Tag Archives: small savings scheme interest rate

சிறு சேமிப்பு திட்டங்களுக்கான வட்டி விகிதம் – ஏப்ரல் 2021

சிறு சேமிப்பு திட்டங்களுக்கான வட்டி விகிதம் – ஏப்ரல் 2021

Small savings scheme interest rate for the Period – April to June 2021

சிறு சேமிப்பு திட்டங்களுக்கான வட்டி விகிதம் காலாண்டுக்கு ஒரு முறை மத்திய அரசால் அறிவிக்கப்பட்டு வருகிறது. அஞ்சலகங்கள் மற்றும் வங்கிகளில் காணப்படும் சேமிப்பு திட்டங்கள் பெரும்பாலும் சிறு சேமிப்பு திட்டங்களின் கீழ் தான் வருகிறது. கடந்த சில காலங்களாக சிறு சேமிப்புக்கான வட்டி விகிதம் குறைந்து வருவது கவனிக்கத்தக்கது.

2021-22ம் நிதியாண்டின் முதல் காலாண்டுக்கான வட்டி விகிதம் நேற்று(31-03-2021) அறிவிக்கப்பட்டுள்ளது. இந்த வட்டி விகித அறிவிப்பு நடப்பு ஏப்ரல் முதல் ஜூன் வரையிலான காலத்திற்கு பொருந்தும்.

சிறு சேமிப்பு கணக்கு, வைப்பு கால நிதி(Term Deposit), மாத வருவாய் திட்டம், தேசிய சேமிப்பு பத்திரம், மாதாந்திர சேமிப்பு திட்டம்(RD), மூத்த குடிமக்களுக்கான சேமிப்பு திட்டம், பொது வருங்கால வைப்பு நிதி(PPF), கிசான் விகாஸ் பத்திரம் மற்றும் பெண் குழந்தைகளுக்கான செல்வமகள் திட்டம் ஆகியவை மத்திய நிதி அமைச்சக சிறு சேமிப்பு திட்டத்தின் கீழ் வருபவை.

கடந்த புதன் கிழமையன்று பெரும்பாலான திட்டங்களின் வட்டி விகிதங்கள் குறைக்கப்பட்ட நிலையில்(அட்டவணையில் பார்க்க), மறுநாளே அந்த அறிவிப்பை மத்திய அரசு திரும்ப பெற்று கொண்டது குறிப்பிடத்தக்கது. ஏற்கனவே இருந்த (ஜனவரி-மார்ச் 2021) வட்டி விகிதமே ஏப்ரல் முதல் ஜூன் வரையிலான காலத்திற்கு தொடரும் எனவும் அரசு சார்பில் தெரிவிக்கப்பட்டுள்ளது.

small-savings-scheme-interest-rates-apr-2021
Small Saving Scheme Interest Rates

வெளியிட்ட அறிவிப்பை மத்திய அரசு திரும்ப பெற்றுக்கொண்டது பலருக்கு அதிசயமூட்டும் நிகழ்வாக இருந்தாலும், மாநில தேர்தலை காரணம் காட்டி இந்த நிகழ்வு நடந்திருக்கலாம் என பொருளாதார வல்லுநர்கள் தெரிவிக்கின்றனர். நாட்டின் மொத்த சிறு சேமிப்பு தொகையில்(Gross Collection) தமிழகம், மேற்கு வங்கம், அசாம் மற்றும் கேரளா ஆகிய மாநிலங்கள் மட்டும் 24 சதவீத பங்களிப்பை கொண்டுள்ளது.

2019-20ம் நிதியாண்டில் சிறு சேமிப்பு திட்டத்தின் மூலம் பெறப்பட்ட தொகை 8.46 லட்சம் கோடி ரூபாய். பெறப்பட்ட தொகையை கணக்கில் கொள்ளும் போது, மேற்கு வங்கத்தில் இருந்து சுமார் 15 சதவீத தொகை பெறப்பட்டுள்ளது. இரண்டாவது இடத்தில் உத்திர பிரதேசமும் மற்றும் மூன்றாவது இடத்தில் மகாராஷ்டிரா மாநிலமும் உள்ளது.

