கொள்கைகளும் தான் சந்தையின் குறியீடுகளை தீர்மானிக்கின்றன.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

தெறிக்கவிட்ட ரிலையன்ஸ் ஜியோ (இண்டஸ்ட்ரீஸ்) – நான்காம் காலாண்டு முடிவுகள்

Leave a comment

தெறிக்கவிட்ட ரிலையன்ஸ் ஜியோ (இண்டஸ்ட்ரீஸ்) – நான்காம் காலாண்டு முடிவுகள்

Q4 Results of Reliance Industries Limited(RIL) – Financial year 2018-19

 

ஜியோவின்(JIO) வருகைக்கு பின் இந்திய தொலைத்தொடர்பு துறையில் பல்வேறு மாற்றங்கள் செய்யப்பட்டன. ஏர்டெல் தனது வாடிக்கையாளர்களை தக்க வைத்து கொள்ள முடியாமை, ஐடியா-வோடபோன் இணைப்பு, ஏர்செல் மற்றும் டொகோமோ என்ற நிறுவனங்கள் காணாமல் போனது ரிலையன்ஸ் ஜியோவின் டேட்டா புரட்சியில் தான். சந்தையில் மிகப்பெரிய நிறுவனமான ரிலையன்ஸ் இண்டஸ்ட்ரீஸ் நிறுவனம் நேற்று தனது 2018-19ம் நிதியாண்டுக்கான காலாண்டு முடிவுகளை வெளியிட்டது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

மார்ச் மாதத்துடன் முடிவடைந்த நான்காம் காலாண்டில் நிறுவனத்தின் வருவாய் ரூ. 1,38,659 கோடியாகவும், செலவினங்கள் 1,17,827 கோடி ரூபாயாகவும் இருந்தது. இயக்க லாபம் 20,832 கோடி ரூபாயாகவும் மற்றும் நிகர லாபம் ரூ. 10,362 கோடியாகவும் உள்ளது.

 

இதர வருமானம் என எடுத்து கொண்டால் நான்காம் காலாண்டில் சுமார் 3,215 கோடி ரூபாய் வந்துள்ளது. இது கடந்த மூன்று வருடங்களில் இருந்த அதிகபட்ச அளவாகும். வரிக்கு முந்தைய வருமானமாக 13,858 கோடி ரூபாய் என சொல்லப்பட்டுள்ளது.

 

கடந்த மார்ச் 2018ம் காலாண்டில் நிறுவனத்தின் வருவாய் 1,16,915 கோடி ரூபாயும், இதர வருமானம் 2,203 கோடி ரூபாயாகும். வரிக்கு முந்தைய வருமானம் ரூ. 13,254 கோடி மற்றும் நிகர லாபம் ரூ. 9,438 கோடி. தற்போதைய காலாண்டு முடிவுகளை இதற்கு முந்தைய காலாண்டுடன் ஒப்பிடும் போது, நிறுவனத்தின் வருவாய் 18.60 சதவீத வளர்ச்சியும், நிகர லாபம் 9.80 சதவீதமும் உயர்ந்துள்ளது.

 

ரிலையன்ஸ் இண்டஸ்ட்ரீஸ் நிறுவனத்தின் சந்தை மதிப்பு(Market Capitalization) சுமார் 8,78,519 கோடி ரூபாய். ரிலையன்ஸ் ஜியோவின் லாபம் 65 சதவீதம் உயர்ந்து நான்காம் காலாண்டில்(Fourth Quarterly results) 840 கோடி ரூபாயாக உள்ளது. இதற்கு முந்தைய வருடத்தின் சொல்லப்பட்ட காலாண்டில் ஜியோவின் நிகர லாபம்(Net Profit) 510 கோடி ரூபாய் என்பது கவனிக்கத்தக்கது.

