Tag Archives: balance of trade

நாட்டின் வர்த்தக பற்றாக்குறை 11.01 பில்லியன் அமெரிக்க டாலர்களாக அதிகரிப்பு

நாட்டின் வர்த்தக பற்றாக்குறை 11.01 பில்லியன் அமெரிக்க டாலர்களாக அதிகரிப்பு

India’s Balance of Trade (Trade Deficit) to USD 11.01 Billion in October 2019

நாட்டின் வர்த்தக பற்றாக்குறை கடந்த அக்டோபர் மாதத்தின் முடிவில் 11.01 பில்லியன் அமெரிக்க டாலர்களாக அதிகரித்துள்ளது. இது கடந்த செப்டம்பர் மாதத்தில் 10.86 பில்லியன் அமெரிக்க டாலர்களாக இருந்தது குறிப்பிடத்தக்கது. 2018ம் ஆண்டின் அக்டோபர் காலத்தில் வர்த்தக பற்றாக்குறை 18 பில்லியன் அமெரிக்க டாலர்களாக இருந்துள்ளது.

தற்போது சொல்லப்பட்ட வர்த்தக பற்றாக்குறை(Trade Deficit) சந்தை எதிர்பார்த்த 12.05 பில்லியன் அமெரிக்க டாலர்கள் என்பதனை விட குறைவாக தான் உள்ளது. பெட்ரோலியம் மற்றும் கச்சா எண்ணெய் இறக்குமதி அளவு குறைந்ததை அடுத்து நாட்டின் அக்டோபர் மாத இறக்குமதி விகிதம் 16 சதவீதம் வீழ்ச்சியடைந்துள்ளது.

கச்சா எண்ணெய் மற்றும் அதனை சார்ந்த பொருட்களின் இறக்குமதி அளவு 31 சதவீத வீழ்ச்சியும், மின்னணு பொருட்கள் மற்றும் போக்குவரத்து உபகரணங்கள் முறையே 8.5 சதவீதம் மற்றும் 14.70 சதவீதம் சரிவை சந்தித்துள்ளது. தங்கத்தின் இறக்குமதி அக்டோபர் மாதத்தில் 4.7 சதவீதம் அதிகரித்துள்ளது.

ஏற்றுமதியை பொறுத்தவரையில் அக்டோபர் மாத முடிவில் ஒரு சதவீதம் வரை வீழ்ச்சியை சந்தித்துள்ளது. பெட்ரோலிய பொருட்களின் ஏற்றுமதி 14.60 சதவீதம் மற்றும் பிளாஸ்டிக் பொருட்கள் 11 சதவீதமும் சரிவை கண்டுள்ளது. இது போல ஜவுளி மற்றும் பருத்தி வகை பொருட்களின் ஏற்றுமதியும் குறைந்துள்ளது.

மருந்துகள் மற்றும் மின்னணு பொருட்களும் ஏற்றுமதியில் பெருமளவிலான சரிவை சந்தித்துள்ளது. நாட்டின் தேவை பெரும்பாலும் இறக்குமதியை சார்ந்தே உள்ளதால் வர்த்தக பற்றாக்குறையில் மாற்றம் ஏற்பட்டு வருகிறது.

இந்தியாவின் பெரும்பாலான வர்த்தக பற்றாக்குறை சீனா, சுவிஸ், சவூதி அரேபியா, ஈராக் மற்றும் இந்தோனேஷியா போன்ற நாடுகளுடன் தான் ஏற்பட்டுள்ளது. நாட்டின் இறக்குமதியில் அதிக இடத்தை தக்க வைத்திருப்பது கனிம எரிபொருட்கள்(Mineral Fuels), எண்ணெய் வகைகள், முத்துக்கள் மற்றும் நகைகள் ஆகியவை ஆகும்.

நாட்டின் அதிகபட்ச பற்றாக்குறையாக கடந்த 2012ம் ஆண்டு அக்டோபர் மாதத்தில் சுமார் 20,210 மில்லியன் அமெரிக்க டாலர்களாக இருந்துள்ளது. வர்த்தக உபரியாக(Trade Surplus) கடந்த 1977ம் ஆண்டின் மார்ச் மாதத்தில் 258 மில்லியன் அமெரிக்க டாலர்களாக இருந்தது.

