Tag Archives: tata consultancy services

டி.சி.எஸ். நிறுவனத்தின் காலாண்டு நிகர லாபம் ரூ. 8,131 கோடி

டி.சி.எஸ். நிறுவனத்தின் காலாண்டு நிகர லாபம் ரூ. 8,131 கோடி 

TCS Net profit rises to Rs. 8,131 Crore – Q1FY20

இந்தியாவின் மிகப்பெரிய மற்றும் ஐ.டி. துறையில் முதன்மை இடத்தில் அங்கம் வகிக்கும் டாட்டா கன்சல்டன்சி சர்வீசஸ்(Tata Consultancy Services) நிறுவனத்தின் 2019-20ம் நிதியாண்டின் முதலாம் காலாண்டு முடிவுகள் நேற்று வெளிவந்தது. ஜூன் மாத காலாண்டில் நிறுவனத்தின் வருவாய் ரூ. 38,172 கோடியாகவும், நிகர லாபம் 8,131 கோடி ரூபாயாகவும் சொல்லப்பட்டுள்ளது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

முதலாம் காலாண்டில் வரிக்கு முந்தைய லாபம்(PBT) 10,638 கோடி ரூபாயாக உள்ளது. தற்போது வெளிவந்த நிறுவனத்தின் நிகர லாபத்தை கடந்த வருடம் ஜூன் மாத காலாண்டுடன் ஒப்பிடும் போது 10.8 சதவீத வளர்ச்சியை கண்டுள்ளது. அதே வேளையில் வருவாய் வளர்ச்சியும் 11.42 சதவீத வளர்ச்சியை எட்டியுள்ளது.

 

இதர வருமானமாக ரூ. 1,675 கோடி ரூபாய் மற்றும் தேய்மானமாக 817 கோடி ரூபாய் சொல்லப்பட்டுள்ளது. லைப் சயின்ஸ்(Life Science) மற்றும் சுகாதார துறை இரண்டும் 18 சதவீத வருவாய் வளர்ச்சியை கொண்டுள்ளது. மற்ற அனைத்தும் இம்முறை ஒற்றை இலக்க வளர்ச்சியை மட்டுமே கண்டுள்ளது.

 

டாலர் மூலமான(Currency terms) வருவாயிலும் டி.சி.எஸ். நிறுவனம் எதிர்பார்த்த அளவை முதலாம் காலாண்டில் பெறவில்லை. கடந்த ஜூன் காலாண்டில் சில்லரை மற்றும் நுகர்வோர் தொகுக்கப்பட்ட பொருட்களில் 10 சதவீத வளர்ச்சியை கண்டிருந்த நிலையில், இம்முறை 8 சதவீத வளர்ச்சியை மட்டுமே பெற்றுள்ளது.

 

வங்கி நிதி சேவை மற்றும் காப்பீடு(BFSI) துறையில் நிறுவனம் குறிப்பிடத்தக்க வளர்ச்சியை எட்டவில்லை. இந்த துறையில் கடந்த ஜூன் காலாண்டில் 11.6 சதவீதத்தை பெற்றிருந்த நிலையில், இம்முறை 9 சதவீத வளர்ச்சியை மட்டுமே கண்டுள்ளது. இருப்பினும் இரண்டாம் காலாண்டில் எதிர்பார்த்த வளர்ச்சியை பெறுவோம் என நிறுவனத்தின் சார்பில் சொல்லப்பட்டுள்ளது.

 

நிறுவனத்தில் நிறுவனர்களின் பங்களிப்பு(Promters Holding) 72 சதவீதமாகவும், பங்கு அடமானம்(Pledging) சுமார் 3 சதவீதமாகவும் உள்ளது. சமீபத்திய பட்ஜெட் அறிவிப்பில் நிறுவனர்கள் தங்களது பங்களிப்பை 65 சதவீதமாக குறைத்து கொள்ள வேண்டுமென சொல்லப்பட்டது. இதன் தாக்கம் வரும் நாட்களில் டி.சி.எஸ். நிறுவன பங்கின் விலையில் ஏற்படலாம்.