வாழ்க வளமுடன்,

நன்றி, வர்த்தக மதுரை 

www.varthagamadurai.com

சிறு சேமிப்பு திட்டங்களுக்கான ஜூலை மாத வட்டி விகிதங்கள் – 2019

சிறு சேமிப்பு திட்டங்களுக்கான ஜூலை மாத வட்டி விகிதங்கள் – 2019

Small Savings Scheme Interest rates for the Period – July to September 2019

 

அஞ்சலக மற்றும் வங்கிகளுக்கான சிறு சேமிப்பு திட்டங்களின்(Small Savings) ஜூலை – செப்டம்பர் மாத காலத்திற்கான வட்டி விகிதங்கள் மத்திய நிதி அமைச்சகத்தால் அறிவிக்கப்பட்டுள்ளது. கடந்த சில காலங்களாக சிறு சேமிப்புக்கான வட்டி விகிதங்கள் குறைக்கப்பட்டு வருவது கவனிக்கத்தக்கது.

 

கடந்த ஜனவரி-மார்ச் மற்றும் ஏப்ரல்-ஜூன் மாத கால வட்டி விகிதத்தில் மாற்றம் எதுவும் இல்லாத நிலையில், தற்போது 10 புள்ளிகள் (0.10) என்ற அளவில் வட்டி விகிதங்கள் குறைக்கப்பட்டுள்ளன. மூத்த குடிமக்களுக்கான(Senior Citizen) ஐந்து வருட சேமிப்பு திட்டத்தில் 8.70 சதவீதமாக இருந்த வட்டி விகிதம் தற்போது 8.60 சதவீதமாக குறைக்கப்பட்டுள்ளது.

//pagead2.googlesyndication.com/pagead/js/adsbygoogle.js

(adsbygoogle = window.adsbygoogle || []).push({});

ஏப்ரல்-மார்ச் காலாண்டில் 8 சதவீதமாக இருந்த தேசிய சேமிப்பு பத்திரம்(NSC), ஜூலை-செப்டம்பர் காலத்திற்கு 7.90 சதவீதமாக சொல்லப்பட்டுள்ளது. செல்வமகள்(Sukanya samriddhi) திட்டத்திலும் வட்டி விகிதம் 0.10 சதவீதம் குறைவாக உள்ளது. முன்னர் 8.50 சதவீதமாக காணப்பட்ட செல்வமகள் திட்டம் தற்போது 8.40 சதவீதமாக அமையும்.

Small Savings Interest Rate july 2019

 

குறைக்கப்பட்ட அஞ்சலக மற்றும் வங்கிகளுக்கான சிறு சேமிப்பு வட்டி விகிதங்கள் ஜூலை 1ம் தேதி முதல் அமலில்(July-Sep 2019) வரும். சிறு சேமிப்புக்கான வட்டி விகிதங்கள் மத்திய நிதி அமைச்சகத்தால்(Ministry of Finance) மூன்று மாதத்திற்கு ஒரு முறை மாற்றியமைக்கப்படும். எனவே, தற்போது அறிவிக்கப்பட்ட வட்டி விகிதங்கள் வரும் செப்டம்பர் மாதத்துடன் முடிவடையும்.

 

தொழிலாளர் வருங்கால வைப்பு நிதியில்(EPF) கடந்த முறை 8.65 % என்று இருந்த வட்டி விகிதம் இம்முறையும் தொடரும் என தெரிகிறது. 2015-16ம் நிதியாண்டில் 8.8 சதவீதமாக இருந்த வட்டி விகிதம், கடந்த 2018-19ம் நிதியாண்டில் 8.65 சதவீதமாக குறைந்து காணப்பட்டது.

 

சிறு சேமிப்பு திட்டத்தின் கீழ் சுமார் 9 லட்சம் கோடி ரூபாய்க்கு மேலான சேமிப்பு உள்ளதாகவும், தொழிலாளர் வருங்கால வைப்பு நிதி திட்டத்தில் ஆறு கோடிக்கும் மேலான சந்தாதாரர்கள் உள்ளதாக அமைச்சகத்தின் சார்பில் தெரிவிக்கப்பட்டுள்ளது.

 

வாழ்க வளமுடன்,

 

நன்றி, வர்த்தக மதுரை 

 

www.varthagamadurai.com