வாழ்க வளமுடன்,

நன்றி, வர்த்தக மதுரை 

www.varthagamadurai.com

நாட்டின் செப்டம்பர் மாத ஏற்றுமதி 6.5 சதவீத வீழ்ச்சி

நாட்டின் செப்டம்பர் மாத ஏற்றுமதி 6.5 சதவீத வீழ்ச்சி 

India’s Exports fell to 6.5 Percent in September 2019

கடந்த செப்டம்பர் மாதத்தில் நாட்டின் வர்த்தக பற்றாக்குறை 10.86 பில்லியன் அமெரிக்க டாலர்களாக இருந்துள்ளது. இது சந்தை எதிர்பார்த்த 12.85 பில்லியன் அமெரிக்க டாலர்கள் என்ற அளவை விட குறைவாக உள்ளது. இதற்கு முந்தைய ஆண்டின் இதே காலத்தில் நாட்டின் வர்த்தக பற்றாக்குறை(Trade Deficit) 14.95 பில்லியன் அமெரிக்க டாலர்களாக இருந்தது குறிப்பிடத்தக்கது.

இந்திய நாட்டின் ஏற்றுமதி(Exports) செப்டம்பர் மாதத்தில் 6.57 சதவீதம் குறைந்து 26.03 பில்லியன் அமெரிக்க டாலர்களாக உள்ளது. இந்த வீழ்ச்சிக்கு முக்கிய காரணமாக சொல்லப்படுவது, நகைகள் மற்றும் கற்கள், பொறியியல் பொருட்கள்(Engineering Goods) மற்றும் எரிபொருட்கள் ஆகியவற்றில் காணப்பட்ட ஏற்றுமதி குறைவே ஆகும்.

நகைகள் மற்றும் கற்கள் 5.56 சதவீத வீழ்ச்சியும், பொறியியல் பொருட்கள் 6 சதவீதமும் மற்றும் எரிபொருட்களின் ஏற்றுமதி 18.6 சதவீதமும் வீழ்ச்சியை சந்தித்துள்ளன. அதே நேரத்தில், மின்னணு பொருட்கள்(Electronic Goods) 33 சதவீதமும், மசாலா பொருட்கள் 28.44 சதவீதமும், மைக்கா, நிலக்கரி, தாதுக்கள் மற்றும் பிற பொருட்கள் 16.7 சதவீதமும் வளர்ச்சியை கண்டுள்ளது.

//pagead2.googlesyndication.com/pagead/js/adsbygoogle.js



(adsbygoogle = window.adsbygoogle || []).push({});

இதே போல, மட்பாண்டங்கள் மற்றும் கண்ணாடி பொருட்களின் ஏற்றுமதி அளவும் 11 சதவீத வளர்ச்சியை பெற்றுள்ளன. இறக்குமதியில் 13.85 சதவீதம் குறைந்து 36.89 பில்லியன் அமெரிக்க டாலர்களாக உள்ளது. நிலக்கரி, கோக்(Coke), பெட்ரோலியம், கச்சா எண்ணெய் பொருட்கள், முத்துக்கள், விலைமதிப்பற்ற கற்கள், கரிம மற்றும் கனிம ரசாயனங்களின் இறக்குமதி அளவு குறைந்துள்ளது.

நடப்பு 2019-20ம் நிதியாண்டின் ஏப்ரல்-செப்டம்பர் வரையிலான காலத்தில் நாட்டின் வர்த்தக பற்றாக்குறை(Balance of Trade) 44.95 பில்லியன் அமெரிக்க டாலர்களாக இருக்கிறது. இது கடந்த 2018-219ம் நிதியாண்டின் இதே காலத்தில் 60.16 பில்லியன் அமெரிக்க டாலர்களாக இருந்தது கவனிக்கத்தக்கது.

நம் அண்டை நாடான சீனாவின் வர்த்தக உபரி(Trade Surplus) தொகை செப்டம்பர் மாதத்தில் 39.65 பில்லியன் அமெரிக்க டாலர்களாக உள்ளது. சீன நாட்டிற்கு வர்த்தக பற்றாக்குறை ஏதுமில்லை என்பதை நினைவில் கொள்ளவும். அங்கும் செப்டம்பர் மாத ஏற்றுமதி 3.2 சதவீதம் மற்றும் இறக்குமதி 8.5 சதவீதம் சரிவை சந்தித்துள்ளது.