 

சில்லறை வணிகத்தில் இதன் ஆண்டு வருவாய் 88 சதவீதம் அதிகரித்து ரூ. 1,30,566 கோடியாக இருந்தது. உலகளவில் மிகவும் குறுகிய காலத்தில் 30 கோடிக்கும்(300 Million Subscribers) மேற்பட்ட வாடிக்கையாளர்களை கொண்டிருக்கும் நிறுவனமாக ஜியோ இருந்து வருகிறது. இதன் வாடிக்கையாளர்களின் சராசரி மாத தரவு பயன்பாடு(Data usage) 10 ஜி.பி. க்கு மேலாக உள்ளது. இருப்பினும் ஒரு பயனருக்கான சராசரி வருவாய்(ARPU) கடந்த காலாண்டில் எதிர்பார்த்ததை விட சிறிது சரிந்துள்ளது.

 

கடந்த சில காலங்களாக முக்கிய நாடுகளில் ஏற்பட்ட பொருளாதார மந்த நிலை, ரிலையன்ஸ் நிறுவனத்தின் எண்ணெய் சுத்திகரிப்பு துறையில் சாதகமாக இல்லை. சில்லறை வணிகம்(Retail), தகவல் தொடர்பு போன்ற துறைகளில் ரிலையன்ஸ் இண்டஸ்ட்ரீஸ் வருவாயை ஈட்டிய போதிலும், எண்ணெய் சுத்திகரிப்பில் இதன் வருவாய் குறைந்துள்ளது.

நிறுவனத்தின் கடன் நிலுவை(Debt) ரூ. 2.80 லட்சம் கோடிக்கும் மேலாக இருப்பது கவனிக்கத்தக்கது. கடந்த நிதி ஆண்டில் இந்த நிறுவனத்தின் நிலுவையில் உள்ள கடன் தொகை 2.17 லட்சம் கோடியாகும்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

வர்த்தகத்தின் முதல் நாளில் 22 சதவீத ஏற்றம் – பாலிகேப் இந்தியா நிறுவனம்

Leave a comment

வர்த்தகத்தின் முதல் நாளில் 22 சதவீத ஏற்றம் – பாலிகேப் இந்தியா நிறுவனம்

22 % rise in the first day after the listing – Polycab India

 

கடந்த சில வருடங்களாக இந்திய பங்குச்சந்தையில் மூலதனத்தை திரட்டுவதற்கு பல நிறுவனங்கள் ஐ.பி.ஓ.(Initial Public Offer -IPO) க்கு விண்ணப்பிக்கின்றன. பின்பு அவை முதன்மை சந்தை மூலம் தங்களுக்கான மூலதனத்தை முதலீட்டாளர்களிடம் பெறுகின்றன. முதன்மை சந்தையில் பங்குகளை வாங்கிய சந்தாதாரர்கள் அல்லது முதலீட்டாளர்கள் வெளியேறும் வண்ணம், இரண்டாம் சந்தையில்(Secondary Market)  அவர்களுக்கான வாய்ப்பு உள்ளது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

மும்பையை தலைமையிடமாக கொண்டு ஆரம்பிக்கப்பட்ட நிறுவனம் பாலிகேப்(Polycab India), மின்கம்பிகள் மற்றும் கேபிள் போன்றவற்றை தயாரித்து விற்பனை செய்து வருகின்றன. எப்.எம்.இ.ஜி.(FMEG -Electrical Goods) துறையில் மின் விளக்குகள் மற்றும் விசிறிகள், சுவிட்சுகள், சோலார் பொருட்களையும் தயாரிப்பு மற்றும் விற்பனையும் செய்து வருகின்றன.

 

மின் கம்பிகள்(Wires & Cables) தயாரிப்பில் நாட்டின் மிகப்பெரிய நிறுவனமாக இருந்து வரும் பாலிகேப், சந்தையில் ரூ.1,345 கோடியை மூலதனமாக பெறுவதற்கு விண்ணப்பித்திருந்தது. இந்த மூலதனம் நிறுவனத்தின் கடன் மற்றும் செயல்பாட்டு மூலதன செலவினங்களுக்கு என நிறுவனம் சார்பில் தெரிவிக்கப்பட்டிருந்தது. முதன்மை சந்தையில் 533 – 538 ரூபாய் என்ற அளவில் 2.5 கோடி பங்குகளை வெளியிட்ட இந்நிறுவனத்திற்கு விண்ணப்பித்த சந்தாதாரர்களின் எண்ணிக்கை 52 மடங்காகும்.