 

டி.சி.எஸ். நிறுவனத்தின் சந்தை மதிப்பு 8 லட்சம் கோடி ரூபாயாகவும், 5 வருட சராசரி விற்பனை மற்றும் லாப வளர்ச்சி 12 மற்றும் 10 சதவீதம் முறையே காணப்படுகிறது. வரும் வெள்ளிக்கிழமை (12-07-2019) மற்றொரு பெரிய ஐ.டி. நிறுவனமான இன்போசிஸ் காலாண்டு முடிவுகள் வெளிவர இருக்கிறது.

 

வாழ்க வளமுடன்,

 

நன்றி, வர்த்தக மதுரை 

 

www.varthagamadurai.com

 

 

 

TCS பங்குதாரர்களுக்கு ஒன்றுக்கு ஒன்று போனஸ் பங்கு சலுகை

TCS பங்குதாரர்களுக்கு ஒன்றுக்கு ஒன்று போனஸ் பங்கு சலுகை

1:1 Bonus issue for TCS Shareholders approved by Board

 

இந்தியாவின் மிகப்பெரிய மென்பொருள் நிறுவனமாக திகழும் டாடா கன்சல்டன்ஸி சர்வீசஸ் (TCS – Tata Consultancy Services) தனது 2017 ம் நிதி வருடத்திற்கான நான்காம் காலாண்டு முடிவுகளை இன்று (19-04-2018) வெளியிட்டது. கடந்த ஜனவரி-மார்ச் காலத்தில் நிறுவனம் லாபமாக ரூ. 6904 கோடியை சம்பாதித்துள்ளது.

 

TCS நிறுவனம் அதன் முந்தைய காலத்தில் (Oct-Dec’ 2017) ஈட்டிய லாபம் ரூ. 6620 கோடியாகும். இதனை ஒப்பிடும் போது, தற்போதைய முடிவுகளின் லாபம் 4.50 % வளர்ச்சியாகும். நிறுவனத்தின் மொத்த வருமானம் நான்காம் காலாண்டில் ரூ. 32,075 கோடியாகவும், இது ஆண்டுக்கு(கடந்த வருட காலாண்டு)  8.2 % வளர்ச்சியாகவும் உள்ளது.

 

அக்டோபர்-டிசம்பர் மாத காலத்தில் நிறுவனத்தின் விற்பனை வளர்ச்சி 3.93 % இருந்ததாகவும், ஜூலை-செப்டம்பர் மாத காலத்தில் இது 4.29 % இருந்ததாக குறிப்பிட்டுள்ளது.

 

லாபத்தின் பங்காக நிறுவனத்தின் இயக்குனர் குழுவில் எடுக்கப்பட்ட முடிவு: ஒரு பங்குக்கு ரூ. 29 /- (Final Dividend) ஈவுத்தொகையாக அறிவித்துள்ளது. அது மட்டுமல்லாமல் TCS பங்குதாரர்களுக்கு ஒன்றுக்கு ஒன்று போனஸ் பங்கு சலுகையும்(Bonus Issue Ratio 1:1) சொல்லப்பட்டுள்ளது.

( Read this post after the advertisement… )

 

//pagead2.googlesyndication.com/pagead/js/adsbygoogle.js


(adsbygoogle = window.adsbygoogle || []).push({});

 

டிஜிட்டல் தொழில்நுட்பத்தில் நிலவிய தேவைகள் மற்றும் நிறுவனத்தின் ஒப்பந்த பரிமாற்றத்தில் ஏற்பட்ட வெற்றிகள் போன்றவை நான்காவது காலாண்டு முடிவை ஒரு சிறப்பானதாக மாற்றியது எனவும் நிறுவனம் சார்பில் கூறப்பட்டுள்ளது.

 

காலாண்டு முடிவுகள் நேர்மறையாக இருந்ததை தொடர்ந்து இன்றைய பங்கு சந்தையில் TCS நிறுவனத்தின் பங்கு 1 % ஏற்றத்தில் முடிவடைந்தது. TCS நிறுவனம் 1968 ம் ஆண்டு ஆரம்பிக்கப்பட்டு, இன்று சுமார் 1800 கோடி அமெரிக்க டாலர் அளவிலான சொத்துக்களை நிர்வகிக்கிறது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com