பொதுவாக ஒரு நாட்டின் வளர்ச்சிக்கு அதன் ஏற்றுமதி அளவு அதிகமாகவும், இறக்குமதி செய்யும் அளவு குறைவாக இருப்பதும் அவசியமாகும். இருப்பினும், உள்நாட்டில் தேவை பூர்த்தி செய்யப்பட்ட பின்னரே ஏற்றுமதியில் கவனம் செலுத்துவது சிறந்தது. உள்நாட்டில் உற்பத்திக்கான வாய்ப்பு இருந்தும், ஒரு நாடு இறக்குமதி அளவை அதிகரிப்பது, அதன் வளர்ச்சிக்கு பாதகத்தை ஏற்படுத்தும். 

வாழ்க வளமுடன்,

நன்றி, வர்த்தக மதுரை 

www.varthagamadurai.com

கடந்த ஜனவரி மாதத்தில் நாட்டின் வர்த்தக பற்றாக்குறை 14.73 பில்லியன் டாலராக சரிந்தது

கடந்த ஜனவரி மாதத்தில் நாட்டின் வர்த்தக பற்றாக்குறை 14.73 பில்லியன் டாலராக சரிந்தது

India’s Trade deficit fell to USD 14.73 Billion in January 2019

 

நடப்பாண்டின் ஜனவரி மாதத்தில் நாட்டின் வர்த்தக பற்றாக்குறை 14.73 பில்லியன் அமெரிக்க டாலராக சரிந்தது. ஏற்றுமதி(Exports) 3.74 சதவீதம் அதிகரித்து 26.36 பில்லியன் டாலர்களாக உயர்ந்துள்ளன. ரசாயன விற்பனை(Chemicals), மருந்துகள்(Pharmaceuticals), ஆயுத்த ஆடைகள், நகைகள் மற்றும் பொறியியல் பொருட்களின் ஏற்றுமதி அளவு அதிகரித்ததால் இந்த 3.74 சதவீதம் சாத்தியமானது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

ஏற்றுமதியில் ரசாயன விற்பனை 15.56 சதவீதத்தையும், மருந்துகள் 15.2 சதவீதமும், ஆயுத்த ஆடைகள்(Ready made garments) 9.33 சதவீதத்தையும், கற்கள் மற்றும் நகைகள்(Gems & Jewellery) 6.67 சதவீதத்திலும் மற்றும் பொறியியல் பொருட்கள்(Engg goods) 1.07 சதவீதத்தையும் பங்களிப்பாக கொண்டிருந்தன. கடந்த மாதத்தில் இறக்குமதி(Imports) 41.09 பில்லியன் அமெரிக்க டாலர்களாக இருந்தது. இதன் காரணமாக நாட்டின் வர்த்தக பற்றாக்குறை 14.73 பில்லியன் டாலர்களாக குறைந்துள்ளது.

 

கடந்த 2018ம் வருடத்தில் சொல்லப்பட்ட இதே காலத்தில் நாட்டின் வர்த்தக பற்றாக்குறை (Trade Deficit) 15.67 பில்லியன் டாலராக இருந்தது குறிப்பிடத்தக்கது. இறக்குமதியில் தங்கத்தின் பங்கு 38 சதவீதம் உயர்ந்து 2.31 பில்லியன் அமெரிக்க டாலர்களாக முடிவடைந்தது. கடந்த ஜனவரி 2018ல் தங்கத்தின் இறக்குமதி பங்களிப்பு 1.8 பில்லியன் டாலர்களாகும்.

India Trade Deficit January 2019

நடப்பு நிதியாண்டின்(FY2019) முடிவடைந்த 10 மாதங்களில் வர்த்தக பற்றாக்குறை 155.93 பில்லியன் டாலர்களாக உள்ளது. இது கடந்த காலத்தில்(ஏப்ரல் 2017- ஜனவரி 2018) 136.25 பில்லியன் அமெரிக்க டாலராக இருந்தது. நடப்பு நிதி வருடத்தின் முதல் பத்து மாதங்களில் நாட்டின் ஏற்றுமதி 9.5 சதவீத வளர்ச்சியையும், இறக்குமதி 11 சதவீத வளர்ச்சியையும் கொண்டிருந்தது.