 

பாலிகேப் நிறுவனத்திற்கு 24 நகரங்களில் உற்பத்தி ஆலைகளும், இதன் தயாரிப்பு பொருட்கள் 40க்கும் மேற்பட்ட நாடுகளுக்கு ஏற்றுமதி செய்யப்பட்டு வருகிறது. இருப்பினும், இதன் மொத்த வருவாயில் ஏற்றுமதியின் பங்களிப்பு 3.5 சதவீதம் என்பது கவனிக்கத்தக்கது.

 

முதன்மை சந்தையில் வெற்றிகரமாக தனது மூலதனத்தை பெற்ற இந்நிறுவனம் நேற்று(16-04-2019) மும்பை(BSE) மற்றும் தேசிய பங்குச்சந்தையில்(NSE) பட்டியலிடப்பட்டது. முதன்மை சந்தையில் ரூ. 538 என்ற விலையில் முடிந்திருந்த இந்நிறுவன பங்கு, நேற்று இரண்டாம் சந்தையின் துவக்கத்திலேயே 633 ரூபாய் என்ற அளவில் வர்த்தகமாகியது. ஒரே நாளில்  அதிகபட்சமாக 677 ரூபாய் வரை சென்ற இந்த பங்கு, சந்தையின் முடிவில் பங்கு ஒன்றுக்கு ரூ. 655 என்ற விலையில் இரு சந்தைகளிலும் முடிவடைந்தது. இது 22 சதவீத ஏற்றமாகும்.

 

தேசிய சந்தையில் பாலிகேப் நிறுவனத்தில் நேற்று வர்த்தகமாகிய மொத்த பங்குகளின் எண்ணிக்கை சுமார் 2.30 கோடி பங்குகளாகும். பாலிகேப் நிறுவனத்திற்கு தொழில் வாய்ப்புகள் மற்றும் நிதிநிலை அறிக்கைகள் திருப்திகரமாக உள்ளதாகவும், அதனை சார்ந்து சில பங்குச்சந்தை நிபுணர்கள் இந்நிறுவன பங்கிற்கு குறுகிய கால இலக்கு விலைகளை கூறியுள்ளனர். சந்தையில் இந்த நிறுவனத்திற்கு போட்டியாளர்களாக கேவல்ஸ் இந்தியா(Havells India), பினோலெக்ஸ் கேபிள்ஸ்(Finolex), கெய்(KEI Industries) ஆகிய நிறுவனங்கள் உள்ளன.

 

ஐ.பி.ஓ. விண்ணப்பம் முடிந்து இரண்டாம் சந்தைக்கு வந்தவுடன் ஒரு நிறுவனத்தில் உடனடியாக முதலீடு செய்ய வேண்டிய அவசியமில்லை. அந்த நிறுவனத்தின் முதல் காலாண்டு முடிவு வெளியீடு மற்றும் அதனை சார்ந்து சந்தை செயல்படும் தன்மையை உன்னிப்பாக ஆராய்ந்தவுடன் இது போன்ற பங்குகளில் முதலீட்டை மேற்கொள்வது நீண்ட கால முதலீட்டாளரின் சாராம்சமாகும்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

 

Paisa News

நான்காம் காலாண்டு முடிவுகள் – ரூ. 4,074 கோடியை லாபமாக ஈட்டிய இன்போசிஸ்

Leave a comment

நான்காம் காலாண்டு முடிவுகள் – ரூ. 4,074 கோடியை லாபமாக ஈட்டிய இன்போசிஸ்

Infosys gains profit of Rs. 4,074 Crore in the Fourth Quarter – FY19

 

2018-19ம் நிதியாண்டின் நான்காம் காலாண்டில் இன்போசிஸ் நிறுவனம் 4,074 கோடி ரூபாயை நிகர லாபமாக ஈட்டியுள்ளது. சொல்லப்பட்ட காலத்தில் இதன் வருவாய் 21,539 கோடி ரூபாயாகவும், இயக்க லாபம்(Operating Profit) ரூ. 5,149 கோடியாகவும் இருந்துள்ளது. இதர வருமானம் நான்காம் காலாண்டில் 665 கோடி ரூபாயாக இருக்கிறது.
//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

வரிக்கு முந்தைய லாபம்(PBT) 5,283 கோடி ரூபாய் ஆகும். கடந்த மார்ச் 2017-18ம் காலத்தில்(Quarterly Results) நிறுவனத்தின் வருவாய் 18,083 கோடி ரூபாயும், நிகர லாபம் ரூ. 3,690 கோடியாகும். இதனை ஒப்பிடுகையில் தற்போதைய வருவாய் 19 சதவீத வளர்ச்சியை (YoY) பெற்றுள்ளது.

 

2018-19ம் நிதியாண்டின் முடிவில் இன்போசிஸ் நிறுவனத்தின் கையிருப்பு 62,778 கோடி ரூபாயாக இருப்பது குறிப்பிடத்தக்கது. பொதுவாக நிறுவனத்தின் கையிருப்பு தொகை எவ்வளவு என்பதை, ஆண்டு இருப்பு நிலை அறிக்கையை(Balance Sheet) பார்த்து தெரிந்து கொள்ளலாம்.

 

மூன்றாம் காலாண்டில் நிறுவனத்தின் வருவாய் 21,400 கோடியாகவும், நிகர லாபம் ரூ. 3,609 கோடியாகவும் இருந்துள்ளது. இதனை ஒப்பிடுகையிலும், தற்போது வெளியிடப்பட்ட நிகர லாபம் 13 சதவீத வளர்ச்சியை கொண்டிருக்கிறது.

 

நான்காம் காலாண்டில் நிறுவனத்தின் செலவின விகிதம் ரூ. 16,390 கோடியாகவும், இது மூன்றாம் காலாண்டு செலவினத்தை காட்டிலும் சற்று குறைவாக இருக்கிறது. பணத்திற்கு சமமாக(Cash Equivalents) நிறுவனத்திற்கு 2018-19ம் நிதி ஆண்டில் 19,568 கோடி ரூபாய் உள்ளது.

 

கடந்த ஐந்து ஆண்டு காலத்தில் ஆராயும் போது, இன்போசிஸ்(Infosys) நிறுவனத்தின் வருவாய் மற்றும் லாப விகிதங்கள் பத்து சதவீதத்திற்கு மேலான வளர்ச்சியை பெற்றுள்ளன. அதே வேளையில், கடந்த மூன்று ஆண்டு காலத்தில் நிறுவனத்தின் விற்பனை (வருவாய்) அளவு வளர்ச்சி குறைந்து வருகிறது.

 

பங்கு மூலதனத்தின் மூலமான வருவாய்(ROCE & ROE) ஆண்டுக்கு சராசரியாக 20 சதவீதத்திற்கு மேல் உள்ளது. இது நீண்ட கால முதலீட்டாளர்களுக்கு நல்ல வருமானம் கொடுத்துள்ளதை காட்டுகிறது.

 

வாழ்க  வளமுடன்,

 

நன்றி, வர்த்தக மதுரை

www.varthagamadurai.com

 

Paisa News

டி.சி.எஸ். நிறுவனத்தின் நான்காம் காலாண்டு நிகர லாபம் ரூ. 8126 கோடி

Leave a comment

டி.சி.எஸ். நிறுவனத்தின் நான்காம் காலாண்டு நிகர லாபம் ரூ. 8126 கோடி

Net profit rose to Rs. 8126 Crore in the Q4FY19 – TCS

 

சந்தையில் பட்டியலிடப்பட்ட நிறுவனங்களின் காலாண்டு முடிவுகள் வந்து கொண்டிருக்கும் மாதமிது. கடந்த 2018-19ம் நிதியாண்டின் மூன்றாம் காலாண்டில் பெரும்பாலான நிறுவனங்களின் லாப வளர்ச்சி சராசரியை ஒட்டியே அமைந்தது. ஆனால் இம்முறை நான்காம் காலாண்டு முடிவுகள் சந்தையில் பெரும் எதிர்பார்ப்பை கொண்டுள்ளது.
//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

தேர்தல் களம் மற்றும் அடுத்த மாதம் மத்தியில் புதிய அரசு பதவியேற்கும் என்ற நிலையில் நிறுவனங்களின் காலாண்டு முடிவுகளும் சந்தையில் தற்போது சலசலப்பை ஏற்படுத்தும். நேற்று (12-04-2019) இந்திய ஐ.டி. துறையில் மாபெரும் நிறுவனமாக விளங்கும் டாட்டா கன்சல்டன்சி(Tata Consultancy Services) மற்றும் இன்போசிஸ்(Infosys) நிறுவனங்கள் தங்கள் நான்காம் காலாண்டு முடிவுகளை வெளியிட்டது.