 

இறக்குமதியில் கடந்த டிசம்பர் 2018ம் காலத்தில் 2.44 சதவீதம் வீழ்ச்சி கண்டது. இது கடந்த 2016ம் ஆண்டு ஆகஸ்ட் மாதத்திற்கு பிறகு அடைந்த அதிகபட்ச சரிவாக குறிப்பிடப்பட்டுள்ளது. கடந்த மாதத்தில் உலோக தாதுக்கள், முத்து மற்றும் விலையுயர்ந்த கற்கள் மற்றும் போக்குவரத்து உபகரணங்களில் 20 சதவீதத்திற்கு மேல் சரிவை கண்டிருந்தாலும், தங்கத்தின் இறக்குமதி(Gold Imports) 38 சதவீதம் உயர்ந்துள்ளது.

 

1957ம் ஆண்டு முதல் ஜனவரி 2019ம் காலம் வரை, (Balance of Trade) நாட்டின் வர்த்தக சமநிலை (-2544.12) மில்லியன் டாலராக இருந்துள்ளது. உச்சபட்சமாக 1977ம் ஆண்டு மார்ச் மாதத்தில் 258.90 மில்லியன் அமெரிக்க டாலராகவும், குறைந்தபட்சமாக கடந்த 2012ம் வருடம் அக்டோபர் மாதத்தில் (-20210.90) மில்லியன் டாலராகவும் பதிவு செய்யப்பட்டுள்ளது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

ஜூன் மாதத்தில் நாட்டின் ஏற்றுமதி 17.57 சதவீதமாக உயர்வு

ஜூன் மாதத்தில் நாட்டின் ஏற்றுமதி 17.57 சதவீதமாக உயர்வு

India’s Export rose to 17.57 Percent – June 2018

 

ஜூன் மாதத்தில் இந்தியாவின் ஏற்றுமதி விகிதம் 17.57 சதவீதமாக உயர்ந்துள்ளது. இந்த உயர்வு இருந்த போதிலும் நாட்டின் வர்த்தக பற்றாக்குறை 16.6 பில்லியன் அமெரிக்க டாலராக அதிகரித்துள்ளது.

 

ஜூன் மாதத்தின் வர்த்தக பற்றாக்குறை (Balance of Trade) கடந்த ஐந்து வருட அதிகபட்ச உயர்வாக உள்ளது. இந்த பற்றாக்குறை உயர்வுக்கு கச்சா எண்ணெய் இறக்குமதி அதிகரித்ததே காரணமாகும். எண்ணெய் இறக்குமதி ஜூன் மாதத்தில் 57 சதவீதமாக அதிகரித்து 12.73 பில்லியன் டாலராக இருந்தது.

 

மே மாதத்தில் வர்த்தக பற்றாக்குறை 14.62 பில்லியன் டாலராக இருந்தது குறிப்பிடத்தக்கது. கடந்த மாதத்தின் ஏற்றுமதி 27.7 பில்லியன் டாலராக (ஒரு வருடத்தில்) இருந்துள்ளது. இறக்குமதி 21 சதவீதம் அதிகரித்து 44.3 பில்லியன் டாலராக உள்ளது.

 

தங்கம் இறக்குமதி (Gold Import) கடந்த வருடத்துடன் ஒப்பிடும் போது, 2.8 சதவீதம் குறைந்து ஜூன் மாதத்தில் 2.39 பில்லியன் டாலராக உள்ளது. ஜூன் மாத சில்லரை பணவீக்கம் 5 சதவீதமாக இருப்பதாக மத்திய புள்ளியியல் அலுவலகம் தெரிவித்துள்ளது.

 

 

India Trade balance

(Data courtesy: tradingeconomics.com)

 

நாட்டின் சில்லரை பணவீக்கம்(Retail Inflation) கடந்த மே மாதத்தில் 4.87 சதவீதமாக இருந்தது கவனிக்கத்தக்கது. மத்திய ரிசர்வ் வங்கியின் வட்டி விகிதம் 6.25 % அளவில் உள்ளது. வரும் ஆகஸ்ட் 1 ம் தேதி ரிசர்வ் வங்கியின் நிதி கொள்கை குழு கூட்டத்தில் வட்டி விகிதம் உயர்த்தப்படலாம் என எதிர்பார்க்கப்படுகிறது.

 

வாழ்க வளமுடன்,

 

நன்றி, வர்த்தக மதுரை

 

www.varthagamadurai.com

 

.