 

2018-19ம் நிதி வருடத்தில் டி.சி.எஸ்.(TCS) நிறுவனத்தின் நான்காம் காலாண்டு நிகர லாபம்(Net Profit) ரூ. 8126 கோடியாகவும், இந்த காலத்தில் வருவாய் 38,010 கோடி ரூபாயாகவும் இருந்துள்ளதாக நிறுவனம் குறிப்பிட்டுள்ளது. இதற்கு முந்தைய 2017-18ம் நிதியாண்டின் நான்காம் காலாண்டில் நிறுவனத்தின் லாபம் 6,904 கோடி ரூபாயாகவும், வருவாய் ரூ. 32,075 கோடியாகவும் இருந்துள்ளது கவனிக்கத்தக்கது.

 

இயக்க லாப வரம்பு(Operating Profit Margin- OPM) கடந்த பத்து காலாண்டுகளில் 25 முதல் 28 சதவீதம் என்ற தொடர் வளர்ச்சியில் இருக்கிறது. கடந்த இரு நிதி ஆண்டுகளின் நான்காம் காலாண்டுடன் ஒப்பிடுகையில் நிகர லாபம் 17.70 சதவீத வளர்ச்சியையும், வருவாய் 18.50 சதவீத வளர்ச்சியையும் கொண்டுள்ளது. நடந்து முடிந்த நான்காம் காலாண்டில் நிறுவனம் 6,356 புதிய பணியாளர்களை சேர்த்துள்ளது.

 

இரட்டை இலக்க வளர்ச்சி, வர்த்தகத்தில் உயர்தரம் மற்றும் சிறந்த நிர்வாக திறன் ஆகியவற்றால் தற்போதைய வளர்ச்சி சாத்தியம் அடைந்ததாகவும், கடந்த 15 காலாண்டுகளில் சென்ற நான்காம் காலாண்டு வளர்ச்சி தான் சிறந்ததாக இருந்ததாகவும் நிறுவனத்தின் சார்பில் தெரிவிக்கப்பட்டுள்ளது. பங்கு ஒன்றுக்கு ஈவுத்தொகை(Dividend per Share) 18 ரூபாய் அளிப்பதாகவும் நிறுவனம் கூறியுள்ளது.

 

இது போல இன்போசிஸ் நிறுவனம் தனது காலாண்டு முடிவில்(Quarterly Results), நிறுவன வருவாய்(Revenue) 21,539 கோடி ரூபாய் மற்றும் நிகர லாபம் 4,078 கோடி ரூபாய் என வெளியிட்டுள்ளது. இதனை அடுத்து வரும் பதிவில் நாம் அலசலாம்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

2018-19ம் நிதியாண்டில் 29.4 கோடி டாலர் நஷ்டத்தை சந்தித்துள்ளது ஜோமாடோ

Leave a comment

2018-19ம் நிதியாண்டில் 29.4 கோடி டாலர் நஷ்டத்தை சந்தித்துள்ளது ஜோமாடோ  

Zomato had a loss of 29.4 Crore Dollar in the 2018-19 Fiscal year

மாதத்திற்கு சராசரியாக 19 கோடி உணவு பயனாளர்களை கொண்டுள்ள உணவு விநியோக சேவை நிறுவனம் ஜோமாடோ(Zomato). 2008ம் ஆண்டு துவங்கப்பட்ட இந்த நிறுவனம் இன்று தனது சேவையை 24 நாடுகளிலும், 4000க்கும் அதிகமான பணியாளர்களை கொண்டிருக்கிறது. சீனாவின் அலிபாபா நிறுவனம் ஜோமாடோவில் 10 சதவீத பங்கு அளவில் முதலீடு செய்துள்ளது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

வெளிநாட்டு நிறுவனங்களான உபேர் ஈட்ஸ்(Uber Eats) மற்றும் ஸ்விக்கி(Swiggy) நிறுவனங்களுடன் உணவு விநியோக சேவையில் போட்டிபோட்டு கொண்டு வெற்றிகரமாக வலம் வரும் இந்திய நிறுவனம் தான் ஜோமாடோ. உலகளவில் இதுவரை 12 நிறுவனங்களை கையகப்படுத்தியுள்ளது ஜோமாடோ. உணவகங்களை இணையத்தில் தேடுவது, உணவுகளை ஆன்லைனில் ஆர்டர் செய்வது, நிர்வாகங்களுக்கு தேவையான உணவு சார்ந்த சேவையினை அளித்தல் மற்றும் மற்ற உணவு விற்பனைகளை(Food Delivery Business) செய்து வருகிறது  இந்த நிறுவனம்.

 

நேற்று (05-04-2019) தனது 2018-19ம் நிதியாண்டுக்கான ஆண்டு நிதி அறிக்கையை (Annual Report) வெளியிட்டது, 29.4 கோடி டாலர் நஷ்டத்தை சந்தித்துள்ளதாக நிறுவனம் சார்பில் .தெரிவிக்கப்பட்டுள்ளது. நிறுவனத்தின் வருவாய் 2018-19ம் நிதியாண்டில் 20.6 கோடி அமெரிக்க டாலர்களாக உள்ளது. இது கடந்த 2017-18ம் நிதி வருட வருவாயை காட்டிலும் மூன்று மடங்கு கூடுதலாகும். 2017-18ம் நிதியாண்டில் ஜோமாடோ நிறுவனத்தின் வருவாய் 6.8 கோடி அமெரிக்க டாலர்களாகும்.

 

இந்திய பிராந்தியத்தில் ஏற்பட்ட செலவின விகிதங்கள் அதிகமானதாகவும், இதன் தொடர்ச்சியாக நிறுவனம் 29.4 கோடி டாலர் நஷ்டத்தை அடைந்ததாக கூறப்பட்டுள்ளது. இருப்பினும், ஏற்கனவே செய்யப்பட்ட முதலீடுகள் வரும் நிதியாண்டில் குறிப்பிடத்தக்க வருவாயை அளிக்கும் என நிறுவனம் சார்பில் தெரிவிக்கப்பட்டுள்ளது.

 

உணவு விநியோக சேவையில்(Delivery Service) 15.5 கோடி டாலர்களும், உணவகங்களுடன் சேர்ந்து உணவளிக்கும் வகையில்(Dining out) 4.9 கோடி டாலர்களும், சுகாதாரமான உணவளிக்கும் பிரிவில்(Sustainability) 20 லட்சம் டாலர்களையும் 2018-19ம் நிதி வருடத்தில் வருவாயாக ஈட்டியுள்ளது. ‘Feeding India’ என்ற பெயரில் 8500க்கும் மேற்பட்ட தன்னார்வலர்களை கொண்டு, உணவில்லாதவர்களுக்கு 2 கோடி உணவு பொட்டலங்களை வழங்கியுள்ளது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

Paisa News

ரெப்போ வட்டி விகிதம் 6 சதவீதமாக குறைப்பு – பாரத ரிசர்வ் வங்கி

Leave a comment

ரெப்போ வட்டி விகிதம் 6 சதவீதமாக குறைப்பு – பாரத ரிசர்வ் வங்கி

REPO Rate reduced to 6 percent by 0.25 bps cut – RBI

 

மத்திய நிதி கொள்கை குழு கூட்டம் மூன்று நாட்களாக நடந்திருந்த நிலையில் நேற்றுடன் முடிவடைந்தது. கடைசி நாளான நேற்று(04-04-2019) நிதி கொள்கை குழு சார்பில் அறிவிக்கப்பட்ட வட்டி விகித மாற்றத்தில் வங்கிகளுக்கான ரெப்போ வட்டி(Repo Rate) விகிதம் 0.25 புள்ளிகள் குறைக்கப்பட்டு 6 சதவீதமானது. நடப்பு 2019ம் வருடத்தில் இரண்டாவது முறையாக பாரத ரிசர்வ் வங்கி வட்டி விகிதத்தை குறைத்துள்ளது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

ஆறு நபர்கள் கொண்ட நிதி கொள்கை குழுவில்(Monetary Policy Committee) நான்கு பேர் மட்டுமே வட்டி விகித குறைப்புக்கு ஆதரவு தெரிவித்துள்ளனர் என்பது கவனிக்கத்தக்கது. தற்போதைய ரெப்போ வட்டி விகித குறைப்பு, வங்கிகள் தங்கள் வாடிக்கையாளர்களுக்கு அளிக்கும் வட்டி விகிதத்திலும் குறைக்கப்பட வேண்டும்.

 

ரிவெர்ஸ் ரெப்போ(Reverse Repo) விகிதம் 5.75 சதவீதமாகவும், வங்கி விகிதம்(Bank Rate) 6.25 சதவீதமாகவும் நிர்ணயிக்கப்பட்டுள்ளது. சி.ஆர்.ஆர்.(CRR) விகிதம் 4 சதவீதத்திலும், எஸ்.எல்.ஆர்.(SLR) விகிதம் 19.25 சதவீதத்தில் இருக்கும் என சொல்லப்பட்டுள்ளது. கடந்த ஐந்து வருட காலத்தில் வங்கிகளின் வீட்டுக்கடனுக்கான வட்டி விகிதம் பத்து சதவீதத்திலிருந்து 8.7 சதவீதம் வரை குறைக்கப்பட்டுள்ளது. அதே வேளையில் வங்கி வைப்பு நிதிக்கான(Fixed Deposit) வட்டி விகிதம் 9 சதவீதத்திலிருந்து 6.7 சதவீதம் வரை குறைந்துள்ளது குறிப்பிடத்தக்கது.

 

What is Bank Repo Rate ?

 

நடப்பு நிதியாண்டில் நாட்டின் மொத்த உள்நாட்டு உற்பத்தி(GDP) வளர்ச்சி 7.2 சதவீதமாக இருக்கும் எனவும், இது முதல் அரையாண்டில் 6.8 – 7.1 சதவீதம் என்ற அளவிலும், இரண்டாம் அரையாண்டில் 7.3 – 7.4 என்ற சதவீதத்திற்குள் இருக்கும் எனவும் மதிப்பிடப்பட்டுள்ளது. 2019-20ம் நிதி வருடத்தின் முதல் அரையாண்டில் நாட்டின் பணவீக்கம்(Inflation Rate) 3 சதவீதத்திற்குள் இருக்கும் எனவும், இரண்டாம் அரையாண்டில் 3.5 சதவீதத்திலிருந்து 3.8 சதவீதம் வரை இருக்கலாம் என பாரத ரிசர்வ் வங்கி கூறியுள்ளது.

 

சொல்லப்பட்ட பொருளாதார வளர்ச்சி மற்றும் பணவீக்க மதிப்பீடு, முன்னர் சொல்லியிருந்த மதிப்பீட்டை விட குறைவாகும். நகர்ப்புறம் மற்றும் கிராமப்புறங்களில் முதலீட்டு நடவடிக்கைகளில் மந்த நிலை காணப்படுவதால் கடந்த 2018-19ம் நிதியாண்டில் உள்நாட்டு உற்பத்தி வளர்ச்சி குறைவாக இருந்திருக்கும் என பாரத ரிசர்வ் வங்கி(Reserve Bank of India) தெரிவித்துள்ளது.

 

பொதுவாக வங்கிகளின் வட்டி விகிதம் குறையும் போது, 10 வருட கால அரசு  பத்திரங்களின்(Bond yield) வட்டி அதிகரிக்கும். அதே போல வங்கிகளில் வட்டி விகிதம்(Interest Rate) அதிகரிக்கப்படும் நிலையில், பத்திரங்களின் வட்டி விகிதம்  குறைவாகவே காணப்படும். இதனை சார்ந்து முதலீட்டாளர்களின் முதலீட்டு சாதனமும் மாறுபடும்.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com